ಅಡುಗೆ ಮನೆಯ ಲವಂಗ-ಮೂರ್ತಿ ಚಿಕ್ಕದಾದರೂ ಕೀರ್ತಿ ದೊಡ್ಡದು!

ಹಳೆಯ ದಾಲ್ಚಿನ್ನಿ ಮರ ನಾನೂರು ವರ್ಷದಷ್ಟು ಹಳೆಯದು

ಪೂರ್ವ ಇಂಡೋನೇಶಿಯಾದಲ್ಲಿರುವ ದ್ವೀಪಗಳಲ್ಲಿ ನೂರಾರು ದೈತ್ಯಗಾತ್ರದ ಹಾಗೂ ಪುರಾತನ ವೃಕ್ಷಗಳಿವೆ. ಈ ದ್ವೀಪಗಳನ್ನು ಮೋಲುಕ್ಕಾಸ್ ಎಂದು ಕರೆಯುತ್ತಾರೆ. ಈ ದ್ವೀಪಗಳಿಗೆ ಸಾಂಬಾರ ದ್ವೀಪಗಳು ಎಂಬ ಅನ್ವರ್ಥನಾಮವೂ ಇದೆ. ಇದಕ್ಕೆ ಕಾರಣ ಇಲ್ಲಿ ಬೆಳೆಯುವ ವಿವಿಧ ಸಾಂಬಾರ ಪದಾರ್ಥಗಳ ಮರಗಳು. ಇವುಗಳಲ್ಲಿ ಕೆಲವು ಮರಗಳು ಈ ದ್ವೀಪಗಳಲ್ಲಿ ಮಾತ್ರವೇ ಬೆಳೆಯುವಂತಹದ್ದಾಗಿದ್ದು ಇದಲ್ಲಿ ಟಾರ್ನೇಟ್ ಎಂಬ ದ್ವೀಪದಲ್ಲಿ ಆಫೋ (Afo) ಎಂಬ ಹೆಸರಿನ ದಾಲ್ಚಿನ್ನಿಯ ಮರ ನಾನ್ನೂರು ವರ್ಷಗಳಷ್ಟು ಹಳೆಯದಾಗಿದ್ದು ವಿಶ್ವದ ಅತಿ ಹಳೆಯ ಮರವಾಗಿದೆ.

ಇದರ ಪರಿಮಳಕ್ಕೆ ಯೂಜಿನಲಾಲ್ ಕಾರಣ

ದಾಲ್ಚಿನ್ನಿಯಲ್ಲಿರುವ ಪೋಷಕಾಂಶಗಳಲ್ಲಿ ಪ್ರಮುಖವಾಗಿರುವ ಯೂಜಿನಾಲ್ (eugenol) ಎಂಬ ಪೋಷಕಾಂಶವೇ ಇದರ ವಿಶಿಷ್ಟ ರುಚಿ ಹಾಗೂ ಪರಿಮಳಕ್ಕೆ ಕಾರಣವಾಗಿದೆ. ಈ ಯೂಜಿನಾಲ್ ದ್ರವರೂಪದಲ್ಲಿದ್ದು ಲವಂಗವನ್ನು ಹಿಂಡಿದಾಗ ಎಣ್ಣೆಯ ರೂಪದಲ್ಲಿರುತ್ತದೆ. ಈ ಎಣ್ಣೆಯಲ್ಲಿ ಯೂಜಿನಾಲ್ ಸುಮಾರು ೮೦%ದಷ್ಟಿರುತ್ತದೆ.

