Just In
- 30 min ago ಹನುಮಂತನ ಪವಾಡ: ಈ ದೇವಾಲಯದಲ್ಲಿ ಹನುಮಾನ್ ಮೂರ್ತಿ ವರ್ಷದಿಂದ ವರ್ಷಕ್ಕೆ ಎತ್ತರ ಬೆಳೆಯುತ್ತಿದೆ!
- 2 hrs ago ತಾವರೆಯ ಬೀಜವನ್ನು ಹಾಲಿನ ಜೊತೆ ಸೇವಿಸಿದರೆ ಇಷ್ಟೆಲ್ಲಾ ಪ್ರಯೋಜನಗಳಿವೆ ಗೊತ್ತಾ?
- 2 hrs ago ಗಂಡು ಎಂದು ಸಾಕಿದ್ದ ನೀರು ಕುದುರೆ 7 ವರ್ಷದ ಬಳಿಕ ಹೆಣ್ಣಾಗಿತ್ತು..! ಝೂನಲ್ಲಿ ಅಚ್ಚರಿ..!
- 4 hrs ago ಬೆಳ್ಳುಳ್ಳಿ ಕಬಾಬ್ ಅಂದುಕೊಂಡ್ರಾ? ಇದು ಚಿಕನ್ ರುಚಿಯ ಹೂವಿನ ಫ್ರೈ..!
Don't Miss
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Automobiles ಪ್ರಸಿದ್ಧ ಪುಣ್ಯಕ್ಷೇತ್ರ ಶೃಂಗೇರಿ ಶಾರದಾಂಬಾ ದರ್ಶನಕ್ಕೆ ತೆರಳಬೇಕೇ.. ಹಾಗಾದರೆ ಈ ಸ್ಟೋರಿ ನೋಡಿ
- News ಮೀಸಲಾತಿ ಅಸ್ತ್ರ ಪ್ರಯೋಗಿಸಿದ ಮೋದಿ; ಮುಸ್ಲಿಂ ಸಮುದಾಯಕ್ಕೆ 4% ಮೀಸಲಾತಿ: ಸಿದ್ದರಾಮಯ್ಯ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Technology Qubo InstaView ವಿಡಿಯೋ ಡೋರ್ ಫೋನ್ ಲಾಂಚ್!..ಬೆಲೆ ಎಷ್ಟು, ಫೀಚರ್ಸ್ ಏನಿವೆ?
- Movies ತಮನ್ನಾ ಪಾಲಿಗೆ 'ದುಬಾರಿ' ಆಯಿತು 'ಪ್ರಚಾರ' ; ಮಿಲ್ಕಿ ಬ್ಯೂಟಿಯನ್ನ ವಿಚಾರಣೆಗೆ ಕರೆದ ಸೈಬರ್ ಇಲಾಖೆ..!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಈ ಪ್ರಬಲ ರಾಸಾಯನಿಕಗಳು ಪುರುಷರ ಆರೋಗ್ಯಕ್ಕೆ ಬಹಳ ಡೇಂಜರ್!!
ಯಾವ ರಾಸಾಯನಿಕಗಳು ಅತಿ ಹೆಚ್ಚು ಅಪಾಯಕಾರಿ? ಈ ಪ್ರಶ್ನೆಗೆ ಉತ್ತರ ಅಷ್ಟು ಸುಲಭವಲ್ಲ. ಏಕೆಂದರೆ ವಿವಿಧ ಜೀವಿಗಳಿಗೆ ರಾಸಾಯನಿಕಗಳು ವಿವಿಧ ರೀತಿಯಲ್ಲಿ ಹಾನಿಯನ್ನು ಎಸಗುತ್ತವೆ. ಪುರುಷರನ್ನು ಪರಿಗಣಿಸಿದಾಗ ಕೆಲವು ರಾಸಾಯನಿಕಗಳು ಇತರರಿಗಿಂತ ಭಿನ್ನವಾಗಿ ತಮ್ಮ ಪ್ರಭಾವವನ್ನು ಬೀರುತ್ತವೆ. ಕೆಲವು ವಿಷಕಾರಿ ರಾಸಾಯನಿಕಗಳು ಆಹಾರ ಸರಪಳಿಯ ಮೂಲಕ ದೇಹವನ್ನು ಪ್ರವೇಶಿಸಬಹುದು.
