ಆರೋಗ್ಯದ ಸರದಾರ ಪಾಲಕ್ ಸೊಪ್ಪಿನ ಪವರ್...

By manu
Subscribe to Boldsky

ನಮ್ಮಲ್ಲಿ ಹಲವರಿಗೆ ಸೊಪ್ಪು ಎಂದರೆ ಬೇಡ ಎನ್ನಬೇಕಾದ ಪದಾರ್ಥವಾಗಿದೆ. ಅದರಲ್ಲೂ ಗಾಢ ಹಸಿರು ಬಣ್ಣದ ಬಸಲೆ, ಹರಿವೆ, ಪಾಲಕ್, ಮೆಂತೆ ಮೊದಲಾದ ಸೊಪ್ಪುಗಳನ್ನು ನೋಡಿದಾಕ್ಷಣ ಮೂಗು ಮುರಿಯುತ್ತಾರೆ. ಆದರೆ ಈ ಸೊಪ್ಪುಗಳಲ್ಲಿ ಅತಿ ಹೆಚ್ಚಿನ ಪ್ರಮಾಣದ ವಿಟಮಿನ್ನು, ಖನಿಜಗಳು ಮತ್ತು ಮುಖ್ಯವಾಗಿ ಕಬ್ಬಿಣದ ಅಂಶವಿದೆ.   ಸರಳ ತಯಾರಿಕೆಯ ಹರಿಕಾರ: ಪಾಲಕ್ ರೈಸ್ ಬಾತ್

ದಪ್ಪನೆಯ ಪಾಲಕ್ ಸೊಪ್ಪಿನಲ್ಲಿ ಕಬ್ಬಿಣದ ಅಂಶ ಹೆಚ್ಚೇ ಇದೆ. ಇದರೊಂದಿಗೆ ಫೈಟೋ ನ್ಯೂಟ್ರಿಯೆಂಟ್ ಎಂಬ ಪೋಷಕಾಂಶಗಳ ಜೊತೆಗೆ ಕ್ಯಾಲೋರಿಗಳೂ ಕಡಿಮೆ ಇರುವ ಕಾರಣ ಇದನ್ನೊಂದು ಸುಪರ್ ಆಹಾರ ಎಂದೂ ಕರೆಯಬಹುದು. ನಿಯಮಿತವಾಗಿ ಪಾಲಕ್ ಸೊಪ್ಪನ್ನು ಸೇವಿಸುತ್ತಾ ಇರುವ ಮೂಲಕ ಆರೋಗ್ಯಕ್ಕೆ ಹಲವಾರು ಲಾಭಗಳಿವೆ. ಇವುಗಳಲ್ಲಿ ಪ್ರಮುಖವಾದವು ಹೀಗಿವೆ... 

ಅತಿ ಹೆಚ್ಚಿನ ಕಬ್ಬಿಣದ ಪ್ರಮಾಣ

ಅತಿ ಹೆಚ್ಚಿನ ಕಬ್ಬಿಣದ ಪ್ರಮಾಣ

ಕಬ್ಬಿಣ ಅತಿ ಹೆಚ್ಚಿರುವ ಸೊಪ್ಪುಗಳೆಂದರೆ ಬಸಲೆ ಮತ್ತು ಪಾಲಕ್. ಬಸಲೆ ಆಗಾಗ ಸಿಗದೇ ಹೋದರೂ ಪಾಲಕ್ ಮಾತ್ರ ವರ್ಷವಿಡೀ ಸಿಗುತ್ತದೆ. ನಮ್ಮ ರಕ್ತದ ಕೆಂಪುಕಣಗಳ ಉತ್ಪತ್ತಿಗೆ ಕಬ್ಬಿಣ ಅತಿ ಅವಶ್ಯಕ. ಇದೇ ಕಾರಣದಿಂದ ಮಹಿಳೆಯರ ಮಾಸಿಕ ದಿನಗಳಲ್ಲಿ ಸೇವಿಸಲು ಬಸಲೆ ಮತ್ತು ಪಾಲಕ್ ಉತ್ತಮವಾದ ಆಹಾರಗಳಾಗಿವೆ. ಅಲ್ಲದೇ ಈ ಸೊಪ್ಪಿನ ದ್ರವಾಂಶ ಕ್ಷಾರೀಯವಾಗಿದ್ದು ಸಂಧಿವಾತ (rheumatoid arthritis) ಮತ್ತು ಆಮ್ಲವ್ಯಾಧಿ (acidosis) ಎಂಬ ತೊಂದರೆಗಳಿಗೆ ಔಷಧಿಯಂತೆ ಕೆಲಸ ಮಾಡುತ್ತದೆ. ಇದರಲ್ಲಿರುವ ವಿಟಮಿನ್ ಸಿ ಒಸಡುಗಳಲ್ಲಿ ರಕ್ತ ಒಸರುತ್ತಿದ್ದರೆ ಕಡಿಮೆ ಮಾಡುತ್ತದೆ.

