ಮನೆ ಮಂದಿಯ ಗೊರಕೆಯಿಂದ ನೀವು ದಣಿದಿದ್ದರೆ ಅವರಿಗೆ ಈ ಆರೈಕೆ ಮಾಡಿಸಿ...

Posted By: Divya
Subscribe to Boldsky

ರಾತ್ರಿ ನೆಮ್ಮದಿಯ ನಿದ್ರೆಯನ್ನು ಮಾಡಿ, ಒಂದಿಷ್ಟು ಆಯಾಸದಿಂದ ಮುಕ್ತಿ ಹೊಂದಬೇಕು ಎನ್ನುವ ಬಯಕೆಯಲ್ಲಿ ಇದ್ದಿರುತ್ತೇವೆ. ಆದರೆ ಪಕ್ಕದಲ್ಲಿ ಮಲಗಿರುವವರ ಗೊರಕೆಯಿಂದಾಗಿ ರಾತ್ರಿ ಇಡೀ ಜಾಗರಣೆ ಮಾಡುವ ಪರಿಸ್ಥಿತಿ ಬಂದಿರುತ್ತದೆ. ಇದು ಕೆಲವೊಮ್ಮೆ ಹಾಸ್ಯದ ವಿಷಯ ಎನಿಸುವಂತಿರುತ್ತದೆಯಾದರೂ, ಗೊರಕೆಯಿಂದ ನಿದ್ರೆ ಹಾಳಾಗಿರುವಾಗ ಮೈ ಮೇಲೆ ದೆವ್ವ ಬಂದಷ್ಟು ಸಿಟ್ಟು ಬಂದಿರುತ್ತದೆ. ಗೊರಕೆ ಯಾಕೆ ಬರುತ್ತದೆ? ಎನ್ನುವ ಪ್ರಶ್ನೆ ಒಂದಲ್ಲಾ ಒಂದು ಬಾರಿ ನಮ್ಮನ್ನು ಕಾಡಿರುತ್ತದೆ. ಅದಕ್ಕೆ ಸರಿಯಾದ ಉತ್ತರ ಸಿಗದೆ ಸುಮ್ಮನಾಗಿ ಬಿಟ್ಟಿರುತ್ತೇವೆ.

ನಿದ್ರೆ ಮಾಡುವ ಸಂದರ್ಭದಲ್ಲಿ ಉಸಿರಾಟ ಕ್ರಿಯೆಯಲ್ಲಿ ಅಡೆತಡೆ ಉಂಟಾದರೆ ಅಥವಾ ಮೂಗಿನಿಂದ ಗಾಳಿ ಹೊರಗಡೆ ಹೋಗಲು ಸಾಧ್ಯವಾಗದ ಸಂದರ್ಭದಲ್ಲಿ ಬಾಯಿಂದ ಗಾಳಿ ಚಲಿಸುತ್ತದೆ. ಈ ಕ್ರಿಯೆ ಏರ್ಪಟ್ಟಾಗ ಗೊರಕೆಯ ಶಬ್ದ ಉಂಟಾಗುವುದು. ವಾಯು ಅಂಗೀಕಾರದಿಂದ ಉಂಟಾಗುವ ಗೊರಕೆಯು ಆಯಾಸ ಮತ್ತು ಗಂಭೀರ ಆರೋಗ್ಯ ಸಮಸ್ಯೆಗೆ ಕಾರಣವಾಗಬಹುದು. ಒಂದು ಅಂದಾಜಿನ ಪ್ರಕಾರ ಸುಮಾರು 70%ರಷ್ಟು ಜನರಿಗೆ ನಿದ್ರೆಯಲ್ಲಿ ಪ್ರತಿಬಂಧಕ ಉಸುರುಗಟ್ಟುವಿಕೆಯ ಸಮಸ್ಯೆ ಇದೆ. ಇದರಿಂದ ಹೃದಯ ರೋಗವನ್ನು ಉಂಟುಮಾಡುವ ಸಾಧ್ಯತೆ ಇರುತ್ತದೆ. 

ಈ ಟ್ರಿಕ್ಸ್ ಅನುಸರಿಸಿ, ಗೊರಕೆ ಕಡಿಮೆಯಾಗಿ ಕಣ್ತುಂಬ ನಿದ್ದೆ ಬರುತ್ತೆ!

