ಅರೆ ಬೆಣ್ಣೆ ದೋಸೆ ಕೇಳಿದ್ದೇವೆ, ಆದರೆ ಇದೇನಿದು ಬೆಣ್ಣೆ ಟೀ?

ಶಕ್ತಿಯನ್ನು ಹೆಚ್ಚಿಸುತ್ತದೆ

ಈ ಟೀ ಕುಡಿಯುವ ಪ್ರಮುಖ ಉದ್ದೇಶವೆಂದರೆ ದೇಹದಲ್ಲಿ ಶಕ್ತಿಯನ್ನು ಹೆಚ್ಚಿಸುವುದು. ಬೆಣ್ಣೆಯ ಕೊಬ್ಬು ಮತ್ತು ಟೀ ಯಲ್ಲಿರುವ ಕೆಫೀನ್ ಎರಡೂ ಕೈಜೋಡಿಸಿದಾಗ ತಕ್ಷಣದ ಶಕ್ತಿ ದೇಹಕ್ಕೆ ದೊರಕುತ್ತದೆ.

ಮೆದುಳು ಹೆಚ್ಚು ಚುರುಕಾಗುತ್ತದೆ

ಈ ಪೇಯದಲ್ಲಿರುವ ಆಂಟಿ ಆಕ್ಸಿಡೆಂಟುಗಳು ದೇಹಕ್ಕೆ ಹಾನಿ ಎಸಗುವ ಫ್ರೀ ರ್‍ಯಾಡಿಕಲ್ ಎಂಬ ಕಣಗಳ ಪ್ರಭಾವವನ್ನು ಕಡಿಮೆಗೊಳಿಸಿ ಆರೋಗ್ಯವನ್ನು ಮರುಕಳಿಸಲು ನೆರವಾಗುತ್ತವೆ. ವಿಶೇಷವಾಗಿ ಈ ಕಣಗಳು ವಯಸ್ಸಿನೊಂದಿಗೇ ಮೆದುಳಿನ ಕ್ಷಮತೆ ಕಡಿಮೆಯಾಗಿಸುತ್ತವೆ. ಈ ತೊಂದರೆಯನ್ನು ಸರಿಪಡಿಸಲು ಈ ಟೀ ಯನ್ನು ನಿತ್ಯವೂ ಕುಡಿಯುವುದು ಒಂದು ಪರಿಹಾರವಾಗಿದೆ.

ಜೀರ್ಣಕ್ರಿಯೆಯನ್ನು ಉತ್ತಮಗೊಳಿಸುತ್ತದೆ

ಹೊಟ್ಟೆ ಉಬ್ಬರಿಕೆಯಿಂದ ತೊಂದರೆ ಎದುರಾಗಿದ್ದರೆ ಈ ಟೀ ಕುಡಿಯುವ ಮೂಲಕ ತಕ್ಷಣ ಪರಿಹಾರ ದೊರಕುತ್ತದೆ. ಹುಳಿತೇಗು, ಹೊಟ್ಟೆಯಲ್ಲಿ ಆಮ್ಲೀಯತೆ ಮೊದಲಾದ ತೊಂದರೆಗಳನ್ನೂ ನಿವಾರಿಸಿ ಜೀರ್ಣಕ್ರಿಯೆಯನ್ನು ಸರಳಗೊಳಿಸುತ್ತದೆ ಹಾಗೂ ಆಹಾರದಿಂದ ಹೆಚ್ಚು ಪೋಷಕಾಂಶಗಳನ್ನು ಹೀರಿಕೊಳ್ಳಲು ನೆರವಾಗುತ್ತದೆ.

ತೂಕ ಇಳಿಸಲು ನೆರವಾಗುತ್ತದೆಯೇ?

ತೂಕ ಇಳಿಸಲು ಇದು ಪ್ರತ್ಯಕ್ಷವಾಗಿ ಅಲ್ಲದಿದ್ದರೂ ಪರೋಕ್ಷವಾಗಿ ನೆರವಾಗುತ್ತದೆ. ಈ ಟೀ ಕುಡಿದ ಬಳಿಕ ಹೊತ್ತಲ್ಲದ ಹೊತ್ತಿನಲ್ಲಿ ಹಸಿವಾಗದೇ ಸಿದ್ಧ ಆಹಾರಗಳನ್ನು ತಿನ್ನದೇ ಇರಲು ಸಾಧ್ಯವಾಗುತ್ತದೆ. ಇದು ಜೀವ ರಾಸಾಯನಿಕ ಕ್ರಿಯೆಯನ್ನು ಉತ್ತಮಗೊಳಿಸುತ್ತದೆ ಹಾಗೂ ಇಡಿಯ ದಿನ ಹೊಟ್ಟೆ ತುಂಬಿದಂತೆ ಇರಿಸಲು ನೆರವಾಗುತ್ತದೆ.

ತೂಕ ಇಳಿಸಲು ನೆರವಾಗುತ್ತದೆಯೇ?

ಕೆಲವರಿಗೆ ಮಧ್ಯಾಹ್ನದ ಊಟಕ್ಕೂ ಮುನ್ನವೇ ತುಂಬಾ ಹಸಿವಾಗುತ್ತದೆ. ಈ ವ್ಯಕ್ತಿಗಳು ಬೇರೆ ಆಹಾರವನ್ನು ಸೇವಿಸುವ ಬದಲು ಈ ಟೀ ಕುಡಿದರೆ ಇದರಲ್ಲಿರುವ ಬೆಣ್ಣೆ ಹೊಟ್ಟೆ ತುಂಬಿದಂತಾಗಿಸಿ ಅನಗತ್ಯವಾಗಿ ಹೆಚ್ಚಿನ ಆಹಾರ ಅಥವಾ ಮಧ್ಯಾಹ್ನದ ಊಟದಲ್ಲಿ ಹೆಚ್ಚು ಪ್ರಮಾಣ ಸೇವಿಸುವುದನ್ನು ತಡೆದಂತಾಗುತ್ತದೆ.