ಅಪಧಮನಿಕಾಠಿಣ್ಯ (atherosclerosis) ನಿವಾರಿಸುತ್ತದೆ

ಅಪಧಮನಿಕಾಠಿಣ್ಯ (atherosclerosis) ನಿವಾರಿಸುತ್ತದೆ

ಇದರಲ್ಲಿರುವ ಆಂಟಿ ಆಕ್ಸಿಡೆಂಟುಗಳು ಮತ್ತು ಫೋಲಿಕ್ ಆಮ್ಲದ ಪರಿಣಾಮವಾಗಿ ಅಪಧಮನಿಕಾಠಿಣ್ಯ ಎಂಬ ಸ್ಥಿತಿ (ರಕ್ತನಾಳಗಳ ಒಳಗೆ ಜಿಡ್ಡು ತುಂಬಿ ಕಠಿಣವಾಗುವುದು) ಕಡಿಮೆಯಾಗುತ್ತದೆ. ಇದರಲ್ಲಿರುವ ಹರಿತ್ತು ಮತ್ತು ಫ್ಲೇವನಾಯ್ಡುಗಳು ಕ್ಯಾನ್ಸರ್ ಗೆ ಕಾರಣವಾಗುವ ಕಣಗಳ ವಿರುದ್ದ ಹೋರಾಡುವ ಗುಣ ಹೊಂದಿವೆ. ಅಲ್ಲದೇ ಹೆಚ್ಚಿನ ಪ್ರಮಾಣದಲ್ಲಿರುವ ಕ್ಯಾರೋಟಿನಾಯ್ಡ್ ಎಂಬ ಪೋಷಕಾಂಶ ಮತ್ತು ವಿಟಮಿನ್ ಎ ಕಣ್ಣುಗಳಿಗೆ ಉತ್ತಮವಾಗಿದ್ದು ವಿಶೇಷವಾಗಿ ರಾತ್ರಿಹೊತ್ತು ಆವರಿಸುವ ಅಂಧತ್ವವನ್ನು ನಿವಾರಿಸುತ್ತದೆ. ಅಲ್ಲದೇ ಒಣದಾಗುವ ಕಣ್ಣುಗಳು, ಕಣ್ಣಿನ ತುರಿಕೆ, ಕಣ್ಣಿನ ಅಲ್ಸರ್ ಮೊದಲಾದ ಸ್ಥಿತಿಗಳಿಂದಲೂ ರಕ್ಷಿಸುತ್ತದೆ. ಇದರ ಉರಿಯೂತ ನಿವಾರಕ ಗುಣ ಕಣ್ಣುಗಳ ಕೆಳಗಿನ ಚರ್ಮದಲ್ಲಿ ತುಂಬಿಕೊಂಡಂತಾಗುವ ಸ್ಥಿತಿಯಿಂದಲೂ ಕಾಪಾಡುತ್ತದೆ.

ಮಲಬದ್ಧತೆಯಿಂದ ರಕ್ಷಿಸುತ್ತದೆ

ಮಲಬದ್ಧತೆಯಿಂದ ರಕ್ಷಿಸುತ್ತದೆ

ಪಾಲಕ್ ನಲ್ಲಿ ಉತ್ತಮ ಪ್ರಮಾಣದ ಕರಗದ ನಾರು ಇದ್ದು ನಿಯಮಿತವಾದ ಸೇವನೆಯಿಂದ ಮಲಬದ್ಧತೆಯಾಗದೇ ಇರುವಂತೆ ನೋಡಿಕೊಳ್ಳಬಹುದು. ತನ್ಮೂಲಕ ಹೊಟ್ಟೆಯ, ಕರುಳಿನ ಹುಣ್ಣು, ಅಜೀರ್ಣ, ಮೂಲವ್ಯಾಧಿ ಮೊದಲಾದ ತೊಂದರೆಗಳಿಂದಲೂ ಕಾಪಾಡಿದಂತಾಗುತ್ತದೆ. ಅಲ್ಲದೇ ಇದರಲ್ಲಿರುವ ವಿಟಮಿನ್ ಕೆ ಮೂಳೆಗಳಲ್ಲಿ ಟೊಳ್ಳಾಗುವ ಸಾಧ್ಯತೆಯನ್ನು ಕಡಿಮೆಗೊಳಿಸುತ್ತದೆ. ಅಲ್ಲದೇ ಇದರಲ್ಲಿರುವ ಓಸ್ಟಿಯೋಕ್ಯಾಲ್ಸಿನ್ (osteocalcin) ಎಂಬ ಪೋಷಕಾಂಶ ಮೂಳೆಗಳ ಸಾಂದ್ರತೆಯನ್ನು ಹೆಚ್ಚಿಸಿ ಇನ್ನಷ್ಟು ದೃಢಗೊಳಿಸಲು ನೆರವಾಗುತ್ತವೆ.

