ಈ ಏಳು ಹಣ್ಣುಗಳ ಜ್ಯೂಸ್ ಆರೋಗ್ಯಕ್ಕೆ ಬಹಳ ಒಳ್ಳೆಯದು

ಕ್ಯಾರೆಟ್+ಶುಂಠಿ+ ಸೇಬು

ಇದು ಕೊಂಚ ಖಾರ ಸಿಹಿ ಮಿಶ್ರಣದ ರಸವಾಗಿದ್ದು ಇದರ ಸೇವನೆಯಿಂದ ಹೊಟ್ಟೆ ಮತ್ತು ಜಠರಗಳನ್ನು ಸ್ವಚ್ಛಗೊಳಿಸಲು ಸಾಧ್ಯವಾಗುತ್ತದೆ. ಇದಕ್ಕಾಗಿ ವಾರಕ್ಕೊಂದು ಬಾರಿಯಾದರೂ ಈ ಸಂಯೋಜನೆಯ ರಸವನ್ನು ಕುಡಿದು ಲಾಭವನ್ನು ಪಡೆಯಿರಿ.

ಟೊಮೇಟೊ+ಕ್ಯಾರೆಟ್+ಸೇಬು

ಉಸಿರಾಟದ ದುರ್ವಾಸನೆಯನ್ನು ತಡೆಯಲು ಈ ಸಂಯೋಜನೆ ಅತ್ಯುತ್ತಮವಾಗಿದೆ. ಅಲ್ಲದೇ ನಿಯಮಿತವಾಗಿ ಕುಡಿದಾಗ ಚರ್ಮಕ್ಕೂ ಉತ್ತಮವಾಗಿದ್ದು ಕಾಂತಿ ಹೆಚ್ಚುತ್ತದೆ.

ಸೇಬು + ಸೌತೆ + ಸೆಲೆರಿ ಎಲೆಗಳು

ಒಂದು ವೇಳೆ ಅತೀವ ತಲೆನೋವು ಅಥವಾ ಹೊಟ್ಟೆನೋವು ಬಾಧಿಸುತ್ತಿದ್ದರೆ ಈ ವಿಧಾನ ಹೆಚ್ಚು ಸೂಕ್ತವಾಗಿದೆ. ಅಲ್ಲದೇ ದೇಹದಿಂದ ಕೆಟ್ಟ ಕೊಲೆಸ್ಟ್ರಾಲ್ ನಿವಾರಿಸಲು ಮತ್ತು ಕೆಲವು ಬಗೆಯ ಕ್ಯಾನ್ಸರ್ ಬರುವುದನ್ನು ತಡೆಗಟ್ಟಲೂ ಈ ಪೇಯ ಅತ್ಯುತ್ತಮವಾಗಿದೆ.

ಅನಾನಸು + ಸೇಬು + ಕಲ್ಲಂಗಡಿ

ಈ ಸಂಯೋಜನೆ ಉತ್ತಮವಾದ ಮೂತ್ರವರ್ಧಕ ಗುಣಗಳನ್ನು ಹೊಂದಿದ್ದು ಮೂತ್ರಪಿಂಡಗಳು, ಮೂತ್ರಕೋಶ ಮತ್ತು ಮೂತ್ರನಾಳಗಳನ್ನು ಸ್ವಚ್ಛಗೊಳಿಸಲು ನೆರವಾಗುತ್ತದೆ. ಅಲ್ಲದೇ ಸಂಗ್ರಹಗೊಂಡಿದ್ದ ವಿಷಕಾರಿ ವಸ್ತುಗಳನ್ನು ಸುಲಭವಾಗಿ ವಿಸರ್ಜಿಸಲು ನೆರವಾಗುತ್ತದೆ.

ಹಾಗಲಕಾಯಿ + ಸೇಬು + ಹಾಲು

ಒಂದು ವೇಳೆ ಬಿಸಿಲಿನ ತಾಪದಿಂದ ಮೈ ಬಿಸಿ ಏರಿದ್ದು ಸುಸ್ತು ಆವರಿಸಿದ್ದರೆ ಈ ಸಂಯೋಜನೆ ಅತ್ಯುತ್ತಮವಾದ ಪರಿಹಾರ ನೀಡಬಲ್ಲದು.

ಬಾಳೆ + ಅನಾನಸು + ಹಾಲು

ಮಲಬದ್ಧತೆಯ ತೊಂದರೆಗೆ ಒಳಗಾಗಿದ್ದರೆ ಈ ಸಂಯೋಜನೆ ಅತ್ಯುತ್ತಮ ಆಯ್ಕೆಯಾಗಿದೆ. ಅಲ್ಲದೇ ಇದರಲ್ಲಿರುವ ಪೋಷಕಾಂಶಗಳು ದೇಹಕ್ಕೆ ಚೈತನ್ಯ ನೀಡುವ ಜೊತೆಗೇ ಜೀರ್ಣಶಕ್ತಿಯನ್ನೂ ಉತ್ತಮಗೊಳಿಸುತ್ತದೆ.

ಕ್ಯಾರೆಟ್ + ಸೇಬು + ಮರಸೇಬು + ಮಾವು

ಒಂದು ವೇಳೆ ಅಧಿಕ ರಕ್ತದೊತ್ತಡ ಬಾಧಿಸುತ್ತಿದ್ದರೆ ಮತ್ತು ಬಿಸಿಲಿನ ಝಳದಿಂದ ಸುಸ್ತು ಆವರಿಸಿದ್ದರೆ ಈ ಸಂಯೋಜನೆ ಅತ್ಯುತ್ತಮ ಆಯ್ಕೆಯಾಗಿದೆ. ಅಲ್ಲದೇ ದೇಹದ ವಿಷಕಾರಿ ವಸ್ತುಗಳನ್ನು ವಿಸರ್ಜಿಸಲೂ ನೆರವಾಗುತ್ತದೆ.