ಅಧಿಕ ರಕ್ತದೊತ್ತಡವನ್ನು ನಿಯಂತ್ರಿಸುವ ಏಳು ಪವರ್‌ಫುಲ್ ಜ್ಯೂಸ್

By manu
Subscribe to Boldsky

ಸಾಮಾನ್ಯವಾಗಿ ಸಿಟ್ಟು ಮಾಡಿಕೊಂಡರೆ ಬೀಪಿ ಏರಿಸಿಕೊಳ್ಳದಿರಿ ಎಂದು ಸಲಹೆ ನೀಡುತ್ತಾರೆ. ಆಂದರೆ ಸಿಟ್ಟಿಗೂ ಬೀಪಿಗೂ ನೇರವಾದ ನಂಟಿದೆ ಎಂದೇ ಜನರು ತಿಳಿದುಕೊಂಡಿದ್ದಾರೆ. ಇದು ಅರ್ಧ ಸತ್ಯವೇ ಹೊರತು ಪೂರ್ಣಸತ್ಯವಲ್ಲ.

ಏಕೆಂದರೆ ಸಿಟ್ಟಿನಲ್ಲಿದ್ದಾಗ ಮೆದುಳಿಗೆ ಹೆಚ್ಚಿನ ರಕ್ತಸಂಚಾರದ ಅಗತ್ಯವಿರುವ ಕಾರಣ ಹೃದಯ ಜೋರಾಗಿ ಹೊಡೆದುಕೊಳ್ಳುವ ಕಾರಣ ಆ ಕ್ಷಣ ರಕ್ತದೊತ್ತಡ ಹೆಚ್ಚುತ್ತದೆ. ಆದರೆ ಅಧಿಕ ರಕ್ತದೊತ್ತಡ ಎಂದರೆ ಸಿಟ್ಟಿಲ್ಲದ ಸಮಯದಲ್ಲಿಯೂ ಸಾಮಾನ್ಯಕ್ಕಿಂತ ಹೆಚ್ಚಿನ ಒತ್ತಡದಲ್ಲಿ ಹೃದಯ ರಕ್ತವನ್ನು ನೂಕುತ್ತಿರುವುದು. ಸದ್ದು ಮಾಡದೇ ಕಾಡುವ ರಕ್ತದೊತ್ತಡಕ್ಕೆ ಸರಳ ಟಿಪ್ಸ್

ಈ ಸಮಯದಲ್ಲಿ ಸಿಟ್ಟು ಬಂದಾಗ ಇನ್ನೂ ಅಧಿಕವಾದ ಒತ್ತಡವನ್ನು ಹೇರುವ ಕಾರಣ ಬೀಪಿ ಇದ್ದವರು ಸಿಟ್ಟಿಗೇಳಬಾರದು ಎಂದು ವೈದ್ಯರು ಸಲಹೆ ಮಾಡುತ್ತಾರೆ. ಹೆಚ್ಚಿನವರು ಇದನ್ನೇ ಅಪಾರ್ಥ ಕಲ್ಪಿಸಿಕೊಂಡು ಸಿಟ್ಟು ಬಂದರೇ ಬೀಪಿ ಏರುತ್ತದೆ ಎಂದು ತಿಳಿದುಕೊಂಡಿದ್ದಾರೆ. ಅಧಿಕ ರಕ್ತದೊತ್ತಡಕ್ಕೆ ಕೆಲವಾರು ಕಾರಣಗಳಿವೆ. ಸ್ಥೂಲಕಾಯ ಅಥವಾ ಶರೀರದಲ್ಲಿ ಸಂಗ್ರಹವಾಗಿರುವ ಕೊಬ್ಬು ಮೊದಲ ಕಾರಣ. ಆದರೆ ಸೋಮಾರಿಗಳಾಗಿದ್ದು ತೆಳ್ಳನೆಯ ಶರೀರ ಹೊಂದಿರುವವರೂ ಅಧಿಕ ಬಿಪಿ ಹೊಂದಿರುತ್ತಾರೆ. ಕಡಿಮೆ ರಕ್ತದೊತ್ತಡದಿ೦ದ ಬಳಲುತ್ತಿದ್ದೀರಾ? ಇಲ್ಲಿದೆ ಪರಿಹಾರ

ವ್ಯತಿರಿಕ್ತವಾಗಿ ಕೊಂಚ ದಪ್ಪ ಎಂದು ಕಂಡುಬಂದರೂ ತಮ್ಮ ಕ್ರೀಡೆ, ನಿತ್ಯದ ವ್ಯಾಯಮ ಮೊದಲಾದ ಚಟುವಟಿಕೆಯಿಂದ ಇರುವವರ ರಕ್ತದೊತ್ತಡ ಆರೋಗ್ಯಕರ ಮಟ್ಟದಲ್ಲಿರುತ್ತದೆ. ಆದ್ದರಿಂದ ಅಧಿಕ ರಕ್ತದೊತ್ತಡಕ್ಕೆ ನಮ್ಮ ಶಾರೀರಿಕ ಚಟುವಟಿಕೆಗಳು ನೇರವಾಗಿ ಸಂಬಂಧಿಸಿದೆ ಎಂದು ಸುಲಭವಾಗಿ ಹೇಳಬಹುದು. ಇದಕ್ಕೆ ಸೂಕ್ತವಾದ ಆಹಾರ ಕ್ರಮವೂ ಅಗತ್ಯ.

