ದಿನನಿತ್ಯ ಟೊಮೇಟೊ ಸೇವಿಸಿ, ಆರೋಗ್ಯ ವೃದ್ಧಿಸಿ

ಅಸ್ತಮಾ ನಿಯಂತ್ರಿಸಲು ನೆರವಾಗುತ್ತದೆ

ಟೊಮೇಟೊದಲ್ಲಿರುವ ಲೈಕೋಪಿನ್ ಮತ್ತು ವಿಟಮಿನ್ ಎ ಶ್ವಾಸನಾಳಗಳನ್ನು ಹಿರಿದುಗೊಳಿಸಿ, ಸೆಡೆತಗೊಂಡಿದ್ದವನ್ನು ಸಡಿಲಗೊಳಿಸುವ ಮೂಲಕ ಶ್ವಾಸ ನಿರಾಳವಾಗಲು ನೆರವಾಗುತ್ತದೆ. ಇದಕ್ಕಾಗಿ ನಿತ್ಯವೂ ಸಾಕಷ್ಟು ಪ್ರಮಾಣದಲ್ಲಿ ಟೊಮೇಟೊ ಸೇವಿಸುವುದು ಅಗತ್ಯ.

ಮೂಳೆಗಳನ್ನು ದೃಢಗೊಳಿಸುತ್ತದೆ

ಕ್ಯಾಲ್ಸಿಯಂ ಕೇವಲ ಹಾಲಿನಲ್ಲಿದೆ ಎಂದು ತಿಳಿದವರಿಗೆ ಆಶ್ಚರ್ಯ ಕಾದಿದೆ. ಈ ಟೊಮೇಟೊದಲ್ಲಿಯೂ ಉತ್ತಮ ಪ್ರಮಾಣದ ಕ್ಯಾಲ್ಸಿಯಂ ಇದೆ. ನಮಗೆ ಪ್ರತಿದಿನ 1,300ಮಿಲಿಗ್ರಾಂ ನಷ್ಟು ಕ್ಯಾಲ್ಸಿಯಂ ಬೇಕು. ಟೊಮೇಟೊದಲ್ಲಿ ನೂರು ಗ್ರಾಂ ನಲ್ಲಿ ಹತ್ತು ಮಿಲಿಗ್ರಾಂ ಕ್ಯಾಲ್ಸಿಯಂ ಇದೆ. ಆದರೆ ಯಾವುದೇ ಕ್ಯಾಲ್ಸಿಯಂ ನೇರವಾಗಿ ಮೂಳೆಗಳು ಹೀರಲು ಸಾಧ್ಯವಿಲ್ಲ. ಜೊತೆಗೆ ವಿಟಮಿನ್ ಡಿ ಸಹಾ ಬೇಕು.

ಮೂಳೆಗಳನ್ನು ದೃಢಗೊಳಿಸುತ್ತದೆ

ದಿನದ ಅವಶ್ಯಕತೆಯನ್ನು ಟೊಮೇಟೊ ಪೂರೈಸದಿದ್ದರೂ ಇದರಲ್ಲಿರುವ ಲೈಕೋಪಿನ್ ಕ್ಯಾಲ್ಸಿಯಂ ಪ್ರಮಾಣವನ್ನು ಗಾಢಗೊಳಿಸಲು ನೆರವಾಗುತ್ತದೆ. ಆದ್ದರಿಂದ ನಿತ್ಯ ಟೊಮೇಟೊ ಸೇವನೆ ಮೂಳೆಗಳನ್ನು ಗಟ್ಟಿಗೊಳಿಸುತ್ತಾ ಮೂಳೆಗಳಲ್ಲಿ ಗಾಳಿಗುಳ್ಳೆ ತುಂಬುವ ( osteoporosis) ಸ್ಥಿತಿಯಿಂದ ರಕ್ಷಿಸುತ್ತದೆ.