ನಾವು ಸೇವಿಸುವ ಕೆಲವು ರಾಸಾಯನಿಕಗಳು ಸೇವಿಸಿದ ಆಹಾರಕ್ಕಿಂತಲೂ ಹೆಚ್ಚು ಘಾಸಿಯುಂಟುಮಾಡಬಹುದು. ಕೆಲವು ರಾಸಾಯನಿಕಗಳು ಪುರುಷರಿಗೆ ಮೀಸಲಾಗಿರುವ ಟೆಸ್ಟೋಸ್ಟೆರಾನ್ ಎಂಬ ರಸದೂತದ ಉತ್ಪಾದನೆಯ ಮೇಲೆ ಪರಿಣಾಮ ಬೀರುವ ಮೂಲಕ ದೇಹದ ಆರೋಗ್ಯವನ್ನು ಏರುಪೇರು ಮಾಡಬಹುದು.
ಪುರುಷರ ಆಕರ್ಷಕ ಮೈಕಟ್ಟಿಗೆ ಸತ್ವಯುತ ಆಹಾರ
ಅಷ್ಟೇ ಅಲ್ಲ, ಕೆಲವು ರಾಸಾಯನಿಕಗಳು ವಿಶೇಷವಾಗಿ ನಿರ್ನಾಳಗ್ರಂಥಿಯು ಸ್ರವಿಸುವ ಪದಾರ್ಥವಾದ ಎಂಡೋಕ್ರೈನ್ ಎಂಬ ವ್ಯವಸ್ಥೆಯ ಮೇಲೂ ಪ್ರಭಾವ ಬೀರಬಹುದು. ಕೆಲವು ಸಂಶೋಧನೆಗಳಲ್ಲಿ ಕಂಡುಕೊಂಡಂತೆ ಪುರುಷರ ದೇಹದಲ್ಲಿರುವ ರಾಸಾಯನಿಕ ಹಾಗೂ ಕಡಿಮೆ ಫಲವತ್ತತೆಗೆ ನಿಕಟವಾದ ಸಂಭಂಧವಿದೆ. ಇಂದು ಮಾರುಕಟ್ಟೆಯಲ್ಲಿ ಸಿದ್ಧ ಆಹಾರಗಳು ಕೆಡದಂತೆ ಸೇರಿಸುವ ಕೃತಕ ರಾಸಾಯನಿಕಗಳಿಗೂ ಈ ಗುಣವಿರುವ ಕಾರಣ ಸಿದ್ಧ ಆಹಾರಗಳ ಬದಲಿಗೆ ನೈಸರ್ಗಿಕ ಆಹಾರಗಳನ್ನು ಸೇವಿಸುವುದೇ ಇಂದಿನ ಅಗತ್ಯವಾಗಿದೆ. ಕೆಲವು ಸಂರಕ್ಷಕಗಳಂತೂ ಪುರುಷರ ಸಂತಾನೋತ್ಪತ್ತಿಯ ಶಕ್ತಿಯನ್ನೇ ಕುಂದಿಸಿಬಿಡುತ್ತವೆ ಹಾಗೂ ಆರೋಗ್ಯಕರ ವೀರ್ಯಾಣುಗಳ ಸಂಖ್ಯೆಯನ್ನೂ ಕಡಿಮೆ ಮಾಡುತ್ತವೆ. ಇದರ ಹೊರತಾಗಿ ಪುರುಷರು ಇತರ ತೊಂದರೆಗಳೂ ಎದುರಾಗಬಹುದು. ಬನ್ನಿ, ಪುರುಷರಿಗೆ ಮಾರಕವಾಗಿರುವ ಈ ರಾಸಾಯನಿಕಗಳು ಯಾವುವು ಎಂಬುದನ್ನು ನೋಡೋಣ...
