ಅಧ್ಯಯನ ವರದಿ: ಉದ್ದಗಿನ ಜನರಿಗೆ ರಕ್ತ ಹೆಪ್ಪುಗಟ್ಟುವ ಅಪಾಯ ಹೆಚ್ಚಂತೆ!

ಉದ್ದವಿರುವ ವ್ಯಕ್ತಿಗಳ ರಕ್ತನಾಳಗಳಲ್ಲಿ ರಕ್ತಹೆಪ್ಪುಗಟ್ಟುವ ಅಪಾಯದ ಪ್ರಮಾಣ ಹೆಚ್ಚಿದೆ ಎಂದು ಎರಡು ದಶಲಕ್ಷ ಒಡಹುಟ್ಟಿದವರ ಮೇಲೆ ನಡೆಸಿರುವಂತಹ ಅಧ್ಯಯನಿಂದ ತಿಳಿದುಬಂದಿದೆ. ಸಿರೆಯ ಥ್ರಂಬೋಬಾಂಬಲಿಸಂ ಎನ್ನುವ ರಕ್ತನಾಳದಲ್ಲಿ ರಕ್ತಹೆಪ್ಪುಗಟ್ಟುವ ಸಮಸ್ಯೆಯು ಎತ್ತರಕ್ಕೆ ಸಂಬಂಧಿಸಿದ್ದಾಗಿದೆ ಎಂದು ಸ್ವೀಡನ್‌ನ ಲುಂಡ್ ಯೂನಿವರ್ಸಿಟಿಯ ಅಧ್ಯಯನಗಳು ಹೇಳಿವೆ.

ಕುಳ್ಳಗಿರುವ ಜನರಿಗೆ ಹೋಲಿಸಿದರೆ ಎತ್ತರವಿರುವ ಜನರಲ್ಲಿ ರಕ್ತನಾಳದಲ್ಲಿ ರಕ್ತಹೆಪ್ಪುಗಟ್ಟುವ ಸಮಸ್ಯೆ ಹೆಚ್ಚಾಗಿ ಕಂಡುಬರುವುದು. ಐದು ಅಡಿ ಮೂರು ಇಂಚಿಗಿಂತಲೂ ಕಡಿಮೆ ಎತ್ತರ ಇರುವಂತಹ ವ್ಯಕ್ತಿಗಳಲ್ಲಿ ರಕ್ತನಾಳದಲ್ಲಿ ರಕ್ತ ಹೆಪ್ಪುಗಟ್ಟುವ ಅಪಾಯವು, ಆರು ಅಡಿ ಎರಡು ಇಂಚು ಎತ್ತರ ಇರುವವರಿಗೆ ಹೋಲಿಸಿದರೆ ಶೇ.65ರಷ್ಟು ಕಡಿಮೆ ಇರುವುದು.

ಮಹಿಳೆಯರಲ್ಲಿ ಐದು ಅಡಿ ಒಂದು ಇಂಚಿಗಿಂತ ಕಡಿಮೆ ಎತ್ತರ ಇರುವಂತಹವರಲ್ಲಿ ಮತ್ತು ಮೊದಲ ಸಲ ಗರ್ಭಧರಿಸುತ್ತಾ ಇರುವವರಲ್ಲಿ, ಆರು ಅಡಿ ಮತ್ತು ಅದಕ್ಕಿಂತ ಎತ್ತರ ಇರುವ ಮಹಿಳೆಯರಿಗೆ ಹೋಲಿಸಿದರೆ ರಕ್ತನಾಳದಲ್ಲಿ ರಕ್ತ ಹೆಪ್ಪುಗಟ್ಟುವ ಅಪಾಯವು ಶೇ.69ರಷ್ಟು ಕಡಿಮೆಯಿದೆ ಎಂದು ಅಧ್ಯಯನಗಳು ಹೇಳಿವೆ. ಎತ್ತರದ ಬಗ್ಗೆ ನಾವು ಏನೂ ಮಾಡುವಂತಿಲ್ಲ.

ಎತ್ತರ ಇರುವ ಜನರ ಸಂಖ್ಯೆಯು ಹೆಚ್ಚಾಗುತ್ತಾ ಇದೆ. ಇದರಿಂದಾಗಿಯೇ ರಕ್ತನಾಳದಲ್ಲಿ ರಕ್ತ ಹೆಪ್ಪುಗಟ್ಟುವ ಅಪಾಯವು ಹೆಚ್ಚಿದೆ ಎಂದು ಲುಂಡ್ ಯೂನಿವರ್ಸಿಟಿಯ ಸಹಾಯಕ ಪ್ರೊಪೆಸರ್ ಬೆಂಗ್ಟ್ ಝೊಲ್ಲರ್ ಹೇಳಿದ್ದಾರೆ. ಈ ಅಧ್ಯಯನ ವರದಿಯು ಜರ್ನಲ್ ಸರ್ಕ್ಯುಲೇಷನ್: ಕಾರ್ಡಿಯೋವಾಸ್ಕ್ಯೂಲರ್ ಜೆನೆಟಿಕ್ಸ್‌ನಲ್ಲಿ ಪ್ರಕಟವಾಗಿದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.