ಅಲರ್ಜಿಯಿಂದಾಗಿ 'ಸೋರುವ ಮೂಗಿನ' ಕಿರಿಕಿರಿಗೆ- ಆಯುರ್ವೇದದ ಆರೈಕೆ

ತುಳಸಿ

ತುಳಸಿಯಲ್ಲಿರುವ ಯೂಜಿನಾಲ್ ಎಂಬ ಪೋಷಕಾಂಶಕ್ಕೆ ಅದ್ಭುತವಾದ ಗುಣಪಡಿಸುವ ಶಕ್ತಿಯಿದೆ. ಇದು ತುಳಸಿಯ ಶಕ್ತಿಯ ಪ್ರಮುಖ ಭಾಗವಾಗಿದೆ. ಇದರ ಉರಿಯೂತ ನಿವಾರಕ ಗುಣ ವಿಶೇಷವಾಗಿ ಶ್ವಾಸನಾಳಗಳಲ್ಲಿ ಉಂಟಾದ ಉರಿಯೂತವನ್ನು ನಿವಾರಿಸಿ ಅಲರ್ಜಿಯ ಪರಿಣಾಮಗಳನ್ನು ಎದುರಿಸಲು ಸಮರ್ಥವಾಗಿದೆ. ಈ ತೊಂದರೆ ಇದ್ದಾಗ ಕೆಲವು ತುಳಸಿ ಎಲೆಗಳನ್ನು ಕುದಿಸಿ ಸೋಸಿದ ಟೀ ಯನ್ನು ಬಿಸಿಬಿಸಿಯಾಗಿ ಕುಡಿದರೆ ಸಾಕಾಗುತ್ತದೆ.

ಬೇವು

ಬೇವಿನ ಬ್ಯಾಕ್ಟೀರಿಯಾ ಹಾಗೂ ವೈರಸ್ ನಿವಾರಕ ಗುಣ ಇಲ್ಲಿಯೂ ಕೆಲಸಕ್ಕೆ ಬರುತ್ತದೆ. ವಿಶೇಷವಾಗಿ ಇದು ಹಲವಾರು ಅಲರ್ಜಿಕಾರಕ ಕಣಗಳಿಗೆ ಸಮರ್ಥವಾದ ಎದುರಾಳಿಯಾಗಿದೆ. ಅಲ್ಲದೇ ಸೂಕ್ಷ್ಮಜೀವಿ ನಿವಾರಕವೂ ಆಗಿದ್ದು ಬೇವು ಕುದಿಸಿದ ಟೀ ಕುಡಿಯುವ ಮೂಲಕವೂ ಉತ್ತಮ ಪರಿಹಾರ ಪಡೆಯಬಹುದು

ಅಶ್ವಗಂಧ

ಯಾವುದೇ ವ್ಯಕ್ತಿಯ ಸಾಮಾನ್ಯ ಆರೋಗ್ಯಕ್ಕೆ ಅಶ್ವಗಂಧ ಅತ್ಯುತ್ತಮವಾಗಿದೆ. ಇದರಿಂದ ರೋಗ ನಿರೋಧಕ ಶಕ್ತಿ ಹೆಚ್ಚುತ್ತದೆ ಹಾಗೂ ದೇಹಕ್ಕೆ ಆಗಮಿಸಿ ಆಕ್ರಮಣ ಎಸಗಲು ತಯಾರಿಸುತ್ತಿದ್ದ ಕಣಗಳನ್ನು ಗುರುತಿಸಿ ಹಿಮ್ಮೆಟ್ಟಿಸಲು ಸಜ್ಜಾಗಿರುವ ನಮ್ಮ ದೇಹದ ರಕ್ಷಣಾ ಜೀವಕೋಶಗಳಾದ ಟಿ-ಸೆಲ್ಸ್ ಗಳಿಗೆ ನೆರವು ನೀಡುವ ಮೂಲಕ ಆರೋಗ್ಯ ಕಾಪಾಡುತ್ತದೆ.

ಚೆಕ್ಕೆ

ಚೆಕ್ಕೆ ಒಂದು ನೈಸರ್ಗಿಕ ಮೂಗಿನ ಕಫವನ್ನು ತೆಳುವಾಗಿಸುವ ವಸ್ತುವಾಗಿದೆ. ಕಟ್ಟಿಕೊಂಡಿದ್ದ ಕಫವನ್ನು ನೀರಾಗಿಸಿ ಹೊರಹಾಕುವ ಮೂಲಕ ಹಾಗೂ ಅಗತ್ಯಕ್ಕೂ ಹೆಚ್ಚಿನ ಪ್ರಮಾಣದ ಕಫವನ್ನು ಉತ್ಪಾದಿಸದೇ ಇರುವ ಮೂಲಕ ಮೂಗು ಕಟ್ಟಿಕೊಳ್ಳುವುದರಿಂದ ತಪ್ಪಿಸುತ್ತದೆ. ಆದರೆ ಇದು ತಾತ್ಕಾಲಿಕ ಶಮನವೇ ಹೊರತು ದೀರ್ಘಕಾಲಕ್ಕೆ ಉಪಯೋಗಿಸಬಾರದು.

