ಇಂತಹ ಚಿಕ್ಕ ಪುಟ್ಟ ಅಭ್ಯಾಸಗಳೇ ಆರೋಗ್ಯ ಉಳಿಸುವ ಗುಟ್ಟುಗಳು!

ಸಲಹೆ #1

ಒಂದು ವೇಳೆ ನಿಮ್ಮ ಮೂಗು ಕಟ್ಟಿಕೊಂಡಿದ್ದರೆ ರಾತ್ರಿ ಮಲಗುವ ಮುನ್ನ ಒಂದು ಈರುಳ್ಳಿಯನ್ನು ಉದ್ದನೆ ಕತ್ತರಿಸಿ ಎರಡು ಭಾಗಗಳನ್ನಾಗಿಸಿ ತಲೆದಿಂಬಿನ ಅಕ್ಕ ಪಕ್ಕದಲ್ಲಿ ಒಂದೊಂದು ಭಾಗವನ್ನು, ಕತ್ತರಿಸಿದ ಭಾಗ ಮೇಲೆ ಬರುವಂತೆ ಇರಿಸಿ ಮಲಗಿ. ಬೆಳಿಗ್ಗೆದ್ದ ಬಳಿಕ ಕಟ್ಟಿಕೊಂಡಿದ್ದ ಮೂಗು ಪೂರ್ಣವಾಗಿ ತೆರೆದಿರುತ್ತದೆ.

ಸಲಹೆ #2

ಸೊಳ್ಳೆ ಕಚ್ಚಿದ ಕೆಲವೇ ಕ್ಷಣಗಳಲ್ಲಿ ಚರ್ಮ ಊದಿಕೊಂಡು ಭಾರೀ ತುರಿಕೆ ಉರಿ ಎದುರಾಗುತ್ತದೆ. ಇದು ಆಗದೇ ಇರದಂತೆ ನೋಡಿಕೊಳ್ಳಲು ಸೊಳ್ಳೆ ಕಚ್ಚಿದ ಭಾಗಕ್ಕೆ ಕೊಂಚ ಸುಗಂಧ (ಡಿಯೋಡೋರೆಂಟ್) ಸಿಂಪಡಿಸಿ. ಇದರಿಂದ ಉರಿ ಹಾಗೂ ನವೆಯಾಗುವುದಿಲ್ಲ.

ಸಲಹೆ #2

ಒಂದು ವೇಳೆ ರಾತ್ರಿ ಸರಿಯಾಗಿ ನಿದ್ದೆ ಬರದೇ ಇದ್ದರೆ ರಾತ್ರಿ ಮಲಗುವ ಮುನ್ನ ತಣ್ಣೀರಿನ ಸ್ನಾನ ಮಾಡಿ ಮಲಗುವ ಅಭ್ಯಾಸ ಮಾಡಿಕೊಳ್ಳಿ. ಇದರಿಂದ ದೇಹದ ತಾಪಮಾನ ಕಡಿಮೆಯಾಗಿ ನಿದ್ದೆ ಬರಲು ನೆರವಾಗುತ್ತದೆ. ಅಷ್ಟೇ ಅಲ್ಲ, ದಿನದ ಕೆಲಸದ ಒತ್ತಡ ಕಡಿಮೆಯಾಗುತ್ತದೆ ಹಾಗೂ ರಕ್ತಪರಿಚಲನೆಯೂ ಉತ್ತಮಗೊಳ್ಳುತ್ತದೆ.

ಸಲಹೆ #4

ದುಃಖದ ಸಮಯದಲ್ಲಿ ಕಣ್ಣೀರು ಅವಿರತವಾಗಿ ಹರಿಯುತ್ತಿದ್ದು ಕೊಂಚ ಹೊತ್ತಿನ ಬಳಿಕ ದುಃಖವನ್ನು ನಿಯಂತ್ರಿಸಿದ ಬಳಿಕವೂ ಕಣ್ಣೀರು ಹರಿಯುತ್ತಲೇ ಇದ್ದರೆ ಕಣ್ಣುಗಳನ್ನು ಕೊಂಚ ಹೊತ್ತು ತೆರೆದೇ ಇರಿಸಿ. ಇದರಿಂದ ಕಣ್ಣೀರು ಹರಿಯುವುದು ನಿಲ್ಲುತ್ತದೆ.

