ಇಂತಹ ಚಿಕ್ಕ ಪುಟ್ಟ ಅಭ್ಯಾಸಗಳೇ ಆರೋಗ್ಯ ಉಳಿಸುವ ಗುಟ್ಟುಗಳು!

Posted By: Arshad
Subscribe to Boldsky

ಆರೋಗ್ಯವೇ ಭಾಗ್ಯ ಎಂಬ ಗಾದೆಯೇ ಇದೆ. ಆರೋಗ್ಯ ಕೆಟ್ಟಾಗ ಇದನ್ನು ಸರಿಪಡಿಸಲು ಔಷಧಿ ಬೇಕಾಗುತ್ತದೆ. ಆದರೆ ಆರೋಗ್ಯ ಕೆಡಲಿಕ್ಕೂ ನಮ್ಮ ಕೆಲವು ಅಭ್ಯಾಸಗಳೇ ಕಾರಣ. ಇವನ್ನು ನಿಲ್ಲಿಸುವ ಹಾಗೂ ಕೆಲವು ಒಳ್ಳೆಯ ಅಭ್ಯಾಸಗಳನ್ನು ಅಳವಡಿಸಿಕೊಳ್ಳುವ ಮೂಲಕ ಈ ಸ್ಥಿತಿಗೆ ಬರದೇ ಇರುವಂತೆ ನೋಡಿಕೊಳ್ಳಬಹುದು. ಅಂದರೆ ಅಷ್ಟರ ಮಟ್ಟಿಗೆ ಮಾತ್ರೆ, ಔಷಧಿಗಳಿಂದ ದೂರವಿರಲು ಸಾಧ್ಯ. ಅಲ್ಲದೇ ನಿಸರ್ಗ ನೀಡಿರುವ ಸುಲಭ ಸಾಮಾಗ್ರಿಗಳನ್ನು ಬಳಸಿಯೂ ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದು.

ಈ ಮೂಲಕವೂ ಮಾತ್ರೆಯ ಮೇಲಿನ ಅವಲಂಬನೆಯನ್ನು ಸಾಕಷ್ಟು ಕಡಿಮೆ ಮಾಡಬಹುದು. ಕೆಲವು ಸರಳ ಅಭ್ಯಾಸಗಳಂತೂ ಅದ್ಭುತವಾಗಿ ಕೆಲಸ ಮಾಡುತ್ತದೆ. ಉದಾಹರಣೆಗೆ ಕೆಲಸದ ಸ್ಥಳದಲ್ಲಿ ಒತ್ತಡವಿದ್ದಾಗ ಹಸಿರು ಎಲೆಗಳು ನಳನಳಿಸುತ್ತಿರುವ ಮರವನ್ನು ತದೇಕದೃಷ್ಟಿಯಿಂದ ನೋಡಿ. ಕೆಲವು ಕ್ಷಣಗಳಲ್ಲಿಯೇ ಒತ್ತಡ ಮಾಯವಾದಂತೆ ಅನ್ನಿಸುತ್ತದೆ.

ಅಜ್ಜಿ ಕಾಲದ ಮನೆಮದ್ದು- ಅಂದಿಗೂ ಹಿಟ್, ಎಂದೆಂದಿಗೂ ಹಿಟ್

ಒಂದು ವೇಳೆ ಖಿನ್ನತೆ ಆವರಿಸುತ್ತಿದೆ ಎಂದು ಅನ್ನಿಸಿದರೆ ತಕ್ಷಣ ಬಿಸಿಲಿಗೆ ದೇಹವನ್ನು ಒಡ್ಡಿಕೊಳ್ಳಿ. ಈಗ ಕೊಂಚ ಸಮಾಧಾನವಾಗುತ್ತದೆ. ಇದೇ ರೀತಿಯ ಕೆಲವಾರು ಸುಲಭ ಅಭ್ಯಾಸಗಳಿದ್ದು ನಿಯಮಿತವಾಗಿ ಅನುಸರಿಸುವ ಮೂಲಕ ಆರೋಗ್ಯವನ್ನು ವೃದ್ಧಿಸಿಕೊಳ್ಳಬಹುದು. ಬನ್ನಿ, ಇವುಗಳಲ್ಲಿ ಕೆಲವು ಸಲಹೆಗಳನ್ನು ಈಗ ನೋಡೋಣ....

