ಇಳಿವಯಸ್ಸಿನಲ್ಲಿ ಕೂದಲುದುರುವ ಸಮಸ್ಯೆ- ಕಾರಣ ತಿಳಿದುಕೊಳ್ಳಿ

ಒತ್ತಡ

ವ್ಯಕ್ತಿಯನ್ನು ನಿಧಾನವಾಗಿ ಕೊಲ್ಲುವ ವಿಷವೇ ಒತ್ತಡ. ಇದು ಸ್ಲೋ ಪಾಯಿಸನಂತೆ ಕೆಲಸ ಮಾಡುತ್ತದೆ. 25ರ ಹರೆಯಕ್ಕೆ ಮೊದಲು ಕೂದಲು ಉದುರಲು ಇದು ಒಂದು ಪ್ರಮುಖ ಕಾರಣ. ಯುವಕರಲ್ಲಿ ಒತ್ತಡದಿಂದಾಗಿ ಉಂಟಾಗುವ ಕೂದಲು ಉದುರುವಿಕೆಯನ್ನು ಟೆಲೊಗನ್ ಎಫ್ಲವಿಮ್ ಎಂದು ಕರೆಯಲಾಗುತ್ತದೆ. ಜೀವನವನ್ನು ಆನಂದಿಸಿ ಒತ್ತಡದಿಂದ ದೂರವಿದ್ದರೆ ತಲೆಯ ಕೂದಲು ಹಾಗೆ ಇರುತ್ತದೆ.

ಗರ್ಭಧಾರಣೆ

ಮಹಿಳೆಯರಲ್ಲಿ ಸಾಮಾನ್ಯವಾಗಿ ಗರ್ಭಧಾರಣೆ ವೇಳೆ ಕೂದಲು ಉದುರುವ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ. ಇದು ಹೆಚ್ಚು ಗಂಭೀರವಲ್ಲದಿದ್ದರೂ ಮುಂದುವರಿದರೆ ಅದರ ಬಗ್ಗೆ ಗಮನಹರಿಸುವುದು ಅತ್ಯಗತ್ಯ. ಮೂರು ತಿಂಗಳ ಬಳಿಕವೂ ಇದು ಮುಂದುವರಿದರೆ ಆಗ ನೀವು ವೈದ್ಯರನ್ನು ಭೇಟಿ ಮಾಡಿ.

ವಿಟಮಿನ್ ಎ

ನಮ್ಮ ದೇಹಕ್ಕೆ ಎಲ್ಲಾ ರೀತಿಯ ಪೌಷ್ಠಿಕಾಂಶಗಳು ಬೇಕಾಗುತ್ತದೆ. ಅದರಲ್ಲಿ ವಿಟಮಿನ್ ಕೊರತೆಯಾದರೆ ದೇಹವು ಅದರ ಚಿಹ್ನೆಗಳನ್ನು ತೋರಿಸುತ್ತದೆ. ಅದರಲ್ಲಿ ಒಂದು ಕೂದಲು ಉದುರುವುದು. 25ರ ಹರೆಯದ ವೇಳೆ ನೀವು ಹಠಾತ್ ಆಗಿ ಕೂದಲು ಉದುರುವ ಸಮಸ್ಯೆಗೆ ಒಳಗಾದರೆ ಆಗ ವಿಟಮಿನ್ ಪರೀಕ್ಷೆ ಮಾಡಿಕೊಳ್ಳಿ.

ಪ್ರೋಟೀನ್ ಕೊರತೆ

ನಮ್ಮ ದೇಹವನ್ನು ಆರೋಗ್ಯಕರ ಹಾಗೂ ಫಿಟ್ ಆಗಿಡಲು ಪ್ರೋಟೀನ್ ತುಂಬಾ ಮಹತ್ವದ ಕಾರ್ಯ ನಿರ್ವಹಿಸುತ್ತದೆ. ನಮ್ಮ ದೇಹಕ್ಕೆ ಪ್ರೋಟೀನ್ ಕೊರತೆಯಾದರೆ ಅತಿಯಾಗಿ ಕೂದಲು ಉದುರುವ ಸಮಸ್ಯೆ ಎದುರಾಗುತ್ತದೆ. ಈ ಸಮಸ್ಯೆ ನಿವಾರಿಸಲು ಪ್ರೋಟೀನ್ ಸೇವನೆಯನ್ನು ಹೆಚ್ಚಿಸಿ.

ಅನುವಂಶೀಯ

25ರ ಹರೆಯಕ್ಕೆ ಮೊದಲು ಕೂದಲು ಉದುರಲು ಒಂದು ಆರೋಗ್ಯ ಕಾರಣವೆಂದರೆ ಅನುವಂಶೀಯತೆ. ಇದು ತುಂಬಾ ಅಪರೂಪ ಮತ್ತು 50ರಲ್ಲಿ ಒಬ್ಬರಲ್ಲಿ ಮಾತ್ರ ಇದು ಕಂಡುಬರುತ್ತದೆ.

ಹಾರ್ಮೋನುಗಳ ಸಮಸ್ಯೆ

ಹಾರ್ಮೋನುಗಳ ಅಸಮತೋಲನ ನಿಮ್ಮ ಜೀವನವನ್ನು ನರಕ ಮಾಡಬಹುದು. 25ರ ಕೆಳಹರೆಯದ ಮಹಿಳೆಯರಲ್ಲಿ ಕೂದಲು ಉದುರಲು ಪ್ರಮುಖ ಕಾರಣವೆಂದರೆ ಹಾರ್ಮೋನುಗಳ ಬದಲಾವಣೆ. ಯುವತಿಯರಲ್ಲಿ ಕೂದಲು ಉದುರಲು ಹಾರ್ಮೋನು ಅಸಮತೋಲನವೇ ಪ್ರಮುಖ ಆರೋಗ್ಯ ಕಾರಣ.