Just In
- 4 min ago ಮೀನ ರಾಶಿಯಲ್ಲಿ ರಾಹು-ಮಂಗಳ ಯುತಿಯಿಂದ ಅಂಗಾರಕ ಯೋಗ: 12 ರಾಶಿಗಳ ಮೇಲಿರಲಿದೆ ಈ ನಕರಾತ್ಮಕ ಪರಿಣಾ
- 37 min ago ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- 1 hr ago ಪುರುಷರಲ್ಲಿ ಹೆಚ್ಚಾಗುತ್ತಿದೆ ಬಂಜೆತನ: ಪುರುಷರು ಈ ಆಹಾರ ಸೇವಿಸಿದರೆ ಸಂತಾನೋತ್ಪತ್ತಿ ಸಾಮರ್ಥ್ಯ ಹೆಚ್ಚುವುದು
- 1 hr ago ಏಪ್ರಿಲ್ 24 ದಿನ ಭವಿಷ್ಯ: ಬುಧವಾರದ ಈ ದಿನ ನಿಮ್ಮ ರಾಶಿಫಲ ಹೇಗಿದೆ?
Don't Miss
- Movies 'KGF-2' ಚಿತ್ರದಿಂದ ಸಿಕ್ಕಿದ್ದು 200 ಕೋಟಿ ರೂ.; 'ಟಾಕ್ಸಿಕ್', 'ರಾಮಾಯಣ'ಕ್ಕೆ ಯಶ್ 50-50 ಡೀಲ್!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮಲಗಿದ ತಕ್ಷಣ ನಿದ್ದೆ ಬರಬೇಕೇ? ಹಾಗಾದರೆ ಈ ಆಹಾರಗಳಿಂದ ದೂರವಿರಿ!
ನಿದ್ರೆಯಿಲ್ಲದೆ ಇದ್ದರೆ ಹಲವಾರು ರೀತಿಯ ಆರೋಗ್ಯ ಸಮಸ್ಯೆಗಳು ನಮ್ಮನ್ನು ಕಾಡುತ್ತದೆ. ಸರಿಯಾದ ನಿದ್ರೆಯಿದ್ದರೆ ಆರೋಗ್ಯವೂ ಸರಿಯಾಗಿರುವುದು. ದೇಹವು ತನ್ನೊಳಗೆ ತನ್ನನ್ನು ರಿಪೇರಿ ಮಾಡಿಕೊಳ್ಳಲು ಒಳ್ಳೆಯ ನಿದ್ರೆಯು ಅತೀ ಅಗತ್ಯವಾಗಿ ಬೇಕೇಬೇಕು.
ಸರಿಯಾಗಿ ನಿದ್ದೆ ಬರುತ್ತಿಲ್ಲವೇ? ಕಾರಣ ತಿಳಿದುಕೊಳ್ಳಿ
ನಿದ್ರಾಹೀನತೆ ಕಾಡಿದರೆ ಅದರಿಂದ ದೇಹದಲ್ಲಿ ಬಳಲಿಕೆ ಉಂಟಾಗಬಹುದು ಮತ್ತು ನೀವು ಮಾಡುವ ಕೆಲಸದಲ್ಲಿ ಇದರ ಪರಿಣಾಮ ಉಂಟಾಗಬಹುದು. ನೀವು ತಿನ್ನುವಂತಹ ಆಹಾರ ಕೂಡ ನಿದ್ರೆಯ ಮೇಲೆ ಪರಿಣಾಮ ಬೀರುತ್ತದೆ. ನಿದ್ರೆ ಸರಿಯಾಗಿ ಆಹಾರಬೇಕಾದರೆ ಕೆಲವೊಂದು ಆಹಾರ ಸೇವಿಸುವುದನ್ನು ಕಡೆಗಣಿಸಬೇಕಾಗುತ್ತದೆ....
ಸಕ್ಕರೆ ಇರುವ ಆಹಾರಗಳು
ರಾತ್ರಿ ಮಲಗುವ ಮುನ್ನ ಸಿಹಿ ಹೆಚ್ಚಿರುವ ತಿಂಡಿಗಳನ್ನು ತಿನ್ನಬಾರದು. ಏಕೆಂದರೆ ರಕ್ತದಲ್ಲಿ ಸಕ್ಕರೆ ಹೆಚ್ಚಾದರೆ ರಾತ್ರಿ ನಿದ್ದೆಯಲ್ಲಿ ಹಲವು ಬಾರಿ ಬೆಚ್ಚಿ ಬಿದ್ದು ಎಚ್ಚರಾಗುವುದನ್ನು ಗಮನಿಸಲಾಗಿದೆ. ಆದರೆ ಬೆಚ್ಚಿ ಬೀಳಲು ಸಿಹಿತಿಂಡಿಗಳೇ ಏಕೈಕ ಕಾರಣ ಎಂದು ಹೇಳಲಾಗುವುದಿಲ್ಲ. ಆದರೂ ಸುಖನಿದ್ದೆಗೆ ಅಡ್ಡಿಯಾಗದಿರಲು ಸಿಹಿತಿಂಡಿ, ಚಾಕಲೇಟು ಮೊದಲಾದವುಗಳನ್ನು ಸೇವಿಸದಿರುವುದೇ ಉತ್ತಮ.
