ಸೊಳ್ಳೆಯಿಂದ ಹರಡುವ ಇನ್ನೊಂದು ಭಯಾನಕ ರೋಗ 'ಝಿಕಾ'

ಸೊಳ್ಳೆ ಕಡಿತ

ಝಿಕಾ ಸೋಂಕು ಸೊಳ್ಳೆ ಕಡಿತದಿಂದ ಹರಡುತ್ತದೆ. ಏಡಿಸ್ ಈಜಿಪ್ತಿ ಎನ್ನುವ ಸೋಂಕಿತ ಹೆಣ್ಣು ಸೊಳ್ಳೆಯಿಂದ ಈ ರೋಗ ಹರಡುವುದು. ಚಿಕನ್‍ಗುನ್ಯಾ, ಡೆಂಗ್ಯೂ, ಮತ್ತು ಕಾಮಲೆಯ ಜ್ವರದಂತೆ ಇದು ಕಾಡುತ್ತದೆ.

ಲೈಂಗಿಕತೆ

ಇದು ಲೈಂಗಿಕತೆಯ ಮೂಲಕವೂ ಹರಡಬಲ್ಲದು. ವೀರ್ಯ, ರಕ್ತ, ಮೂತ್ರ, ಲವಣ, ಮೆದುಳು ಮತ್ತು ಬೆನ್ನುಹುರಿಗಳಲ್ಲಿ ಕಂಡು ಬರುವ ದೇಹ ದ್ರವಗಳಲ್ಲಿ ಝಿಕಾ ವೈರಸ್‍ಅನ್ನು ಪತ್ತೆಹಚ್ಚಲಾಗಿದೆ. ಗರ್ಭಾವಸ್ಥೆಯಲ್ಲಿ ತಾಯಿಗೆ ಈ ಸೋಂಕು ತಗುಲಿದರೆ ಮಗುವಿಗೂ ಹರಡುವುದು ಎನ್ನಲಾಗುತ್ತದೆ.

ರಕ್ತದಾನ

ರಕ್ತ ಪಡೆಯುವುದರಿಂದಲೂ ಈ ಸೋಂಕು ಹರಡುವುದು. ಸೋಂಕಿತ ವ್ಯಕ್ತಿಯ ರಕ್ತದಲ್ಲಿ ಈ ವೈರಸ್ ಇರುತ್ತದೆ. ಹಾಗಾಗಿ ರಕ್ತ ಪಡೆಯುವ ಮೊದಲು ಸೂಕ್ತ ರೀತಿಯ ರಕ್ತ ಪರೀಕ್ಷೆ ಮಾಡಿಯೇ ಪಡೆಯಬೇಕು. ಈ ವಿಚಾರವಾಗಿ ಇನ್ನೂ ತನಿಖಾ ಅಧ್ಯಯನಗಳು ನಡೆಯುತ್ತಿವೆ.

ಝಿಕಾ ವೈರಸ್‍ನ ಲಕ್ಷಣಗಳು

ಈ ಸೋಂಕು ತಗುಲಿದ ಮೇಲೆ ಸಣ್ಣ ಜ್ವರ, ದದ್ದುಗಳು, ಸ್ನಾಯು ನೋವು, ಸಂಧಿಗಳ ನೋವು, ತಲೆನೋವು ಹಾಗೂ ಹೆಚ್ಚಿನ ಆಯಾಸ ಉಂಟಾಗುವುದು. ಈ ರೋಗ ಲಕ್ಷಣಗಳು ಅಧಿಕ ಅವಧಿಯವರೆಗೂ ಇರುವ ಸಾಧ್ಯತೆ ಇರುತ್ತದೆ. ಸ್ಥಳೀಯ ದೇಶಗಳ ಪ್ರವಾಸ ಕೈಗೊಳ್ಳುವಾಗ ಅಧಿಕ ಮುಂಜಾಗ್ರತೆ ವಹಿಸಬೇಕಾಗುವುದು. ಇಲ್ಲವಾದರೆ ಅಲ್ಲಿಯ ಪರಿಸರದಿಂದಲೂ ಸೋಂಕು ತಗುಲಬಹುದು.