ಒಂದೇ ಕಪ್ ಕಾಫಿ- ಇಷ್ಟೆಲ್ಲಾ ಖತರ್ನಾಕ್ ಕಾಯಿಲೆಗಳನ್ನು ಗುಣಪಡಿಸುತ್ತದೆಯೇ?

ಅನೈತಿಕ ಲೈಂಗಿಕ ಸಂಪರ್ಕದಿಂದ ದೂರವಿರಿ

ಎಚ್‌ಐವಿ ಸೋಂಕಿರುವ ವ್ಯಕ್ತಿಯ ಜೊತೆ ಲೈಂಗಿಕ ಸಂಪರ್ಕ ಮಾಡಿದಾಗ, ಆ ವ್ಯಕ್ತಿಯ ವೀರ್ಯ ಅಥವ ಯೋನಿ ದ್ರವದಿಂದ ನಿಮಗೂ ಕೂಡ ಎಚ್‌ಐವಿ ಸೋಂಕು ಆಗುವದರಲ್ಲಿ ಸಂಶಯವಿಲ್ಲ. ಆದ್ದರಿಂದ ಅನೈತಿಕ ಲೈಂಗಿಕ ಸಂಪರ್ಕದಿಂದ ದೂರವಿದ್ದಷ್ಟೂ ಒಳ್ಳೆಯದು.

ಸುರಕ್ಷಿತ ಲೈಂಗಿಕ ಸಂಪರ್ಕ ಮಾಡಿ

ಯಾವುದೇ ತರಹದ ಲೈಂಗಿಕ ಕ್ರಿಯೆಯಲ್ಲಿ ತೊಡಗುವಾಗ ತಪ್ಪದೆ ಕಾಂಡೋಮ್ ಬಳಸಿ. ಇದರಿಂದ ನೇರ ಸಂಪರ್ಕವಾಗದೆ ಎಚ್‌ಐವಿ ಸೋಂಕು ತಡೆಯಬಹುದು.

ನೀರು ಆಧಾರಿತ(ವಾಟರ್ ಬೇಸ್ಡ್) ಲುಬ್ರಿಕಂಟ್ ಬಳಸಿ

ಅನೇಕರು ಲೈಂಗಿಕ ಸಂಪರ್ಕ ಮಾಡುವಾಗ ಶುಷ್ಕತೆ ಕಡಿಮೆ ಮಾಡಲು ಲುಬ್ರಿಕಂಟ್ ಬಳಸುತ್ತಾರೆ. ಸಾಧ್ಯವಾದಷ್ಟು ನೀರು-ಆಧಾರಿತ ಲುಬ್ರಿಕಂಟ್ ಬಳಸಿ. ಎಣ್ಣೆ ಆಧಾರಿತ(ಆಯಿಲ್ ಬೇಸ್ಡ್)ಲುಬ್ರಿಕಂಟ್, ಕಾಂಡೋಮ್ ಅನ್ನು ದುರ್ಬಲಗೊಳಿಸಿ ಎಚ್‌ಐವಿ ಸೋಂಕು ಉಂಟು ಮಾಡುವ ಸಾಧ್ಯತೆಗಳಿವೆ.

ಸೂಜಿಗಳ ಮರುಬಳಕೆ/ಹಂಚಿಕೊಳ್ಳುವಿಕೆ ಬೇಡ

ಯಾವುದೇ ಕಾರಣಕ್ಕೂ ಮನೆ ಅಥವ ಆಸ್ಪತ್ರೆಯಲ್ಲಿ ಸೂಜಿಗಳ ಮರುಬಳಕೆ ಕಂಡುಬಂದರೆ ತಡೆಯಿರಿ. ಅನೇಕ ಮಾದಕ ವ್ಯಸನಿಗಳು ಸೂಜಿ ಹಂಚಿಕೊಂಡು ಮಾದಕ ದ್ರವ್ಯ ಸೇವನೆ ಮಾಡಿ ಸೋಂಕಿಗೆ ಒಳಗಾಗಿ ಸಂಪೂರ್ಣ ಜೀವನವನ್ನೇ ಹಾಳುಮಾಡಿಕೊಳ್ಳುತ್ತಾರೆ. ರಕ್ತದಾನ ಅಥವ ಯಾವುದೇ ಕಾರಣಗಳಿಂದ ಮತ್ತೊಂದು ವ್ಯಕ್ತಿಯ ರಕ್ತದ ಜೊತೆಗೆ ಸಂಪರ್ಕ ಬರುವ ಸಾಧ್ಯತೆಗಳಿದ್ದರೆ ತುಂಬಾ ಎಚ್ಚರಿಕೆಯಿಂದಿರಬೇಕು.

ಯಾವುದೇ ತರಹದ ವೈಯಕ್ತಿಕ ವಸ್ತುಗಳನ್ನು ಹಂಚಿಕೊಳ್ಳಬೇಡಿ

ಕೆಲವೊಮ್ಮೆ ಹಲ್ಲುಜ್ಜುವಾಗ ಟೂಥ್‌ಬ್ರಶ್‌ಗೆ ರಕ್ತ ಹತ್ತಬಹುದು ಅಥವ ಶೇವ್ ಮಾಡುವಾಗ ಗಾಯವಾಗಿ ಬ್ಲೇಡ್‌ಗೆ ರಕ್ತ ತಾಗಬಹುದು. ಎಚ್‌ಐವಿ ಸೋಂಕಿರುವ ವ್ಯಕ್ತಿಯ ಬ್ರಶ್ ಅಥವ ಬ್ಲೇಡ್ ಉಪಯೋಗಿಸಿದರೆ ಸೋಂಕಿನ ಸಂಭವ ತಪ್ಪಿದ್ದಲ್ಲ.ಒಟ್ಟಾರೆ ಸೂಕ್ಷ್ಮ ವಿಷಯಗಳಲ್ಲಿ ಸ್ವಲ್ಪ ಎಚ್ಚರಿಕೆಯಿಂದಿದ್ದರೆ ಸಾಕು, ಎಚ್‌ಐವಿ ಸೋಂಕಿನಿಂದ ದೂರವಿರಬಹುದು, ಸ್ವಲ್ಪ ಮೈ ಮರೆತರೂ ಅಪಾಯ ತಪ್ಪಿದ್ದಲ್ಲ ಜೋಕೆ !!