Just In
- 2 hrs ago ಗುರು ಸಂಚಾರ 2024: ಕನ್ಯಾ ರಾಶಿಯಲ್ಲಿ 12 ತಿಂಗಳು ಗುರುವಿನ ಪ್ರಭಾವ ಹೇಗಿರಲಿದೆ?
- 11 hrs ago ವಾರ ಭವಿಷ್ಯ: ಸಂಖ್ಯಾಶಾಸ್ತ್ರ ಪ್ರಕಾರ ಈ 7 ದಿನಗಳು ನಿಮಗೆ ಹೇಗಿರಲಿದೆ?
- 12 hrs ago ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- 13 hrs ago ಪರಿಸರ ದಿನ: ಇಂದು ನೀವು ಹೀಗೆ ಮಾಡಿದರೆ ಮುಂದಿನ ಪೀಳಿಗೆಗೆ ನೀಡುವ ದೊಡ್ಡ ಆಸ್ತಿ
Don't Miss
- News Soumya Reddy in Tirupati:ಸೌಮ್ಯ ರೆಡ್ಡಿ ಫೋಟೋ ಹಿಡಿದು ತಿರುಪತಿ ದೇವಸ್ಥಾನದ ಮುಂದೆ ಫೋಸ್ ಕೊಟ್ಟ ಭಕ್ತ!
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Automobiles ಬೈಕಿನಂತೆ ಮೈಲೇಜ್ ಕೊಡೋದ್ರಿಂದ ಈ ಹ್ಯುಂಡೈ ಕಾರಿನ ಮಾಲೀಕರು ಫುಲ್ ಖುಷ್
- Sports LSG vs CSK IPL 2024: ಐಪಿಎಲ್ನಲ್ಲಿ ಇತಿಹಾಸ ಸೃಷ್ಟಿಸಿದ ಎಂಎಸ್ ಧೋನಿ
- Movies ಹಳೇ ಟ್ವೀಟ್ ಹಾಕಿ ರಕ್ಷಿತ್ ಶೆಟ್ಟಿ ಹೇಳಿದ್ದೇನು? 'ರಿಚರ್ಡ್ ಆಂಟನಿ' ಕಥೆ ಏನಾಯ್ತು?
- Technology Samsung: ಭಾರತದಲ್ಲಿ ಹೊಸ ವೇರಿಯಂಟ್ನಲ್ಲಿ ಸ್ಯಾಮ್ಸಂಗ್ ಗ್ಯಾಲಕ್ಸಿ F15 5G! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನಿದ್ದೆ ಅತಿಯಾದರೂ ಆರೋಗ್ಯಕ್ಕೆ ಮಾರಕ, ನೆನಪಿರಲಿ....
ಅತಿಯಾಗಿ ತಿಂದರೆ ಅಮೃತವೂ ವಿಷವಂತೆ. ಈ ಮಾತು ಸಾರ್ವಕಾಲಿಕವಾಗಿದ್ದು ಬಹುತೇಕ ಎಲ್ಲಾ ವಿಷಯಗಳಿಗೂ ಅನ್ವಯಿಸುತ್ತದೆ. ಹಣ, ಅಧಿಕಾರ, ಆಹಾರ, ನಿದ್ದೆ ಎಲ್ಲವೂ ಒಂದು ಮಿತಿಯಲ್ಲಿದ್ದರೇ ಒಳ್ಳೆಯದು. ನಮ್ಮ ಆರೋಗ್ಯಕ್ಕೆ ನಿದ್ದೆ ಅಗತ್ಯವಾಗಿ ಬೇಕು. ಆದರೆ ದಿನಕ್ಕೆ ಆರರಿಂದ ಎಂಟು ಗಂಟೆ ಬೇಕಾದಷ್ಟಾಯಿತು. ಸರಿಯಾಗಿ ನಿದ್ದೆ ಬರುತ್ತಿಲ್ಲವೇ? ಕಾರಣ ತಿಳಿದುಕೊಳ್ಳಿ
ಅತಿಯಾದ ಆಯಾಸ ಅಥವಾ ದೈಹಿಕ ಶ್ರಮ ಅಥವಾ ಮಾನಸಿಕವಾಗಿ ಬಳಲಿದ್ದರೆ ಇದು ಹತ್ತು ಗಂಟೆಗಳವರೆಗೆ ಇರಬಹುದು, ಆದರೆ ಪ್ರತಿದಿನವಲ್ಲ. ಆದರೆ ದಿನಕ್ಕೆ ಹತ್ತು ಗಂಟೆಗೂ ಹೆಚ್ಚು ನಿದ್ರಿಸಿದರೆ ಮಾತ್ರ ಆರೋಗ್ಯಕ್ಕೆ ಮಾರಕ. ಮಲಗಿದರೆ ನಿದ್ದೆ ಬರುತ್ತದಲ್ಲಾ, ಸುಖವಾದ ನಿದ್ದೆಯನ್ನು ಸವಿಯುವುದರಲ್ಲೇನು ತಪ್ಪು ಎಂದು ಕೊಂಕು ನುಡಿಯುವವರಿಗೆ ಸರಿಯಾದ ಉತ್ತರ ನೀಡಿದ್ದೇವೆ ಮುಂದೆ ಓದಿ....