ಅರಿಶಿನ

ಅರಿಶಿನದಲ್ಲಿಯೂ ಅಲರ್ಜಿನಿವಾರಕ, ಉರಿಯೂತ ನಿವಾರಕ ಹಾಗೂ ಬ್ಯಾಕ್ಟೀರಿಯಾ ನಿವಾರಕ ಗುಣಗಳಿವೆ. ಇವೆಲ್ಲವೂ ಸೋರುವ ಮೂಗನ್ನು ನಿಲ್ಲಿಸಲೂ ಸಮರ್ಥವಾಗಿವೆ. ಸೋರುವ ಮೂಗನ್ನು ನಿಲ್ಲಿಸಲು ಬಿಸಿನೀರಿಗೆ ಅರಿಶಿನ ಮತ್ತು ಜೇನು ಬೆರೆಸಿ ಸೇವಿಸುವುದು ಅತ್ಯುತ್ತಮ ಪರಿಹಾರವಾಗಿದೆ.

ನೆಲ್ಲಿಕಾಯಿ

ನೆಲ್ಲಿಕಾಯಿಯಲ್ಲಿ ಅತ್ಯಧಿಕ ಪ್ರಮಾಣದ ವಿಟಮಿನ್ ಸಿ ಇದ್ದು ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ನೆರವಾಗುತ್ತದೆ. ಇದು ಅಲರ್ಜಿ ನಿವಾರಕವೂ ಆಗಿದ್ದು ಉರಿಯೂತವನ್ನು ತಪ್ಪಿಸುತ್ತದೆ. ಈ ರೋಗ ಇನ್ನೂ ಪಿತ್ತದ ಅವಸ್ಥೆಯಲ್ಲಿಯೇ ಇದ್ದಾಗ ನೆಲ್ಲಿಕಾಯಿ ಅತ್ಯುತ್ತಮ ಆಯ್ಕೆಯಾಗಿದೆ. ನೆಲ್ಲಿಕಾಯಿ ಪುಡಿ

ಪ್ರಮುಖವಾಗಿರುವ ತ್ರಿಫಲ ಪುಡಿಯನ್ನು ಸೇವಿಸುವ ಮೂಲಕ ಸೋರುವ ಮೂಗನ್ನು ನಿಲ್ಲಿಸಬಹುದು.

ಹಸಿಶುಂಠಿ

ಹಸಿಶುಂಠಿಯಿಂದ ಉರಿಯೂತ, ಗಂಟಲ ಉರಿ ಮೊದಲಾದವುಗಳನ್ನು ಶಮನಗೊಳಿಸಬಹುದು. ಶುಂಠಿಯ ಸೇವನೆಯಿಂದ ಜೀವ ರಾಸಾಯನಿಕ ಕ್ರಿಯೆಯೂ ಉತ್ತಮಗೊಳ್ಳುತ್ತದೆ. ಇಲಿಗಳ ಮೇಲೆ ನಡೆಸಿದ ಪ್ರಯೋಗಗಳ ಮೂಲಕ ಕಂಡುಕೊಂಡಂತೆ ಶ್ವಾಸಕೋಶದ ಮಾಸ್ಟ್ ಜೀವಕೋಶಗಳು ಅಲರ್ಜಿಕಾರಕ ಕಣಗಳನ್ನು ಅಂಟಿಸಿಕೊಳ್ಳುವುದನ್ನು ಕಡಿಮೆಗೊಳಿಸಲು ಶುಂಠಿ ನೆರವಾಗುತ್ತದೆ. ಪರಿಣಾಮವಾಗಿ ಸೋರುವ ಮೂಗು, ಸೀನು, ಮೂಗಿನೊಳಗಿನ ತುರಿಕೆ ಮೊದಲಾದವು ಕಡಿಮೆಯಾಗುತ್ತದೆ.

ಸಾಂಬಾರ್ ಈರುಳ್ಳಿ

ಈ ಈರುಳ್ಳಿ ಉತ್ತಮ ವೈರಸ್ ನಿವಾರಕವಾಗಿದೆ. ಈ ಈರುಳ್ಳಿಯನ್ನು ಕೊಚ್ಚಿ ಬೆಲ್ಲದೊಂದಿಗೆ ಮಿಶ್ರಣ ಮಾಡಿ ಕೊಂಚ ಹೊತ್ತು ಇರಿಸಿದ ಬಳಿಕ ಒಸರುವ ರಸವನ್ನು ಆಗಾಗ ಕೊಂಚಕೊಂಚವಾಗಿ ಸೇವಿಸುವ ಮೂಲಕ ಸೋರುವ ಮೂಗು ನಿಲ್ಲುತ್ತದೆ.