ಅಡುಗೆಮನೆಯ ಶುಂಠಿ: ಮೂರ್ತಿ ಚಿಕ್ಕದಾದರೂ, ಕೀರ್ತಿ ದೊಡ್ಡದು!

ದೇಹದಲ್ಲಿ ಬೊಜ್ಜು ಬಂದರೆ ಅದನ್ನು ಕರಗಿಸುವುದು ಹಿಮಾಲಯವನ್ನು ಏರಿದಷ್ಟೇ ಕಠಿಣ ಕೆಲಸವಾಗಿದೆ. ಬೊಜ್ಜು ದೇಹದ ರೂಪವನ್ನೇ ಕೆಡಿಸುವುದು ಮಾತ್ರವಲ್ಲದೆ ಹಲವಾರು ರೀತಿಯ ಆರೋಗ್ಯ ಸಮಸ್ಯೆಗಳನ್ನು ಉಂಟು ಮಾಡುತ್ತದೆ. ಇದರಿಂದ ಬೊಜ್ಜು ಕರಗಿಸುವುದು ಅತೀ ಅಗತ್ಯವಾಗಿದೆ. ಬೊಜ್ಜು ಬರುವ ಮೊದಲೇ ಕ್ರಮ ತೆಗೆದುಕೊಂಡರೆ ತುಂಬಾ ಒಳ್ಳೆಯದು. ಆದರೆ ಫಾಸ್ಟ್ ಫುಡ್ ಯುಗದಲ್ಲಿ ಬೊಜ್ಜು ಹೆಚ್ಚಿನವರಿಗೆ ಕಟ್ಟಿಟ್ಟ ಬುತ್ತಿಯಾಗಿದೆ. ಬೊಜ್ಜು ಕರಗಿಸಲು ವ್ಯಾಯಾಮ ಪ್ರಮುಖ ಅಂಗವಾಗಿದೆ.

ವ್ಯಾಯಾಮವಿಲ್ಲದೆ ಇದ್ದರೆ ಯಾವುದೇ ಮದ್ದು ತೆಗೆದುಕೊಂಡರೂ ಬೊಜ್ಜು ಕರಗದು. ಬೊಜ್ಜು ನಿವಾರಿಸಲು ಕೆಲವೊಂದು ಮನೆಮದ್ದುಗಳು ತುಂಬಾ ಪರಿಣಾಮಕಾರಿ. ಅದರಲ್ಲೂ ಶುಂಠಿಯ ನೀವು ಬೊಜ್ಜನ್ನು ಕರಗಿಸುವ ಪ್ರಮುಖ ಮನೆಮದ್ದಾಗಿದೆ. ಸುಲಭವಾಗಿ ಕೈಗೆಟಕುವ ಶುಂಠಿಯು ಬೊಜ್ಜನ್ನು ಕೆಲವೇ ದಿನಗಳಲ್ಲಿ ಕಡಿಮೆ ಮಾಡಲಿದೆ. ಇಷ್ಟು ಮಾತ್ರವಲ್ಲದೆ ಊತ, ಗಂಟುನೋವು ಮತ್ತು ಉರಿಯೂತವನ್ನು ಕಡಿಮೆ ಮಾಡಲಿದೆ. ಇದನ್ನೂ ಓದಿ - ಡೊಳ್ಳು ಹೊಟ್ಟೆ ಕರಗಿಸಲು-ಬಾಳೆ ಹಣ್ಣು+ಶುಂಠಿ ಸಾಕು!

ಕ್ಯಾನ್ಸರ್ ಬರುವ ಸಾಧ್ಯತೆಯನ್ನು ಕೂಡ ಶುಂಠಿ ನೀರು ಕಡಿಮೆ ಮಾಡಲಿದೆ. ಇದು ದೇಹದಲ್ಲಿ ಫ್ರೀರ್ಯಾಡಿಕಲ್ ಅನ್ನು ಕಡಿಮೆ ಮಾಡಿ ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡುತ್ತದೆ. ಇದು ರಕ್ತವನ್ನು ತೆಳು ಮಾಡಿ ರಕ್ತಸಂಚಾರವನ್ನು ಸುಗಮಗೊಳಿಸುವುದು. ಶುಂಠಿ ನೀರಿನಿಂದ ಬೊಜ್ಜನ್ನು ಹೇಗೆ ಕರಗಿಸಬಹುದು ಎಂದು ತಿಳಿಯಲು ಮುಂದಕ್ಕೆ ಓದಿ...

ಬೇಕಾಗುವ ಸಾಮಗ್ರಿಗಳು
*ಶುಂಠಿ (ಸುಮಾರು ಒಂದಿಂಚಿನಷ್ಟು ದೊಡ್ಡ ಹಸಿಶುಂಠಿಯನ್ನು ಸಿಪ್ಪೆ ಸುಲಿದು ಚಿಕ್ಕದಾಗಿ ಹೆಚ್ಚಿ. ಅಂದರೆ ಹೆಚ್ಚಿದ ಬಳಿಕ ಇದು ಒಂದು ದೊಡ್ಡ ಚಮಚಕ್ಕೆ ಕಡಿಮೆ ಇರಬಾರದು)
*ಸರಿಸುಮಾರು ಎರಡು ಲೀಟರ್ ನೀರು

ತಯಾರಿಸುವ ವಿಧಾನ
*ನೀರನ್ನು ಚೆನ್ನಾಗಿ ಕುದಿಸಿಕೊಂಡು ತುಂಡು ಮಾಡಿರುವ ಶುಂಠಿಯನ್ನು ಅದಕ್ಕೆ ಹಾಕಿ. ತದನಂತರ ಇದನ್ನು ಕುದಿಸಿದ ಬಳಿಕ ತೆಗೆದು ಶುಂಠಿಯನ್ನು ರುಬ್ಬಿಕೊಳ್ಳಿ. ಶುಂಠಿಯ ನೀರನ್ನು ತೆಗೆಯಿರಿ. ಈಗ ಅದು ಕುಡಿಯಲು ತಯಾರಾಗಿದೆ.
*ಶುಂಠಿ ನೀರು ಕೊಬ್ಬನ್ನು ಕರಗಿಸುವುದು ಮಾತ್ರವಲ್ಲದೆ ಕೊಲೆಸ್ಟ್ರಾಲ್ ಅನ್ನು ನಿಯಂತ್ರಿಸಿ, ಕ್ಯಾನ್ಸರ್ ವಿರುದ್ಧ ಕೂಡ ಹೋರಾಡುವುದು

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.