ಆದರೆ ಕೆಲವರಲ್ಲಿ ಎಲ್ಲಾ ಸರಿ ಇದ್ದರೂ ಇನ್ನಾವುದೋ ಕಾರಣದಿಂದ ರಕ್ತದೊತ್ತಡ ಹೆಚ್ಚಿರಬಹುದು. ಆಗ ವೈದ್ಯರು ಕೆಲವು ತಪಾಸಣೆಗಳನ್ನು ಮಾಡಿ ಇದಕ್ಕೆ ಕಾರಣ ಹುಡುಕಿ ಸೂಕ್ತವಾದ ಮಾತ್ರೆಗಳನ್ನು ಸಲಹೆ ಮಾಡುತ್ತಾರೆ. ಅಧಿಕ ರಕ್ತದೊತ್ತಡವನ್ನು ತಹಬಂದಿಗೆ ತರಲು ಕೆಲವು ಆಹಾರಗಳೂ ನೆರವು ನೀಡುತ್ತವೆ. ಇವುಗಳಲ್ಲಿ ಪ್ರಮುಖ ಪಾತ್ರ ವಹಿಸುವ ಕೆಲವು ಜ್ಯೂಸ್‌ಗಳನ್ನು ನೀಡಿದ್ದೇವೆ ಮುಂದೆ ಓದಿ...

ಜ್ಯೂಸ್ ರೆಸಿಪಿ #1

ಜ್ಯೂಸ್ ರೆಸಿಪಿ #1

ಮೂರು ಕ್ಯಾರೆಟ್, ಒಂದು ಬೀಟ್ರೂಟ್, ಕೊಂಚ ಸೆಲೆರಿ ಎಲೆಗಳು, ಐದು ಎಸಳು ಸೌತೆಕಾಯಿ, ಒಂದು ಮರಸೇಬು ಮತ್ತು ಒಂದು ಚಿಕ್ಕತುಂಡು ಹಸುಶುಂಠಿ, ಈ ಎಲ್ಲವನ್ನೂ ಜ್ಯೂಸರಿನಲ್ಲಿ ಹಾಕಿ ಚೆನ್ನಾಗಿ ಗೊಟಾಯಿಸಿ ಸೋಸಿ ರಸ ಸಂಗ್ರಹಿಸಿ. ಈ ರಸವನ್ನು ನಿತ್ಯವೂ ಬೆಳಿಗ್ಗಿನ ಹೊತ್ತಿನಲ್ಲಿ ಸತತವಾಗಿ ಒಂದು ವಾರ ಕುಡಿಯಿರಿ, ಬಳಿಕ ಬೀಪಿ ತಪಾಸಿಸಿದರೆ ಅಚ್ಚರಿ ಕಂಡುಬರಲಿದೆ.

ಜ್ಯೂಸ್ ರೆಸಿಪಿ #2

ಜ್ಯೂಸ್ ರೆಸಿಪಿ #2

ಬಿಪಿ ಕಡಿಮೆಯಾಗಲು ನಿಮ್ಮ ದಿನದ ಪ್ರಥಮ ಆಹಾರವಾಗಿ ಒಂದು ಲೀಟರ್ ಬೀಟ್ರೂಟ್ ಜ್ಯೂಸ್ ಅನ್ನು ನಿಧಾನವಾಗಿ, ಕೊಂಚ ಕೊಂಚವಾಗಿ ಕುಡಿಯುತ್ತಾ ಬನ್ನಿ. ಒಂದೇ ವಾರದಲ್ಲಿ ಬಿಪಿ ಕಡಿಮೆಯಾಗಿರುವುದನ್ನು ಕಂಡು ಅಚ್ಚರಿ ಪಡುತ್ತೀರಿ.

