ಹೊಟ್ಟೆ ನೋವು ನಿರ್ಲಕ್ಷಿಸಬೇಡಿ! ಇದರ ಹಿಂದಿದೆ ಭಯಾನಕ ಸಮಸ್ಯೆ!

ಎದೆಯುರಿ

ಒಂದು ವೇಳೆ ಯಾವುದೇ ಸಕಾರಣವಿಲ್ಲದೇ ಹೊಟ್ಟೆಯ ಮೇಲ್ಭಾಗದಲ್ಲಿ ಉರಿಯಾದಂತೆ ಅನ್ನಿಸಿದರೆ ತಕ್ಷಣವೇ ವೈದ್ಯರನ್ನು ಕಾಣಬೇಕು. ವಿಶೇಷವಾಗಿ ಇದರೊಂದಿಗೆ ತೂಕದಲ್ಲಿ ಇಳಿಕೆ, ಗಂಟಲಿನಲ್ಲಿ ಏನೋ ಸಿಕ್ಕಿಕೊಂಡಂತೆ ಅನ್ನಿಸಿವುದು, ಮಲವಿಸರ್ಜನೆಯ ವೇಳೆಯಲ್ಲಿ ರಕ್ತಸ್ರಾವ ಮೊದಲಾದವು ಪ್ರಮುಖ ತೊಂದರೆಯ ಮುನ್ಸೂಚನೆಯಾಗಿರುತ್ತವೆ.

ಹೊಟ್ಟೆಯ ನಡುಭಾಗದಲ್ಲಿ ನೋವು

ಕರುಳುವಾಲ ಅಥವಾ ಅಪೆಂಡಿಕ್ಸ್ ತೊಂದರೆ ಇರುವವರಿಗೆ ಈ ನೋವು ಆಗಾಗ ಕಾಡುತ್ತಿರುತ್ತದೆ. ಈ ನೋವು ಹೊಕ್ಕುಳ ಹತ್ತಿರ ಹೆಚ್ಚಾಗಿರುತ್ತದೆ. ಪಿತ್ತಕೋಶದಲ್ಲಿ ತೊಂದರೆ ಇದ್ದರೆ ಹೊಟ್ಟೆಯ ನಡುಭಾಗದ ಕೊಂಚ ಮೇಲೆ ನೋವಾಗುತ್ತದೆ. ಈ ನೋವು ಬೆನ್ನಿನ ಬಳಿಯೂ ಕಾಣಿಸಿಕೊಳ್ಳಬಹುದು.

ಮಲಬದ್ಧತೆ

ಕೆಲವೊಮ್ಮೆ ಮಲಬದ್ಧತೆ ಆಹಾರದಲ್ಲಿ ನಾರಿನ ಕೊರತೆಯ ಹೊರತಾಗಿಯೂ ಬೇರೆ ಕಾರಣಗಳಿಂದಾಗಿ ಎದುರಾಗಿರಬಹುದು. ಥೈರಾಯ್ಡ್ ಗ್ರಂಥಿಯ ತೊಂದರೆ, ಕರುಳಿನ ಒಳಭಾಗದಲ್ಲಿ ಗೀರುಗಳಾಗಿರುವುದು, ಗಂಟುಗಳಾಗಿರುವುದು, IBS ಅಥವಾ ಸಣ್ಣ ಕರುಳಿನಲ್ಲಿ ಉರಿ, ಕೆಲವು ಔಷಧಿಗಳ ಅಡ್ಡಪರಿಣಾಮಗಳಿಂದಾಗಿಯೂ ಮಲಬದ್ಧತೆ ಎದುರಾಗಿರಬಹುದು.

ಅತಿಸಾರ

ಅತಿಸಾರದ ಮೂಲಕ ದೇಹದಲ್ಲಿ ಅತಿ ಹೆಚ್ಚು ನೀರಿನ ಕೊರತೆಯುಂಟಾಗುತ್ತದೆ. ಒಂದು ವೇಳೆ ಈ ಕೆಳಗಿನವುಗಳಲ್ಲಿ ಯಾವುದೊಂದು ಕಂಡುಬಂದರೂ ತಕ್ಷಣ ವೈದ್ಯರನ್ನು ಕಾಣುವುದು ಅನಿವಾರ್ಯವಾಗಿದೆ: ಎರಡು ದಿನಕ್ಕೂ ಹೆಚ್ಚು ಕಾಲ ಕಾಡುವ ಅತಿಸಾರ, 102 ಡಿಗ್ರಿ ಫ್ಯಾರನ್ ಹೈಟ್ ಗಿಂತಲೂ ಕೊಂಚ ಹೆಚ್ಚು ಜ್ವರ, ಆಗಾಗ ವಾಂತಿಯಾಗುವುದು, ಒಂದು ದಿನದ ಅವಧಿಯಲ್ಲಿ ಆರು ಬಾರಿ ಅಥವಾ ಇದಕ್ಕೂ ಹೆಚ್ಚು ಬಾರಿ ಶೌಚಾಲಯಕ್ಕೆ ಹೋಗಬೇಕಾಗಿ ಬಂದರೆ, ಮಲದ್ವಾರದವಲ್ಲಿ ಅಥವಾ ಕೆಳಹೊಟ್ಟೆಯಲ್ಲಿ ನೋವು ಕಂಡುಬಂದರೆ ಇತ್ಯಾದಿ.

ನಿಯಂತ್ರಣಕ್ಕೆ ಬರದ ಹೊಟ್ಟೆಯುಬ್ಬರಿಕೆ ಹಾಗೂ ವಾಯುಪ್ರಕೋಪ

ಒಂದು ವೇಳೆ ಈ ತೊಂದರೆಗಳಿಂದ ನಿಮ್ಮ ನಿತ್ಯದ ಕೆಲಸಗಳೇ ಬಾಧೆಗೊಳಗಾದರೆ ತಕ್ಷಣ ಕರುಳುತಜ್ಞರನ್ನು ಭೇಟಿಯಾಗಬೇಕು. ಇದು IBS ಅಥವಾ ಸಣ್ಣ ಕರುಳಿನಲ್ಲಿ ಉರಿಯ ಸೂಚನೆಯಾಗಿರಬಹುದು.

ಕಾಳಜಿಯ ಅಗತ್ಯವಿರುವ ಇತರ ಸೂಚನೆಗಳು

ಒಂದು ವೇಳೆ ಹೊಟ್ಟೆನೋವಿನ ಜೊತೆಗೇ ಕೊಂಚ ಜ್ವರವೂ ಇದ್ದರೆ ಇದಕ್ಕೆ ಚಿಕ್ಕ ಕರುಳಿನ ಒಳಗಿನ ಉರಿಯೂತ ಅಥವಾ Crohn's disease, ದೊಡ್ಡ ಕರುಳಿನ ಒಳಗಿನ ಉರಿಯೂತ ಅಥವಾ ulcerative colitis, ಕರುಳು ಹುಣ್ಣು, ಖಿನ್ನತೆ, ಗ್ಲುಟೆನ್ ನಿರೋಧಿಸುವ ಗುಣದ ಮೂಲಕ ಎದುರಾಗುವ coeliac disease ಮೊದಲಾದವು ಕಾರಣವಾಗಿರಬಹುದು. ಇದರೊಂದಿಗೆ ವಾಂತಿ, ಹಸಿವಿಲ್ಲದಿರುವುದು ಮೊದಲಾದವು ಕಂಡುಬಂದರೆ ತಕ್ಷಣ ವೈದ್ಯರನ್ನು ಕಾಣವುದು ಅಗತ್ಯವಾಗಿದೆ.