ದೊಡ್ಡ ತಲೆದಿಂಬನ್ನು ಬಳಸುವವರಿಗೆ, ನಿದ್ರೆ ಮಾತ್ರೆ ಸೇವನೆ ಮಾಡಿದರೆ, ಧೂಮಪಾನ ಮಾಡುವವರಿಗೆ ಮತ್ತು ಕೆಲವು ಔಷಧಗಳ ಸೇವನೆಯಿಂದ ಗಂಟಲಿನಲ್ಲಿ ಕಿರಿಕಿರಿ ಉಂಟಾಗುತ್ತದೆ. ಈ ಕಾರಣಗಳಿಂದಲೂ ಗೊರಕೆ ಉಂಟಾಗುವುದು. ದೇಹದಲ್ಲಿ ಅತಿಯಾದ ಕೊಬ್ಬಿನಂಶ ಇದ್ದರೂ ಈ ಸಮಸ್ಯೆ ಉಂಟಾಗುವುದು. ಇದರಿಂದ ಮುಕ್ತಿ ಹೊಂದಲು ಇರುವ ಸುಲಭ ಮಾರ್ಗಗಳು ಯಾವುದೆಂದು ತಿಳಿಯೋಣ ಬನ್ನಿ...

ಅರಿಶಿನ

ಅರಿಶಿನ

ಗೊರಕೆಗೆ ಗಂಟಲ ಮೇಲ್ಭಾಗ ಮತ್ತು ಮೂಗಿನ ಹಿಂದೆ ಕಟ್ಟಿಕೊಂಡಿರುವ ಕಫ ಪ್ರಮುಖ ಕಾರಣವಾಗಿದೆ. ಇದನ್ನು ನಿವಾರಿಸಲು ಅರಿಶಿನ ಒಂದು ಉತ್ತಮ ಆಯ್ಕೆಯಾಗಿದೆ. ಇದಕ್ಕಾಗಿ ಒಂದು ಲೋಟ ಬಿಸಿಹಾಲಿನಲ್ಲಿ ಒಂದು ಚಿಕ್ಕಚಮಚ ಅರಿಶಿನ ಕದಡಿ ಕುಡಿದು ಮಲಗಿ. ನಿಧಾನವಾಗಿ ಮೂಗು ಕಟ್ಟಿಕೊಂಡಿದ್ದುದು ತೆರೆದಂತೆ ಗೊರಕೆಯೂ ಕಡಿಮೆಯಾಗುತ್ತಾ ಹೋಗುತ್ತದೆ.

ಜೇನು

ಜೇನು

ಜೇನು ಗಂಟಲ ಒಳಭಾಗದಲ್ಲಿ ಕಟ್ಟಿಕೊಂಡಿರುವ ಕಫವನ್ನು ನಿವಾರಿಸಲು ಮತ್ತು ಊತವನ್ನು ಕಡಿಮೆಗೊಳಿಸಲು ನೆರವಾಗುತ್ತದೆ. ಇದು ಗೊರಕೆಯನ್ನು ಕಡಿಮೆಯಾಗಿಸಲು ಹೆಚ್ಚಿನ ನೆರವು ನೀಡುತ್ತದೆ. ಇದಕ್ಕಾಗಿ ಒಂದು ಲೋಟ ನೀರಿಗೆ ಒಂದು ದೊಡ್ಡಚಮಚ ಜೇನನ್ನು ಸೇರಿಸಿ ಮಲಗುವ ಮುನ್ನ ಕುಡಿಯಿರಿ.

ಮಲಗುವ ಭಂಗಿಯನ್ನು ಬದಲಿಸಿ

ಮಲಗುವ ಭಂಗಿಯನ್ನು ಬದಲಿಸಿ

ಬೆನ್ನು ಅಡಿಭಾಗದಲ್ಲಿ ಬರುವಂತೆ ಮಲಗಿದರೆ ಗಂಟಲಿನ ಮಾಂಸಖಂಡಗಳು ವಿಶ್ರಾಂತಿಯನ್ನು ಮಾಡುತ್ತದೆ. ಜೊತೆಗೆ ನಿದ್ರಿಸುವಾಗ ಕಂಪಿಸುವ ಧ್ವನಿ ಮಾಡುವುದರ ಮೂಲಕ ಗಾಳಿಹೋಗುವ ದಾರಿಯಲ್ಲಿ ಅಡೆತಡೆ ಉಂಟಾಗುತ್ತದೆ. ಆಗ ಗೊರಕೆ ಉಂಟಾಗುವುದು. ಈ ಸಂದರ್ಭದಲ್ಲಿ ಒಂದು ಮಗ್ಗಲಲ್ಲಿ ಮಲಗಬೇಕು. ಆಗ ಗೊರಕೆ ನಿಲ್ಲುವುದು.