ಕ್ಯಾನ್ಸರ್ ಬರುವುದರಿಂದ ತಪ್ಪಿಸುತ್ತದೆ

ಟೊಮೇಟೊದಲ್ಲಿರುವ ವಿವಿಧ ಆಂಟಿ ಆಕ್ಸಿಡೆಂಟುಗಳು ದೇಹದಲ್ಲಿ ಕ್ಯಾನ್ಸರ್ ಉಂಟು ಮಾಡಬಲ್ಲ ಫ್ರೀ ರ್‍ಯಾಡಿಕಲ್ ಎಂಬ ಕಣಗಳನ್ನು ನಿವಾರಿಸಿ ಕ್ಯಾನ್ಸರ್ ಬರುವ ಸಾಧ್ಯತೆಯನ್ನು ಕಡಿಮೆಮಾಡುತ್ತದೆ. ಇನ್ನೂ ಒಂದು ಹೆಜ್ಜೆ ಮುಂದಕ್ಕೆ ಹೋಗಿ ನಮ್ಮ ಪ್ರತಿ ಜೀವಕೋಶದ ಕೇಂದ್ರವಾದ ಡಿಎನ್ಎ ಗಳನ್ನೂ ಸವೆತದಿಂದ ರಕ್ಷಿಸುತ್ತದೆ.

ಸಂಧಿವಾತ ಮತ್ತು ಉರಿಯೂತಗಳನ್ನು ಕಡಿಮೆಗೊಳಿಸುತ್ತದೆ

ಟೊಮೇಟೊ ಹಣ್ಣಿನ ತಿರುಳನ್ನು ಗೊಟಾಯಿಸಿ ತಯಾರಿಸಿದ ಜ್ಯೂಸ್ ಕುಡಿಯುವುದರಿಂದ ಹೊಟ್ಟೆ ಮತ್ತು ಎದೆಯುರಿ ಕಡಿಮೆಯಾಗುತ್ತದೆ. ಇದರಲ್ಲಿರುವ TNF-alpha ಎಂಬ ಪೋಷಕಾಂಶಗಳು ಆಮ್ಲೀಯತೆಯಿಂದ ಉಂಟಾದ ಅನಿಲಗಳನ್ನು ಶಮನಗೊಳಿಸಿ ಉರಿಯೂತ ಮತ್ತು ಸಂಧಿವಾತದಿಂದ ರಕ್ಷಣೆ ನೀಡುತ್ತವೆ.

ಸಂಧಿವಾತ ಮತ್ತು ಉರಿಯೂತಗಳನ್ನು ಕಡಿಮೆಗೊಳಿಸುತ್ತದೆ

ಆದ್ದರಿಂದ ಮೈಯಲ್ಲಿ ಉರಿ ಅಥವಾ ನೋವಿದ್ದರೆ ಸಾಕಷ್ಟು ಪ್ರಮಾಣದಲ್ಲಿ ಟೊಮೇಟೊ ಸಾಲಾಡ್ ರೂಪದಲ್ಲಿ ಅಥವಾ ಜ್ಯೂಸ್ ಮಾಡಿಕೊಂಡು ಕುಡಿಯಿರಿ.

ಆರೋಗ್ಯಕರ ಕಣ್ಣು, ಚರ್ಮ ಮತ್ತು ಮೂಳೆಗಳನ್ನು ನೀಡುತ್ತದೆ

ಟೊಮೇಟೊದಲ್ಲಿ ಹೇರಳವಾಗಿರುವ ವಿಟಮಿನ್ ಎ ವಿಷೇಶವಾಗಿ ಕಣ್ಣು, ಚರ್ಮ ಮತ್ತು ಮೂಳೆಗಳಿಗೆ ಉತ್ತಮ ಪೋಷಣೆ ನೀಡುತ್ತದೆ. ಇದನ್ನು ಪಡೆಯಲು ಕನಿಷ್ಟ ದಿನಕ್ಕೊಂದು ಕಪ್ ಚಿಕ್ಕದಾಗಿ ತುಂಡರಿಸಿದರ ಟೊಮೇಟೊ ಹಣ್ಣನ್ನು ಸೇವಿಸುವುದು ಅಗತ್ಯವಾಗಿದೆ.