ಹೃದಯ ಸಂಬಂಧಿ ತೊಂದರೆಗಳು
ಅಮೇರಿಕಾದ American Academy of Sleep Medicine ಎಂಬ ಸಂಸ್ಥೆಯ ಮಾಧ್ಯಮದಲ್ಲಿ ಪ್ರಕಟವಾದ ವರದಿಯ ಪ್ರಕಾರ ಅಗತ್ಯಕ್ಕೂ ಹೆಚ್ಚಿನ ನಿದ್ದೆಯಿಂದ ಹೃದಯ ಸಂಬಂಧಿ ತೊಂದರೆಗಳ ಸಾಧ್ಯತೆ ಹೆಚ್ಚುತ್ತದೆ. ಒಂದು ಸಂಶೋಧನೆಯಲ್ಲಿ ದಿನಕ್ಕೆ ಒಂಬತ್ತರಿಂದ ಹನ್ನೊಂದು ಗಂಟೆ ನಿದ್ರಿಸುವ ಮಹಿಳೆಯರ ಆರೋಗ್ಯದ ಅಂಕಿ ಅಂಶಗಳನ್ನು ಪರಿಗಣಿಸಿದಾಗ ಇವರಲ್ಲಿ ಹೃದಯ ಸಂಬಂಧಿ ಕಾಯಿಲೆಗಳು ಬರುವ ಸಾಧ್ಯತೆ ಇತರರಿಗಿಂತ 38% ಹೆಚ್ಚು ಇರುವುದು ಪತ್ತೆಯಾಗಿದೆ.
ಸ್ಥೂಲಕಾಯ
ಸುಖನಿದ್ದೆಗೂ ಸ್ಥೂಲಕಾಯಕ್ಕೂ ನೇರವಾದ ಸಂಬಂಧವಿದೆ. ಹೆಚ್ಚು ನಿದ್ದೆ ಎಂದರೆ ಕಡಿಮೆ ವ್ಯಾಯಾಮ ಹಾಗೂ ಕಡಿತಗೊಂಡ ದೈಹಿಕ ಮತ್ತು ಮೆದುಳಿನ ಚಟುವಟಿಕೆ. ಇದರಿಂದ ದೇಹದಲ್ಲಿ ಸಂಗ್ರಹವಾಗಿದ್ದ ಕೊಬ್ಬು ಕರಗದೇ ಸ್ಥೂಲಕಾಯ ಶೀಘ್ರವಾಗಿ ಆವರಿಸುವುದು ಮಾತ್ರವಲ್ಲ, ನಿಧಾನವಾಗಿ ಏರುತ್ತಲೂ ಹೋಗುತ್ತದೆ.