ಸೆಲರಿ
ಸೆಲರಿ ತಿಂದರೆ ರಾತ್ರಿ ಮಲಗಿದ ಮೇಲೆ ಪದೇ ಪದೇ ಮೂತ್ರ ವಿಸರ್ಜನೆಗೆ ಏಳಬೇಕಾಗಬಹುದು. ಮೂತ್ರವರ್ಧಕವಾಗಿರುವ ಕಾರಣದಿಂದ ನಿದ್ರಿಸುವ ಮೊದಲು ಇದರ ಸೇವನೆ ಮಾಡಬಾರದು.
ಬೆಳ್ಳುಳ್ಳಿ
ಬೆಳ್ಳುಳ್ಳಿ ತುಂಬಾ ಉರಿ ಹಾಗೂ ಖಾರದ ಆಹಾರವಾಗಿದೆ. ಇದು ದೇಹದ ಉಷ್ಣಾಂಶವನ್ನು ಹೆಚ್ಚಿಸುವುದು. ಇದು ಆಮ್ಲವು ಹಿಮ್ಮುಖವಾಗಿ ಹರಿಯುವಂತೆ ಮಾಡುವುದು. ಇದರಿಂದ ಹೊಟ್ಟೆಗೆ ತೊಂದರೆಯಾಗುವುದು ಮತ್ತು ನಿದ್ರೆಗೂ ಪರಿಣಾಮ ಬೀರಬಹುದು.
ಆಲ್ಕೋಹಾಲ್
ಆಲ್ಕೋಹಾಲ್ ಸೇವನೆ ಮಾಡಿದರೆ ಸರಿಯಾಗಿ ನಿದ್ರೆ ಮಾಡಬಹುದು ಎಂದು ಹೆಚ್ಚಿನವರು ಭಾವಿಸಿದ್ದಾರೆ. ಆದರೆ ದೇಹದಲ್ಲಿರುವ ಆಲ್ಕೋಹಾಲ್ ನಿಂದಾಗಿ ಸರಿಯಾಗಿ ನಿದ್ರೆ ಮಾಡಲು ಸಾಧ್ಯವಾಗುವುದಿಲ್ಲ. ಆಲ್ಕೋಹಾಲ್ ನಿಂದ ದೇಹವು ನಿರ್ಜಲೀಕರಣವಾಗುವುದು ಮತ್ತು ಇದರಿಂದ ಹೆಚ್ಚು ಹೆಚ್ಚು ನೀರು ಕುಡಿಯಬೇಕಾಗುತ್ತದೆ.
ಐಸ್ ಕ್ರೀಮ್
ಒಂದು ಐಸ್ ಕ್ರೀಮ್ ಒಂದು ಪೂರ್ಣ ಊಟದ ಮೂಲಕ ದೊರಕುವುದಕ್ಕಿಂತಲೂ ಹೆಚ್ಚಿನ ಕೊಬ್ಬನ್ನು ನೀಡುತ್ತದೆ. ಅಂದರೆ ರಾತ್ರಿ ಮಲಗುವ ಮುನ್ನ ಒಂದು ಐಸ್ ಕ್ರೀಂ ತಿಂದರೂ ದೇಹಕ್ಕೆ ಲಭಿಸಿರುವ ಅಪಾರವಾದ ಕೊಬ್ಬನ್ನು ದಹಿಸಲು ಸಮಯವೇ ಉಳಿಯುವುದಿಲ್ಲ. ಇದು ತೂಕ ಹೆಚ್ಚಿಸಲು ನೆರವಾಗುತ್ತದೆ ಹಾಗೂ ರಾತ್ರಿ ಸುಖನಿದ್ದೆಯನ್ನೂ ಬಾಧಿಸುತ್ತದೆ.
ಧೂಮಪಾನ
ನಿದ್ದೆ ಬರದೇ ಇರಲು ರಾತ್ರಿ ಮಲಗುವ ಮುನ್ನ ಮಾಡುವ ಧೂಮಪಾನವೂ ಒಂದು ಕಾರಣವಾಗಿದೆ. ಧೂಮಪಾನಿಗಳ ಶ್ವಾಸನಾಳಗಳು ಕಿರಿದಾಗಿದ್ದು ಮೂಗಿನ ನಳಿಕೆಗಳು ಶಿಥಿಲವೂ ಸಡಿಲವೂ ಆಗಿರುತ್ತವೆ. ಇವು ನಿದ್ದೆಯಲ್ಲಿ ಗೊರಕೆಯನ್ನೂ, ಸರಾಗ ಉಸಿರಾಟಕ್ಕೆ ಅಡ್ಡಿಯುಂಟುಮಾಡುವ ಮೂಲಕ ನಿದ್ದೆಯಲ್ಲಿ ಆಗಾಗ ಎಚ್ಚರಿಸುತ್ತಾ ಸುಖನಿದ್ದೆಯನ್ನು ಮರೀಚಿಕೆಯಾಗಿಸುತ್ತದೆ.
ಕಾಫಿ
ಕೆಫಿನ್ ಇರುವಂತಹ ಪಾನೀಯ ಸೇವನೆಯಿಂದಾಗಿ ನಿದ್ರಾಹೀನತೆ ಉಂಟಾಗಬಹುದು. ಕೆಫಿನ್ ಉತ್ತೇಜಕವಾಗಿರುವ ಕಾರಣದಿಂದಾಗಿ ಮಲಗುವ ಮೊದಲು ಇದನ್ನು ಸೇವಿಸಬಾರದು.