ಮಧುಮೇಹಿಗಳಿಗೆ ಅಗತ್ಯವಾದ ಹಣ್ಣು ಆಗಿದೆ

ಮಧುಮೇಹಿಗಳು ತಮ್ಮ ರಕ್ತದಲ್ಲಿ ಸೇರಿದ ಹೆಚ್ಚಿನ ಪ್ರಮಾಣದ ಸಕ್ಕರೆಯನ್ನು ಬಳಸಿಕೊಳ್ಳಲು ಸಾಧ್ಯವಿಲ್ಲ. ಆದರೆ ಆಹಾರದೊಂದಿಗೆ ಕೆಲವು ಟೊಮೇಟೊಹಣ್ಣುಗಳನ್ನೂ ಸೇವಿಸುವುದರಿಂದ ಈ ಸಕ್ಕರೆಯ ಮಟ್ಟ ಧಿಡೀರನೇ ಏರುವುದನ್ನು ತಪ್ಪಿಸಿ ನಿಧಾನಕ್ಕೆ ಬಿಡುಗಡೆ ಮಾಡುತ್ತದೆ.

ಮಧುಮೇಹಿಗಳಿಗೆ ಅಗತ್ಯವಾದ ಹಣ್ಣು ಆಗಿದೆ

ಈ ಗುಣ ಮಧುಮೇಹಿಗಳಿಗೆ ವರದಾನವಾಗಿದೆ. ಆದ್ದರಿಂದ ದಿನದ ಒಂದೆರಡು ಹೊತ್ತಾದರೂ ಸಾಕಷ್ಟು ಪ್ರಮಾಣದಲ್ಲಿ ಟೊಮೇಟೊಸೇವಿಸುವುದು ಮಧುಮೇಹಿಗಳಿಗೆ ಶ್ರೇಯಸ್ಕರವಾಗಿದೆ.

ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ

ಟೊಮೇಟೊದಲ್ಲಿ ಉತ್ತಮ ಪ್ರಮಾಣದ ವಿಟಮಿನ್ ಸಿ ಇರುವುದರಿಂದ ದೇಹದ ರೋಗನಿರೋಧಕ ಶಕ್ತಿ ಹೆಚ್ಚಿಸಲು ನೆರವಾಗುತ್ತದೆ. ಅಂತೆಯೇ ಯಾವುದಾದರೂ ರೋಗ ಬಾಧಿಸಿದ್ದು ಚೇತರಿಸಿಕೊಳ್ಳುತ್ತಿದ್ದರೆ ಟೊಮೇಟೊ ಈ ಗತಿಯನ್ನು ಹೆಚ್ಚಿಸುತ್ತದೆ. ಗಾಯಗಳು ಬೇಗನೇ ಮಾಗಲು ಸಹಾ ನೆರವಾಗುತ್ತದೆ.

ಚರ್ಮ ಶೀಘ್ರವೇ ಬೆಳವಣಿಗೆ ಪಡೆಯುತ್ತದೆ

ಟೊಮೇಟೊದಲ್ಲಿರುವ ವಿಟಮಿನ್ ಸಿ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವುದರೊಂದಿಗೇ ಚರ್ಮ ಘಾಸಿಗೊಂಡಿದ್ದರೆ ಆ ಸ್ಥಳದಲ್ಲಿ ಕೊಲಾಜೆನ್ ಎಂಬ ಅಂಗಾಂಶವನ್ನು ಉತ್ಪತ್ತಿಸಲು ನೆರವಾಗುವ ಮೂಲಕ ಹೊಸ ಚರ್ಮ ಬೆಳೆಯಲು ಸಾಧ್ಯವಾಗುತ್ತದೆ.