ಇದು ಕೀಟವಿಕರ್ಷಕವಾಗಿದೆ

ಲವಂಗದೆಣ್ಣೆಯ ಪರಿಮಳ ತೀಕ್ಷ್ಣವಾಗಿದ್ದು ಇರುಗೆ ಹಾಗೂ ಗೊದ್ದಗಳ ಸಹಿತ ಹಲವು ಕೀಟಗಳನ್ನು ವಿಕರ್ಷಿಸಲು ನೆರವಾಗುತ್ತದೆ. ಒಂದು ವೇಳೆ ನಿಮ್ಮ ಮನೆಯಲ್ಲಿ ಇರುವೆ ಕಾಟವಿದ್ದರೆ ಕೆಲವು ಲವಂಗಗಳನ್ನು ಚಿಕ್ಕ ಹತ್ತಿಯ ಬಟ್ಟೆಯ ಪಟ್ಟಿಯಲ್ಲಿ ಸುತ್ತಿ ಇರುವೆಗಳು ಬರುವ ಸ್ಥಳದ ಒಳಭಾಗದಲ್ಲಿರಿಸಿ. ಇಲ್ಲಿಂದ ಇರುವೆ ಹಾಗೂ ಇತರ ಕೀಟಗಳನ್ನು ಅಲ್ಲಿಂದ ತಕ್ಷಣ ಓಡಿ ಹೋಗುತ್ತವೆ.

ಲವಂಗ ಜೀರ್ಣಕ್ರಿಯೆಯನ್ನು ಉತ್ತಮಗೊಳಿಸುತ್ತದೆ

ಲವಂಗದ ಸೇವನೆಯಿಂದ ಜೀರ್ಣರಸಗಳು ಹೆಚ್ಚು ಸ್ರವಿಸಲು ಪ್ರಚೋದನೆ ಪಡೆಯುತ್ತದೆ. ತನ್ಮೂಲಕ ಜೀರ್ಣಕ್ರಿಯೆ ಉತ್ತಮಗೊಳ್ಳುತದೆ.ಇದರೊಂದಿಗೆ ಲವಂಗ ವಾಯು ಪ್ರಕೋಪವನ್ನು ಶಮನಗೊಳಿಸುತ್ತದೆ ಹಾಗೂ ಹೊಟ್ಟೆಯ ಉರಿ, ವಾಕರಿಕೆ ಹುಳಿತೇಗು ಮೊದಲಾದವುಗಳಿಂದ ರಕ್ಷಿಸುತ್ತದೆ.

ಕಾಲೆರಾ ವಿರುದ್ಧ ಉತ್ತಮ ರಕ್ಷಣೆ ಒದಗಿಸುತ್ತದೆ

ನೀರಿನ ಮೂಲಕ ಹರಡುವ ಸಾಂಕ್ರಾಮಿಕ ರೋಗವಾದ ಕಾಲೆರಾ ರೋಗ ಮುಖ್ಯ ಲಕ್ಷಣಗಳೆಂದರೆ ಅತಿಸಾರ, ವಾಂತಿ. ಸೂಕ್ತ ಸಮಯದಲ್ಲಿ ಚಿಕಿತ್ಸೆ ದೊರಕದೇ ಇದ್ದರೆ ಸಾವು ಸಹಾ ಎದುರಾಗಬಹುದು. ಸಂಶೋಧನೆಗಳ ಮೂಲಕ ಲವಂಗದ ಬ್ಯಾಕ್ಟೀರಿಯಾ ನಿವಾರಕ ಗುಣ ಹಲವಾರು ರೋಗಕಾರಕ ಕೀಟಾಣುಗಳ ವಿರುದ್ಧ ಹೋರಾಡುತ್ತದೆ ಹಾಗೂ ವಿಶೇಷವಾಗಿ ಕಾಲೆರಾ ಹರಡುವ ರೋಗಾಣುಗಳನ್ನು ಕೊಲ್ಲುವ ಮೂಲಕ ರೋಗವನ್ನು ಹತೋಟಿಗೆ ತರಲು ನೆರವಾಗುತ್ತದೆ.