ಗರ್ಭಿಣಿಯರಿಗೂ ಉತ್ತಮವಾಗಿದೆ

ಗರ್ಭಿಣಿಯರಿಗೂ ಉತ್ತಮವಾಗಿದೆ

ಇದರಲ್ಲಿರುವ ಫೋಲೇಟ್ ಎಂಬ ಪೋಷಕಾಂಶ ಗರ್ಭಿಣಿಯರಿಗೆ ಉತ್ತಮವಾಗಿದ್ದು ಶಿಶುವಿನ ಬೆಳವಣಿಗೆಗೆ ಸಹಕಾರಿಯಾಗಿದೆ. ಅಲ್ಲದೇ ಇದರ ಮೂಲಕ ಮಗುವಿನಲ್ಲಿ ಸೀಳುತುಟಿ, ಬೆನ್ನಿನಲ್ಲಿ ಬರುವ ಗುಳ್ಳೆ (spina bifida) ಎಂಬ ಸ್ಥಿತಿಯಿಂದಲೂ ರಕ್ಷಿಸಬಹುದು. ಪಾಲಕ್ ನಲ್ಲಿರುವ ವಿಟಮಿನ್ ಎ ಮಗುವಿನ ಶ್ವಾಸಕೋಶದ ಬೆಳವಣಿಗೆಯಲ್ಲಿ ಸಹಕರಿಸುತ್ತದೆ.

ಹಾಲೂಡಿಸುವ ತಾಯಂದಿರಿಗೂ ಉತ್ತಮವಾಗಿದೆ

ಹಾಲೂಡಿಸುವ ತಾಯಂದಿರಿಗೂ ಉತ್ತಮವಾಗಿದೆ

ಹಾಲೂಡಿಸುವ ತಾಯಂದಿರು, ಬಾಣಂತಿಯರು ನಿತ್ಯವೂ ಪಾಲಕ್ ಅಥವಾ ಬಸಲೆ ಸೊಪ್ಪನ್ನು ಸೇವಿಸಬೇಕು. ಏಕೆಂದರೆ ಇದರಲ್ಲಿರುವ ಕಬ್ಬಿಣದ ಅಂಶ ಕಳೆದುಕೊಂಡ ರಕ್ತವನ್ನು ಮತ್ತೆ ನಿರ್ಮಿಸಲು ನೆರವಾಗುತ್ತದೆ. ಅಲ್ಲದೇ ಇದರಲ್ಲಿರುವ ಪೋಷಕಾಂಶಗಳು ಎದೆಹಾಲಿನ ಗುಣಮಟ್ಟವನ್ನು ಹೆಚ್ಚಿಸುತ್ತವೆ. ಅದರಲ್ಲೂ ರಕ್ತದ ಒತ್ತಡ ಹೆಚ್ಚಿರುವ ತಾಯಂದಿರಿಗೆ ಇದು ಹೆಚ್ಚಿನ ಪೊಟ್ಯಾಶಿಯಂ ಮತ್ತು ಕಡಿಮೆ ಸೋಡಿಯಂ ಇರುವ ಅದ್ಭುತವಾದ ಆಹಾರವಾಗಿದ್ದು ರಕ್ತದಲ್ಲಿ ಸೋಡಿಯಂ ಅಂಶವನ್ನು ಕಡಿಮೆ ಮಾಡಿ ರಕ್ತದ ಒತ್ತಡವನ್ನು ಆರೋಗ್ಯಕರ ಮಟ್ಟಕ್ಕೆ ಇಳಿಸಲು ನೆರವಾಗುತ್ತದೆ.

 
For Quick Alerts
ALLOW NOTIFICATIONS
For Daily Alerts

    English summary

    What Happens When You Eat Spinach

    Spinach is a leafy green vegetable which not only tastes good, but has many health benefits as well. It is rich in vitamins, pigments, minerals, and phytonutrients. It is considered to be a super food that is rich in nutrients and low in calories. Consumption of spinach helps our body in a number of ways:
    ಭಾರತದ ಅತೀದೊಡ್ಡ ರಾಜಕೀಯ ಸಮೀಕ್ಷೆ. ನೀವು ಭಾಗವಹಿಸಿದ್ದೀರಾ?
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more