ಅಧ್ಯಯನ ವರದಿ: ಆಹಾರದ ಅಲರ್ಜಿ ಸಮಸ್ಯೆಗೆ ಆಹಾರಕ್ರಮ ಹೀಗಿರಲಿ...

ಹೊಸ ಅಧ್ಯಯನದ ಪ್ರಕಾರ , ಬೆಳಗಿನ ಹೊತ್ತು ಒಂದು ಬೌಲ್ ತುಂಬಾ ಹೆಚ್ಚು ನಾರಿನಾಂಶವುಳ್ಳ ಪದಾರ್ಥ ಮತ್ತು ಒಣಗಿದ ಏಪ್ರಿಕಾಟ್ ಜೊತೆಗೆ ವಿಟಮಿನ್ ಎ ಆಹಾರ ಸೇವನೆಯ ಪದ್ಧತಿಯನ್ನು ಪಾಲಿಸುತ್ತಾ ಬಂದರೆ, ಆಹಾರ ಅಲರ್ಜಿ ತೊಂದರೆಯನ್ನು ಬಹುತೇಕ ತಡೆಯಬಹುದು.

ನೆಲಗಡಲೆಯ ಅಲರ್ಜಿಯಿದ್ದ ಇಲಿಗಳ ಮೇಲೆ ಹೆಚ್ಚು ನಾರಿನಾಂಶ ಇರುವ ಆಹಾರವನ್ನು ಕೊಟ್ಟು ಪ್ರಯೋಗ ನಡೆಸಿದಾಗ, ಅವು ಅಲರ್ಜಿಯಿಂದ ಸುರಕ್ಷಿತವಾದವು. ಹೆಚ್ಚು ನಾರಿನಾಂಶ ಇರುವ ಆಹಾರ ಪದಾರ್ಥಗಳು ಕರುಳು ಮತ್ತು ದೊಡ್ಡ ಕರುಳಿನ ಆಕಾರವನ್ನು ಸರಿ ಮಾಡಿ ಆಹಾರ ಅಲರ್ಜಿಯ ವಿರುದ್ಧ ಹೋರಾಡುತ್ತದೆ. ಇದು ಆಸ್ಟ್ರೇಲಿಯಾದ ಮೊನಾಶ್ ವಿಶ್ವವಿದ್ಯಾಲಯದ ಫ್ರೊಫೆಸರ್ ಆದ ಜಿಯಾನ್ ಟ್ಯಾನ್ ನಡೆಸಿದ ಅಧ್ಯಯನದಲ್ಲಿ ತಿಳಿದು ಬಂದಿದೆ.

ನಮ್ಮ ದೇಹದಲ್ಲಿನ ನಿರೋಧಕ ವ್ಯೆವಸ್ಥೆ ಕರುಳಿನಲ್ಲಿ ಒಳ್ಳೆ ಬ್ಯಾಕ್ಟೀರಿಯಾ (ಅಣು ಜೀವಿ) ಜೊತೆ ಕೆಲಸ ಮಾಡಿ ಜೀವ ಬೆದರಿಕೆಯೊಡ್ಡುವ ಕೆಲವು ಆಹಾರದ ಅಲರ್ಜಿಯಿಂದ ಸಂರಕ್ಷಿಸುತ್ತದೆ. ಹೀಗೆಂದು ಸಂಶೋಧನಕಾರರು ಹೇಳಿದ್ದಾರೆ. ಆಹಾರದ ಅಲರ್ಜಿಯ ಕೆಲವೊಂದು ಲಕ್ಷಣಗಳು

ಕರುಳಿನಲ್ಲಿರುವ ಮೈಕ್ರೋಬೈಯೋಟ ನಿರೋಧಕ ವ್ಯೆವಸ್ಥೆಗೆ ನೆರವಾಗಿ ಅಲರ್ಜಿಯಾಗುವುದನ್ನು ತಡೆಯುತ್ತದೆ. ಇವು ನಾರಿನಾಂಶದ ಪದಾರ್ಥವನ್ನು ಮುರಿದು, ಸಣ್ಣ ಸರಣಿಯ ಕೊಬ್ಬಿನ ಆಮ್ಲಗಳಾಗಿ ಮಾಡುತ್ತದೆ.

ಈ ಸಣ್ಣ ಸರಣಿಯ ಕೊಬ್ಬಿನ ಆಮ್ಲಗಳು, ಡೆನ್ಡ್ರಿಟಿಕ್ ಸೆಲ್ಸ್ ಎಂಬ ಹೊಸ ನಿರೋಧಕ ವ್ಯೆವಸ್ಥೆಯನ್ನು ಸೃಷ್ಟಿ ಮಾಡುತ್ತದೆ. ಇದು ಆಹಾರ ಅಲರ್ಜಿಯನ್ನು ನಿಯಂತ್ರಿಸುತ್ತದೆ. ಹೆಚ್ಚಿನ ಪ್ರಮಾಣದ ಸಣ್ಣ ಸರಣಿಯ ಕೊಬ್ಬಿನ ಆಮ್ಲಗಳು ಕೋಶಗಳಿಗೆ ಅಲರ್ಜಿ ತಡೆಯುವ ಶಕ್ತಿಯನ್ನು ಕೊಡುತ್ತದೆ.

ಸಂಶೋಧನಕಾರರ ಪ್ರಕಾರ, ವಿಟಮಿನ್ "ಎ" ಕೊರತೆ ಕೂಡ ಆಹಾರ ಅಲರ್ಜಿಗೆ ಕಾರಣವಾಗುತ್ತದೆ, ವಿಶೇಷವಾಗಿ ಮಕ್ಕಳಲ್ಲಿ. ಈ ಅಧ್ಯಯನವು, ಆಹಾರದ ಅಲರ್ಜಿಗೆ ಸಣ್ಣ ಸರಣಿಯ ಕೊಬ್ಬಿನ ಆಮ್ಲಗಳನ್ನು ವಿತರಿಸುವ ಔಷಧೀಯ ಚಿಕಿತ್ಸೆ ಕೊಡಲು ನೆರವಾಯಿತು. ಹೀಗೆಂದು ಜರ್ನಲ್ ಸೆಲ್ ಪೋರ್ಟ್ ಪ್ರತ್ರಿಕೆಯಲ್ಲಿ ಪ್ರಕಟಿಸಲಾಗಿತ್ತು.

(ಐಎಎನ್ಎಸ್ ವರದಿ)

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.