ಥಾಲೇಟ್ (Phthalate)
ಈ ರಾಸಾಯನಿಕದ ಪ್ರಭಾವದಿಂದ ಭ್ರೂಣದಲ್ಲಿ incomplete testicular descent ಅಥವಾ ವೃಷಣದ ಚೀಲದಲ್ಲಿ ಒಂದು ವೃಷಣ ಕಡಿಮೆ ಗಾತ್ರದಾಗಿರುವುದು ಕಂಡುಬರುತ್ತದೆ. ಈ ರಾಸಾಯನಿಕ ವಿನೈಲ್ ಫ್ಲೋರಿಂಗ್, ಡಿಟರ್ಜೆಂಟ್ ಪೌಡರ್, ವಾಹನದ ತಯಾರಿಕೆಯಲ್ಲಿ ಬಳಸಲಾಗುವ ಪ್ಲಾಸ್ಟಿಕ್, ಸೋಪು, ಶಾಂಪೂ, ಸುಗಂಧದ್ರವ್ಯಗಳು, ಕೂದಲ ಸ್ಪ್ರೇ, ಆಹಾರವಸ್ತುಗಳನ್ನು ಪ್ಯಾಕ್ ಮಾಡುವ ವಸ್ತುಗಳು ಇತ್ಯಾದಿಗಳಲ್ಲಿ ಕಂಡುಬರುತ್ತದೆ.
ಬೈಸ್ಫೆನಾಲ್ ಎ (Bisphenol A)
ಇದು ಹಲವು ಸಾಮಾನ್ಯ ಬಳಕೆಯ ಪ್ಲಾಸ್ಟಿಕ್ ನಲ್ಲಿ ಬಳಸಲಾಗುತ್ತದೆ. ಇವುಗಳಲ್ಲಿ ಪ್ರಮುಖವಾದವು ಮರುಬಳಸಲಾಗುವ ಪ್ಲಾಸ್ಟಿಕ್ ನೀರಿನ ಬಾಟಲಿಗಳು, ಆಹಾರವನ್ನು ಬಿಸಿಮಾಡುವ ಪ್ಲಾಸ್ಟಿಕ್ ಅಥವಾ ಗಾಜಿನ ಪಾತ್ರೆಗಳ ಅಂಚುಗಳಿಂದ ದ್ರವ ಸೋರದಂತೆ ಬಳಸುವ ಲೈನರ್ ರಬ್ಬರುಗಳಲ್ಲಿ ಬಳಸಲಾಗುತ್ತದೆ. ಈ ವಸ್ತುಗಳಿಗೆ ಅಂಟಿದ ಆಹಾರವನ್ನು ಸೇವಿಸಿದ ಮಹಿಳೆಯರ ಗರ್ಭದಲ್ಲಿ ಬೆಳೆಯುತ್ತಿರುವ ಮಗುವಿನ ಬೆಳವಣಿಗೆಗೆ ಅಡ್ಡಿಪಡಿಸುತ್ತದೆ.
ಪರ್ಪ್ಲ್ಯೂರೋ ಆಕ್ಟಾನೋಯಿಕ್ ಆಮ್ಲ (Perflurooctanoic Acid (PFOA))
ಇದು ಸಾಮಾನ್ಯವಾಗಿ ಜಾರುಕವಾಗಿ ಬಳಸಲಾಗುವ ಗ್ರೀಸ್ ಹಾಗೂ ನೀರು ತಗಲದಂತೆ ಸಿಂಪಡಿಸಲು ಬಳಸಲಾಗುವ ಟೆಫ್ಲಾನ್ ಹಾಗೂ ಗೋರ್-ಟೆಕ್ಸ್ ಮೊದಲಾದ ಉತ್ಪನ್ನಗಳಲ್ಲಿ ಬಳಸಲಾಗುತ್ತದೆ. ಈ ರಾಸಾಯನಿಕ ಕ್ಯಾನ್ಸರ್ ಗೆ ಕಾರಣವಾಗಬಹುದು.
