ಆಯುರ್ವೇದ ಪ್ರಕಾರ, ಆಹಾರದ ವಿಷಯದಲ್ಲಿ ಇಂತಹ ತಪ್ಪು ಮಾಡಬಾರದಂತೆ

ಜೇನನ್ನು ಅಡುಗೆಗೆ ಬಳಸುವುದು

ಜೇನು ಹಲವು ಪೋಷಕಾಂಶಗಳ ಗಣಿಯಾಗಿದ್ದು ಇದನ್ನು ಎಂದಿಗೂ ಬಿಸಿ ಮಾಡಬಾರದು. ಆಯುರ್ವೇದದ ಪ್ರಕಾರ ಜೇನನ್ನು ಬಿಸಿ ಮಾಡಿದರೆ ಇದರ ಪೋಷಕಾಂಶಗಳು ಪರಿವರ್ತನೆಗೊಂಡು ಆಮ ಅಥವಾ ವಿಷಕಾರಿ ಅಜೀರ್ಣವಾದ ಆಹಾರ ಉತ್ಪತ್ತಿಯಾಗಲು ಕಾರಣವಾಗುತ್ತವೆ. ಈ ಆಮ ಜೀರ್ಣಾಂಗ ವ್ಯವಸ್ಥೆಯನ್ನು ಕೆಡಿಸುತ್ತದೆ.

ರಾತ್ರಿ ಊಟದ ಬಳಿಕ ಕಲ್ಲಂಗಡಿ ತಿನ್ನಬಾರದು

ಕಲ್ಲಂಗಡಿಯಲ್ಲಿ ಬಹುತೇಕ ನೀರೇ ಇದೆ ಹಾಗೂ ಉಳಿದ ಪ್ರಮಾಣ ಸಕ್ಕರೆಯಾಗಿದೆ. ರಾತ್ರಿಯೂಟದ ಬಳಿಕ ಕಲ್ಲಂಗಡಿ ಹಣ್ಣನ್ನು ತಿಂದರೆ ಈ ಸಕ್ಕರೆ ಹೊಟ್ಟೆ ಕೆಡಿಸಲು ಕಾರಣವಾಗುತ್ತದೆ. ಪರಿಣಾಮವಾಗಿ ಅಜೀರ್ಣ, ಹೊಟ್ಟೆಯಲ್ಲಿ ಗುಡುಗುಡು ಮೊದಲಾದ ತೊಂದರೆಗಳು ಎದುರಾಗುತ್ತವೆ.

ಊಟದ ನಡುವೆ ತಣ್ಣೀರು ಕುಡಿಯುವುದು

ಬೆಳಿಗ್ಗೆದ್ದ ತಕ್ಷಣ ತಣ್ಣೀರು ಕುಡಿಯುವುದು ಅತ್ಯಂತ ಉತ್ತಮ ಅಭ್ಯಾಸ. ಆದರೆ ಆಯುರ್ವೇದದ ಪ್ರಕಾರ ಊಟದ ನಡುವೆ ತಣ್ಣೀರು ಕುಡಿಯುವುದು ಹಾಗೂ ಊಟದ ಬಳಿಕವೂ ತಕ್ಷಣ ನೀರು ಕುಡಿಯುವುದು ಅನಾರೋಗ್ಯಕರವಾಗಿದೆ.

ಊಟದ ನಡುವೆ ತಣ್ಣೀರು ಕುಡಿಯುವುದು

ಇದರಿಂದ ಜೀರ್ಣಾಂಗ ವ್ಯವಸ್ಥೆಯೇ ಕೆಡಬಹುದು. ಆದರೆ ಊಟದ ನಡುವೆ ಕೊಂಚ ಪ್ರಮಾಣದ ಉಗುರುಬೆಚ್ಚನೆಯ ನೀರು ಕುಡಿಯುವುದು ಪ್ರಯೋಜನಕಾರಿಯಾಗಿದೆ.