ತರಕಾರಿ ಜ್ಯೂಸ್-ಆರೋಗ್ಯಕ್ಕೂ ಸೈ, ಸೌಂದರ್ಯಕ್ಕೂ ಜೈ

ತುಳಸಿ

ತುಳಸಿಯ ಔಷಧೀಯ ಗುಣಗಳು ಮತ್ತು ಅವುಗಳಲ್ಲಿರುವ ಆಂಟಿಆಕ್ಸಿಡೆಂಟ್‌ಗಳು ಹಾಗು ಆಂಟಿಬ್ಯಾಕ್ಟೀರಿಯಾ ಗುಣಗಳು ನಿಮ್ಮ ದೇಹವನ್ನು ನಿದ್ದೆ ಮಾಡುವಾಗ ಶುದ್ಧಗೊಳಿಸುತ್ತವೆ. ಈ ಎಲೆಗಳಲ್ಲಿ ಮ್ಯಾಂಗನೀಸ್, ಮೆಗ್ನಿಷಿಯಂ ಮತ್ತು ವಿಟಮಿನ್ ಎ ಇರುತ್ತದೆ.

ಸೌತೆಕಾಯಿ

ಸೌತೆಕಾಯಿ ನಿಮ್ಮ ದೇಹವನ್ನು ತಂಪು ಮಾಡುತ್ತದೆ. ಜೊತೆಗೆ ಕೋಶಗಳಿಗೆ ನೀರಿನಂಶವನ್ನು ಒದಗಿಸುತ್ತದೆ, ಇದು ಡೀಯುರೆಟಿಕ್ ಆಗಿ ವರ್ತಿಸುತ್ತದೆ, ಇದು ನಿಮ್ಮ ಉಷ್ಣಾಂಶವನ್ನು ನಿಯಂತ್ರಿಸುತ್ತದೆ. ಇದು ನಿಮ್ಮ ದೇಹದಲ್ಲಿರುವ ಕಶ್ಮಲಗಳನ್ನು ಹೊರಹಾಕಲು ಸಹಾಯ ಮಾಡುತ್ತದೆ ಮತ್ತು ಮೂತ್ರಪಿಂಡದಲ್ಲಿರುವ ಕಲ್ಲುಗಳನ್ನು ಸಹ ಕರಗಿಸುತ್ತದೆ. ಇದು ತ್ವಚೆಗೆ ಹೇಳಿ ಮಾಡಿಸಿದ ತರಕಾರಿಯಾಗಿರುತ್ತದೆ. ಇದು ಜ್ವರವನ್ನು ನಿವಾರಿಸುತ್ತದೆ, ರಕ್ತದೊತ್ತಡವನ್ನು ನಿಯಂತ್ರಿಸುತ್ತದೆ, ನಿಮ್ಮ ದೇಹದಲ್ಲಿರುವ ಯೂರಿಕ್ ಆಮ್ಲದ ಮಟ್ಟವನ್ನು ಕಡಿಮೆ ಮಾಡುತ್ತದೆ. ಅಲ್ಲದೆ ಇದರಲ್ಲಿ ವಿಟಮಿನ್ ಎ, ಬಿ, ಕ್ಲೋರಿನ್, ಸಲ್ಫರ್, ಪೊಟಾಶಿಯಂ ಮತ್ತು ಅಮೈನೋ ಆಮ್ಲಗಳು ಸಹ ಇರುತ್ತವೆ. ಇವು ದೇಹಕ್ಕೆ ಒಳ್ಳೆಯದು ಎಂದು ಪ್ರತ್ಯೇಕವಾಗಿ ಹೇಳಬೇಕಾಗಿಲ್ಲ.

