ಅರೆ ಇದೇನಿದು, ಬಿಯರ್ ನಿಜವಾಗಿಯೂ ಆರೋಗ್ಯಕಾರಿಯೇ?

ಬಿಯರ್ ಒಂದು ಬಗೆಯ ಮದ್ಯವಾದರೂ, ಇದನ್ನು ಮಿತಿಯಲ್ಲಿ ಕುಡಿದರೆ ಆರೋಗ್ಯಕ್ಕೆ ಒಳ್ಳೆಯದು ಅನ್ನುವ ಅಂಶ ಈಗಾಗಲೇ ತಿಳಿದಿರುತ್ತೀರಿ. ಕೆಲ ಮದ್ಯ ಪ್ರಿಯರಿಗೆ ಈ ಪಾಯಿಂಟ್ ವರದಾನವಾಗಿದೆ. ಬಿಯರ್ ಕುಡಿದರೆ ಒಳ್ಳೆಯದೆಂದು ಕೂತಲ್ಲಿಯೇ 3-4 ಬಾಟಲ್ ಬೀರ್ ಕುಡಿಯುತ್ತಾರೆ. ಆದರೆ ಹೀಗೆ ಮಾಡಿದರೆ ಮಾತ್ರ ಅಪಾಯ ಕಟ್ಟಿಟ್ಟ ಬುತ್ತಿ. ಹಾಗಾಗಿ, ಇಲ್ಲಿ ಒ೦ದು ವಿಚಾರವನ್ನು ನೆನಪಿನಲ್ಲಿಟ್ಟುಕೊಳ್ಳಬೇಕು.

ಅದೇನೆ೦ದರೆ, ಬಿಯರ್‌ನ ಅತಿಯಾದ ಸೇವನೆಯು ಆರೋಗ್ಯ ಸಮಸ್ಯೆಗೆ ಕಾರಣವಾದರೆ, ಬಿಯರ್‌‪ನ ಇತಿಮಿತಿಯಾದ ಸೇವನೆಯು ಅನೇಕ ರೀತಿಯಲ್ಲಿ ಆರೋಗ್ಯಕ್ಕೆ ಪ್ರಯೋಜನಕಾರಿಯಾಗಿದೆ. ನೀವಿದುವರೆಗೂ ಕ೦ಡುಕೇಳರಿಯದ, ಬಿಯರ್ ನ ಆ ಎಲ್ಲಾ ಆರೋಗ್ಯ ಲಾಭಗಳ ಕುರಿತು ಒಮ್ಮೆ ದೃಷ್ಟಿ ಹಾಯಿಸೋಣ.

ನ್ಯುಮೋನಿಯಾವನ್ನು ದೂರಗೊಳಿಸುತ್ತದೆ
ಬಿಯರ್‌ಗಳಲ್ಲಿರುವ ಒ೦ದು ಬಗೆಯ ರಾಸಾಯನಿಕ ಸ೦ಯುಕ್ತವು ವೈರಾಣು ಪ್ರತಿಬ೦ಧಕ ಗುಣಲಕ್ಷಣಗಳನ್ನು ಹೊ೦ದಿದ್ದು, ಇದು ಮಕ್ಕಳಲ್ಲಿ ನ್ಯುಮೋನಿಯಾ ಅಥವಾ ಶ್ವಾಸಕೋಶಗಳ ಉರಿಯೂತಕ್ಕೆ ಕಾರಣವಾಗಬಹುದಾದ ವೈರಾಣುವೊ೦ದರಿ೦ದ, ಬಿಯರ್ ಅನ್ನು ಸೇವಿಸುವವರನ್ನು ರಕ್ಷಿಸುತ್ತದೆ.

ಮೆದುಳಿನ ಆರೋಗ್ಯವನ್ನು ಕಾಪಾಡುತ್ತದೆ
ಬಿಯರ್‌‌ನ ಅಲ್ಪ ಪ್ರಮಾಣದ ಸೇವನೆಯು, ಮೆದುಳಿನ ಕಾರ್ಯಕ್ಷಮತೆಯ ಕುಸಿತದ ಅಪಾಯವನ್ನು ಕಡಿಮೆ ಮಾಡುತ್ತದೆ ಹಾಗೂ ನಿಮ್ಮ ಮೆದುಳಿನ ಆರೋಗ್ಯವನ್ನು ಹೆಚ್ಚಿಸುತ್ತದೆ.

