ವೈದ್ಯರೇ ನಿದ್ರೆ ಮಾಡದಿದ್ದರೆ? ಅವರ ಆರೋಗ್ಯದ ಗತಿಯೇನು?

ಆಯಾಸ

ನಿದ್ರಾಹೀನತೆಯೊಂದಿಗೆ ಕೆಲಸದ ಅತಿಯಾದ ಒತ್ತಡವು ದೈಹಿಕ ಹಾಗೂ ಮಾನಸಿಕ ಆರೋಗ್ಯದ ಮೇಲೆ ಪರಿಣಾಮ ಬೀರಬಹುದು. ಕೆಲಸದ ಸಮಯಕ್ಕೆ ಯಾವುದೇ ಮಿತಿ ಇಲ್ಲದೆ ಇರುವ ಕಾರಣದಿಂದಾಗಿ ಹೆಚ್ಚಿನ ವೈದ್ಯರು ಒತ್ತಡಕ್ಕೆ ಒಳಗಾಗುತ್ತಾರೆ. ಇದರಿಂದ ನಿಶ್ಯಕ್ತಿ ಕಾಡುತ್ತದೆ. ನಿಶ್ಯಕ್ತಿಯಿಂದ ದೇಹದ ಚಯಾಪಚಾಯ ಕ್ರಿಯೆಯು ನಿಧಾನವಾಗುವುದು ಮತ್ತು ಇತರ ಹಲವಾರು ಆರೋಗ್ಯ ಸಮಸ್ಯೆಗಳನ್ನು ಉಂಟು ಮಾಡುವುದು.

ಪ್ರಯಾಣದ ನಂತರ ಕಾಡುವ ಮೈ ಕೈ ನೋವಿಗೆ ಮನೆಮದ್ದು

ನಿರ್ಧಾರ ತೆಗೆದುಕೊಳ್ಳುವ ಶಕ್ತಿ ಕುಂದುವುದು

ನಿದ್ರೆಯು ಆ ದಿನದ ಆಯಾಸವನ್ನೆಲ್ಲಾ ದೂರಮಾಡಿ ಮರುದಿನಕ್ಕೆ ಮೆದುಳನ್ನು ತಯಾರಿ ಮಾಡುತ್ತದೆ. ಇದರಿಂದ ಕಲಿಯುವ ಮತ್ತು ಸಮಸ್ಯೆ ನಿವಾರಿಸುವ ಸಾಮರ್ಥ್ಯ ಹೆಚ್ಚುವುದು. ನಿದ್ರೆಯ ಕೊರತೆಯು ಮನಸ್ಸನ್ನು ಕೇಂದ್ರೀಕರಿಸುವ ಶಕ್ತಿ ಕಡಿಮೆ ಮಾಡುವುದು. ಇದರಿಂದ ನಿರ್ಧಾರಗಳು ಸರಿಯಾಗಿ ಬರದೇ ಇರಬಹುದು.

ನೆನಪು ಕಡಿಮೆಯಾಗಬಹುದು

ನೆನಪು ಎನ್ನುವುದು ಕಲಿಯುವ, ಸಂಸ್ಕರಣೆ ಮತ್ತು ನೆನಪಿಸಿಕೊಳ್ಳುವುದನ್ನು ಒಳಗೊಂಡಿದೆ. ಈ ಮೂರು ಹಂತದಲ್ಲಿ ನಿದ್ರೆಯ ವೇಳೆ ಸಂಸ್ಕರಣೆಯು ನಡೆಯುತ್ತಾ ಇರುತ್ತೆ. ಘಟನೆಗಳನ್ನು ಸಂಸ್ಕರಣೆ ಮಾಡುವ ಮೆದುಳು ನೆನಪಿನ ಶಕ್ತಿಯನ್ನು ಬಲಗೊಳಿಸುವುದು. ನಿದ್ರೆಯ ಕೊರತೆಯು ಇದರ ಮೇಲೆ ಪರಿಣಾಮ ಬೀರಬಹುದು. ಕಲಿಯುವುದು ಮತ್ತು ಅನುಭವವು ವೈಧ್ಯರಿಗೆ ಅತೀ ಅಗತ್ಯ. ಇದರಿಂದ ವೈದ್ಯರಿಗೆ ಸರಿಯಾದ ನಿದ್ರೆ ಬೇಕೇಬೇಕು.

ಇದು ನೆನಪಿನ ಶಕ್ತಿಯನ್ನೇ ಕುಗ್ಗಿಸುವ ಖತರ್ನಾಕ್ ಕಾಯಿಲೆ!

