Just In
Don't Miss
- News IT Company: ಐಟಿ-ಬಿಟಿ ಕಂಪನಿಗಳಿಗೆ ಜಲಮಂಡಳಿಯ ನೀರಿನ ಭರವಸೆ
- Sports CSK vs RCB: ದಾಖಲೆಯ ಪುಟ ಸೇರಿದ ಉದ್ಘಾಟನಾ ಪಂದ್ಯ: 16.8 ಕೋಟಿ ಜನರಿಂದ ವೀಕ್ಷಣೆ
- Finance ಮೃತರ ಖಾತೆಯಲ್ಲಿರುವ ಹಣವನ್ನು ಕುಟುಂಬಸ್ಥರು ಡ್ರಾ ಮಾಡಬಹುದಾ, ಬ್ಯಾಂಕ್ ನಿಯಮಾವಳಿ ಏನು ಹೇಳುತ್ತೆ?
- Automobiles ಇನ್ಮುಂದೆ ಟೋಲ್ ಪ್ಲಾಜಾಗಳು ಕಣ್ಮರೆ: ಖುಷಿ ಪಡುವ ಮುನ್ನ ಈ ಸುದ್ದಿ ನೋಡಿ...
- Technology Motorola: ಮೊಟೊರೊಲಾ ಎಡ್ಜ್ 50 ಅಲ್ಟ್ರಾ ಸ್ಮಾರ್ಟ್ಫೋನ್ ಫೀಚರ್ಸ್ ಲೀಕ್! ವಿಶೇಷತೆ ಏನು?
- Movies "ಇವರು ಆಡೋ ಮಾತುಗಳಿಂದ ನಮ್ಮ ತಾಯಿ ಊಟ ಮಾಡ್ತಿಲ್ಲ"; ಕಣ್ಣೀರಿಟ್ಟ ವರ್ತೂರು ಸಂತೋಷ್
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಉಸಿರಾಟದ ಸಮಸ್ಯೆಯನ್ನು ಅಪ್ಪಿತಪ್ಪಿಯೂ ಕಡೆಗಣಿಸಬೇಡಿ
ನಿತ್ಯಜೀವನದ ಚಟುವಟಿಕೆಗಳಿಗೆ ಸಾಮಾನ್ಯ ಉಸಿರಾಟವೇ ಸಾಕಾಗುವುದರಿಂದ ಈ ಸ್ಥಿತಿಗೆ ಒಳಗಾಗಿರುವ ವ್ಯಕ್ತಿಗಳಿಗೆ ತಮಗೆ ಈ ತೊಂದರೆ ಇದೆ ಎಂಬುವುದೇ ಗೊತ್ತಿರುವುದಿಲ್ಲ. ಇದು ಗೊತ್ತಾಗಬೇಕಾದರೆ ಒಮ್ಮೆ ಅನಿವಾರ್ಯವಾಗಿ ಕೊಂಚ ದೂರ ಓಡಿ ನಿಂತ ಬಳಿಕ ಉಸಿರು
ಆಧುನಿಕ ಜೀವನಶೈಲಿ ಹಾಗೂ ಸರಿಯಾದ ವ್ಯಾಯಾಮವಿಲ್ಲದೆ ಇರುವ ಕಾರಣದಿಂದಾಗಿ ವಯಸ್ಸಾಗುತ್ತಾ ಇರುವಂತೆ ಹಲವಾರು ಸಮಸ್ಯೆಗಳು ಕಾಣಿಸಿಕೊಳ್ಳುತ್ತದೆ. ಅದರಲ್ಲೂ ಉಸಿರಾಟದ ಸಮಸ್ಯೆ ವಯಸ್ಸಾಗುತ್ತಾ ಇರುವಂತೆ ಹಲವರನ್ನು ಕಾಡುವುದು. ಉಸಿರಾಡಲು ಕಷ್ಟವಾಗುವುದು ಯಾವುದೋ ಒಂದು ರೋಗವಾಗಿದೆ. ಅಚ್ಚರಿ ಆದರೂ ಸತ್ಯ- ಉಸಿರಾಟದ ಮೂಲಕ ಆರೋಗ್ಯವೃದ್ಧಿಸಿ!
