ಸಾಮಾನ್ಯ ಈರುಳ್ಳಿ v/s ಸಾಂಬಾರ್ ಈರುಳ್ಳಿ-ಯಾವುದು ಆರೋಗ್ಯಕಾರಿ?

ಪೋಷಕಾಂಶಗಳ ವಿವರ

ಕ್ಯಾಲೋರಿಗಳು: ಬಿಳಿ ಹಾಗೂ ಕೆಂಪು ಈರುಳ್ಳಿಯಲ್ಲಿ ಕ್ಯಾಲೋರಿಗಳು ಕಡಿಮೆ ಇವೆ. ನೂರು ಗ್ರಾಂ ನಷ್ಟು ಕೆಂಪು ಹಸಿ ಈರುಳ್ಳಿಯಲ್ಲಿ ಕೇವಲ ಮೂವತ್ತೇಳು ಕ್ಯಾಲೋರಿಗಳಿದ್ದರೆ ಬಿಳಿ ಈರುಳ್ಳಿಯಲ್ಲಿ ನಲವತ್ತೆರಡು ಹಾಗೂ ಸಾಂಬಾರ್ ಈರುಳ್ಳಿಯಲ್ಲಿ ಎಪ್ಪತ್ತೆರಡು ಕ್ಯಾಲೋರಿಗಳಿವೆ.

ಕರಗುವ ನಾರು

ಪ್ರತಿ ನೂರು ಗ್ರಾಂ ಕೆಂಪು ಈರುಳ್ಳಿಯಲ್ಲಿ ಹನ್ನೆರಡು ಗ್ರಾಂ, ಬಿಳಿ ಈರುಳ್ಳಿಯಲ್ಲಿ ಹತ್ತು ಗ್ರಾಂ ಹಾಗೂ ಸಾಂಬಾರ್ ಈರುಳ್ಳಿಯಲ್ಲಿ ಕೇವಲ ಐದು ಗ್ರಾಂ ಇದೆ.

ಸಮೃದ್ಧ ಪೋಷಕಾಂಶಗಳ ಆಗರ - ಬಿಳಿ ಈರುಳ್ಳಿ

ವಿಟಮಿನ್ ಸಿ

ಬಿಳಿ ಹಾಗೂ ಕೆಂಪು ಈರುಳ್ಳಿ ಎರಡರಲ್ಲಿಯೂ ಉತ್ತಮ ಪ್ರಮಾಣದ ವಿಟಮಿನ್ ಸಿ ಇದ್ದು ನಿತ್ಯದ ಅಗತ್ಯದ ಶೇಖಡಾ ಹತ್ತರಷ್ಟು ಪ್ರಮಾಣವನ್ನು ಪೂರೈಸುತ್ತದೆ. ಆದರೆ ಸಾಂಬಾರ್ ಈರುಳ್ಳಿಯಲ್ಲಿ ವಿಟಮಿನ್ ಸಿ ಇಲ್ಲವೇ ಇಲ್ಲ.

ಬಿಳಿ ಹಾಗೂ ಕೆಂಪು ಈರುಳ್ಳಿ

ಬಿಳಿ ಹಾಗೂ ಕೆಂಪು ಈರುಳ್ಳಿ ಎರಡರಲ್ಲಿಯೂ ಕ್ವೆರ್ಸಟಿನ್ ಎಂಬ ಫ್ಲೇವನಾಯ್ಡುಗಳಿವೆ. ಇವು ಕ್ಯಾನ್ಸರ್ ನಿರೋಧಕ ಹಾಗೂ ಉರಿಯೂತ ನಿವಾರಕ ಗುಣಗಳನ್ನು ಹೊಂದಿವೆ.

ದಿನಕ್ಕೊಂದು ಹಸಿ ಈರುಳ್ಳಿ ತಿಂದರೆ, ಆರೋಗ್ಯಕ್ಕೆ ಹತ್ತಾರು ಲಾಭ!

ಸಾಂಬಾರ್ ಈರುಳ್ಳಿಯಲ್ಲಿ....

ಆದರೆ ಸಾಂಬಾರ್ ಈರುಳ್ಳಿಯಲ್ಲಿ ಆಲಿಸಿನ್ ಎಂಬ ಆಂಟಿ ಆಕ್ಸಿಡೆಂಟು ಇದ್ದು ಕೆಟ್ಟ ಕೊಲೆಸ್ಟ್ರಾಲ್ ಕಡಿಮೆ ಮಾಡುವ ಗುಣ ಹೊಂದಿದೆ. ಅಲ್ಲದೇ ಇದರಲ್ಲಿ ಗಂಧಕದ ಅಂಶವೂ ಇದ್ದು ಸಾಂಬಾರಿಗೆ ವಿಶಿಷ್ಟ ರುಚಿ ಹಾಗೂ ಪರಿಮಳವನ್ನು ನೀಡುವ ಕಾರಣಕ್ಕೇ ಇದಕ್ಕೆ ಸಾಂಬಾರ್ ಎಂಬ ಗುಣವಿಶೇಷಣ ಪದವನ್ನು ಸೇರಿಸಲಾಗಿದೆ.

ಕ್ಯಾಲ್ಸಿಯಂ

ಕೆಂಪು ಈರುಳ್ಳಿಯಲ್ಲಿ ಹೆಚ್ಚಿನ ಪ್ರಮಾಣದ ಕ್ಯಾಲ್ಸಿಯಂ ಇದೆ. ಆದರೆ ಬಿಳಿ ಮತ್ತು ಸಾಂಬಾರ್ ಈರುಳ್ಳಿಗಳಲ್ಲಿ ಕ್ಯಾಲ್ಸಿಯಂ ಇಲ್ಲವೇ ಇಲ್ಲ. ಆದ್ದರಿಂದ ಕೆಂಪು ಈರುಳ್ಳಿಯನ್ನು ಹಸಿಯಾಗಿ ತಿನ್ನುವುದು ಹೆಚ್ಚು ಪ್ರಯೋಜನಕಾರಿಯಾಗಿದೆ.

ಕಣ್ಣಿನ ದೃಷ್ಟಿ ಉತ್ತಮಗೊಳ್ಳಲು ಸಾಂಬಾರ್ ಈರುಳ್ಳಿ ಸಹಕಾರಿ

ನೂರು ಗ್ರಾಂ ಸಾಂಬಾರ್ ಈರುಳ್ಳಿಯಲ್ಲಿ 1190 IU ವಿಟಮಿನ್ ಎ ಇದೆ. ಆದರೆ ಬಿಳಿ ಹಾಗೂ ಕೆಂಪು ಈರುಳ್ಳಿ ಎರಡರಲ್ಲಿಯೂ ವಿಟಮಿನ್ ಎ ಇಲ್ಲ. ಹಾಗಾಗಿ ಕಣ್ಣಿನ ದೃಷ್ಟಿ ಉತ್ತಮಗೊಳ್ಳಲು ಸಾಂಬಾರ್ ಈರುಳ್ಳಿ ಸಹಕಾರಿಯಾಗಿದೆ.

ಕಬ್ಬಿಣ

ಕೆಂಪು ಈರುಳ್ಳಿಯಲ್ಲಿ ಉತ್ತಮ ಪ್ರಮಾಣದ ಕಬ್ಬಿಣವಿದೆ. ಆದರೆ ಬಿಳಿ ಹಾಗೂ ಸಾಂಬಾರ್ ಈರುಳ್ಳಿಯಲ್ಲಿ ಕಬ್ಬಿಣ ಇಲ್ಲ.