ಅವಘಡಗಳ ಅಪಾಯ

ನಿದ್ರೆಯು ದೇಹ ಹಾಗೂ ಮೆದುಳಿನ ನಡುವೆ ಸರಿಯಾದ ಸಂಯೋಜನೆಯನ್ನು ಉಂಟು ಮಾಡುತ್ತದೆ. ಮೆದುಳು ಸಂದೇಶಗಳನ್ನು ಬೇಗನೆ ಹಾಗೂ ಕ್ಷಿಪ್ರವಾಗಿ ಪಡೆಯುವಂತೆ ನಿದ್ರೆಯು ತಯಾರುಗೊಳಿಸುತ್ತದೆ. ನಿದ್ರಾ ಹೀನತೆಗೆ ಒಳಗಾಗಿರುವ ವ್ಯಕ್ತಿಯ ಮನಸ್ಥಿತಿಯು ಕುಡಿದ ವ್ಯಕ್ತಿಯ ಮನಸ್ಥಿತಿಗೆ ಸಮಾನವಾಗಿರುತ್ತದೆ. ರೋಗಿಗಳ ಶಸ್ತ್ರಚಿಕಿತ್ಸೆ ಮುಂತಾದ ವಿಚಾರಗಳು ತುಂಬಾ ಸೂಕ್ಷ್ಮವಾಗಿರುವ ಹಿನ್ನೆಲೆಯಲ್ಲಿ ವೈದ್ಯರಿಗೆ ಸರಿಯಾದ ನಿದ್ರೆ ಅತೀ ಅಗತ್ಯ.

ಪ್ರತಿರೋಧಕ ಶಕ್ತಿ ಕುಂದುವುದು

ನಿದ್ರೆಯು ಬೆಳವಣಿಗೆಗೆ ಕಾರಣವಾಗುತ್ತದೆ. ಪ್ರತಿರೋಧಕ ವ್ಯವಸ್ಥೆಗೆ ಶಕ್ತಿ ನೀಡಬಲ್ಲ ಹಾರ್ಮೋನುಗಳನ್ನು ಇದು ಪ್ರಚೋದಿಸುತ್ತದೆ ಮತ್ತು ಹಾನಿಗೊಳಗಾದ ಕೋಶಗಳನ್ನು ಸರಿಪಡಿಸುವುದು. ನಿದ್ರಾಹೀನತೆಯಿಂದಾಗಿ ಟಿ-ಕೋಶದ ಮಟ್ಟವು ಕಡಿಮೆಯಾಗಬಹುದು. ಪ್ರತಿದಿನವೂ ಸೂಕ್ಷ್ಮಾಣುಜೀವಿ ಮತ್ತು ಕೀಟಾಣುಗಳನ್ನು ಎದುರಿಸುವಂತಹ ವೈದ್ಯರಿಗೆ ಒಳ್ಳೆಯ ಪ್ರತಿರೋಧಕ ಶಕ್ತಿ ಬೇಕೇಬೇಕು. ಇದಕ್ಕಾಗಿ ಅವರಿಗೆ ಸರಿಯಾದ ನಿದ್ರೆಯ ಅಗತ್ಯವೂ ಇದೆ.

ಅಧಿಕ ರಕ್ತದೊತ್ತಡ

ನಿದ್ರೆಯು ಹೃದಯ ಮತ್ತು ರಕ್ತದನಾಳಗಳನ್ನು ಸರಿಪಡಿಸುವ ಕೆಲಸ ಮಾಡುತ್ತದೆ. ನಿದ್ರಾಹೀನತೆಯಿಂದಾಗಿ ಹೃದಯದ ಕಾಯಿಲೆ, ಅಧಿಕ ರಕ್ತದೊತ್ತಡ ಮತ್ತು ಪಾರ್ಶ್ವವಾಯು ಉಂಟಾಗಬಹುದು. ನಿದ್ರೆ ಕಡಿಮೆಯಾದಷ್ಟು ಸಿ-ರಿಆ್ಯಕ್ಟಿವ್ ಪ್ರೋಟೀನ್ ಮಟ್ಟವು ಹೆಚ್ಚಾಗುವುದು. ಇದು ಉರಿಯೂತ ಮತ್ತು ಹೃದಯದ ಕಾಯಿಲೆಗಳಲ್ಲಿ ಪ್ರಮುಖ ಪಾತ್ರ ನಿರ್ವಹಿಸುತ್ತದೆ.

ಅಧಿಕ ರಕ್ತದೊತ್ತಡವೇ? ನಿಯಂತ್ರಿಸಲು ಏಲಕ್ಕಿಯೇ ಸಾಕು!