ಅಡುಗೆಗೆ ಮಾತ್ರವಲ್ಲ ಆರೋಗ್ಯಕ್ಕೂ ಬೇಕು-ಇಂಗು

ಉಸಿರಾಟದ ತೊಂದರೆಗಳನ್ನು ಸರಿಪಡಿಸುತ್ತದೆ

ಇದರ ಉರಿಯೂತ ನಿವಾರಕ, ವೈರಸ್ ನಿವಾರಕ ಮತ್ತು ಜೀವಿರೋಧಿ ಗುಣಗಳ ಕಾರಣ ಇಂಗು ಒಣಕೆಮ್ಮು ಮತ್ತು ಅಸ್ತಮಾ ರೋಗಗಳಿಗೆ ಔಷಧದಂತೆ ಕೆಲಸ ಮಾಡುತ್ತದೆ. ಅಲ್ಲದೇ ಎದೆ ಮತ್ತು ಗಂಟಲಲ್ಲಿ ಕಟ್ಟಿಕೊಂಡಿರುವ ಕಫವನ್ನು ಕರಗಿಸಿ ನಿವಾರಿಸಲು ಪ್ರಚೋದಕದಂತೆ ವರ್ತಿಸುವ ಮೂಲಕ ಕಫದ ನಿವಾರಣೆಗೆ ಸಹಕರಿಸುತ್ತದೆ.

ಉಸಿರಾಟದ ತೊಂದರೆಗಳನ್ನು ಸರಿಪಡಿಸುತ್ತದೆ

ಇದಕ್ಕಾಗಿ ಚಿಟಿಕೆಯಷ್ಟು ಇಂಗನ್ನು ಒಂದು ಚಿಕ್ಕ ಚಮಚ ಒಣಶುಂಠಿಯ ಪುಡಿ ಮತ್ತು ಒಂದು ದೊಡ್ಡಚಮಚದಷ್ಟು ಜೇನುತುಪ್ಪವನ್ನು ಉಗುರುಬೆಚ್ಚನೆಯ ನೀರಿನಲ್ಲಿ ಕರಗಿಸಿ ದಿನಕ್ಕೆ ಮೂರು ಲೋಟ ಕುಡಿಯಬೇಕು.

ಹೊಟ್ಟೆಯ ತೊಂದರೆಗಳನ್ನು ನಿವಾರಿಸುತ್ತದೆ

ಹೊಟ್ಟೆಯ ವಿವಿಧ ತೊಂದರೆಗಳನ್ನು ನಿವಾರಿಸಲು ಇಂಗು ಉತ್ತಮವಾಗಿದೆ. ಅಜೀರ್ಣ, ಅಪಾನವಾಯು, ಕರುಳಿನಲ್ಲಿ ಕಚ್ಚಿಕೊಂಡಿರುವ ಲಾಡಿಹುಳ ಮೊದಲಾದ ಕ್ರಿಮಿಗಳು, ಮಲವಿಸರ್ಜನೆಯ ಸಮಯದಲ್ಲಿ ಉರಿ ಮೊದಲಾದ ತೊಂದರೆಗಳನ್ನು ನಿವಾರಿಸುತ್ತದೆ. ಇದಕ್ಕಾಗಿ ಪ್ರತಿದಿನ ನಿಮ್ಮ ಆಹಾರದಲ್ಲಿ ತಪ್ಪದೇ ಚಿಟಿಕೆಯಷ್ಟು ಇಂಗು ಸೇರಿಸಿದರೆ ಸಾಕು, ಬೇರೇನೂ ಬೇಕಾಗಿಲ್ಲ.

ತಲೆನೋವನ್ನು ಕಡಿಮೆಗೊಳಿಸುತ್ತದೆ

ಇದರ ಉರಿಯೂತ ನಿವಾರಕ ಗುಣ ತಲೆನೋವನ್ನು ನಿವಾರಿಸಲೂ ಉತ್ತಮವಾಗಿದೆ. ಒಂದು ವೇಳೆ ತಲೆನೋವು ನರಗಳ ಉರಿಯೂತದಿಂದ ಬಂದಿದ್ದರೆ, ಅಂದರೆ ಶೀತವಾದಾಗ ಹೆಚ್ಚಾಗುತ್ತಿದ್ದರೆ, ತಣ್ಣನೆಯ ಗಾಳಿ ಬೀಸಿದಾಗ, ದೊಡ್ಡ ಶಬ್ಧ ಕೇಳಿಸಿದಾಗ ಹೆಚ್ಚಾಗುವಂತಿದ್ದರೆ ಇದಕ್ಕೆ ಇಂಗು ಉತ್ತಮ ಪರಿಹಾರ ನೀಡಬಲ್ಲುದು.

ತಲೆನೋವನ್ನು ಕಡಿಮೆಗೊಳಿಸುತ್ತದೆ

ಇದಕ್ಕಾಗಿ ಒಂದು ಕಪ್ ಉಗುರುಬೆಚ್ಚನೆಯ ನೀರಿಗೆ ಚಿಟಿಕೆ ಇಂಗು ಸೇರಿಸಿ ದಿನಕ್ಕೆ ಮೂರು ಬಾರಿ ಕುಡಿದರೆ ಸಾಕು.