ಸಲಹೆ #5

ಒಂದು ವೇಳೆ ಮದ್ಯಪಾನದ ಬಳಿಕ ಭಾರೀ ತಲೆನೋವು ಆವರಿಸಿದರೆ ಒಂದು ಪಾತ್ರೆಯಲ್ಲಿ ಕೊಂಚ ನೀರು ಮತ್ತು ಐಸ್ ತುಂಡುಗಳನ್ನು ಹಾಕಿ ಐಸ್ ಕರಗುತ್ತಿದ್ದಂತೆ ಎರಡೂ ಕೈಗಳನ್ನು ಈ ನೀರಿನಲ್ಲಿರಿಸಿ.

ಸಲಹೆ #6

ಹೆಚ್ಚಿನ ವಿದ್ಯಾರ್ಥಿಗಳು ಹೊಸ ವಿಷಯವನ್ನು ಕಲಿಯಲು ಪ್ರಾತಃಕಾಲವೇ ಸೂಕ್ತ ಎಂದು ಬೆಳಿಗ್ಗೆ ಬೇಗನೇ ಏಳುತ್ತಾರೆ. ವಾಸ್ತವವಾಗಿ ಬೆಳಗ್ಗಿನ ಸಮಯದಲ್ಲಿ ನಮ್ಮ ಮೆದುಳು ರಾತ್ರಿ ಮಲಗುವ ಮುನ್ನ ಏನೇನು ಓದಿದ್ದಿರಿ ಎಂಬುದನ್ನು ಮೆಲುಕು ಹಾಕುತ್ತಿರುತ್ತದೆ.

ಸಲಹೆ #7

ಒಂದು ವೇಳೆ ಬೆಳಿಗ್ಗೆದ್ದ ತಕ್ಷಣ ಎಚ್ಚರಾಗದೇ ಇದ್ದರೆ ಹಾಗೂ ತಲೆ ತಿರುಗುತ್ತಿದೆ, ವಾಪಸ್ ಮಲಗೋಣ ಎಂದು ಮನಸ್ಸಾದರೆ ತಕ್ಷಣ ಹಾಸಿಗೆಯ ಮೇಲೆ ಕುಳಿತು ಬಲಗಾಲನ್ನು ನೆಲದ ಮೇಲೆ ಇರಿಸಿ. ಇದರಿಂದ ಮೆದುಳಿಗೆ ಪರಿಸರಕ್ಕೆ ಹೊಂದಿಕೊಳ್ಳಲು ಸಾಧ್ಯವಾಗುತ್ತದೆ.

ಸಲಹೆ #8

ಒಂದು ವೇಳೆ ಮೂತ್ರವಿಸರ್ಜನೆಗೆ ವಿಪರೀತವಾಗಿ ಅವಸರವಾಗಿದ್ದರೆ ಹಾಗೂ ಆ ಕ್ಷಣದಲ್ಲಿ ಅವಕಾಶವಿಲ್ಲದೇ ಇದ್ದರೆ ತಕ್ಷಣ ಮನಸ್ಸಿನಲ್ಲಿ ಪ್ರೇಮದ ಕುರಿತಾದ ಯಾವುದಾದರೂ ವಿಷಯವೊಂದನ್ನು ಕಲ್ಪಿಸಿಕೊಳ್ಳಿ. ಪೋಲಿ ವಿಷಯವಾದರೂ ಸರಿ. ಇದರಿಂದ ರಕ್ತಪರಿಚಲನೆ ಮೂತ್ರಕೋಶದಿಂದ ಕಡಿಮೆಯಾಗಿ ಮೂತ್ರಕ್ಕೆ ಅವಸರವಾಗುವುದು ತಪ್ಪುತ್ತದೆ. ಈಗ ಹತ್ತಿರದ ಶೌಚಾಲಯ ಹುಡುಕುವುದು ಸುಲಭವಾಗುತ್ತದೆ.