ಇದರಲ್ಲಿದೆ ಕ್ಯಾನ್ಸರ್ ವಿರುದ್ಧ ಹೋರಾಡುವ ಗುಣ

ಲವಂಗದ ಹಲವಾರು ಪೋಷಕಾಂಶಗಳಲ್ಲಿ phenylpropanoids ಎಂಬ ಸಂಯುಕ್ತಗಳೂ ಇದ್ದು ಇವುಗಳು ಅನುವಂಶಿಕ ಗುಣವನ್ನು ಬದಲಿಸುವ ಕಣಗಳ ವಿರುದ್ಧ ಹೋರಾಡುವ ಶಕ್ತಿಯನ್ನು ಹೊಂದಿವೆ. ಸಾಮಾನ್ಯವಾಗಿ ಒಂದು ಬಗೆಯ ಜೀವಕೋಶಗಳು ತನ್ನ ಅನುವಂಶಿಕ ಸಂಯೋಜನೆಯಿಂದ ಒಂದು ಹಂತದವರೆಗೆ ಮಾತ್ರವೇ ಬೆಳೆಯಬೇಕು. ಒಂದು ವೇಳೆ ಈ ಜೀವಕೋಶಗಳು ನಿಯಂತ್ರಣ ಮೀರಿ ಬೆಳೆದರೆ ಇದು ಕ್ಯಾನ್ಸರ್ ರೂಪ ಪಡೆಯಬಹುದು. ಸಂಶೋಧನೆಗಳಲ್ಲಿ ಕಂಡುಕೊಂಡಂತೆ ಲವಂಗದಲ್ಲಿರುವ ಪೋಷಕಾಂಶಗಳು ವಿಶೇಷವಾಗಿ ಶ್ವಾಸಕೋಶದ ಕ್ಯಾನ್ಸರ್ ಪ್ರಾರಂಭಿಕ ಹಂತದಲ್ಲಿದ್ದರೆ ಇದನ್ನು ನಿಯಂತ್ರಿಸುವ ಗುಣ ಹೊಂದಿದೆ.

ಯಕೃತ್ ಅನ್ನು ರಕ್ಷಿಸುತ್ತದೆ

ಲವಂಗದಲ್ಲಿರುವ ಆಂಟಿ ಆಕ್ಸಿಡೆಂಟುಗಳು ದೇಹದಲ್ಲಿರುವ ಫ್ರೀ ರ್‍ಯಾಡಿಕಲ್ ಎಂಬ ಕಣಗಳನ್ನು ಹಾಗೂ ದೇಹದಲ್ಲಿ ಸಂಗ್ರಹವಾಗಿದ್ದ ಕಲ್ಮಶಗಳನ್ನು ನಿವಾರಿಸುವ ಮೂಲಕ ಯಕೃತ್ ಅನ್ನು ರಕ್ಷಿಸುತ್ತದೆ.

ಮಧುಮೇಹವನ್ನು ನಿಯಂತ್ರಿಸುತ್ತದೆ

ನಿಮ್ಮ ನಿತ್ಯದ ಆಹಾರದಲ್ಲಿ ನಿಯಮಿತವಾಗಿ ಲವಂಗವನ್ನು ಬೆರೆಸಿ ಸೇವಿಸುವ ಮೂಲಕ ಟೈಪ್ 1 ಮಧುಮೇಹವನ್ನು ಸಾಕಷ್ಟು ಮಟ್ಟಿಗೆ ನಿಯಂತ್ರಿಸಬಹುದು. ಇದರಲ್ಲಿರುವ ಕೆಲವು ಪೋಷಕಾಂಶಗಳು ಇನ್ಸುಲಿನ್ ನಂತೆಯೇ ಕಾರ್ಯನಿರ್ವಹಿಸುತ್ತವೆ ಹಾಗೂ ತನ್ಮೂಲಕ ರಕ್ತದಲ್ಲಿರುವ ಅಧಿಕ ಸಕ್ಕರೆಯ ಪ್ರಮಾಣವನ್ನು ನಿಯಂತ್ರಿಸಲು ನೆರವಾಗುತ್ತದೆ.

