ಧ್ಯಾನವೆಂಬುದು ದೇವರೊಂದಿಗೆ ಮಾತನಾಡುವ ಕ್ರಿಯೆ...

ಗಮನ ಕೇಂದ್ರೀಕರಿಸಿದ ಧ್ಯಾನ

ಇದು ಅತ್ಯಂತ ಪ್ರಸಿದ್ಧವಾದ ಒಂದು ಧ್ಯಾನದ ಬಗೆಯಾಗಿದೆ. ಈ ತಂತ್ರದ ಪ್ರಕಾರ ನೀವು ಧ್ಯಾನ ಮಾಡುವಾಗ ಒಂದೇ ಒಂದು ವಿಚಾರದ ಮೇಲೆ ಗಮನ ಕೇಂದ್ರೀಕರಿಸಬೇಕಾಗುತ್ತದೆ. ಅದು ನಿಮ್ಮ ಮನಸ್ಸಿಗೆ ಇಷ್ಟವಾಗುವಂತಹ ಮತ್ತು ಶಾಂತಿಯನ್ನು ತರುವಂತಹ ಯಾವುದೇ ಅಂಶವಾಗಿರಬಹುದು. ಅದನ್ನು ಆರಿಸಿಕೊಂಡು ಅದರ ಮೇಲೆ ಧ್ಯಾನ ಮಾಡಿ.

ಅಸ್ತಿತ್ವ ಧ್ಯಾನ

ಧ್ಯಾನದ ತಂತ್ರಗಳಿಗೆ ಹೊರತಾಗಿ, ಇದರಲ್ಲಿ ನೀವು ಈಗ ನಿಮ್ಮ ವರ್ತಮಾನದಲ್ಲಿ ಏನು ನಡೆಯುತ್ತಿದೆ ಎಂದು ಧ್ಯಾನ ಮಾಡುತ್ತೀರಿ. ಇದನ್ನು ನೀವು ಯಾವಾಗ ಅಭ್ಯಾಸ ಮಾಡುತ್ತೀರೋ, ಆಗ ನಿಮ್ಮ ಮನಸ್ಸಿಗೆ ಬರುವ ಎಲ್ಲಾ ವಿಚಾರಗಳ ಕುರಿತು ನೀವು ಆಲೋಚನೆ ಮಾಡುತ್ತಾ ಧ್ಯಾನ ಮಾಡುತ್ತೀರಿ. ಹಾಗೆಯೇ ನಿಮ್ಮ ಸುತ್ತ ಮುತ್ತ ನಡೆಯುವ ವಿಚಾರಗಳ ಕುರಿತು ಧ್ಯಾನ ಮಾಡುತ್ತೀರಿ.

ಉಸಿರಿನ ಮೇಲೆ ಗಮನ ಕೇಂದ್ರೀಕರಿಸಿ

ಈ ತಂತ್ರದಲ್ಲಿ ನೀವು ಉಸಿರಿನ ಮೇಲೆ ಗಮನವನ್ನು ಕೇಂದ್ರೀಕರಿಸಿ ಧ್ಯಾನ ಮಾಡುತ್ತೀರಿ. ನಿಮ್ಮ ಉಸಿರಾಟದ ವೇಗ ಮತ್ತು ಅದರ ಆಳ, ಆವರ್ತನಗಳ ಮೇಲೆ ನೀವು ಗಮನ ಕೇಂದ್ರೀಕರಿಸಿ. ಅದನ್ನು ಬಿಟ್ಟು ನೀವು ಯಾವುದೇ ವಿಚಾರಗಳ ಮೇಲೆ ಗಮನವನ್ನು ಕೇಂದ್ರೀಕರಿಸಬೇಡಿ.

ಮಂತ್ರದ ಧ್ಯಾನ

ಇದು ಅತ್ಯಂತ ಜನಪ್ರಿಯವಾಗಿರುವ ಧ್ಯಾನದ ಬಗೆಯಾಗಿದೆ. ಯಾರಿಗೆ ಮಂತ್ರಗಳು ಇಷ್ಟವಾಗುತ್ತವೆಯೋ ಮತ್ತು ಮಂತ್ರಗಳ ಉಚ್ಛಾರಣೆ ಸರಿಯಾಗಿ ಬರುತ್ತದೆಯೋ, ಅವರು ಈ ಧ್ಯಾನವನ್ನು ಮಾಡಬಹುದು. "ಓಂ ನಮಃ ಶಿವಾಯಃ" ರೀತಿಯ ಸಾಮಾನ್ಯ ಬೀಜಾಕ್ಷರ ಮತ್ತು ನಾಮ ಮಂತ್ರಗಳನ್ನು ಸಹ ಧ್ಯಾನಕ್ಕೆ ಬಳಸಿಕೊಳ್ಳಬಹುದು. ಇದು ಧ್ಯಾನ ಮಾಡಲು ಹೇಳಿ ಮಾಡಿಸಿದಂತಹ ಎಲ್ಲಾ ವಿಧಾನಗಳಲ್ಲಿ ಅತ್ಯುತ್ತಮವಾದವುಗಳಲ್ಲಿ ಒಂದಾಗಿದೆ.

ವಸ್ತುವಿನ ಮೇಲೆ ಗಮನ ಕೇಂದ್ರೀಕರಿಸುವುದು

ಇದು ಯಾವುದಾದರು ಒಂದು ವಸ್ತುವಿನ ಮೆಲೆ ಗಮನ ಕೇಂದ್ರೀಕರಿಸುವ ಬಗೆಯ ಧ್ಯಾನವಾಗಿದೆ. ಇದರಲ್ಲಿ ವಿಗ್ರಹ, ದೀಪ, ಸ್ಟೇಷನರಿ ವಸ್ತು ಇತ್ಯಾದಿಗಳ ಮೇಲೆ ಗಮನ ಕೇಂದ್ರೀಕರಿಸಿ ಧ್ಯಾನ ಮಾಡಬಹುದು.

ದೇಹದ ಮೇಲೆ ಗಮನ ಕೇಂದ್ರೀಕರಿಸುವಿಕೆ

ಈ ವಿಧಾನದಲ್ಲಿ ನಿಮ್ಮ ಗಮನವನ್ನು ನಿಮ್ಮ ದೇಹದ ಅಂಗಗಳ ಮೇಲೆ ಕೇಂದ್ರೀಕರಿಸುವ ಮೂಲಕ ಧ್ಯಾನ ಮಾಡಬಹುದಾಗಿದೆ. ಇದು ನಿಮ್ಮ ಕಾಲು ಬೆರಳುಗಳಿಂದ ಶುರು ಮಾಡಿ ತಲೆಯವರೆಗೆ ಒಂದೊಂದೆ ದೇಹದ ಅಂಗವನ್ನು ಏಕಾಗ್ರತೆಯಿಂದ ಗಮನವಿಟ್ಟು ಧ್ಯಾನ ಮಾಡುವ ಕ್ರಿಯೆಯಾಗಿರುತ್ತದೆ. ಇವುಗಳು ಧ್ಯಾನ ಮಾಡಲು ಹೇಳಿ ಮಾಡಿಸಿದಂತಹ 10 ಅತ್ಯುತ್ತಮ ಬಗೆಯ ಮಾರ್ಗಗಳಾಗಿವೆ.