ಕ್ಯಾಮೋಮೈಲ್ ಹೂವು

ಕ್ಯಾಮೋಮೈಲ್ ಹೂವು

ಕ್ಯಾಮೋಮೈಲ್ ಹೂವಿನ ಎಣ್ಣೆಯಲ್ಲಿ ಉರಿಯೂತ ನಿವಾರಕ ಗುಣಗಳಿರುವುದರಿಂದ ಗಂಟಲ ಹಿಂಭಾಗದ ಸ್ನಾಯುಗಳನ್ನು ಸಡಿಲಗೊಳಿಸಿ ನಿದ್ದೆಗೆ ಜಾರಲು ನೆರವಾಗುತ್ತದೆ. ಇದಕ್ಕಾಗಿ ಒಂದು ಲೋಟ ಬಿಸಿನೀರಿನಲ್ಲಿ ಕೆಲವು ಹನಿ ಕ್ಯಾಮೋಮೈಲ್ ಹೂವಿನ ಎಣ್ಣೆ ಮತ್ತು ಅಷ್ಟೇ ಪ್ರಮಾಣದ ಜೇನು ಸೇರಿಸಿ ರಾತ್ರಿ ಮಲಗುವ ಮುನ್ನ ಕುಡಿಯಿರಿ.

ದಿಂಬನ್ನು ಹಿಡಿದು ಮಲಗಿ

ದಿಂಬನ್ನು ಹಿಡಿದು ಮಲಗಿ

ಮಲಗುವಾಗ ನಿಮ್ಮ ತಲೆಯ ಕೆಳಗಿರುವ ದಿಂಬನ್ನು ಹಿಡಿದು ಮಲಗುವುದರಿಂದ ನಿಮ್ಮ ತಲೆಯು ಒಂದೇ ಮಾದರಿಯಲ್ಲಿರುತ್ತದೆ. ಉಸಿರಾಟ ಕ್ರಿಯೆಯಲ್ಲೂ ಅಡ್ಡಿ ಉಂಟಾಗದು ಗೊರಕೆಯೂ ಬರದು. ಇಲ್ಲವಾದರೆ ದೇಹವು ಒಂದೊಂದು ಮಾದರಿಯ ಬದಲಾವಣೆಯನ್ನು ಮಾಡುತ್ತಿದ್ದರೆ ಉಸಿರಾಟ ಕ್ರಿಯೆಯಲ್ಲಿ ವ್ಯತ್ಯಾಸ ಹೊಂದುತ್ತದೆ. ಜೊತೆಗೆ ಗೊರಕೆಯು ಆರಂಭವಾಗುವುದು.

ತೂಕ ಕಡಿಮೆಮಾಡಿಕೊಳ್ಳಿ

ತೂಕ ಕಡಿಮೆಮಾಡಿಕೊಳ್ಳಿ

ಗಂಟಲ ಹಿಂಬದಿಯಲ್ಲಿರುವ ಗಾಳಿ ರವಾನೆಯಾಗುವ ಸ್ಥಳವು ಕಿರಿದಾಗುವುದರಿಂದ ಗೊರಕೆ ಉಂಟಾಗುವುದು. ಇದು ಕತ್ತಿನ ಭಾಗದಲ್ಲಿ ಅತಿಯಾದ ಬೊಜ್ಜಿರುವವರಲ್ಲಿ ಹೆಚ್ಚೆಂದು ಹೇಳಬಹುದು. ಹಾಗಾಗಿ ದೇಹದ ತೂಕವನ್ನು ಆದಷ್ಟು ಕಡಿಮೆ ಮಾಡಿಕೊಂಡರೆ ಗೊರಕೆಯಿಂದ ಮುಕ್ತಿ ಹೊಂದಬಹುದು.

ಏಲಕ್ಕಿ

ಏಲಕ್ಕಿ

ಏಲಕ್ಕಿಯ ಪರಿಮಳವನ್ನು ಹೀರುವುದರಿಂದ ಮೂಗಿನ ಹೊಳ್ಳೆ ಕಟ್ಟಿಕೊಂಡಿರುವುದು, ಉಸಿರಾಟವನ್ನು ಸರಾಗಗೊಳಿಸುವುದು ಸಾಧ್ಯವಾಗುತ್ತದೆ. ಇದಕ್ಕಾಗಿ ಅರ್ಧ ಚಿಕ್ಕ ಚಮಚ ಏಲಕ್ಕಿಯನ್ನು ಒಂದು ಲೋಟ ನೀರಿನಲ್ಲಿ ಚೆನ್ನಾಗಿ ಕುದಿಸಿ ತಣಿಸಿ ರಾತ್ರಿ ಮಲಗುವ ಮುನ್ನ ಗಟಗಟನೇ ಕುಡಿದು ಮಲಗಿ.

