ಇವು ಸಾಮಾನ್ಯ ತರಕಾರಿಗಳಲ್ಲ- ಔಷಧೀಯ ಆಗರ!

ಬೀಟ್ ರೂಟ್

ಬೀಟ್ ರೂಟ್ ಗಳು ಅತ್ಯಂತ ಪೌಷ್ಠಿಕಾಂಶವುಳ್ಳ ಬೇರಿನ ತರಕಾರಿ. ಇದರಲ್ಲಿ ರಕ್ತಕೋಶಗಳನ್ನು ವೃದ್ಧಿಸುವ ಕಬ್ಬಿಣ ಅಂಶವು ಯಥೇಚ್ಛವಾಗಿದ್ದು, ದೇಹದ ರಕ್ತವನ್ನು ಶುದ್ಧೀಕರಿಸಲು ಸಹಾಯ ಮಾಡುವ ಬೆಟಾಲಿಯನ್ ಎಂಬ ಪೌಷ್ಠಿಕಾಂಶವು ಇದರಲ್ಲಿ ಅಧಿಕವಾಗಿದೆ. ಹಾಗಾಗಿ ಇದನ್ನು ಬೇಯಿಸಿ ಸೇವಿಸುವುದು ಸೂಕ್ತ.

ಮೂಲಂಗಿ

ಮೂಲಂಗಿ ಸ್ವಾಭಾವಿಕವಾಗಿ ಹೆಚ್ಚು ಆರೋಗ್ಯಕರ. ಇದನ್ನು ಹೆಚ್ಚಾಗಿ ಸೇವಿಸಿದಲ್ಲಿ ದೇಹ ಊದಿಕೊಳ್ಳುವ ಲಕ್ಷಣ ಹೊಂದಿದೆ. ಇದೊಂದು ಅಂಶ ಬಿಟ್ಟರೆ, ಇದರಲ್ಲಿ ವಿಟಮಿನ್ ಸಿ ಹೆಚ್ಚಾಗಿದ್ದು, ಮೂತ್ರರೋಗ ಸಮಸ್ಯೆ ಹಾಗೂ ಬೊಜ್ಜನ್ನು ನಿಯಂತ್ರಿಸುತ್ತದೆ.

ನೌಕೋಲು (Turnip)

ನೌಕೋಲನ್ನು ಕೆಲವರು ಇಷ್ಟಪಡದಿದ್ದರೂ, ಇದು ಆರೋಗ್ಯಕ್ಕೆ ಉತ್ತಮ. ಇದು ಮೂಳೆಗಳ ಸದೃಢತೆಗೆ, ಶ್ವಾಸಕೋಶಕ್ಕೆ, ಹೃದಯಕ್ಕೆ ಹಾಗೂ ಜೀರ್ಣಕ್ರಿಯೆಗೆ ಹೆಚ್ಚು ಸಹಕಾರಿಯಾಗಲಿದೆ. ಇದನ್ನು ಹಾಗೆಯೇ ಅಥವಾ ಬೇಯಿಸಿ ಸೇವಿಸಬಹುದಾಗಿದೆ.

ಸಿಹಿ ಗೆಣಸು

ಸಿಹಿ ಗೆಣಸು ಹೆಚ್ಚಾಗಿ ಸಿ, ಬಿ6 ಮತ್ತು ಇ ವಿಟಮಿನ್ ಗಳಿಂದ ಕೂಡಿದೆ. ಇದರ ಒಳಭಾಗ ನಾರಿನ ಅಂಶದಿಂದ ಕೂಡಿದ್ದು, ಇದರಿಂದ ಹೆಚ್ಚು ಲಾಭ ಹೊಂದಲು ಬೇಯಿಸಿ ಸೇವಿಸುವುದು ಸೂಕ್ತ.

ಶುಂಠಿ

ಇದು ಪ್ರತಿನಿತ್ಯದ ಆಹಾರದಲ್ಲಿ ಸೇವಿಸಲೇಬೇಕಾದಂತಹ ಶಕ್ತಿಯುತ ಬೇರಿನ ತರಕಾರಿ ಹಾಗೂ ಹೆಚ್ಚು ಔಷಧೀಯ ಗುಣಗಳನ್ನು ಹೊಂದಿದೆ. ಕ್ಯಾನ್ಸರ್, ಮಧುಮೇಹ, ಚರ್ಮರೋಗಗಳಿಗೆ, ರಕ್ತದೊತ್ತಡ ಸಮಸ್ಯೆಗಳಿಗೆ ರಾಮಬಾಣ ಮತ್ತು ಇದರಲ್ಲಿಯೂ ಸಹ ರಕ್ತಕೋಶಗಳನ್ನು ವೃದ್ಧಿಸುವ ಗುಣವಿದೆ.

ಅರಿಶಿನ

ಹಳದಿ ಅರಿಶಿನದ ಬೇರು ಶುದ್ಧ ಮತ್ತು ಆರೋಗ್ಯಕರ. ಇದನ್ನು ಸೇವಿಸುವುದು ಅವಶ್ಯಕವಾಗಿದ್ದು, ನಮ್ಮ ದೇಹವನ್ನು ಶಕ್ತಿಯುತವಾಗಿರಿಸುವ ಗುಣವನ್ನು ಹೊಂದಿದೆ ಹಾಗೂ ನಮ್ಮ ಮೆದುಳು ಮತ್ತು ಚರ್ಮಕಾಂತಿಗೆ ಇದು ಅತ್ಯವಶ್ಯಕ.

ಮುಳ್ಳು ಗೆಣಸು

ಈ ಗೆಣಸನ್ನು ಬೇಯಿಸಿ ತಿಂದರೆ ಹೆಚ್ಚು ಆರೋಗ್ಯಕರ. ಇದರಲ್ಲಿ ಬಿ6 ವಿಟಮಿನ್, ಪೊಟಾಷಿಯಂ ಮತ್ತು ನಾರಿನ ಅಂಶಗಳಿದ್ದು, ದೇಹದ ದೃಢತೆಗೆ ಮತ್ತು ಆರೋಗ್ಯಕ್ಕೆ ಹೆಚ್ಚು ಸಹಕಾರಿಯಾಗಲಿದೆ.

ಬೋಕ್ ಚಾಯ್

ಇದು ಚೀನಿಯರ ಪ್ರಿಯವಾದ ಆಹಾರ. ಒಮ್ಮೆಯಾದರೂ ಇದನ್ನು ಸೇವಿಸಲೇಬೇಕು. ಇದು ಜನನೇಂದ್ರೀಯ ಕ್ಯಾನ್ಸರ್ ತಡೆಯುವಲ್ಲಿ ಯಶಸ್ವಿಯಾಗಿದೆ. ಇದನ್ನು ಪ್ರತಿನಿತ್ಯ ಸೇವಿಸಿದಲ್ಲಿ ದೇಹವನ್ನು ಶಕ್ತಿಯುತವಾಗಿ ಹಾಗೂ ಆರೋಗ್ಯಕರವಾಗಿಡಲು ಸಹಕಾರಿಯಾಗಲಿದೆ.