ಖತರ್ನಾಕ್ 'ಅಪೆಂಡಿಕ್ಸ್‌' ರೋಗವನ್ನು ನಿಯಂತ್ರಿಸುವ ಮನೆಮದ್ದುಗಳು

ಉಗುರು ಬೆಚ್ಚಗಿನ ಬಿಸಿ ನೀರು

ಅಪೆಂಡಿಕ್ಸ್‌ನ ಚಿಕಿತ್ಸೆಗೆ ಉಗುರು ಬೆಚ್ಚಗಿನ ಬಿಸಿ ನೀರು ಪ್ರಮುಖಪಾತ್ರ ವಹಿಸಲಿದೆ. ಬಿಸಿ ನೀರು ರೋಗಿಯ ಸಂಪೂರ್ಣ ಆರೋಗ್ಯದ ಮೇಲೆ ಪರಿಣಾಮ ಬೀರುವುದರೊಂದಿಗೆ ಕರುಳನ್ನು ಸ್ವಚ್ಛಗೊಳಿಸುತ್ತದೆ. ಕರುಳಿನಲ್ಲಿ ವಿಷ ತುಂಬಿರುವ ಕಾರಣದಿಂದ ಕರುಳಿನಲ್ಲಿ ಉರಿಯೂತ ಉಂಟಾಗುತ್ತದೆ. ಉಗುರು ಬೆಚ್ಚಗಿನ ನೀರು ಕುಡಿಯುವುದರಿಂದ ವಿಷಕಾರಿ ಅಂಶಗಳನ್ನು ಹೊರಹಾಕಿ ದೇಹಕ್ಕೆ ಶಮನ ನೀಡುವುದು.

ಹೆಸರುಕಾಳು

‌ಅಪೆಂಡಿಕ್ಸ್‌ಗೆ ಚಿಕಿತ್ಸೆ ನೀಡಲು ಹೆಸರುಕಾಳು ತುಂಬಾ ಹಳೆಯ ಮನೆಮದ್ದಾಗಿದೆ. ನೀರಿನಲ್ಲಿ ನೆನೆಸಿದ ಹೆಸರುಕಾಳುಗಳನ್ನು ದಿನದಲ್ಲಿ ಮೂರು ಸಲ ಒಂದು ಚಮಚ ಸೇವಿಸಿ. ಇದರಿಂದ ನಿಮಗೆ ಬೇಕಾಗಿರುವ ಪೋಷಕಾಂಶಗಳು ಲಭ್ಯವಾಗುತ್ತದೆ.

ಮಜ್ಜಿಗೆ

ಮಜ್ಜಿಗೆ ಅಪೆಂಡಿಕ್ಸ್‌ಗೆ ಚಿಕಿತ್ಸೆ ನೀಡಲು ತುಂಬಾ ಪರಿಣಾಮಕಾರಿ ಔಷಧಿಯಾಗಿದೆ. ಇದು ಅಪೆಂಡಿಸಿಟಿಸ್ ನ ನೋವನ್ನು ಕಡಿಮೆ ಮಾಡುತ್ತದೆ. ಮಜ್ಜಿಗೆಗೆ ಸ್ವಲ್ಪ ಉಪ್ಪು ಹಾಕಿ. 2-3 ಲೋಟ ಮಜ್ಜಿಗೆ ದಿನಾ ಕುಡಿದರೆ ಒಳ್ಳೆಯ ಫಲಿತಾಂಶ ಪಡೆಯಬಹುದು. ಅಪೆಂಡಿಕ್ಸ್‌ನಲ್ಲಿ ಬ್ಯಾಕ್ಟೀರಿಯಾಗಳು ಬೆಳೆಯದಂತೆ ಮಜ್ಜಿಗೆಯು ತಡೆಯುತ್ತದೆ. ಇದರಿಂದ ಅಪೆಂಡಿಸಿಟಿಸ್ ಕಡಿಮೆಯಾಗುವುದು. ಆರೋಗ್ಯವೃದ್ಧಿಗೆ ದಿನನಿತ್ಯ ಕುಡಿಯಿರಿ, ಒಂದು ಗ್ಲಾಸ್ ಮಜ್ಜಿಗೆ

ಬೆಳ್ಳುಳ್ಳಿ

ಅಪೆಂಡಿಕ್ಸ್‌ ಗೆ ಬೆಳ್ಳುಳ್ಳಿ ತುಂಬಾ ಹಳೆಯ ಮನೆಮದ್ದಾಗಿದೆ. ಬೆಳ್ಳುಳ್ಳಿಯಲ್ಲಿ ಇರುವಂತಹ ಉರಿಯೂತ ಶಮನಕಾರಿ ಗುಣವು ಅಪೆಂಡಿಸಿಟಿಸ್ ನ್ನು ನಿವಾರಿಸಲು ನೆರವಾಗುವುದು. ಹಸಿ ಬೆಳ್ಳುಳ್ಳಿಯ ಒಂದೆರಡು ಎಸಲುಗಳನ್ನು ತಿಂದರೆ ಪರಿಣಾಮಕಾರಿ. ಇದರ ವಾಸನೆ ಹಿಡಿಸದಿದ್ದರೆ ಬೆಳ್ಳುಳ್ಳಿ ಮಾತ್ರೆಗಳನ್ನು ಸೇವಿಸಿ. (ಬೆಳ್ಳುಳ್ಳಿ ಸೇವಿಸುವ ಮೊದಲು ಒಮ್ಮೆ ವೈದ್ಯರ ಸಲಹೆ ಪಡೆದುಕೊಳ್ಳಿ)