ಇದರಿಂದ ನೀವು ವೈದ್ಯರನ್ನು ಭೇಟಿಯಾಗಿ ಅವರಿಂದ ಚಿಕಿತ್ಸೆ ಪಡೆದುಕೊಳ್ಳಲು ಹೋದರೆ ನಿಮಗೆ ಯಾವೆಲ್ಲಾ ರೀತಿಯ ಸಮಸ್ಯೆಗಳು ಆಗುತ್ತಾ ಇರುತ್ತದೆ ಎಂದು ಕೇಳುತ್ತಾರೆ. ಇದನ್ನು ಪರಿಶೀಲಿಸಿ ಅವರು ನಿಮಗೆ ಔಷಧಿ ಸೂಚಿಸುತ್ತಾರೆ. ಉಸಿರಾಡಲು ಕಷ್ಟಪಡುವುದರಿಂದ ಉಂಟಾಗುವ ಕೆಲವೊಂದು ಆರೋಗ್ಯ ಸಮಸ್ಯೆಗಳ ಬಗ್ಗೆ ವಿವರ ನೀಡಲಾಗಿದೆ. ಇದನ್ನು ತಿಳಿದುಕೊಳ್ಳಿ ಮತ್ತು ಇಂತಹ ಸಮಸ್ಯೆ ಯಾರನ್ನಾದರೂ ಕಾಡಿದರೆ ಅವರಿಗೆ ಇದರ ಬಗ್ಗೆ ತಿಳಿಸಿ.....
ಕೆಮ್ಮುವಾಗ ಉಸಿರು ಕಟ್ಟುವುದು
ನಿಮಗೆ ಕೆಮ್ಮುವಾಗ ಉಸಿರು ಕಟ್ಟಿದಂತೆ ಆಗುತ್ತಾ ಇದ್ದರೆ ಆಗ ನೀವು ದೀರ್ಘಕಾಲದ ಪ್ರತಿಬಂಧಕ ಶ್ವಾಸಕೋಶ ರೋಗ(ಸಿಒಪಿಡಿ)ದಿಂದ ಬಳಲುತ್ತಿದ್ದೀರಿ ಎಂದು ತಿಳಿದುಕೊಳ್ಳಬೇಕು. ಇದು ಸಾಮಾನ್ಯ ಕೆಮ್ಮಿಗಿಂತ ತುಂಬಾ ಅಪಾಯಕಾರಿ. ಇದರಿಂದ ಬಳಲುತ್ತಿರುವಾಗ ಉರಿಯೂತ ಹಾಗೂ ಶ್ವಾಸಕೋಶದ ನಾಳಗಳಲ್ಲಿ ಕಫ ತುಂಬಿರುತ್ತದೆ. ಧೂಮಪಾನ, ವಾಯುಮಾಲಿನ್ಯ ಮತ್ತು ವಿಷಕಾರಿ ರಾಸಾಯನಿಕಗಳು ಇದಕ್ಕೆ ಪ್ರಮುಖ ಕಾರಣವಾಗಿದೆ. ಈ ಕಾಯಿಲೆಯಿಂದ ಬಳಲುತ್ತಾ ಇರುವವರ ಪಾದ ಹಾಗೂ ಕಾಲುಗಳು ಊದಿಕೊಳ್ಳುವುದು.