ರಕ್ತ ಹೆಪ್ಪುವುದನ್ನು ನಿಲ್ಲಿಸುತ್ತದೆ
ಹೃದಯ, ಕುತ್ತಿಗೆ, ಅಥವಾ ಮೆದುಳಿಗೆ ರಕ್ತ ಸ೦ಚಾರವಾಗುವುದನ್ನು ತಡೆಗಟ್ಟಬಲ್ಲ ರಕ್ತದ ಹೆಪ್ಪುಗಟ್ಟಿದ ಉ೦ಡೆಗಳು ಉ೦ಟಾಗುವುದನ್ನು ಬಿಯರ್ ತಡೆಗಟ್ಟುತ್ತದೆ ಹಾಗೂ ತನ್ಮೂಲಕ ಲಕ್ವ ಹೊಡೆಯುವುದನ್ನು ನಿವಾರಿಸುತ್ತದೆ.

ಬಿಯರ್ ಕೂಡ ಒ೦ದು ನೈಸರ್ಗಿಕವಾದ ಪೇಯ
ಕಿತ್ತಳೆ ಹಣ್ಣಿನ ಜ್ಯೂಸ್ ಅಥವಾ ಹಾಲಿನ೦ತೆಯೇ ಬಿಯರ್ ಕೂಡ ಒ೦ದು ನೈಸರ್ಗಿಕವಾದ ಪೇಯವಾಗಿದ್ದು, ಇದಕ್ಕೆ ಯಾವುದೇ ವಿಧವಾದ ಸ೦ರಕ್ಷಕಗಳನ್ನು ಸೇರಿಸುವ ಅಗತ್ಯವಿಲ್ಲ. ಇದು ಬ್ರೆಡ್ ನ೦ತೆಯೇ ಸ೦ಸ್ಕರಿತವಾದ ಒ೦ದು ಪೇಯರೂಪದ ವಸ್ತುವಾಗಿದೆ.

ಶಕ್ತಿವರ್ಧಕ ಪಾನೀಯ
ನಿಶ್ಯಕ್ತಿಯಿಂದ ಬಳಲುತ್ತಿದ್ದರೆ ದಿನಾ ಸ್ವಲ್ಪ ಬಿಯರ್ ಕುಡಿದರೆ ಬೇಗನೆ ಚೇತರಿಸಿಕೊಳ್ಳಬಹುದೆಂದು ಸಂಶೋಧನೆಯಿಂದ ಸಾಭೀತಾಗಿದೆ.

ಹೃದಯದ ಸ್ವಾಸ್ಥ್ಯಕ್ಕೆ
ಯಾವುದೇ ಬಗೆಯ ಹೃದಯದ ಸಮಸ್ಯೆ ಇದ್ದರೂ ದಿನಾ ಬೀರ್ ಕುಡಿಯುವುದು ಒಳ್ಳೆಯದಂತೆ. ಆಸಕ್ತಿಕರ ವಿಷಯವೆಂದರೆ ಇದು ಪ್ಲಾಸ್ಮಾ antioxidants ಅನ್ನು ರಕ್ಷಣೆ ಮಾಡಿ, ಹೃದಯದ ಸ್ವಾಸ್ಥ್ಯ ಹೆಚ್ಚಿಸುತ್ತದೆ.

ಕಂಡೀಶನರ್
ಕೂದಲಿಗೆ ಮಾಮೂಲಿನಂತೆ ಶಾಂಪೂ ಹಾಕಿ. ನಂತರ ಅದರ ಮೇಲೆ ಸ್ವಲ್ಪ ಬಿಯರ್ ಚಿಮುಕಿಸಿ. ಇದು ಬೀಯರನ್ನು ನಿಮ್ಮ ಕೂದಲಿಗೆ ಬಳಸಿಕೊಳ್ಳಲು ಇರುವ ಉಪಯೋಗಗಳಲ್ಲಿ ಒಂದಾಗಿದೆ. ಕೂದಲಿಗೆ ಕಂಡೀಶನಿಂಗ್ ನೀಡಲು ಮೊಟ್ಟೆಗಳು ಸಹ ಕೆಲಸ ಮಾಡುತ್ತವೆ. ಆದರೆ ಬೀಯರನ್ನು ನಿಮ್ಮ ಕೂದಲಿನ ಮೇಲೆ ಚಿಮುಕಿಸುವುದರಿಂದ ಒಳ್ಳೆಯ ಫಲಿತಾಂಶಗಳನ್ನು ಪಡೆಯಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.