ಬಿಳಿರಕ್ತಕಣಗಳ ಸಂಖ್ಯೆಯನ್ನು ಹೆಚ್ಚಿಸುತ್ತದೆ

ರಕ್ತದಲ್ಲಿರುವ ಬಿಳಿರಕ್ತಕಣಗಳು ದೇಹವನ್ನು ವಿವಿಧ ರೋಗಗಳಿಂದ ರಕ್ಷಿಸುವ ಯೋಧರಾಗಿವೆ. ದೇಹವನ್ನು ಪ್ರವೇಶಿಸುವ ವೈರಾಣುಗಳನ್ನು ಕೊಂದು ದೇಹದಿಂದ ಹೊರಹಾಕುವ ಮೂಲಕ ಇವು ವಿವಿಧ ರೋಗಗಳಿಂದ ಸತತವಾಗಿ ರಕ್ಷಿಸುತ್ತಾ ಇರುತ್ತದೆ. ಆದ್ದರಿಂದ ನಮ್ಮ ರಕ್ತದಲ್ಲಿ ಉತ್ತಮ ಪ್ರಮಾಣದ ಬಿಳಿರಕ್ತಕಣಗಳಿರುವುದು ಅಗತ್ಯ. (ಒಂದು ಸಂದರ್ಭದಲ್ಲಿ ಬಿಳಿರಕ್ತಕಣಗಳು ವಿಪರೀತವಾಗಿದ್ದರೆ ಇದು ರಕ್ತದ ಕ್ಯಾನ್ಸರ್ ಗೂ ಕಾರಣವಾಗಬಹುದು). ಆದರೂ ಲವಂಗದ ಸೇವನೆಯಿಂದ ರಕ್ತದಲ್ಲಿ ಆರೋಗ್ಯಕರ ಮಟ್ಟದಲ್ಲಿ ಬಿಳಿರಕ್ತಕಣಗಳು ಉತ್ಪತ್ತಿಯಾಗುವಂತೆ ನೋಡಿಕೊಳ್ಳುವ ಮೂಲಕ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ ಹಾಗೂ ವಿಶೇಷವಾಗಿ ಹಲವಾರು ಅಲರ್ಜಿಕಾರಕ ಪ್ರತಿಕ್ರಿಯೆಗಳಿಂದ ರಕ್ಷಿಸುತ್ತದೆ.

ಬಾಯಿಯಿಂದ ಸೇವಿಸುವ ಪುರಾತನ ಔಷಧಿಯಾಗಿದೆ

ಲವಂಗದಲ್ಲಿರುವ ಯೂಜಿನಾಲ್ ಅಯುತ್ತಮವಾದ ಉರಿಯೂತ ನಿವಾರಕವಾಗಿದ್ದು ಇದರ ಗುಣವನ್ನು ಬಲು ಪುರಾತನ ದಿನಗಳಿಂದ ಹಲ್ಲುನೋವಿನ ಶಮನಕ್ಕೆ ಬಳಸಲಾಗುತ್ತಾ ಬರಲಾಗಿದೆ. ಇದರ ನೋವು ನಿವಾರಕ ಗುಣದಿಂದಾಗಿ ಹಲ್ಲುನೋವಿನ ಯಾವುದೇ ಔಷಧಿಯಲ್ಲಿ ಲವಂಗ ಇರುವುದು ಕಡ್ಡಾಯ ಎನ್ನುವಷ್ಟು ಇದರ ಬಳಕೆಯಾಗುತ್ತದೆ.

ತಲೆನೋವಿಗೂ ಉತ್ತಮವಾಗಿದೆ

ಮುಂದಿನ ಬಾರಿ ನಿಮಗೆ ತಲೆನೋವು ಎದುರಾದರೆ ಅಪಾಯಕಾರಿ ಮಾತ್ರೆಗಳನ್ನು ಸೇವಿಸಲು ಹೋಗಬೇಡಿ. ಬದಲಿಗೆ ಕೆಲವು ಲವಂಗಗಳನ್ನು ನುಣ್ಣಗೆ ಅರೆದು ಇದಕ್ಕೆ ಕೊಂಚವೇ ಕಲ್ಲುಪ್ಪು ಸೇರಿಸಿ ಇದನ್ನು ಒಂದು ಲೋಟ ಬಿಸಿ ಹಾಲಿಗೆ ಬೆರೆಸಿ ಕುಡಿಯಿರಿ. ತಲೆನೋವು ತಕ್ಷಣ ಮಾಯವಾಗುತ್ತದೆ.