ಪಾಲಕ್

ಇದು ಕೋಶಗಳನ್ನು ಶಕ್ತಿಶಾಲಿಗೊಳಿಸುವ ಅಂಶಗಳನ್ನು ಹೊಂದಿರುತ್ತದೆ. ಇದು ನಿಮ್ಮ ರಕ್ತ ಕಣಗಳಿಗೆ ಆಮ್ಲಜನಕವನ್ನು ಸರಬರಾಜು ಮಾಡುತ್ತದೆ ಮತ್ತು ಕರುಳುಗಳನ್ನು ಶುದ್ಧಗೊಳಿಸುತ್ತದೆ. ಜೊತೆಗೆ ಇದು ಕೆಲವು ಬಗೆಯ ಕ್ಯಾನ್ಸರ್‌ಗಳನ್ನು ಸಹ ನಿವಾರಿಸುತ್ತದೆ. ಇದರಲ್ಲಿ ಮ್ಯಾಂಗನೀಸ್, ಸೋಡಿಯಂ, ರಂಜಕ, ಮೆಗ್ನಿಷಿಯಂ, ಕ್ಯಾಲ್ಸಿಯಂ, ಪೊಟಾಶಿಯಂ, ಐಯೋಡಿನ್, ವಿಟಮಿನ್ ಎ,ಬಿ,ಸಿ,ಕೆ ಮತ್ತು ಕ್ಯಾರೊಟಿನಾಯ್ಡ್‌ಗಳು ಸಹ ಇರುತ್ತವೆ. ಒಂದೇ ಮಾತಿಗೆ ಹೇಳಬೇಕು ಎಂದರೆ ಪಾಲಕ್ ನಿಮ್ಮ ದೇಹಕ್ಕೆ ಆಲ್ಕಾಲೈಸ್ ಮಾಡುತ್ತದೆ.

ನಿಂಬೆ

ನಿಂಬೆಯು ನಿಮ್ಮ ದೇಹವನ್ನು ಮತ್ತು ಕರುಳು ಎರಡನ್ನೂ ಡೀಟಾಕ್ಸಿಫೈ ಮಾಡುತ್ತದೆ. ಇದರಲ್ಲಿರುವ ವಿಟಮಿನ್ ಸಿಯು ನಿಮಗೆ ತಾಜಾ ಅನುಭವ ನೀಡುತ್ತದೆ. ನಿಂಬೆ ಹಣ್ಣುಗಳಲ್ಲಿ ಫ್ಲಾವೊನಾಯ್ಡ್‌ಗಳು ಇರುತ್ತವೆ, ಇವು ಕ್ಯಾನ್ಸರ್ ವಿರುದ್ಧ ಹೋರಾಡುತ್ತವೆ.

ಸರಿಯಾದ ಸಮಯ ಯಾವುದು?

ಖಾಲಿ ಹೊಟ್ಟೆಯಲ್ಲಿ ಈ ಕ್ಲೀನ್ಸಿಂಗ್ ರಸವನ್ನು ಸೇವಿಸುವುದು ಒಳ್ಳೆಯದು. ಸಾಮಾನ್ಯವಾಗಿ ಈ ರಸಗಳನ್ನು ಬೆಳ್ಳಂಬೆಳಗ್ಗೆ ಸೇವಿಸುವು ಒಳ್ಳೆಯದು. ತರಕಾರಿ ರಸಗಳನ್ನು ಸಂಜೆ ಸಹ ಸೇವಿಸಬಹುದು. ಆದರೆ ಒಳ್ಳೆಯದನ್ನು ಸೇವಿಸಲು ಯಾವುದೇ ಸಮಯ ನೋಡುವ ಅವಶ್ಯಕತೆ ಇಲ್ಲ ಎಂಬುದು ನಮ್ಮ ಅಭಿಪ್ರಾಯ.

ನಾರಿನಂಶ

ಫಿಲ್ಟರ್ ಮಾಡುವಿಕೆ ಅಥವಾ ಶೋಧಿಸುವಿಕೆ ಮಾಡುವುದರಿಂದ ಈ ರಸದಲ್ಲಿರುವ ನಾರಿನಂಶಗಳು ಹಾಳಾಗುತ್ತವೆ. ಆಗ ಅವು ಒಳ್ಳೆಯ ಫಲಿತಾಂಶವನ್ನು ನೀಡುವುದಿಲ್ಲ. ಜೊತೆಗೆ ಇವುಗಳಿಗೆ ಸಕ್ಕರೆಯನ್ನು ಸಹ ಬೆರೆಸಬೇಡಿ.

ನೀರು ಬೆರೆಸಿಕೊಳ್ಳಿ