ಇದು ಹೃದಯಕ್ಕೆ ಒಳ್ಳೆಯದೇ?

ಬೆಣ್ಣೆಯಲ್ಲಿರುವ ಕೊಲೆಸ್ಟ್ರಾಲ್ ಆರೋಗ್ಯಕ್ಕೆ ಕೆಟ್ಟದು ಹೌದು, ಆದರೆ ಹೆಚ್ಚಿನ ಪ್ರಮಾಣದಲ್ಲಿ ಸೇವಿಸಿದಾಗ. ಆದರೆ ದಿನಕ್ಕೊಂದು ಲೋಟ ಬೆಣ್ಣೆಯ ಟೀ ಕುಡಿದರೆ ಇದರಲ್ಲಿ ಬೆರೆಸಲಾದ ಒಂದು ಚಿಕ್ಕ ಚಮಚ ಬೆಣ್ಣೆಯಲ್ಲಿರುವ ಲಿನೋಲಿಕ್ ಆಮ್ಲ ರಕ್ತದಲ್ಲಿನ ಕೆಟ್ಟ ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡಬಲ್ಲುದು.

ಮಲಬದ್ಧತೆಯಿಂದ ಬಳಲುತ್ತಿದ್ದೀರಾ?

ಮಲಬದ್ಧತೆ ಕಡಿಮೆಯಾಗಲು ಆಹಾರದಲ್ಲಿ ನಾರಿನ ಅಂಶ ಹೆಚ್ಚಿರುವುದು ಅಗತ್ಯ ಎಂದು ನಾವೆಲ್ಲಾ ತಿಳಿದುಕೊಂಡಿದ್ದೇವೆ. ಆದರೆ ಮಲಬದ್ಧತೆ ಕಡಿಮೆಗೊಳಿಸಲು ಕೊಂಬ ಬೆಣ್ಣೆಯೂ ಸಹಕಾರಿಯಾಗಿದೆ. ಬೆಣ್ಣೆ ಉತ್ತಮ ಜಾರುಕವಾಗಿದ್ದು ಕರುಳುಗಳಲ್ಲಿ ಗಟ್ಟಿಯಾಗಿದ್ದ ಕಲ್ಮಶಗಳು ಸುಲಭವಾಗಿ ಜಾರಲು ನೆರವಾಗುತ್ತದೆ.

ಮಧುಮೇಹಿಗಳಿಗೆ ಉತ್ತಮವೇ?

ಬೆಣ್ಣೆಯ ಟೀ ಕುಡಿಯುವ ಮೂಲಕ ರಕ್ತದಲ್ಲಿ ಸಕ್ಕರೆಯ ಪ್ರಮಾಣವನ್ನು ನಿಯಂತ್ರಿಸಬಹುದು. ಬೆಣ್ಣೆಯಲ್ಲಿರುವ ಲಿನೋಲಿಕ್ ಆಮ್ಲ ಈ ಕೆಲಸವನ್ನು ನಿರ್ವಹಿಸುತ್ತದೆ. ಒಂದು ವೇಳೆ ನೀವು ಮಧುಮೇಹಿಯಾಗಿದ್ದರೆ ಈ ಟೀಯನ್ನು ನಿಯಮಿತವಾಗಿ ಸೇವಿಸುವ ಬಗ್ಗೆ ನಿಮ್ಮ ವೈದ್ಯರ ಸಲಹೆ ಪಡೆದೇ ಮುಂದುವರೆಯಿರಿ.

ಬೆಣ್ಣೆಯ ಟೀ ಆರೋಗ್ಯಕರವೇ?

ಹೌದು, ಆದರೆ ನಿಯಮಿತ ಪ್ರಮಾಣದಲ್ಲಿ ಕುಡಿದರೆ ಮಾತ್ರ. ಒಂದು ವೇಳೆ ನಿಮ್ಮ ನಿತ್ಯದ ಚಟುವಟಿಕೆಯಲ್ಲಿ ಸಾಕಷ್ಟು ವ್ಯಾಯಾಮವಿಲ್ಲದಿದ್ದರೆ, ರಕ್ತದಲ್ಲಿ ಕೊಲೆಸ್ಟ್ರಾಲ್ ಮಟ್ಟ ಹೆಚ್ಚಾಗಿದ್ದರೆ ಅಥವಾ ಸ್ಥೂಲಕಾಯದವರಾಗಿದ್ದರೆ ಈ ಟೀ ಸೇವನೆ ಬೇಡ. ಅಲ್ಲದೇ ಈ ಟೀಯಲ್ಲಿ ಹೆಚ್ಚಿನ ಪ್ರಮಾಣದ ಕೆಫೀನ್ ಮತ್ತು ಉಪ್ಪು ಸಹಾ ಇರುವುದರಿಂದ ದಿನಕ್ಕೊಂದು ಲೋಟಕ್ಕಿಂತ ಹೆಚ್ಚು ಕುಡಿಯುವುದು ಆರೋಗ್ಯಕರವಲ್ಲ.