ಕಾಲುಗಳ ಆರೋಗ್ಯದ ಕಡೆಗೂ ಇರಲಿ ಗಮನ

ರಕ್ತ ಸಂಚಾರ ವೃದ್ಧಿ

ದೇಹದಲ್ಲಿ ರಕ್ತ ಸಂಚಾರಕ್ಕೆ ಯಾವುದೇ ಅಡ್ಡಿಯುಂಟಾಗದಂತೆ ನಿಯಮಿತ ರೀತಿಯಲ್ಲಿ ಈ ಕ್ರಿಯೆ ನಡೆಯುತ್ತಿರಬೇಕು. ಹಾಗಾಗಿ ರಾತ್ರಿ ಮಲಗುವ ಮುನ್ನ ಕಾಲುಗಳಿಗೆ ಮಸಾಜ್ ಮಾಡುವುದರಿಂದ ಕಾಲುಗಳಿಗೆ ರಕ್ತ ಸಂಚಾರವನ್ನು ಪೂರೈಸುತ್ತದೆ. ಅಂತೆಯೇ ಹೃದಯ ರೋಗಗಳನ್ನು ನಿವಾರಿಸುವುದರೊಂದಿಗೆ, ಕಾಲುಗಳಲ್ಲಿ ಕಂಡುಬರುವ ಹಲವಾರು ದೋಷಗಳನ್ನು ನಿವಾರಿಸುವಲ್ಲಿ ಕೂಡ ಕಾಲುಗಳ ಮಸಾಜ್ ಅತ್ಯುತ್ತಮವಾದುದು.

ಕಾಲುಗಳ ಸಮಸ್ಯೆ ನಿವಾರಣೆ

ಉಗುರು ಬೆಚ್ಚಗಿನ ತೆಂಗಿನೆಣ್ಣೆಯನ್ನು ಬಳಸಿಕೊಂಡು ಕಾಲುಗಳ ಮಸಾಜ್ ಮಾಡುವುದರಿಂದ ನರಗಳಿಗೆ ವಿಶ್ರಾಂತಿಯನ್ನು ನೀಡುತ್ತದೆ, ತಿಂಗಳಿಗೊಮ್ಮೆಯಾದರೂ ಕಾಲುಗಳ ಮಸಾಜ್ ಕ್ರಿಯೆಯನ್ನು ಅಭ್ಯಸಿಸಿ.

ಕಡಿಮೆ ರಕ್ತದೊತ್ತಡ

ಮಲಗುವ ಮುನ್ನ 10 ನಿಮಿಷಗಳಿಗೆ ಕಾಲುಗಳ ಮಸಾಜ್ ಮಾಡುವುದರಿಂದ ನಿಮ್ಮ ಮನಸ್ಸು ಪ್ರಫುಲ್ಲಗೊಳ್ಳುತ್ತದೆ. ಆತಂಕವನ್ನು ಕಡಿಮೆಗೊಳಿಸುತ್ತದೆ ಹಾಗೂ ಅಧಿಕ ರಕ್ತದೊತ್ತಡವನ್ನು ನಿಯಂತ್ರಿಸುತ್ತದೆ.

ಆಮ್ಲಗಳ ತ್ಯಜಿಸುವಿಕೆ

ಪ್ರತೀ ರಾತ್ರಿ 20 ನಿಮಿಷಗಳ ಕಾಲ ನಡೆಸುವ ದೇಹದ ಮಸಾಜ್ ಸ್ನಾಯು ಅಂಗಾಂಶಗಳಲ್ಲಿರುವ ಲ್ಯಾಕ್ಟಿಕ್ ಆಮ್ಲವನ್ನು ತೊಡೆದು ಹಾಕುತ್ತದೆ. ಈ ಲ್ಯಾಕ್ಟಿಕ್ ಆಮ್ಲವನ್ನು ನೀವು ಕಡೆಗಣಿಸುವುದು ಕಾಲುಗಳ ಹಲವಾರು ತೊಂದರೆಗಳಿಗೆ ಕಾರಣವಾಗಬಹುದು.

ಕೀಲುಗಳಲ್ಲಿರುವ ನೋವಿನ ಶಮನ

ದೇಹದಲ್ಲಿರುವ ಕೀಲು ನೋವು ಮತ್ತು ಎಲ್ಲಾ ರೀತಿಯ ಸಮಸ್ಯೆಗಳನ್ನು ದೂರಮಾಡುವಲ್ಲಿ ಮಸಾಜ್ ಉತ್ತಮ ಕ್ರಿಯೆಯಾಗಿದೆ. ಮಸಾಜ್ ಅನ್ನು ಒತ್ತಡ ಪಾಯಿಂಟ್‌‌ಗಳಲ್ಲಿ ನಡೆಸುವುದರಿಂದ ಕೀಲುನೋವುಗಳನ್ನು ತೊಡೆದು ಹಾಕಲು ಇದು ಸಹಕಾರಿಯಾಗುತ್ತದೆ.

ತಲೆನೋವಿನ ಉಪಶಮನ

ನಿತ್ಯವೂ 15 ನಿಮಿಷಗಳು ಕಾಲಿನ ಮಸಾಜ್ ನಡೆಸುವುದು ಯಾವುದೇ ಬಗೆಯ ತಲೆಶೂಲೆಯನ್ನು ತಗ್ಗಿಸುತ್ತದೆ. ತಲೆನೋವನ್ನು ಉಂಟುಮಾಡುವ ಮೆದುಳಿನಲ್ಲಿರುವ ನರಗಳನ್ನು ಶಾಂತಗೊಳಿಸಲು ಸಹಕಾರಿ.

ಗರ್ಭಿಣಿ ಸ್ತ್ರೀಯರಿಗೆ

ಗರ್ಭಧಾರಣೆಯ ಅಂತಿಮ ತ್ರೈಮಾಸಿಕದಲ್ಲಿ ಕಾಲುಗಳ ಮಸಾಜ್ ಅನ್ನು ಗರ್ಭಿಣಿ ಸ್ತ್ರೀಯರು ಮಾಡಿಕೊಳ್ಳುವುದು ಉತ್ತಮ. ಊದಿಕೊಂಡಿರುವ ಕಾಲುಗಳಲ್ಲಿ ಸಂಗ್ರಹವಾಗಿರುವ ದ್ರವವು ಮರಳಿ ಮೂತ್ರಕೋಶಕ್ಕೆ ಮರಳುವುದನ್ನು ತಡೆದು ಅದನ್ನು ದೇಹದಿಂದ ಹೊರಹಾಕುವಲ್ಲಿ ಮಸಾಜ್ ಸಹಾಯ ಮಾಡುತ್ತದೆ.