ಸಲಹೆ #1

ಸಲಹೆ #1

ಒಂದು ವೇಳೆ ನಿಮ್ಮ ಮೂಗು ಕಟ್ಟಿಕೊಂಡಿದ್ದರೆ ರಾತ್ರಿ ಮಲಗುವ ಮುನ್ನ ಒಂದು ಈರುಳ್ಳಿಯನ್ನು ಉದ್ದನೆ ಕತ್ತರಿಸಿ ಎರಡು ಭಾಗಗಳನ್ನಾಗಿಸಿ ತಲೆದಿಂಬಿನ ಅಕ್ಕ ಪಕ್ಕದಲ್ಲಿ ಒಂದೊಂದು ಭಾಗವನ್ನು, ಕತ್ತರಿಸಿದ ಭಾಗ ಮೇಲೆ ಬರುವಂತೆ ಇರಿಸಿ ಮಲಗಿ. ಬೆಳಿಗ್ಗೆದ್ದ ಬಳಿಕ ಕಟ್ಟಿಕೊಂಡಿದ್ದ ಮೂಗು ಪೂರ್ಣವಾಗಿ ತೆರೆದಿರುತ್ತದೆ.

ಸಲಹೆ #2

ಸಲಹೆ #2

ಸೊಳ್ಳೆ ಕಚ್ಚಿದ ಕೆಲವೇ ಕ್ಷಣಗಳಲ್ಲಿ ಚರ್ಮ ಊದಿಕೊಂಡು ಭಾರೀ ತುರಿಕೆ ಉರಿ ಎದುರಾಗುತ್ತದೆ. ಇದು ಆಗದೇ ಇರದಂತೆ ನೋಡಿಕೊಳ್ಳಲು ಸೊಳ್ಳೆ ಕಚ್ಚಿದ ಭಾಗಕ್ಕೆ ಕೊಂಚ ಸುಗಂಧ (ಡಿಯೋಡೋರೆಂಟ್) ಸಿಂಪಡಿಸಿ. ಇದರಿಂದ ಉರಿ ಹಾಗೂ ನವೆಯಾಗುವುದಿಲ್ಲ.

ಸಲಹೆ #2

ಸಲಹೆ #2

ಒಂದು ವೇಳೆ ರಾತ್ರಿ ಸರಿಯಾಗಿ ನಿದ್ದೆ ಬರದೇ ಇದ್ದರೆ ರಾತ್ರಿ ಮಲಗುವ ಮುನ್ನ ತಣ್ಣೀರಿನ ಸ್ನಾನ ಮಾಡಿ ಮಲಗುವ ಅಭ್ಯಾಸ ಮಾಡಿಕೊಳ್ಳಿ. ಇದರಿಂದ ದೇಹದ ತಾಪಮಾನ ಕಡಿಮೆಯಾಗಿ ನಿದ್ದೆ ಬರಲು ನೆರವಾಗುತ್ತದೆ. ಅಷ್ಟೇ ಅಲ್ಲ, ದಿನದ ಕೆಲಸದ ಒತ್ತಡ ಕಡಿಮೆಯಾಗುತ್ತದೆ ಹಾಗೂ ರಕ್ತಪರಿಚಲನೆಯೂ ಉತ್ತಮಗೊಳ್ಳುತ್ತದೆ.

ಸಲಹೆ #4

ಸಲಹೆ #4

ದುಃಖದ ಸಮಯದಲ್ಲಿ ಕಣ್ಣೀರು ಅವಿರತವಾಗಿ ಹರಿಯುತ್ತಿದ್ದು ಕೊಂಚ ಹೊತ್ತಿನ ಬಳಿಕ ದುಃಖವನ್ನು ನಿಯಂತ್ರಿಸಿದ ಬಳಿಕವೂ ಕಣ್ಣೀರು ಹರಿಯುತ್ತಲೇ ಇದ್ದರೆ ಕಣ್ಣುಗಳನ್ನು ಕೊಂಚ ಹೊತ್ತು ತೆರೆದೇ ಇರಿಸಿ. ಇದರಿಂದ ಕಣ್ಣೀರು ಹರಿಯುವುದು ನಿಲ್ಲುತ್ತದೆ.

ದುಃಖದ ಸಂಕೇತ ಕಣ್ಣೀರು- ಆರೋಗ್ಯದ ಪಾಲಿಗೆ ಪನ್ನೀರು!

