ಅಲಕ್ಷ್ಯ ಮಾಡಬೇಡಿ, ಕಣ್ಣುಗಳೇ ನಮ್ಮ ಅಮೂಲ್ಯ ಸಂಪತ್ತು

Wellness

oi-Staff

By CM Prasad

Published: Saturday, January 16, 2016, 19:29 [IST]

ಕಣ್ಣುಗಳೂ ಸಹ ನಿಮ್ಮ ಬಾಳಿನ ಬಹು ಮುಖ್ಯ ಆಸ್ತಿಗಳಲ್ಲೊಂದು ಎಂಬುದು ಹೆಚ್ಚಿನವರಿಗೆ ತಿಳಿದಿಲ್ಲ. ಹೌದು! ಕಣ್ಣುಗಳನ್ನು ಹೆಚ್ಚು ಆರೋಗ್ಯವಾಗಿರಿಸಿಕೊಳ್ಳುವುದು ಎಲ್ಲರ ಜವಾಬ್ದಾರಿಯಾಗಿದೆ. ಈಗಿನ ತಂತ್ರಜ್ಞಾನದ ಯುಗದಲ್ಲಿ ಗಣಕ ಯಂತ್ರ, ಮೊಬೈಲ್, ಟಿವಿ ವೀಕ್ಷಣೆ ಪ್ರಮಾಣ ಹಿಂದಿಗಿಂತಲೂ ಗಣನೀಯವಾಗಿ ಏರಿಕೆಯಾಗಿದೆ. ಅಲ್ಲದೆ ಇದು ಜೀವನದ ಒಂದು ಭಾಗವಾಗಿಯೇ ಹೋಗಿದೆ.

ಆದರೆ ಇದರ ನಡುವಿನಲ್ಲಿ ಕಣ್ಣುಗಳ ಆರೈಕೆಯ ಮೇಲೆ ನಿರ್ಲಕ್ಷ್ಯ ವಹಿಸಬಾರದು. ಹೆಚ್ಚುಕಾಲ ಗಣಕ ಯಂತ್ರದ ವೀಕ್ಷಣೆ ಅಥವಾ ಹೆಚ್ಚು ಗಂಟೆಗಳ ಟಿವಿ ವೀಕ್ಷಣೆ ಕಣ್ಣುಗಳಿಗೆ ಖಂಡಿತವಾಗಿ ಮಾರಕವಾಗುತ್ತದೆ. ನಿಮ್ಮ ಕಣ್ಣುಗಳು ಕೆಂಪಾಗುವ ಅಥವಾ ನವೆಯಾಗುವ ಅಥವಾ ತೇವವಾಗುವ ಮುನ್ನ ಅನುಸರಿಸಬೇಕಾದ ಕೆಲವೊಂದು ತುರ್ತು ಕ್ರಮಗಳನ್ನು ನಿಮಗಾಗಿ ನಾವು ನೀಡುತ್ತಿದ್ದೇವೆ. ಇದರಿಂದ ನಿಮ್ಮ ಕಣ್ಣಿನ ಸಮಸ್ಯೆ ತಕ್ಷಣವೇ ಶಮನಗೊಳ್ಳುವುದು.

ತಂಪಾದ ಹಾಲು
ಸ್ವಲ್ಪ ಹತ್ತಿಯನ್ನು ತಂಪಾದ ಹಾಲಿನಲ್ಲಿ ಅದ್ದಿ ನಿಮ್ಮ ಕಣ್ಣುಗಳ ಮೇಲೆ ಸ್ವಲ್ಪ ಕಾಲ ಇಟ್ಟಿಕೊಳ್ಳಿ. ಇದರಿಂದ ಕಣ್ಣಿನ ಸುತ್ತಲಿನ ರಕ್ತ ಕಣಗಳ ಸುಗಮ ಆರೈಕೆಗೆ ಮತ್ತು ಕಣ್ಣುಗಳಿಗೆ ಉಂಟಾಗಿರುವ ಒತ್ತಡವನ್ನು ನಿವಾರಿಸುತ್ತದೆ. ಆರೋಗ್ಯದ ಸ್ಥಿತಿಯನ್ನು ಸ್ಪಷ್ಟವಾಗಿ ಸೂಚಿಸುವ ಕಣ್ಣುಗಳ ಬಣ್ಣ!