ಹಲ್ಲುನೋವನ್ನು ಕಡಿಮೆ ಮಾಡುತ್ತದೆ

ಇದರ ಆಂಟಿ ಆಕ್ಸಿಡೆಂಟು, ಬ್ಯಾಕ್ಟೀರಿಯಾ ನಿವಾರಕ ಮತ್ತು ಉರಿಯೂತ ನಿವಾರಕ ಗುಣ ಹಲ್ಲುನೋವನ್ನು ಕಡಿಮೆಗೊಳಿಸಲೂ ಸಮರ್ಥವಾಗಿದೆ. ಅಲ್ಲದೇ ಒಸಡಿನಲ್ಲಿ ರಕ್ತ, ಬಾಯಿಯೊಳಗಣ ಸೋಂಕು ಇತ್ಯಾದಿಗಳನ್ನು ಸಹಾ ಶಮನಗೊಳಿಸುತ್ತದೆ.

ಹಲ್ಲುನೋವನ್ನು ಕಡಿಮೆ ಮಾಡುತ್ತದೆ

ಇದಕ್ಕಾಗಿ ಇಂಗು ಬೆರೆಸಿದ ಬಿಸಿನೀರಿನಿಂದ ಮುಕ್ಕಳಿಸಿದರೆ ಸಾಕು. ಹಲ್ಲು ಹುಳುಕಾಗಿದ್ದು ನೋವುಂಟಾಗಿದ್ದರೆ ತಾತ್ಕಾಲಿಕ ಶಮನಕ್ಕೆ ಹುಳುಕಿನಲ್ಲಿ ಕೊಂಚವೇ ಇಂಗನ್ನು ಸುರಿಯುವುದು ಅಥವಾ ಇಂಗಿನ ನೀರಿನಲ್ಲಿ ಅದ್ದಿದ ಹತ್ತಿಯನ್ನು ಹುಳುಕುಹಲ್ಲಿನ ಮೇಲಿಟ್ಟು ಕಚ್ಚಿಕೊಳ್ಳುವ ಮೂಲಕ ನೋವು ಕಡಿಮೆಯಾಗುತ್ತದೆ.

ಕಿವಿನೋವನ್ನು ಕಡಿಮೆ ಮಾಡುತ್ತದೆ

ಇದರ ಉರಿಯೂತ ನಿವಾರಕ ಗುಣ ಮತ್ತು ಬ್ಯಾಕ್ಟ್ರೀರಿಯಾ ನಿವಾರಕ ಗುಣಗಳು ಸೋಂಕಿನಿಂದ ಉಂಟಾದ ಕಿವಿನೋವನ್ನೂ ಕಡಿಮೆಗೊಳಿಸಲು ಸಮರ್ಥವಾಗಿವೆ. ಇದಕ್ಕಾಗಿ ಕೊಂಚ ಕೊಬ್ಬರಿ ಎಣ್ಣೆಯನ್ನು ಬಿಸಿಮಾಡಿ ಇದಕ್ಕೆ ಚಿಟಿಕೆಯಷ್ಟು ಇಂಗು ಸೇರಿಸಿ ಮಿಶ್ರಣ ಮಾಡಿ ತಣಿಯಲು ಬಿಡಿ.

ಕಿವಿನೋವನ್ನು ಕಡಿಮೆ ಮಾಡುತ್ತದೆ

ಇದು ತಣಿದ ಬಳಿಕ ಈ ಮಿಶ್ರಣವನ್ನು ಅಡ್ಡಮಲಗಿ ಕಿವಿಯೊಳಕ್ಕೆ ಒಂದೊಂದಾಗಿ ಹನಿಯಂತೆ ಬಿಡಿ. ಕೊಂಚ ಸಮಯ ಹಾಗೇ ಮಲಗಿದ್ದು ಬಳಿಕ ನಿಂತು ಹೆಚ್ಚಿನ ದ್ರವ ಹೊರಹರಿಯುವಂತೆ ಮಾಡಿ. ಇದರಿಂದ ಕಿವಿನೋವು ಕಡಿಮೆಯಾಗುತ್ತದೆ.

ಕ್ಯಾನ್ಸರ್ ಬರದಂತೆ ತಡೆಯುತ್ತದೆ

ಇದರಲ್ಲಿರುವ ಆಂಟಿ ಆಕ್ಸಿಡೆಂಟುಗಳು ಕ್ಯಾನ್ಸರ್ ಕಾರಕ ಫ್ರೀ ರ್‍ಯಾಡಿಕಲ್ ಎಂಬ ಕಣಗಳನ್ನು ತಡೆಯುವಲ್ಲಿ ಸಕ್ಷಮವಾಗಿದ್ದು ದೇಹವನ್ನು ಹಲವು ರೀತಿಯ ಕ್ಯಾನ್ಸರ್ ನಿಂದ ಕಾಪಾಡುತ್ತದೆ. ಅಲ್ಲದೇ ಈಗಾಗಲೇ ಯಾವುದಾದರೊಂದು ಅಂಗ ಅನವರತವಾಗಿ ಬೆಳವಣಿಗೆ ಪ್ರಾರಂಭಿಸಿದ್ದರೆ ಇದನ್ನು ತಡೆದು ಉಲ್ಬಣಗೊಳಿಸದಂತೆ ಕಾಪಾಡುತ್ತದೆ.