 ಸಲಹೆ #5

ಸಲಹೆ #5

ಒಂದು ವೇಳೆ ಮದ್ಯಪಾನದ ಬಳಿಕ ಭಾರೀ ತಲೆನೋವು ಆವರಿಸಿದರೆ ಒಂದು ಪಾತ್ರೆಯಲ್ಲಿ ಕೊಂಚ ನೀರು ಮತ್ತು ಐಸ್ ತುಂಡುಗಳನ್ನು ಹಾಕಿ ಐಸ್ ಕರಗುತ್ತಿದ್ದಂತೆ ಎರಡೂ ಕೈಗಳನ್ನು ಈ ನೀರಿನಲ್ಲಿರಿಸಿ.

ಸಲಹೆ #6

ಸಲಹೆ #6

ಹೆಚ್ಚಿನ ವಿದ್ಯಾರ್ಥಿಗಳು ಹೊಸ ವಿಷಯವನ್ನು ಕಲಿಯಲು ಪ್ರಾತಃಕಾಲವೇ ಸೂಕ್ತ ಎಂದು ಬೆಳಿಗ್ಗೆ ಬೇಗನೇ ಏಳುತ್ತಾರೆ. ವಾಸ್ತವವಾಗಿ ಬೆಳಗ್ಗಿನ ಸಮಯದಲ್ಲಿ ನಮ್ಮ ಮೆದುಳು ರಾತ್ರಿ ಮಲಗುವ ಮುನ್ನ ಏನೇನು ಓದಿದ್ದಿರಿ ಎಂಬುದನ್ನು ಮೆಲುಕು ಹಾಕುತ್ತಿರುತ್ತದೆ.

ಸಲಹೆ #7

ಸಲಹೆ #7

ಒಂದು ವೇಳೆ ಬೆಳಿಗ್ಗೆದ್ದ ತಕ್ಷಣ ಎಚ್ಚರಾಗದೇ ಇದ್ದರೆ ಹಾಗೂ ತಲೆ ತಿರುಗುತ್ತಿದೆ, ವಾಪಸ್ ಮಲಗೋಣ ಎಂದು ಮನಸ್ಸಾದರೆ ತಕ್ಷಣ ಹಾಸಿಗೆಯ ಮೇಲೆ ಕುಳಿತು ಬಲಗಾಲನ್ನು ನೆಲದ ಮೇಲೆ ಇರಿಸಿ. ಇದರಿಂದ ಮೆದುಳಿಗೆ ಪರಿಸರಕ್ಕೆ ಹೊಂದಿಕೊಳ್ಳಲು ಸಾಧ್ಯವಾಗುತ್ತದೆ.

ಸಲಹೆ #8

ಸಲಹೆ #8

ಒಂದು ವೇಳೆ ಮೂತ್ರವಿಸರ್ಜನೆಗೆ ವಿಪರೀತವಾಗಿ ಅವಸರವಾಗಿದ್ದರೆ ಹಾಗೂ ಆ ಕ್ಷಣದಲ್ಲಿ ಅವಕಾಶವಿಲ್ಲದೇ ಇದ್ದರೆ ತಕ್ಷಣ ಮನಸ್ಸಿನಲ್ಲಿ ಪ್ರೇಮದ ಕುರಿತಾದ ಯಾವುದಾದರೂ ವಿಷಯವೊಂದನ್ನು ಕಲ್ಪಿಸಿಕೊಳ್ಳಿ. ಪೋಲಿ ವಿಷಯವಾದರೂ ಸರಿ. ಇದರಿಂದ ರಕ್ತಪರಿಚಲನೆ ಮೂತ್ರಕೋಶದಿಂದ ಕಡಿಮೆಯಾಗಿ ಮೂತ್ರಕ್ಕೆ ಅವಸರವಾಗುವುದು ತಪ್ಪುತ್ತದೆ. ಈಗ ಹತ್ತಿರದ ಶೌಚಾಲಯ ಹುಡುಕುವುದು ಸುಲಭವಾಗುತ್ತದೆ.

For Quick Alerts
ALLOW NOTIFICATIONS
For Daily Alerts

    English summary

    Awesome Health Hacks

    Sometimes, a simple tip can do a lot more than what a medicine can do. In fact, that is why home remedies are becoming more popular than over-the-counter pills. Actually, it is better to reduce your dependence over pills as much as possible. Here are some awesome health hacks which can help you at times.
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more