ತರಕಾರಿ ಜ್ಯೂಸ್

ಮುಳ್ಳುಸೌತೆ, ಬೀಟ್ ರೂಟ್, ಕ್ಯಾರೆಟ್, ಮೂಲಂಗಿ ಮತ್ತು ಕೊತ್ತಂಬರಿ ಸೊಪ್ಪಿನ ಜ್ಯೂಸ್ ತುಂಬಾ ಒಳ್ಳೆಯದು. ಇದನ್ನು ದಿನದಲ್ಲಿ ಒಂದೆರಡು ಸಲ ಸೇವಿಸಿದರೆ ಅಪೆಂಡಿಸಿಟಿಸ್ ನೋವು ಕಡಿಮೆ ಮಾಡಬಹುದು. ತರಕಾರಿಯಲ್ಲಿ ವಿಟಮಿನ್ ಹಾಗೂ ನಾರಿನಾಂಶ ಸಮೃದ್ಧವಾಗಿದೆ. ದೇಹದಲ್ಲಿ ಪ್ರತಿರೋಧಕ ಶಕ್ತಿಯನ್ನು ಹೆಚ್ಚಿಸಲು ವಿಟಮಿನ್ ಅತ್ಯಗತ್ಯವಾಗಿ ಬೇಕು. ನಾರಿನಾಂಶವು ಮಲಬದ್ಧತೆಯಂತಹ ಸಮಸ್ಯೆಯನ್ನು ನಿವಾರಿಸುವುದು.

ಲಿಂಬೆ

ಲಿಂಬೆರಸ ಮತ್ತು ಜೇನುತುಪ್ಪ ಅಥವಾ ಲಿಂಬೆನೀರನ್ನು ಸೇವಿಸಿದರೆ ಅಪೆಂಡಿಸಿಟಿಸ್ ಗೆ ಪರಿಣಾಮಕಾರಿ ಔಷಧಿಯಾಗಿದೆ. ಲಿಂಬೆಯಲ್ಲಿ ಸಿಟ್ರಸ್ ಅಂಶವಿದೆ ಮತ್ತು ಇದು ತುಂಬಾ ಹುಳಿಯಾಗಿರುತ್ತದೆ. ಇದರಲ್ಲಿರುವಂತಹ ವಿಟಮಿನ್ ಸಿ ಪ್ರತಿರೋಧಕ ಶಕ್ತಿಯನ್ನು ಹೆಚ್ಚಿಸುವುದು. ಲಿಂಬೆಯು ನೋವನ್ನು ಕಡಿಮೆ ಮಾಡಿ ಅಜೀರ್ಣ ಮತ್ತು ಮಲಬದ್ಧತೆಯನ್ನು ನಿವಾರಣೆ ಮಾಡುತ್ತದೆ.

ಮೆಂತೆ ಚಹಾ

ಮೆಂತೆ ಕಾಳಿನಿಂದ ಮಾಡಿದಂತಹ ಚಹಾವನ್ನು ಅಪೆಂಡಿಕ್ಸ್‌‌ನ ಚಿಕಿತ್ಸೆಗೆ ಪ್ರತೀದಿನ ಸೇವನೆ ಮಾಡಿ. ಮೆಂತೆ ಕಾಳುಗಳು ಅಪೆಂಡಿಕ್ಸ್ ನಲ್ಲಿ ಕೀವು ಮತ್ತು ಲೋಳೆ ಜಮೆಯಾಗುವುದನ್ನು ತಡೆಯುತ್ತದೆ. ಇದರಿಂದ ಅಪೆಂಡಿಸಿಟಿಸ್ ಕಡಿಮೆಯಾಗುವುದು.ಮೆಂತೆ ಕಾಳು ನೆನೆಸಿದ ನೀರು- ಆಯಸ್ಸು ನೂರು!

ಮಸಾಜ್

ಅಪೆಂಡಿಕ್ಸ್‌‌ನಿಂದ ಉಂಟಾಗುವ ನೋವನ್ನು ಕಡಿಮೆ ಮಾಡಲು ಹರಳೆಣ್ಣೆಯಂತಹ ವಿವಿಧ ರೀತಿಯ ತೈಲಗಳಿಂದ ಹೊಟ್ಟೆಯ ಕೆಳಭಾಗದಲ್ಲಿ ಮಸಾಜ್ ಮಾಡಬೇಕು. ಅರಿಶಿನ ಮತ್ತು ಶುಂಠಿಯ ಪೇಸ್ಟ್ ಮಾಡಿಕೊಂಡು ಇದನ್ನು ಹೊಟ್ಟೆಯ ಕೆಳಭಾಗಕ್ಕೆ ಹಚ್ಚದರೂ ನೋವು ಕಡಿಮೆ ಮಾಡಬಹುದು.