ವಾರಕ್ಕೊಮ್ಮೆ ತಲೆ ಮಸಾಜ್-ಇದರ ಅನುಭವವೇ ಬೇರೆ!

ಮೈಗ್ರೇನ್ ಬರುವುದನ್ನು ತಡೆಯುತ್ತದೆ

ತಲೆನೋವಿನ ಅತ್ಯುಗ್ರ ರೂಪವಾದ ಮೈಗ್ರೇನ್ ತಲೆನೋವು ಬರುವ ಸಂಭವವನ್ನು ಕಡಿಮೆಗೊಳಿಸುತ್ತದೆ. ಒಂದು ವೇಳೆ ತಲೆನೋವಿದ್ದರೆ ಉಗುರುಬೆಚ್ಚನೆಯ ಬಿಸಿಯಿರುವ ಕೊಬ್ಬರಿ ಎಣ್ಣೆಯನ್ನು ಎರಡು ಬೆರಳುಗಳಿಗೆ ಹಚ್ಚಿ ತಲೆಯ ಭಾಗಕ್ಕೆ ಚಿವುಟುವಂತೆ ಹಚ್ಚುತ್ತಾ ಬನ್ನಿ. ಇದು ತಲೆನೋವನ್ನು ಕಡಿಮೆಗೊಳಿಸಲು ಸಹಕರಿಸುತ್ತದೆ.

ತಲೆನೋವನ್ನು ಶಮನಗೊಳಿಸುತ್ತದೆ

ತಲೆನೋವಿಗೆ ಮಸಾಜ್ ಉತ್ತಮವಾದ ಪರಿಹಾರ ನೀಡುತ್ತದೆ. ಒಂದು ವೇಳೆ ತಲೆನೋವು ದಿನವೂ ಕಾಣಿಸಿಕೊಳ್ಳುತ್ತಿದ್ದರೆ ಕೊಬ್ಬರಿ ಎಣ್ಣೆಯ ಬದಲಾಗಿ ಅವಶ್ಯಕ ತೈಲ (essential oils) ಬಳಸಿ ಮಸಾಜ್ ಮಾಡುವುದರಿಂದ ತಲೆನೋವು ಕಡಿಮೆಯಾಗುತ್ತದೆ. ಮುಂದೆ ಓದಿ

ತಲೆನೋವನ್ನು ಶಮನಗೊಳಿಸುತ್ತದೆ

ಮಸಾಜ್ ವೇಳೆ ಈ ಎಣ್ಣೆಯ ಸುವಾಸನೆಯನ್ನು ಸಾಧ್ಯವಾದಷ್ಟು ಆಳವಾಗಿ ಒಳಗೆಳೆದುಕೊಳ್ಳುವುದರಿಂದ ನೋವು ಕಡಿಮೆಯಾಗಲು ಹೆಚ್ಚಿನ ಸಹಕಾರ ಸಿಗುತ್ತದೆ.

ಬೆನ್ನು ನೋವನ್ನು ಕಡಿಮೆಗೊಳಿಸುತ್ತದೆ

ವಿಶೇಷವಾಗಿ ತಲೆಯ ಹಿಂಭಾಗ ಮತ್ತು ಕುತ್ತಿಗೆಯ ಮೇಲ್ಭಾಗದಲ್ಲಿ ಮಸಾಜ್ ಮಾಡುವುದರಿಂದ ಬೆನ್ನುಹುರಿಗೆ ಸಾಕಷ್ಟು ಪ್ರಮಾಣದಲ್ಲಿ ರಕ್ತಪರಿಚಲನೆಯಾಗುವ ಮೂಲಕ ಕುತ್ತಿಗೆಯ ಹಿಂಭಾಗ, ಬೆನ್ನು ಮತ್ತು ಕೆಳಬೆನ್ನಿನ ನೋವುಗಳು ಕಡಿಮೆಯಾಗುತ್ತವೆ.

ಬೆನ್ನು ನೋವನ್ನು ಕಡಿಮೆಗೊಳಿಸುತ್ತದೆ

ಆದರೆ ಈ ಮಸಾಜ್ ಅನ್ನು ಸ್ವತಃ ಮಾಡಿಕೊಳ್ಳಲು ಸಾಧ್ಯವಿಲ್ಲ. ಇದಕ್ಕಾಗಿ ಸ್ಪಾ ಅಥವಾ ಆಯುರ್ವೇದ ಮಸಾಜ್ ಕೇಂದ್ರಕ್ಕೆ ಭೇಟಿ ನೀಡುವುದು ಉತ್ತಮ.

ನಿದ್ರಾಹೀನತೆಯನ್ನು ನಿವಾರಿಸುತ್ತದೆ

ಒಂದು ವೇಳೆ ನಿದ್ರಾಹೀನತೆಯಿಂದ ಬಳಲುತ್ತಿದ್ದರೆ ಸಂಜೆಯ ಬಳಿಕ ತಲೆಯ ಮಸಾಜ್ ಮಾಡಿಸಿಕೊಳ್ಳುವ ಮೂಲಕ ನಿದ್ದೆ ಬೇಗನೇ ಬರಲು ಸಾಧ್ಯವಾಗುತ್ತದೆ. ತಜ್ಞರ ಪ್ರಕಾರ ಸೂರ್ಯಾಸ್ತದ ಬಳಿಕ ಸುಮಾರು ಒಂದು ಗಂಟೆಯ ಅವಧಿಯಲ್ಲಿ ತಡೆತಡೆದು ಮಾಡುವ ತಲೆ ಮಸಾಜ್ ಮತ್ತು ಸಾಧ್ಯವಾದರೆ ಶಿರೋಧಾರ (ತಲೆಯ ಮೇಲೆ ಉಗುರುಬೆಚ್ಚನೆಯ ಬಿಸಿ ಇರುವ ಎಣ್ಣೆ ಸುರಿಯುತ್ತಿರುವಂತೆ ಮಾಡುವುದು) ನಡೆಸಿದ ಬಳಿಕ ತಣ್ಣೀರಿನಿಂದ ಸ್ನಾನ ಮಾಡಿ.

