ಹುಳಿ ಸಿಹಿ ದ್ರಾಕ್ಷಿ ಜ್ಯೂಸ್‌‌ನಲ್ಲಿದೆ ಆರೋಗ್ಯಕರ ಗುಣಗಳು

ಪ್ರತಿರೋಧಕ ಶಕ್ತಿ ಸುಧಾರಣೆ

ಮಧ್ಯವಯಸ್ಕರು ನೇರಳೆ ಬಣ್ಣದ ದ್ರಾಕ್ಷಿಯ ಜ್ಯೂಸ್ ಅನ್ನು ಕುಡಿದರೆ ಅವರಲ್ಲಿ ಪ್ರತಿರೋಧಕ ಶಕ್ತಿಯು ಹೆಚ್ಚಾಗುತ್ತದೆ ಎಂದು ಜರ್ನಲ್ ಆಫ್ ಮೆಡಿಸಿನಲ್ ಫುಡ್ ನಲ್ಲಿ ಪ್ರಕಟವಾದ ಅಧ್ಯಯನವು ಹೇಳಿವೆ. ದ್ರಾಕ್ಷಿ ಜ್ಯೂಸ್ ಕುಡಿಯುವುದರಿಂದ ವಿಟಮಿನ್ ಸಿ ಮಟ್ಟವು ಹೆಚ್ಚುವುದು.

ಹೃದಯದಲ್ಲಿ ತಡೆ ನಿವಾರಣೆ

ದ್ರಾಕ್ಷಿ ಜ್ಯೂಸ್ ಕಿರುಬಿಲ್ಲೆ ಚಟುವಟಿಕೆಯನ್ನು ತಗ್ಗಿಸಿ ಹೃದಯದಲ್ಲಿರುವ ತಡೆಯನ್ನು ನಿವಾರಣೆ ಮಾಡುತ್ತದೆ ಎಂದು ಜರ್ನಲ್ ಆಫ್ ನ್ಯೂಟ್ರಿಷನ್ ನಲ್ಲಿ ಪ್ರಕಟನೆಯಾಗಿರುವ ಅಧ್ಯಯನವು ಹೇಳಿದೆ. ಒಂದು ಲೋಟ ಜ್ಯೂಸ್ ಕುಡಿಯುವುದರಿಂದ ತಡೆಗೆ ಕಾರಣವಾಗಿರುವ ಅಪಧಮನಿಗಳಲ್ಲಿ ಕಿರುಬಿಲ್ಲೆಗಳ ಗುಂಪುಗೂಡುವಿಕೆಯನ್ನು ಸಂಪೂರ್ಣವಾಗಿ ತಡೆಯುತ್ತದೆ ಎಂದು ಅಧ್ಯಯನವು ಕಂಡುಕೊಂಡಿದೆ.

ಚಯಾಪಚಾಯ ಕ್ರಿಯೆ ಸುಧಾರಣೆ

ನೇರಳೆ ಬಣ್ಣದ ದ್ರಾಕ್ಷಿಯ ಜ್ಯೂಸ್ ಕುಡಿಯುವ ಜನರ ಮೂತ್ರದಲ್ಲಿ ಇತರ ಹಣ್ಣುಗಳ ಜ್ಯೂಸ್ ಕುಡಿಯುವ ಅಥವಾ ಜ್ಯೂಸ್ ಕುಡಿಯದೆ ಇರುವ ವ್ಯಕ್ತಿಗಳ ಮೂತ್ರದಲ್ಲಿ ಕಂಡುಬರುವಂತಹ ಆಮ್ಲೀಯ ಅಂಶವು ಕಡಿಮೆಯಿತ್ತು ಎಂದು ತಿಳಿದುಬಂದಿದೆ. ಒಂದು ಲೋಟ ದ್ರಾಕ್ಷಿ ಜ್ಯೂಸ್ ಚಯಾಪಚಾಯ ಕ್ರಿಯೆಯನ್ನು ಸುಧಾರಿಸುತ್ತದೆ.