ಜ್ಯೂಸ್ ರೆಸಿಪಿ #3

ಜ್ಯೂಸ್ ರೆಸಿಪಿ #3

ಕಿತ್ತಳೆ ಮತ್ತು ಸೆಲೆರಿ ಎಲೆಗಳನ್ನು ಸಮಪ್ರಮಾಣದಲ್ಲಿ ಜ್ಯೂಸರಿನಲ್ಲಿ ಗೊಟಾಯಿಸಿ ರಸ ಸಂಗ್ರಹಿಸಿ. ಈ ಜ್ಯೂಸ್ ಅನ್ನು ಒಂದು ವಾರದ ಕಾಲ ಕುಡಿಯಿರಿ. ಬೀಪಿ ತುಂಬಾ ಹೆಚ್ಚಿಲ್ಲದೇ ಇದ್ದರೆ ಕಿತ್ತಳೆ ಇಲ್ಲದೇ ಬರೇ ಸೆಲೆರಿ ಎಲೆಗಳನ್ನು ಕುಡಿದರೂ ಸಾಕು.

ಜ್ಯೂಸ್ ರೆಸಿಪಿ #4

ಜ್ಯೂಸ್ ರೆಸಿಪಿ #4

ಒಂದು ಸೌತೆ, ಮೂರು ಟೊಮಾಟೊ, ಒಂದು ನೀರುಳ್ಳಿ, ಕೆಲವು ಪಾರ್ಸ್ಲೆ ಎಲೆಗಳು, ಅರ್ಧ ಲಿಂಬೆಯ ರಸ ಎಲ್ಲವನ್ನೂ ಮಿಕ್ಸಿಯಲ್ಲಿ ಗೊಟಾಯಿಸಿ ರಸ ಸಂಗ್ರಹಿಸಿ ನಿತ್ಯವೂ ಕುಡಿಯಿರಿ.

ಜ್ಯೂಸ್ ರೆಸಿಪಿ #5

ಜ್ಯೂಸ್ ರೆಸಿಪಿ #5

ಎರಡು ಸೇಬು, ಒಂದು ಕಪ್ ಕೇಲ್ ಎಲೆಗಳು, ಒಂದು ಚಿಕ್ಕ ತುಂಡು ಹಸಿಶುಂಠಿ, ಒಂದು ಸೌತೆ, ಕೆಲವು ಸೆಲೆರಿ ಎಲೆಗಳನ್ನು ಸೇರಿಸಿ ಮಿಕ್ಸಿಯಲ್ಲಿ ಚೆನ್ನಾಗಿ ಗೊಟಾಯಿಸಿ. ರುಚಿಗೆ ಕೊಂಚ ಲಿಂಬೆರಸವನ್ನೂ ಸೇರಿಸಬಹುದು.

ಜ್ಯೂಸ್ ರೆಸಿಪಿ #6

ಜ್ಯೂಸ್ ರೆಸಿಪಿ #6

ಎರಡು ಕಟ್ಟು ಕೊತ್ತಂಬರಿ ಸೊಪ್ಪು, ಎರಡು ಸೌತೆ, ಒಂದು ಸೇಬು ಮತ್ತು ಒಂದು ಹಸಿಮೆಣಸು (ಬೀಜ ನಿವಾರಿಸಿದ್ದು) ಹಾಗೂ ಕೊಂಚ ಲಿಂಬೆ ರಸ ಸೇರಿಸಿ ಚೆನ್ನಾಗಿ ಗೊಟಾಯಿಸಿ ಸೇವಿಸಿ.

ಜ್ಯೂಸ್ ರೆಸಿಪಿ #7

ಜ್ಯೂಸ್ ರೆಸಿಪಿ #7

ಒಂದು ದೊಡ್ಡ ಟೊಮಾಟೋ, ಒಂದು ಸೌತೆ, ಒಂದು ಕಟ್ಟು ಕೊತ್ತಂಬರಿ ಸೊಪ್ಪು ಮತ್ತು ಕೊಂಚ ಸೆಲೆರಿ ಎಲೆಗಳನ್ನು ಸೇರಿಸಿ ಗೊಟಾಯಿಸಿ ಕುಡಿಯಿರಿ. ಈ ಮೇಲಿನ ಯಾವುದೇ ಜ್ಯೂಸ್ ಅನ್ನು ಅನುಸರಿಸುವ ಮುನ್ನ ನಿಮ್ಮ ವೈದ್ಯರ ಸಲಹೆ ಪಡೆದೇ ಅವರು ಮಾಡುವ ಆಯ್ಕೆಯನ್ನೇ ನಿಮ್ಮ ಆಯ್ಕೆಯಾಗಿಸಿಕೊಳ್ಳಿ.

 
For Quick Alerts
ALLOW NOTIFICATIONS
For Daily Alerts

    English summary

    7 Miraculous Juice Remedies For High BP

    People suffering from high blood pressure have to take regular medication in order to control their BP. Sometimes, even after trying many medicines, controlling it tends to become difficult. keeping your blood pressure in control is the key. Yes, some foods can lower blood pressure. Here are some juice recipes which may help you control your BP.
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more