ಆಲೂಗಡ್ಡೆ

ಆಲೂಗಡ್ಡೆ ಎಲ್ಲರಿಗೂ ತಿಳಿದಿರುವಂತೆ ಸಹಜವಾದ ಸ್ವಚ್ಛಗೊಳಿಸುವ ಸಾಧನವಾಗಿದೆ. ಆದರೆ ಹೆಚ್ಚಿನವರಿಗೆ ಇದರಿಂದ ಕಣ್ಣನ್ನು ತಂಪುಗೊಳಿಸುವ ಗುಣ ಇದೆ ಎಂದು ತಿಳಿದಿಲ್ಲ. ತಣ್ಣಗಾಗಿಸಿದ ಆಲೂಗಡ್ಡೆ ಚೂರುಗಳನ್ನು ನಿಮ್ಮ ಕಣ್ಣುಗಳ ಮೇಲೆ 10 ನಿಮಿಷಗಳ ಕಾಲ ಇರಿಸಿಕೊಳ್ಳಿ. ಇದು ನಿಮ್ಮ ಕಣ್ಣಿನ ಉರಿ, ನವೆ ಮತ್ತು ತೇವಾಂಶವನ್ನು ಶಮನ ಮಾಡುತ್ತದೆ.

ಟೀ ಬ್ಯಾಗ್ಸ್

ಸಾಮಾನ್ಯವಾಗಿ ಉಪಯೋಗಿಸಿದ ಟೀ ಬ್ಯಾಗ್ ಗಳನ್ನು ಕಸದ ಬುಟ್ಟಿಗೆ ಎಸೆಯುತ್ತೇವೆ. ಈ ಉಪಯೋಗಿಸಿದ ಟೀ ಬ್ಯಾಗ್ ಗಳು ಸಹ ಕಣ್ಣಿನ ಆರೈಕೆಗೆ ನೆರವಾಗುತ್ತದೆ ಎಂದು ಸಾಕಷ್ಟು ಜನರಿಗೆ ತಿಳಿದಿಲ್ಲ. ಮೊದಲಿಗೆ ಉಪಯೋಗಿಸಿದ ಈ ಟೀ ಬ್ಯಾಗ್ ಗಳನ್ನು ತಂಪಾಗಿಸಿ. ನಿಮ್ಮ ಕಣ್ಣುಗಳು ನವೆಯುಂಟಾದಲ್ಲಿ ಅಥವಾ ಉರಿ ಇದ್ದಲ್ಲಿ ತಂಪಾಗಿಸಿದ ಟೀ ಬ್ಯಾಗ್ ಗಳನ್ನು ನಿಮ್ಮ ಕಣ್ಣಿನ ಮೇಲೆ ಇರಿಸಿಕೊಳ್ಳಿ. ಇದು ನಿಮ್ಮ ಕಣ್ಣನ್ನು ತಂಪಾಗಿಸಿ ಕಣ್ಣಿನ ಸುತ್ತಲಿರುವ ಕಪ್ಪು ಕಲೆಗಳನ್ನು ನಿವಾರಿಸುತ್ತದೆ. ಕಣ್ಣಿನ ಆರೋಗ್ಯಕ್ಕೆ ಬೇಕು, ಸ್ವಲ್ಪ ಸ್ಪೆಷಲ್ ಆರೈಕೆ!

ಸಿಟ್ರಸ್ ಹಣ್ಣುಗಳ ಸೇವನೆ

ವಿಟಮಿನ್ ಸಿ ಎಂದು ಹೇಳಿದರೆ ಅದು ಸಿಟ್ರಸ್ ಹಣ್ಣುಗಳಲ್ಲಿವೆ ಎಂದು ಗೊತ್ತಿದೆ. ಕಿತ್ತಲೆ ಮತ್ತು ದ್ರಾಕ್ಷಿಹಣ್ಣುಗಳು ತಿನ್ನಲು ರುಚಿಯಾಗಿರುವುದರ ಜೊತೆಗೆ ಶೀತ ಮತ್ತು ಕೆಮ್ಮನ್ನು ವಾಸಿಮಾಡುವುದು ಮತ್ತು ಕಣ್ಣುಗಳಿಗೂ ಸಹ ಉತ್ತಮ ಆಹಾರ. ನಾವು ಆಹಾರಗಳ ಜೊತೆ ಸಿಟ್ರಸ್ ಹಣ್ಣುಗಳನ್ನು ಸೇವಿಸಿ ಅಕ್ಷಿಪಟಲದ ಅವನತಿ ಮತ್ತು ಕ್ಯಾಟರಾಕ್ಟ್ (ಕಣ್ಣಿನ ಪೊರೆ) ಇವುಗಳಿಂದ ದೂರವಿರಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.