ಬೆನ್ನು ನೋವು
ಸಾಮಾನ್ಯವಾಗಿ ನಾವೆಲ್ಲರೂ ಬೆನ್ನ ಮೇಲೆ ಮಲಗುತ್ತೇವೆ. ನಿದ್ದೆಯ ಹೊತ್ತಿನಲ್ಲಿ ನಮ್ಮ ಸ್ನಾಯುಗಳು ಸಡಿಲವಾಗಿರುವ ಕಾರಣ ಬೆನ್ನಮೂಳೆ ಅತಿ ಹೆಚ್ಚು ಬಾಗುವ ಸಂಭವವಿದೆ. ಇದನ್ನು ತಡೆಯಲು ಅಲ್ಲಿನ ಸ್ನಾಯುಗಳು ಪೆಡಸಾಗುತ್ತವೆ. ಹೆಚ್ಚು ಮಲಗುವ ಮೂಲಕ ಬೆನ್ನಿನ ಮೇಲಿನ ಒತ್ತಡವೂ ಹೆಚ್ಚಾಗುತ್ತದೆ. ಇದೇ ಕಾರಣಕ್ಕೆ ಹೆಚ್ಚು ಮಲಗಿ ಎದ್ದಾಗ ಬೆನ್ನಿನ ಕೆಳಭಾಗ ಸುಲಭವಾಗಿ ಏಳಲು ಅಸಾಧ್ಯವಾಗಿಸುತ್ತದೆ. ಬೆನ್ನು ಮೂಳೆಯ ನಡುವಣ ನರವೂ ಘಾಸಿಗೊಳ್ಳುವ ಸಾಧ್ಯತೆ ಇದೆ. ಇದು ಬೆನ್ನುನೋವಿಗೆ ಕಾರಣವಾಗುತ್ತದೆ.
ಮಧುಮೇಹ
ಹೆಚ್ಚಿನ ನಿದ್ದೆ ರಕ್ತದಲ್ಲಿನ ಸಕ್ಕರೆಯ ಪ್ರಮಾಣವನ್ನು ಹೆಚ್ಚಿಸಬಹುದು. PLoS One ಎಂಬ ನಿಯತಕಾಲಿಕೆಯಲ್ಲಿ ಪ್ರಕಟವಾದ ವರದಿಯ ಪ್ರಕಾರ ನಿಯಮಿತವಾಗಿ ದಿನಕ್ಕೆ ಒಂಬತ್ತು ಗಂಟೆಗಳಿಗೂ ಹೆಚ್ಚು ಕಾಲ ನಿದ್ರಿಸುವವರಲ್ಲಿ ಮಧುಮೇಹ ಆವರಿಸುವ ಸಾಧ್ಯತೆ ಸೂಕ್ತ ನಿದ್ದೆಯನ್ನು ಪಡೆಯುವವರಿಗಿಂತ ಹೆಚ್ಚಾಗಿರುತ್ತದೆ.
ಖಿನ್ನತೆ
PLoS One ನಿಯತಕಾಲಿಕೆಯ ಇನ್ನೊಂದು ವರದಿಯ ಪ್ರಕಾರ ಹೆಚ್ಚು ಕಾಲ ನಿದ್ದೆ ಮಾಡಿರುವವರು ಒತ್ತಡಕ್ಕೆ ಸಿಲುಕುವ ಸಾಧ್ಯತೆ ಹೆಚ್ಚಿರುತ್ತದೆ. ಏಕೆಂದರೆ ಮಲಗಿ ಎದ್ದ ಬಳಿಕ ಮೆದುಳಿಗೆ ಹರಿಯುವ ರಕ್ತದ ಪ್ರಮಾಣ ಸೂಕ್ತಮಟ್ಟಕ್ಕೇರಲು ಕೊಂಚ ಕಾಲ ಬೇಕು. ಹೆಚ್ಚಿನ ನಿದ್ದೆಯ ಕಾರಣ ಮೆದುಳಿನಲ್ಲಿ ರಕ್ತ ಬಹಳವೇ ಕಡಿಮೆ ಇರುತ್ತದೆ. ಈ ಸಮಯದಲ್ಲಿ ಎದುರಾಗುವ ಯಾವುದೇ ಸಮಸ್ಯೆಗೆ ಮೆದುಳು ಸೂಕ್ತವಾಗಿ ಪ್ರತಿಕ್ರಿಯಿಸದೇ ಒತ್ತಡಕ್ಕೆ ಒಳಗಾಗುತ್ತದೆ. ಆದ್ದರಿಂದ ಮೆದುಳಿನ ಕ್ಷಮತೆ ಸೂಕ್ತಮಟ್ಟದಲ್ಲಿರಬೇಕಾದರೆ ನಿದ್ದೆಯೂ ಸೂಕ್ತಮಟ್ಟದಲ್ಲಿಯೇ ಇರುವುದು ಅನಿವಾರ್ಯ.