ಟೀ, ಕಾಫಿ ಕುಡಿಯುವ ಮುಂಚೆ, ಒಂದು ಗ್ಲಾಸ್ ನೀರು ಕುಡಿಯಿರಿ!

ಕಾಫಿ ಟೀ ಸೇವನೆಗೆ ಮುನ್ನ ನೀರನ್ನೇಕೆ ಕುಡಿಯಬೇಕು?

ಇದಕ್ಕೆ ಪ್ರಮುಖ ಕಾರಣವೆಂದರೆ ನಮ್ಮ ಹೊಟ್ಟೆಯಲ್ಲಿರುವ ಜೀರ್ಣರಸಗಳು ಆಮ್ಲೀಯವಾಗಿದ್ದು ಟೀ ಕಾಫಿಗಳು ಸಹಾ ಆಮ್ಲೀಯವಾಗಿರುತ್ತವೆ. ಆದ್ದರಿಂದ ಈ ಆಮ್ಲೀಯ ರಸದ ಮೇಲೆ ಇನ್ನಷ್ಟು ಆಮ್ಲ ಸುರಿದರೆ ಒಟ್ಟಾರೆ ಆಮ್ಲೀಯತೆ ಇನ್ನಷ್ಟು ಹೆಚ್ಚುವುದಲ್ಲವೇ?

ಪಿಎಚ್ ಮಟ್ಟ

ಟೀ ಯಲ್ಲಿರುವ ಪಿಎಚ್ ಮಟ್ಟ (ಅಂದರೆ ಆಮ್ಲ-ಕ್ಷಾರೀಯತೆಯನ್ನು ತಿಳಿಸುವ ಕೋಷ್ಟಕ) 6 ಮತ್ತು ಕಾಫಿಯ ಮಟ್ಟ 5 ಇದೆ. ನೀರಿನ ಮಟ್ಟ 7 ಇದ್ದು ಇದಕ್ಕಿಂದ ಕೆಳಗಿರುವ ಯಾವುದೇ ಮಟ್ಟ ಆಮ್ಲೀಯವಾಗಿರುತ್ತದೆ. ಆದ್ದರಿಂದ ಬೆಳಿಗ್ಗೆ ಅಥವಾ ಸಂಜೆ ಖಾಲಿಹೊಟ್ಟೆಯಲ್ಲಿ ಟೀ ಅಥವಾ ಕಾಫಿ ಕುಡಿದರೆ ಹೊಟ್ಟೆಯ ಆಮ್ಲೀಯತೆ ತೀರಾ ಹೆಚ್ಚಾಗುತ್ತದೆ.

ಇದರಿಂದ ಅನೇಕ ಕಾಯಿಲೆಗಳೂ ಕಾಡಬಹುದು!

ಇದು ಹೊಟ್ಟೆಯ ಒಳಪದರ, ಕರುಳುಗಳ ಒಳಭಾಗಗಳನ್ನು ಸುಡಲು ಕಾರಣವಾಗುತ್ತದೆ. ಪರಿಣಾಮವಾಗಿ ಕರುಳುಗಳ ಹುಣ್ಣು (ಅಲ್ಸರ್), ಹುಳಿತೇಗು, ಎದೆಯುರಿ, ವಾಕರಿಕೆ ಮೊದಲಾದವು ಎದುರಾಗುತ್ತವೆ. ಒಂದು ವೇಳೆ ಇದೇ ಅಭ್ಯಾಸವಿದ್ದರೆ ಇದು ಕ್ಯಾನ್ಸರ್‌ಗೂ ತಿರುಗಬಹುದು.

ಟೀ ಕುಡಿಯುವ ಮೊದಲು, ಒಂದು ಗ್ಲಾಸ್ ನೀರು ಕುಡಿಯಿರಿ

ಒಂದು ವೇಳೆ ಖಾಲಿಹೊಟ್ಟೆಯಲ್ಲಿ ನೀರು ಕುಡಿದರೆ ಇದು ಹೊಟ್ಟೆಯ ಜೀರ್ಣರಸಗಳನ್ನು ತಿಳಿಗೊಳಿಸಿ ಒಟ್ಟಾರೆ ಪಿಎಚ್ ಮಟ್ಟವನ್ನು ಕಡಿಮೆಗೊಳಿಸುವ ಮೂಲಕ ಟೀ ಕಾಫಿಯ ಆಮ್ಲೀಯತೆಯನ್ನು ಸಹಿಸಿಕೊಳ್ಳಲು ಸಾಧ್ಯವಾಗಿಸುತ್ತದೆ.

ಟೀ ಕುಡಿಯುವ ಮೊದಲು, ಒಂದು ಗ್ಲಾಸ್ ನೀರು ಕುಡಿಯಿರಿ

ನೀರು ಕುಡಿಯುವ ಮೂಲಕ ಬಹಳ ಹೊತ್ತಿನಿಂದ ನೀರಿಲ್ಲದೇ ಬಳಲಿದ ಅಂಗಗಳಿಗೆ ನೀರು ಉಣಿಸಲು ಹಾಗೂ ವಿಷಕಾರಿ ವಸ್ತುಗಳನ್ನು ಹೊರಹಾಕಲು ನೆರವಾಗುತ್ತದೆ.