ನಿದ್ರಾಹೀನತೆಯನ್ನು ನಿವಾರಿಸುತ್ತದೆ

ಸುಮಾರು ಒಂದು ಗಂಟೆ ಬಿಟ್ಟು ರಾತ್ರಿಯ ಊಟ, ನಂತರ ಸುಮರು ಅರ್ಧ ಗಂಟೆಯ ಅಡ್ಡಾಟದ ಬಳಿಕ ಪಾದಗಳನ್ನು ತಣ್ಣೀರಿನಿಂದ ತೊಳೆದುಕೊಂಡು ಮಲಗುವುದರಿಂದ ನಿದ್ರೆ ಬೇಗನೇ ಆವರಿಸುತ್ತದೆ.

ರಕ್ತಪರಿಚಲನೆಯನ್ನು ಹೆಚ್ಚಿಸುತ್ತದೆ

ತಲೆಮಸಾಜ್ ವೇಳೆಯಲ್ಲಿ ಬಿಸಿ ಎಣ್ಣೆಯ ಕಾರಣ ತಲೆಗೆ ಹರಿಯುವ ರಕ್ತದ ಪ್ರಮಾಣ ಹೆಚ್ಚಾಗಬೇಕಾಗುತ್ತದೆ.

ರಕ್ತಪರಿಚಲನೆಯನ್ನು ಹೆಚ್ಚಿಸುತ್ತದೆ

ಪರಿಣಾಮವಾಗಿ ಹೃದಯದಿಂದ ಹೊರಹರಿಯುವ ರಕ್ತವೂ ಹೆಚ್ಚುವುದರಿಂದ ಒಟ್ಟಾರೆ ರಕ್ತಪರಿಚಲನೆ ಉತ್ತಮಗೊಳ್ಳುತ್ತದೆ. ಇದು ಹೃದಯಾಘಾತದ ಸಂಭವವನ್ನು ಕಡಿಮೆಗೊಳಿಸುತ್ತದೆ.

ಏಕಾಗ್ರತೆಯನ್ನು ಹೆಚ್ಚಿಸುತ್ತದೆ

ವಿಶೇಷವಾಗಿ ವಿದ್ಯಾರ್ಥಿಗಳಲ್ಲಿ ಏಕಾಗ್ರತೆಯ ಅವಶ್ಯಕತೆಯಿದೆ. ಒಂದು ವೇಳೆ ಮಕ್ಕಳಲ್ಲಿ ಏಕಾಗ್ರತೆಯ ಕೊರತೆಯಿಂದಾಗಿ ಓದಿನಲ್ಲಿ ಹಿಂದೆ ಬಿದ್ದಿದ್ದರೆ ವಾರಕ್ಕೊಮ್ಮೆ ತಲೆಗೆ ಮಸಾಜ್ ಮಾಡುವ ಮೂಲಕ ಅವರಲ್ಲಿ ಓದುವ ಹಂಬಲ ಮತ್ತು ಏಕಾಗ್ರತೆ ಹೆಚ್ಚಿಸಲು ಸಾಧ್ಯವಾಗುತ್ತದೆ.

ಒತ್ತಡವನ್ನು ಕಡಿಮೆಗೊಳಿಸುತ್ತದೆ

ಮಾನಸಿಕ ಒತ್ತಡದಿಂದ ಬಳಲುತ್ತಿರುವವರಿಗೆ ತಲೆ ಮಸಾಜ್ ಉತ್ತಮ ಪರಿಹಾರ ನೀಡುತ್ತದೆ. ಬೆರಳುಗಳಿಂದ ನಯವಾಗಿ ಮಸಾಜ್ ಮಾಡುತ್ತಿದ್ದರೆ ಮೆದುಳಿಗೆ ಹರಿಯುವ ರಕ್ತದಲ್ಲಿ ಹೆಚ್ಚಳ ಮತ್ತು ಒತ್ತಡವನ್ನು ಕಡಿಮೆ ಮಾಡುವ ಹಾರ್ಮೋನುಗಳು ಲಭ್ಯವಾಗುವುದರಿಂದ ಮೆದುಳು ನೈಸರ್ಗಿಕವಾಗಿ ಒತ್ತಡದಿಂದ ಹೊರಬರಲು ನೆರವಾಗುತ್ತದೆ.

ಶರೀರಕ್ಕೆ ನವಚೈತನ್ಯ ತುಂಬುತ್ತದೆ

ತಲೆಗೆ ಮಸಾಜ್ ಮಾಡುವುದರಿಂದ ಕೇವಲ ತಲೆಗೆ ಮಾತ್ರವಲ್ಲದೇ ಇಡಿಯ ಶರೀರಕ್ಕೆ ಉತ್ತಮವಾದ ಪೋಷಣೆ ದೊರಕುತ್ತದೆ. ವಾರದ ಪ್ರಾರಂಭದ ದಿನದಂದು ತಲೆ ಮಸಾಜ್ ಮಾಡಿ ತಣ್ಣೀರಿನ ಸ್ನಾನ ಮಾಡಿ ದಿನವನ್ನು ಪ್ರಾರಂಭಿಸುವ ಮೂಲಕ ಇಡಿಯ ವಾರ ದೇಹ ಚಟುವಟಿಕೆಯಿಂದಿದ್ದು ಚೈತನ್ಯದಿಂದ ಕೂಡಿರಲು ಸಾಧ್ಯವಾಗುತ್ತದೆ.