ಅರಿಶಿನ ಮತ್ತು ಹಾಲು

ಅರಿಶಿನ ಮತ್ತು ಹಾಲು

ಹಾಲು ಮತ್ತು ಅರಿಶಿನದಲ್ಲಿ ಪ್ರತಿಜೀವಕ ಮತ್ತು ಆಂಟಿಸೆಪ್ಟಿಕ್ ಗುಣ ಇರುವುದರಿಂದ ಇವು ಗೊರಕೆಯನ್ನು ತಗ್ಗಿಸುತ್ತದೆ. ನಿತ್ಯವು ಮಲಗುವ ಮುನ್ನ ಒಂದು ಕಪ್ ಹಾಲಿಗೆ 2 ಚಮಚ ಅರಿಶಿನ ಪುಟಿ ಸೇರಿಸಿ ಸವಿದರೆ ಕೊರಕೆಯಿಂದ ಮುಕ್ತಿ ಹೊಂದಬಹುದು.

ವ್ಯಾಯಾಮ ಮಾಡಿ

ವ್ಯಾಯಾಮ ಮಾಡಿ

ಸೂಕ್ತ ರೀತಿಯ ವ್ಯಾಯಾಮ ಮಾಡುವುದರಿಂದ ನಾಲಿಗೆಯ ಸ್ನಾಯುಗಳ ಮೇಲೆ ಪರಿಣಾಮ ಬೀರುತ್ತದೆ. ಇದರೊಟ್ಟಿಗೆ ದೇಹದ ಎಲ್ಲಾ ಅಂಗಾಂಗಗಳಿಗೂ ಯೋಗ್ಯ ರೀತಿಯಲ್ಲಿ ವ್ಯಾಯಾಮವಾಗಿ, ದೇಹವು ಸ್ವಲ್ಪ ಸಡಿಲವಾದ ಅನುಭವ ಆಗುವುದು. ಉಸಿರಾಟ ಕ್ರಿಯೆಯೂ ಸುಗಮವಾಗುವುದು. ಗೊರಕೆಯು ನಿಲ್ಲುವುದು.

ಮೂಗಿನ ಹೊಳ್ಳೆಯನ್ನು ಸ್ವಚ್ಛಗೊಳಿಸಿ

ಮೂಗಿನ ಹೊಳ್ಳೆಯನ್ನು ಸ್ವಚ್ಛಗೊಳಿಸಿ

ಮೂಗಿನ ಮಾರ್ಗವನ್ನು ಸ್ವಚ್ಛವಾಗಿಡಲು ಪ್ರಯತ್ನಿಸಿ. ಹೀಗೆ ಮಾಡುವುದರಿಂದ ಬಾಯಲ್ಲಿ ಉಸಿರಾಡುವ ಬದಲು ಮೂಗಿನ ಮೂಲಕವೇ ಉಸಿರಾಡಲು ಅವಕಾಶವಿರುತ್ತದೆ. ಮಲಗುವ ಕೋಣೆಯಲ್ಲಿ ಧೂಳು, ಸಾಕು ಪ್ರಾಣಿಗಳ ವಾಸ ಇರದಂತೆ ನೋಡಿಕೊಳ್ಳಿ. ಆದಷ್ಟು ಮಲಗುವ ಹಾಸಿಗೆಯು ಸ್ವಚ್ಛವಾಗಿರುವಂತೆ ನೋಡಿಕೊಳ್ಳಿ. ಹೀಗೂ ಸಹ ಗೊರಕೆ ಬರುವುದನ್ನು ತಡೆಯಬಹುದು.

    English summary

    These Are The Best Ways That Can Help Prevent Snoring

    Snoring caused by a blockage of air passage can lead to fatigue and serious health problems. Nearly 70% of people who snore have obstructive sleep apnoea; and this could later make them run the risk of developing a heart disease.So, let's look into some of the easy ways to help prevent snoring.
    Story first published: Sunday, July 23, 2017, 23:41 [IST]
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more