ಮೀಥಾಕ್ಸಿಕ್ಲೋರ್ ಹಾಗೂ ವಿಂಕ್ಲೀಜಿನ್ (Methoxychlor And Vinclozin)
ಇವು ಕ್ರಮವಾಗಿ ಕೀಟನಾಶಕ ಹಾಗೂ ಶಿಲೀಂಧ್ರನಾಶಕ ರಾಸಾಯನಿಕಗಳಲ್ಲಿ ಬಳಸಲ್ಪಡುತ್ತವೆ. ಈ ರಾಸಾಯನಿಕಗಳನ್ನು ಗಂಡು ಇಲಿಗಳ ಮೇಲೆ ನಡೆಸಿದ ಸಂಶೋಧನೆಯಲ್ಲಿ ಕಂಡುಕೊಂಡಂತೆ ಆ ಇಲಿಗಳ ಸಹಿತ ಮುಂದಿನ ನಾಲ್ಕು ತಲೆಮಾರುಗಳವರೆಗೆ ಈ ರಾಸಾಯನಿಕ ಬದಲಾವಣೆಯನ್ನು ಉಂಟುಮಾಡಿದೆ.
ನೋನೈಲ್ ಫಿನಾಲ್ ಇಥೋಕ್ಸೈಲೇಟ್ಸ್ (Nonylphenol Ethoxylates)
ಈ ರಾಸಾಯನಿಕಗಳು endocrine disruptors ಅಥವಾ ಎಂಡೋಕ್ರೈನ್ ವ್ಯವಸ್ಥೆಯನ್ನು ಏರುಪೇರಾಗಿಸುವ ಗುಣ ಹೊಂದಿದ್ದು ಇದರ ಪರಿಣಾಮವಾಗಿ ಕೆಲವು ವಂಶವಾಹಿ ಸೂಚನೆಗಳಲ್ಲಿ ಕೆಲವು ನಿರ್ಧಿಷ್ಟ ಬದಲಾವಣೆ ಮಾಡುವ ಮೂಲಕ ದೇಹದಿಂದ ಹೊರಸೂಸುವ ಗ್ರಂಥಿಗಳಾದ ಕಣ್ಣೀರು, ಬೆವರು ಮೊದಲಾದ ಗ್ರಂಥಿಗಳ ಕಾರ್ಯವ್ಯವಸ್ಥೆಯನ್ನೇ ಬದಲಿಸಿಬಿಡುತ್ತದೆ.
ಬೋವೈನ್ ಬೆಳವಣಿಗೆ ಹಾರ್ಮೋನು
ಈ ರಾಸಾಯನಿಕ ಸಾಮಾನ್ಯವಾಗಿ ಮಾರುಕಟ್ಟೆಯಲ್ಲಿ ಬಹುಪ್ರಮಾಣದಲ್ಲಿ ದೊರಕುವ ಡೈರಿ ಉತ್ಪನ್ನಗಳಲ್ಲಿ ಬಳಸಲಾಗುತ್ತದೆ. ಇದರ ಸೇವನೆಯಿಂದ ಸೂಕ್ತ ವಯಸ್ಸಿಗೂ ಮುನ್ನವೇ ಹದಿಹರೆಯದ ಲಕ್ಷಣಗಳು ಕಾಣತೊಡಗುತ್ತವೆ. ಇದು ವಿಶೇಷವಾಗಿ ಪುರುಷರಲ್ಲಿ ನಂಪುಸಕತ್ವ ಮೂಡಿಸುವ ಕ್ಷಮತೆ ಹೊಂದಿದ್ದು ಈ ರಾಸಾಯನಿಕವಿರುವ ಆಹಾರವಸ್ತುಗಳನ್ನು ಸೇವಿಸಲೇಬಾರದು.
