ಅಚ್ಚುಮೆಚ್ಚಿನ ಮ್ಯಾಗಿಯ ಹಿಂದಿರುವ ಕರಾಳ ಸತ್ಯ

ಅಧಿಕ ಕೊಬ್ಬು ಮತ್ತು ಕಾರ್ಬೋಹೈಡ್ರೇಟ್ಸ್

ಕಾರ್ಬೋಹೈಡ್ರೇಟ್ ಅಧಿಕವಾಗಿರುವ ಮೈದಾವನ್ನು ಬಳಸಿ ಮ್ಯಾಗಿಯನ್ನು ಮಾಡಲಾಗುತ್ತದೆ. ಜೊತೆಗೆ ಎಲ್ಲಾ ರೀತಿಯ ಮ್ಯಾಗಿಯಲ್ಲೂ ಕೊಬ್ಬಿನ ಅಂಶ ಅಧಿಕವಾಗಿರುತ್ತದೆ. ಮ್ಯಾಗಿ ಅಟ್ಟಾ ನೂಡಲ್ಸ್ 84.2 % ರಷ್ಟು ಹಿಟ್ಟು, ಮ್ಯಾಗಿ ಓಟ್ಸ್ ನೂಡಲ್ಸ್ 78.4 % ಹಿಟ್ಟು ಅದರಲ್ಲಿ ಶೇಖಡ 52 ರಷ್ಟು ಓಟ್ಸ್ ಹೀಗೆ ಬೇರೆಬೇರೆ ವಿಧದ ಮ್ಯಾಗಿಯಲ್ಲಿ ಇದೇ ಪ್ರಮಾಣದ ಕೊಬ್ಬಿನಂಶವಿರುತ್ತದೆ.

ಕಡಿಮೆ ಪೋಷಕಾಂಶ, ಪ್ರೋಟೀನ್ ಮತ್ತು ಫೈಬರ್

ಮ್ಯಾಗಿಯಲ್ಲಿ ಶುಷ್ಕ ರೀತಿಯಲ್ಲಿರುವ ತರಕಾರಿಗಳು ಆರೋಗ್ಯಕರವಲ್ಲ. ಮ್ಯಾಗಿಯಲ್ಲಿ ಪ್ರೋಟೀನ್, ನಾರಿನಂಶ ಮತ್ತು ಪೋಷಕಾಂಶಗಳು ಕಡಿಮೆ ಪ್ರಮಾಣದಲ್ಲಿರುತ್ತವೆ. ಇದರ ಬಗ್ಗೆ ಮಾಹಿತಿ ಬೇಕಿದ್ದಲ್ಲಿ ಮ್ಯಾಗಿ ಪ್ಯಾಕಿನ ಹಿಂಬದಿಯಲ್ಲಿ ನೀಡಿರುವ ಪ್ರಮಾಣಗಳ ಮಾಹಿತಿ ನೋಡಿ. ಆದ್ದರಿಂದ ಮ್ಯಾಗಿಯನ್ನು ಬಿಟ್ಟು ಬೇರೆ ಆರೋಗ್ಯಕರ ಸ್ನ್ಯಾಕ್ಸ್ ತಿನ್ನುವುದನ್ನು ರೂಡಿಸಿಕೊಳ್ಳುವುದು ಸೂಕ್ತ.

ಅಧಿಕ ಸೋಡಿಯಂ

ಒಂದು ಬೌಲ್ ಮ್ಯಾಗಿ ಸುಮಾರು 1090 ಮಿಲಿ ಗ್ರಾಂನಷ್ಟು ಸೋಡಿಯಂ ಹೊಂದಿರುತ್ತದೆ. ಅಂದರೆ ದಿನದಲ್ಲಿ ನಮಗೆ ಬೇಕಾದ ಶೇಖಡಾ 50 ರಷ್ಟು ಸೋಡಿಯಂ ಇದರಲ್ಲಿರುತ್ತದೆ ಹಾಗಾಗಿ ಉಳಿದ ಪದಾರ್ಥಗಳು, ಸ್ನ್ಯಾಕ್ಸ್ ಇತರ ಎಲ್ಲಾ ತಿಂಡಿಗಳನ್ನು ಇನ್ನು ಕೇವಲ ಅರ್ಧ ಚಮಚ ಉಪ್ಪಿನಲ್ಲಿ ಮಾಡಿ ಮುಗಿಸಬೇಕು. ಅಧಿಕ ರಕ್ತದೊತ್ತಡ ಮತ್ತು ಹೃದಯ ತೊಂದರೆಗಳಿದ್ದವರು ಇದನ್ನು ತಿನ್ನುವುದನ್ನು ತಪ್ಪಿಸಬೇಕು. ಮ್ಯಾಗಿ ಬಗ್ಗೆ ತಜ್ಞರು ನೀಡುವ ಸಲಹೆಗಳನ್ನು ಇಲ್ಲಿ ನೀಡಲಾಗಿದೆ.

ಜೀರ್ಣಿಸಿಕೊಳ್ಳುವುದು ಸುಲಭವಲ್ಲ

ಮ್ಯಾಗಿಯಲ್ಲಿ ಕಾರ್ಬೋಹೈಡ್ರೇಟ್ ಅಧಿಕವಾಗಿರುವುದರಿಂದ ಸುಲಭವಾಗಿ ಜೀರ್ಣಿಸಿಕೊಳ್ಳಲಾಗುವುದಿಲ್ಲ. ನಿಮಗೆ ಹೊಟ್ಟೆ ನೋವು ಕಾಣಿಸಿಕೊಳ್ಳುತ್ತಿದ್ದರೆ ಇದಕ್ಕೆ ಕಾರಣ ಮ್ಯಾಗಿ ಸೇವನೆಯಾಗಿರಬಹುದು.