ನೆನಪಿಡಿ, ಬಿಗಿಯಾದ ಸಾಕ್ಸ್ ಮಾತ್ರ ಧರಿಸಬೇಡಿ, ಇದು ಬಹಳ ಡೇಂಜರ್!!

ಬಿಗಿ ಸಾಕ್ಸ್‌ನ ಪರಿಣಾಮಗಳು

ಬಿಗಿ ಸಾಕ್ಸ್ ನಿಂದ ರಕ್ತಸಂಚಾರದ ಮೇಲೆ ಪರಿಣಾಮ ಉಂಟಾಗಬಹುದು. ಕಾಲಿನಲ್ಲಿ ರಕ್ತಸಂಚಾರ ಮೇಲೆ ಪರಿಣಾಮವಾದಾಗ ನಿಮಗೆ ಕಿರಿಕಿರಿ ಭಾವನೆಯಾಗಬಹುದು. ಈ ಭಾಗದಲ್ಲಿ ಊತದ ಅನುಭವವು ಆಗಬಹುದು. ಇದು ಬಿಗಿ ಸಾಕ್ಸ್ ನ ಮೊದಲ ಅಪಾಯ.

ರಕ್ತನಾಳ ಉಬ್ಬುವುದು

ಬಿಗಿ ಸಾಕ್ಸ್ ನಿಂದ ರಕ್ತನಾಳವು ಉಬ್ಬಬಹುದು. ಈಗಾಗಲೇ ರಕ್ತನಾಳ ಉಬ್ಬುವ ಸಮಸ್ಯೆ ಇರುವವರಲ್ಲಿ ಬಿಗಿ ಸಾಕ್ಸ್ ಸಮಸ್ಯೆಯನ್ನು ಮತ್ತಷ್ಟು ಬಿಗಡಾಯಿಸಬಹುದು.

ಎಡಿಮಾದ ಅಪಾಯವಿದೆಯಾ?

ಇದನ್ನು ನಂಬಲು ಕಷ್ಟವಾಗಬಹುದು. ಆದರೆ ಬಿಗಿ ಸಾಕ್ಸ್‌ಗಳು ಎಡಿಮಾದ ಅಪಾಯವನ್ನು ಉಂಟು ಮಾಡಬಹುದು. ದ್ರವ್ಯವು ಶೇಖರಣೆಯಾಗುವುದರಿಂದ ಉಂಟಾಗುವ ಊತವೇ ಎಡಿಮಾ. ಎಡಿಮಾದಿಂದಾಗಿ ಕಾಲುಗಳು ಹಾಗೂ ಪಾದಗಳು ಊದಿಕೊಳ್ಳಬಹುದು.

ಮರಗಟ್ಟುವಿಕೆ ಉಂಟು ಮಾಡುವುದೇ?

ಬಿಗಿಯಾದ ಸಾಕ್ಸ್ ನಿಂದಾಗಿ ಕಾಲು ಹಾಗೂ ಪಾದವು ಮರಗಟ್ಟಬಹುದು. ದೀರ್ಘ ಸಮಯದ ತನಕ ಕುಳಿತುಕೊಂಡು ಕೆಲಸ ಮಾಡುವಂತಹ ಪರಿಸ್ಥಿತಿಯಲ್ಲಿ ಇದು ಮತ್ತಷ್ಟು ಬಿಗಡಾಯಿಸಬಹುದು.

ಅಥ್ಲೀಟ್ ಪಾದಕ್ಕೆ ಕಾರಣವಾಗುವುದೇ?

ಬಿಗಿ ಸಾಕ್ಸ್ ಗಳು ಮತ್ತು ಶೂ ಅಥ್ಲೀಟ್ ಪಾದಕ್ಕೆ ಕಾರಣವಾಗಬಹುದು. ಇದು ಹೇಗೆಂದು ನಿಮಗೆ ಅಚ್ಚರಿಯಾಗಬಹುದು. ಅಥ್ಲೀಟ್ ಪಾದ ಉಂಟು ಮಾಡುವ ಶಿಲೀಂಧ್ರಿಯಗಳು ಇಲ್ಲಿ ತೇವವಿರುವ ಕಾರಣದಿಂದಾಗಿ ಮತ್ತಷ್ಟು ಬೆಳೆಯಬಹುದು. ಬಿಗಿಯಾದ ಸಾಕ್ಸ್ ನಿಂದ ಹೆಚ್ಚಿನ ಬೆವರು ಬರಬಹುದು ಮತ್ತು ಇದು ಶಿಲೀಂಧ್ರಿಯಗಳಿಗೆ ವಾಸಸ್ಥಾನವಾಗಬಹುದು.

ಚರ್ಮದ ಮೇಲೆ ಗೆರೆಗಳು

ಚರ್ಮದ ಮೇಲೆ ಬೀಳುವಂತಹ ಗೆರೆಗಳನ್ನು ಸಾಕ್ಸ್ ಬ್ಯಾಂಡ್ ಲೈನ್ ಎಂದು ಕರೆಯಲಾಗುತ್ತದೆ. ಚರ್ಮವನ್ನು ಸಾಕ್ಸ್ ಬಿಗಿಯಾಗಿ ಹಿಡಿದಿಟ್ಟುಕೊಂಡಿರುವ ಜಾಗದಲ್ಲಿ ಈ ಗೆರೆಗಳು ಮೂಡುವುದು. ಇದರಿಂದ ಚರ್ಮವು ಕೆಂಪಾಗಬಹುದು ಮತ್ತು ತುರಿಕೆ ಉಂಟಾಗಬಹುದು.

ಏನು ಧರಿಸಬೇಕು?

ಸಂಪೂರ್ಣವಾಗಿ ಹತ್ತಿ ಬಟ್ಟೆಯಿಂದ ತಯಾರಿಸಿರುವಂತಹ ಸಾಕ್ಸ್‌ಗಳನ್ನು ಧರಿಸಿ. ಸಿಂಥೆಟಿಕ್ ಸಾಮಗ್ರಿ ಬಳಸಬೇಡಿ. ಸರಿಯಾಗಿ ಹೊಂದಿಕೊಳ್ಳುವ ಸಾಕ್ಸ್ ಧರಿಸಿ. ಬಿಗಿಯಾಗಿದ್ದರೆ ಕೆಂಪು ಗೆರೆಗಳು ಮೂಡುವುದು. ಇಂತಹ ಗೆರೆಗಳು ಕಾಣಿಸಿಕೊಂಡರೆ ಸಾಕ್ಸ್ ನ್ನು ಸ್ವಲ್ಪ ಎಳೆಯಿರಿ. ಇದರಿಂದ ಬಿಗಿತ ಕಡಿಮೆಯಾಗುವುದು.