ಆಸ್ಬೆಸ್ಟಾಸ್
ಕಟ್ಟಡಗಳಲ್ಲಿ ಹೊರಗಿನ ತಾಪಮಾನ ಒಳಬರದಂತೆ ತಡೆಯಲು ಬಳಸಲಾಗುವ ಆವಾಹಕ ವಸ್ತುಗಳಲ್ಲಿ ಈ ರಾಸಾಯನಿಕವನ್ನು ಬಳಸಲಾಗುತ್ತದೆ. ಈ ರಾಸಾಯನಿಕಗಳು ಶ್ವಾಸಕೋಶದ ಅಂಚುಗಳಲ್ಲಿ ಎದುರಾಗುವ ಕ್ಯಾನ್ಸರ್ (mesothelioma) ಉಂಟುಮಾಡಲು ಕಾರಣವಾಗಬಹುದು. ಮನೆಯ ಮೇಲ್ಛಾವಣಿಗೆ ಉಪಯೋಗಿಸುವ ಆಸ್ಪೆಸ್ಟಾಸ್ ಶೀಟುಗಳಿಂದಲೂ ಈ ರಾಸಾಯನಿಕ ಸೂಸುತ್ತಿದ್ದು ಇದರ ಸೇವನೆಯಿಂದ ಆರೋಗ್ಯ ಏರುಪೇರಾಗುವುದು.
ಫ್ಲ್ರೋರೈಡ್
ಈ ರಾಸಾಯನಿಕದ ಪ್ರಭಾವದಿಂದ ಫಲವತ್ತತೆ ಕಡಿಮೆಯಾಗುವುದು, ವೀರ್ಯಾಣುಗಳ ಸಂಖ್ಯೆ ಕಡಿಮೆಯಾಗುವುದು ಕಂಡುಬರುತ್ತದೆ. ಇದು ಪುರುಷರಲ್ಲಿ ನಪುಂಸಕತ್ವ ಉಂಟುಮಾಡುವ ಸಾಧ್ಯತೆ ಹೆಚ್ಚಿಸುತ್ತದೆ.
ಸೋಯಾ ಉತ್ಪನ್ನಗಳು
ಸೋಯಾ ಅವರೆಗಳನ್ನು ಬಳಸಿ ಉತ್ಪಾದಿಸಿದ ಉತ್ಪನ್ನಗಳನ್ನು ಸೇವಿಸುವ ಮೂಲಕ ಪುರುಷರಲ್ಲಿ ಫಲವತ್ತತೆಯಲ್ಲಿ ಪ್ರಭಾವವುಂಟುಮಾಡಬಹುದು. ಆದ್ದರಿಂದ ಪುರುಷರು ಈ ಉತ್ಪನ್ನಗಳ ಸೇವನೆಯನ್ನು ಕನಿಷ್ಟ ಪ್ರಮಾಣಕ್ಕೆ ಇಳಿಸಬೇಕು ಅಥವಾ ವರ್ಜಿಸಬೇಕು.
ಮೋಸೋಸೋಡಿಯಂ ಗ್ಲುಟಮೇಟ್ (MSG)
ವಿಶೇಷವಾಗಿ ಮಸಾಲೆಯುಕ್ತ ಆಹಾರಗಳಲ್ಲಿ ರುಚಿಬರಲೆಂದು ಸೇರಿಸುವ ಈ ರಸಾಯನಿಕ ಪುರುಷರ ಫಲವತ್ತತೆಯನ್ನು ಕಡಿಮೆಗೊಳಿಸಬಹುದು. ಇದು ಸಂಸ್ಕರಿತ ಆಹಾರ ಹಾಗೂ ಕೃತಕ ಆಹಾರಗಳಲ್ಲಿಯೂ ಕಂಡುಬರುತ್ತದೆ.