ಥೈರಾಯ್ಡ್ ಗ್ರಂಥಿಯ ಅಪಾಯದ ಲಕ್ಷಣಗಳು, ಎಚ್ಚರವಾಗಿರಿ!

ಸುಸ್ತು

ಇಡಿಯ ದಿನ ಯಾವುದೇ ಸುಸ್ತಾಗುವಂತಹ ಕೆಲಸ ಮಾಡದೇ ಇದ್ದರೂ ಸುಸ್ತು ಅನ್ನಿಸುವುದು, ಇಡಿಯ ದಿನ ನಿದ್ದೆಯ ಜೊಂಪು ಆವರಿಸಿರುವುದು, ಕೊಂಚ ಅವಕಾಶ ಸಿಕ್ಕಿದರೂ ನಿದ್ದೆಗೆ ಜಾರುವುದು ಇದರ ಪ್ರಮುಖ ಲಕ್ಷಣವಾಗಿದೆ. ಏಕೆಂದರೆ ನಿಮ್ಮ ರಕ್ತದಲ್ಲಿ ಹಾರ್ಮೋನುಗಳ ಪ್ರಮಾಣ ಕಡಿಮೆಯಾದರೆ ಜಡತ್ವವೂ ಹೆಚ್ಚುತ್ತದೆ. ಇದಕ್ಕೆ ಉತ್ತಮ ಪರಿಹಾರವೆಂದರೆ ಅಗತ್ಯವಿದ್ದರೂ ಇಲ್ಲದಿದ್ದರೂ ಶರೀರವನ್ನು ಸುಮ್ಮನಿರಲು ಬಿಡದೇ ಏನಾದರೊಂದು ಚಟುವಟಿಕೆಯಲ್ಲಿ ತೊಡಗಿಸಿಕೊಂಡಿರುವುದು.

ಖಿನ್ನತೆ

ಥೈರಾಯ್ಡ್ ಗ್ರಂಥಿಯ ಕ್ಷಮತೆ ಕಡಿಮೆಯಾಗಿರುವ ಇನ್ನೊಂದು ಸ್ಪಷ್ಟ ಲಕ್ಷಣವೆಂದರೆ ಖಿನ್ನತೆ ಮತ್ತು ನಿರುತ್ಸಾಹತೆ. ಇಡಿಯ ದಿನ ಏನೂ ಮಾಡಲು ಮನಸ್ಸು ಬಾರದೇ ಇರುವುದು, ಯಾವುದಾದರೂ ಚಟುವಟಿಕೆ ಇದ್ದರೆ ಇದನ್ನು ತಪ್ಪಿಸಿಕೊಳ್ಳಲು ನೆವ ಹುಡುಕುವುದು.

ಮಲಬದ್ಧತೆ

ಥೈರಾಯ್ಡ್ ಗ್ರಂಥಿಯ ಕ್ಷಮತೆ ಕಡಿಮೆಯಾಗುವ ಮೂಲದ ದೇಹದ ಕೆಲವು ಕ್ರಿಯೆಗಳೂ ಬಾಧೆಗೊಳಗಾಗುತ್ತವೆ. ಇದರಲ್ಲಿ ಪ್ರಮುಖವಾದುದು ಜೀರ್ಣಕ್ರಿಯೆಯಲ್ಲಿ ವ್ಯತ್ಯಯ. ಇದರ ನೇರಪರಿಣಾಮವಾಗಿ ಮಲಬದ್ಧತ ಉಂಟಾಗುತ್ತದೆ. ವಿಸರ್ಜನೆ ಕಾರ್ಯ ಎರಡು ಅಥವಾ ಮೂರು ದಿನಕ್ಕೊಮ್ಮೆಯಷ್ಟು ತಡವಾಗುತ್ತದೆ.

ಸ್ಮರಣ ಶಕ್ತಿ ಕುಂದುವುದು

ಮೆದುಳಿನ ಕ್ಷಮತೆಯೂ ಕುಂದುವ ಕಾರಣ ಸ್ಮರಣಶಕ್ತಿ, ಮುಂದೆ ಬರಬಹುದಾದುದನ್ನು ಊಹಿಸುವ ಶಕ್ತಿ, ಪೂರ್ವಗ್ರಹಣ ಶಕ್ತಿ ಮೊದಲಾದವು ಕೂಡಾ ಕಡಿಮೆಯಾಗುತ್ತದೆ.

ಸ್ಥೂಲಕಾಯ ಆವರಿಸುತ್ತದೆ

ಉತ್ತಮ ಆಹಾರ ಸೇವಿಸಿಯೂ, ನಿತ್ಯದ ಚಟುವಟಿಕೆಗಳನ್ನು ಆಚರಿಸಿಯೂ ತೂಕ ಹೆಚ್ಚುತ್ತಾ ಹೋದರೆ ಇದು ಸಹಾ ಥೈರಾಯ್ಡ್ ಗ್ರಂಥಿಯ ಕ್ಷಮತೆ ಕಡಿಮೆಯಾಗಿರುವ ಸೂಚನೆಯಾಗಿದೆ.

ನಿಮಿರು ದೌರ್ಬಲ್ಯ ಆವರಿಸುತ್ತದೆ

ಥೈರಾಯ್ಡ್ ಗ್ರಂಥಿಯ ಕ್ಷಮತೆ ಕಡಿಮೆಯಾಗುವ ಮೂಲಕ ಎದುರಾಗುವ ಇನ್ನೊಂದು ತೊಂದರೆ ಎಂದರೆ ನಿಮಿರು ದೌರ್ಬಲ್ಯ ಹಾಗೂ ಪ್ರೇಮಚಟುವಟಿಕೆಯಲ್ಲಿ ನಿರುತ್ಸಾಹ.

ಕೆಟ್ಟ ಕೊಲೆಸ್ಟ್ರಾಲ್ ಪ್ರಮಾಣದಲ್ಲಿ ಏರಿಕೆ

ಕೆಲವೊಮ್ಮೆ ಕೆಟ್ಟ ಕೊಲೆಸ್ಟ್ರಾಲ್ ಮಟ್ಟ ಏರಿಕೆಯಾಗಿರುವುದಕ್ಕೆ ಥೈರಾಯ್ಡ್ ಗ್ರಂಥಿಯೇ ಕಾರಣವಾಗಿರಬಹುದು. ಮೇಲಿನ ಸೂಚನೆಗಳಲ್ಲಿ ಕೆಲವಾದರೂ ನಿಮ್ಮ ಅನುಭವಕ್ಕೆ ಬಂದರೆ ತಕ್ಷಣವೇ ವೈದ್ಯರ ಬಳಿ ತಪಾಸಿಸಿಕೊಂಡು ಸೂಕ್ತ ಔಷಧಿಗಳನ್ನು ಸೇವಿಸುವ ಮೂಲಕ ಉತ್ತಮ ಆರೋಗ್ಯವನ್ನು ಮತ್ತೆ ಪಡೆಯಬಹುದು.