ರಕ್ತ ಹೆಪ್ಪುಗಟ್ಟುವುದನ್ನು ತಡೆಯುತ್ತದೆ

ರಕ್ತ ದೇಹದಿಂದ ಹೊರಹರಿಯುವಾಗ ಶೀಘ್ರವೇ ಹೆಪ್ಪುಗಟ್ಟಬೇಕು. ಆದರೆ ದೇಹದೊಳಗಿನ ರಕ್ತಸ್ರಾವವಾದರೆ ಹೆಪ್ಪುಗಟ್ಟಬಾರದು ಅಥವಾ ತುಂಬಾ ತಡವಾಗಿ ಹೆಪ್ಪುಗಟ್ಟಬೇಕು. ಆಂತರಿಕ ಸ್ರಾವರಿಂದ ರಕ್ತ ಹೆಪ್ಪುಗಟ್ಟಿದರೆ ಹೃದಯದ ಮೇಲೆ ಅತೀವ ಒತ್ತಡ ಬಿದ್ದು ಹೃದಯ ಸ್ತಂಭನವೂ ಎದುರಾಗಬಹುದು. ಮುಂದೆ ಓದಿ

ರಕ್ತ ಹೆಪ್ಪುಗಟ್ಟುವುದನ್ನು ತಡೆಯುತ್ತದೆ

ಟೊಮೇಟೊ ದಲ್ಲಿರುವ ಪೋಷಕಾಂಶಗಳು ಆಂತರಿಕ ಸ್ರಾವದ ಮೂಲಕ ರಕ್ತ ಹೆಪ್ಪುಗಟ್ಟುವುದನ್ನು ತುಂಬಾ ನಿಧಾನಗೊಳಿಸುತ್ತದೆ.

ಪಾರ್ಶ್ವವಾಯು ಬಡಿಯುವ ಸಂಭವವನ್ನು ಕಡಿಮೆಗೊಳಿಸುತ್ತದೆ

ಪಾರ್ಶ್ವವಾಯುವಿಗೆ ಮೆದುಳಿಗೆ ರಕ್ತ ಪೂರೈಕೆ ಕಡಿಮೆಯಾಗುವುದು ಅಥವಾ ನಿಂತುಹೋಗುವುದೇ ಕಾರಣವಾಗಿದೆ. ಟೊಮೇಟೊ ಹಣ್ಣಿನ ನಿತ್ಯದ ಸೇವನೆಯಿಂದ ಮೆದುಳಿಗೆ ಹರಿಯುವ ರಕ್ತದ ಪ್ರಮಾಣದಲ್ಲಿ ಹೆಚ್ಚಳವಾಗುವ ಮೂಲಕ ಪಾರ್ಶ್ವವಾಯು ಬಡಿಯುವ ಸಂಭವವನ್ನು ಕಡಿಮೆಗೊಳಿಸುತ್ತದೆ. ಮುಂಧಿನ ಸ್ಲೈಡ್ ಕ್ಲಿಕ್ ಮಾಡಿ

ಪಾರ್ಶ್ವವಾಯು ಬಡಿಯುವ ಸಂಭವವನ್ನು ಕಡಿಮೆಗೊಳಿಸುತ್ತದೆ

ಒಂದು ವೇಳೆ ನಿಮ್ಮ ಕುಟುಂಬದಲ್ಲಿ ಯಾರಿಗಾದರೂ ಪಾರ್ಶ್ವವಾಯುವಿನ ತೊಂದರೆ ಇದ್ದರೆ ಟೊಮೇಟೊವನ್ನು ನಿತ್ಯವೂ ಕೊಂಚ ಹೆಚ್ಚಿನ ಪ್ರಮಾಣದಲ್ಲಿ ಸೇವಿಸುವುದರಿಂದ ಈ ಸಾಧ್ಯತೆಗಳನ್ನು ದೂರಗೊಳಿಸಬಹುದು.