ಬೇಗ ಆಯಾಸವಾಗುವುದು
ನೀವು ತುಂಬಾ ಚಟುವಟಿಕೆಯಿಂದ ಇದ್ದರೂ ದೇಹವು ಅತೀ ಬೇಗನೆ ಆಯಾಸಗೊಳ್ಳುವುದಕ್ಕೆ ಹಲವಾರು ರೀತಿಯ ಪೋಷಕಾಂಶಗಳ ಕೊರತೆ ಕಾರಣವಾಗಿದೆ. ದೇಹಕ್ಕೆ ಸಂಪೂರ್ಣವಾಗಿ ರಕ್ತ ಸಂಚಾರವನ್ನು ಮಾಡಲು ಕಬ್ಬಿನಾಂಶವು ಅತೀ ಅಗತ್ಯವಾಗಿರುತ್ತದೆ. ಕಬ್ಬಿನಾಂಶದ ಕೊರತೆಯಿದ್ದರೆ ಉಸಿರು ಕಟ್ಟುವುದು ಮತ್ತು ಎದೆಯಲ್ಲಿ ನೋವು ಕಾಣಿಸುವುದು. ಇಂತಹ ಸಮಸ್ಯೆ ನಿಮ್ಮಲ್ಲಿ ಇದ್ದರೆ ಕಬ್ಬಿನಾಂಶವಿರುವ ಆಹಾರವನ್ನು ಸೇವಿಸಿ.
ಅತಿಯಾಗಿ ಉಸಿರಾಡುವುದು
ನಿಮಗೆ ತುಂಬಾ ಆತಂಕ ಕಾಡುತ್ತಾ ಇದ್ದರೆ ಆಗ ನೀವು ಸಾಮಾನ್ಯಕ್ಕಿಂತ ಹೆಚ್ಚಿಗೆ ಉಸಿರಾಡುತ್ತೀರಿ. ಸಮಸ್ಯೆ ಹೀಗೆ ಮುಂದುವರಿದರೆ ಆಗ ಇದನ್ನು ಹೈಪರ್ವೆಂಟಿಲೇಶನ್ ಎಂದು ಕರೆಯಲಾಗುತ್ತದೆ. ಒತ್ತಡವನ್ನು ಸರಿಯಾಗಿ ನಿಭಾಯಿಸುವುದು ತುಂಬಾ ಮುಖ್ಯ. ಇದಕ್ಕೆ ನೀವು ವೈದ್ಯರ ನೆರವು ಪಡೆಯಬಹುದು.
ಹಠಾತ್ ಉಸಿರುಕಟ್ಟುವಿಕೆ
ನಿಮ್ಮ ಚಟುವಟಿಕೆಗಳು ಸರಿಯಾಗಿ ಸಾಗುತ್ತಾ ಇರುವಾಗ ಹಠಾತ್ ಆಗಿ ಉಸಿರುಕಟ್ಟಿದಂತೆ ಆದರೆ ಉಸಿರಾಟದ ನಾಳ ಅಥವಾ ಹೃದಯದಲ್ಲಿ ಏನಾದರೊಂದು ಸಮಸ್ಯೆಯಿರಬಹುದು. ಉಸಿರಾಟದಲ್ಲಿ ತೊಂದರೆಯಾಗುವುದು ಹೃದಯದ ಬಡಿತ ಮತ್ತು ಅದು ಎಷ್ಟು ರಕ್ತವನ್ನು ಹೊರಹಾಕುತ್ತದೆ ಎನ್ನುವುದನ್ನು ತೋರಿಸುತ್ತದೆ. ಈ ಸಮಸ್ಯೆಯಿದ್ದರೆ ತಕ್ಷಣ ವೈದ್ಯರನ್ನು ಭೇಟಿಯಾಗಿದೆ.
ಉಸಿರಾಟದ ವೇಳೆ ಶಬ್ದ ಬರುವುದು
ಉಸಿರಾಟದ ವೇಳೆ ಶಬ್ದ ಬರುತ್ತಾ ಇದ್ದರೆ ಉಸಿರಾಟದ ನಾಳಗಳು ಕುಗ್ಗಿವೆ ಎಂದು ತಿಳಿಯಬೇಕು. ಅಸ್ತಮಾ ಅಥವಾ ಯಾವುದೇ ರೀತಿಯ ಅಲರ್ಜಿಯು ಇದಕ್ಕೆ ಕಾರಣವಾಗಿರಬಹುದು. ಇದರ ಬಗ್ಗೆ ತಕ್ಷಣ ವೈದ್ಯರಿಂದ ಚಿಕಿತ್ಸೆ ಪಡೆಯುವುದು ಒಳ್ಳೆಯದು.