ರಕ್ತದೊತ್ತಡ ನಿಯಂತ್ರಣ

ದ್ರಾಕ್ಷಿ ಮತ್ತು ದ್ರಾಕ್ಷಿಯ ಸಿಪ್ಪೆಯಲ್ಲಿರುವಂತಹ ಫ್ಲಾವನಾಯ್ಡ್ ಮತ್ತು ಆ್ಯಂಟಿಆಕ್ಸಿಡೆಂಟ್ ಹೃದಯದ ಸ್ನಾಯುಗಳು ಆರಾಮವಾಗಿರುವಂತೆ ಮಾಡುತ್ತದೆ. ಇದರಿಂದ ರಕ್ತ ಸಂಚಲನವು ಸುಧಾರಣೆಯಾಗಿ ಏರುಪೇರಾಗುವ ರಕ್ತದೊತ್ತಡವನ್ನು ಸರಿಯಾಗಿ ನಿಯಂತ್ರಣದಲ್ಲಿಡುತ್ತದೆ.

ತೂಕ ಕಳೆದುಕೊಳ್ಳಲು

ಇದು ನೇರವಾಗಿ ತೂಕ ಕಳೆದುಕೊಳ್ಳುಲು ನೆರವಾಗುವುದಿಲ್ಲ. ಆದರೆ ವ್ಯಾಯಾಮದ ಬಳಿಕ ಕುಡಿಯಲು ಒಳ್ಳೆಯ ಜ್ಯೂಸ್. 12 ವಾರಗಳ ತನಕ ದ್ರಾಕ್ಷಿ ಜ್ಯೂಸ್ ನ್ನು ಕುಡಿದರೆ ಅದರಿಂದ ಯಾವುದೇ ರೀತಿಯ ತೂಕ ಹೆಚ್ಚಳವಾಗಲ್ಲ. ಆದರೆ ದ್ರಾಕ್ಷಿ ಸವಿಯ ಕೃತಕ ಪಾನೀಯ ಕುಡಿಯುತ್ತಿದ್ದವರಲ್ಲಿ ತೂಕದಲ್ಲಿ ವ್ಯತ್ಯಾಸ ಕಂಡುಬಂದಿದೆ.

ದ್ರಾಕ್ಷಿ ಜ್ಯೂಸ್ ಮಾಡುವ ವಿಧಾನ

ಒಂದು ಪಿಂಗಾಣಿಯಷ್ಟು ದ್ರಾಕ್ಷಿ(ಸರಿಯಾಗಿ ತೊಳೆದಿರಬೇಕು)

2 ಕಪ್ ನೀರು

ಮೂರು ಚಮಚ ಸಕ್ಕರೆ

ಸ್ವಲ್ಪ ಉಪ್ಪು

ದ್ರಾಕ್ಷಿ ಜ್ಯೂಸ್ ಮಾಡುವ ವಿಧಾನ

ಹೇಳಿದಷ್ಟು ಪ್ರಮಾಣದ ದ್ರಾಕ್ಷಿ ಮತ್ತು ಎರಡು ಕಪ್ ನೀರನ್ನು ಜ್ಯೂಸರ್ ಗೆ ಹಾಕಿಕೊಳ್ಳಿ. ಒಂದು ಸುತ್ತು ತಿರುಗಿಸಿದ ಬಳಿಕ ಸಕ್ಕರೆ ಹಾಕಿಕೊಳ್ಳಿ(ಅಗತ್ಯವಿದ್ದರೆ ಮಾತ್ರ). ಜ್ಯೂಸರ್ ಆನ್ ಮಾಡಿಕೊಳ್ಳಿ. ಜ್ಯೂಸ್ ಅನ್ನು ತೆಗೆದುಕೊಂಡು ಸೋಸಿಕೊಳ್ಳಿ. ರುಚಿಗೆ ಬೇಕಾಗಿ ಸ್ವಲ್ಪ ಉಪ್ಪು ಹಾಕಿಕೊಳ್ಳಿ. ಇದನ್ನು ಸರಿಯಾಗಿ ಮಿಶ್ರಣ ಮಾಡಿಕೊಂಡು ಪ್ರಿಡ್ಜ್‌ನಲ್ಲಿ ಕೆಲಹೊತ್ತು ಇಟ್ಟ ಬಳಿಕ ಕುಡಿಯಲು ನೀಡಿದರೆ ರುಚಿಕರವಾಗಿರುವ, ಆರೋಗ್ಯದಾಯಕ ದ್ರಾಕ್ಷಿ ಜ್ಯೂಸ್ ಕುಡಿಯಲು ರೆಡಿ.