ರಾತ್ರಿಯ ಹೊತ್ತು ಕೆಮ್ಮು ಬರಲು ಕಾರಣಗಳೇನು?

ಎದೆಯುರಿ

ನಿಮಗೆ ಎದೆಯುರಿ ಇದ್ದು ಮಲಗಿರುವಾಗ ಹೊಟ್ಟೆಯಿಂದ ನಿಮ್ಮ ಅನ್ನನಾಳಕ್ಕೆ ತಲುಪಿ ಕೆಮ್ಮು ಬರುವ ಸಾಧ್ಯತೆಯಿದೆ. "ಒಂದು ಸಣ್ಣ ಪ್ರಮ್ಮಣದಲ್ಲಿ ಹೊಟ್ಟೆಯ ಆಮ್ಲವು ಗಂಟಲಿನ ತಳಭಾಗಕ್ಕೆ ಸೋರಿಕೆಯಾದಲ್ಲಿ ಸಾಕಷ್ಟು ಕಿರಿಕಿರಿ ಉಂಟುಮಾಡಿ ಕೆಮ್ಮಲು ಕಾರಣವಾಗುತ್ತದೆ," ಎಂದು ಅನುಭವಿಗಳ ಅಭಿಪ್ರಾಯ. ಇಂತಹ ಸಮಯದಲ್ಲಿ ಸಾಧರಣವಾಗಿ ವೈದ್ಯಕೀಯ ಅಂಗಡಿಯಲ್ಲಿ ಎದೆಯುರಿಗೆ ದೊರೆಯುವ ಔಷಧಿಯನ್ನು ತೆಗೆದುಕೊಂಡ ನಂತರ ಔಷಧಿಯಿಂದ ಉಪಯೋಗವಾಗದಿದ್ದಲ್ಲಿ ವೈದ್ಯರನ್ನು ಭೇಟಿ ಮಾಡಿ.

ಅಲರ್ಜಿಗಳಿಗೆ

ನಿಮಗೆ ರಾತ್ರಿಯವೇಳೆ ಮಾತ್ರ ಕೆಮ್ಮು ಬರುತ್ತಿದ್ದರೆ ನಿಮ್ಮ ಮನೆಯಲ್ಲೇ ಇರುವ ಯಾವುದೋ ವಸ್ತುವಿನ ಅಲರ್ಜಿ ಇರಬಹುದು ಉದಾಹರಣೆಗೆ ಧೂಳು ಕ್ರಿಮಿಗಳು. "ನೀವು ಉಪಯೋಗಿಸುವ ದಿಂಬು, ಬೆಡ್ ಶೀಟ್ ಮತ್ತು ಕಂಬಳಿಗಳಲ್ಲಿ ಧೂಳು ಕ್ರಿಮಿಗಳು ಸಾಧಾರಣವಾಗಿರುತ್ತವೆ" ಎಂದು ಅನುಭವಿ ವ್ಯಕ್ತಿಗಳ ಅಭಿಪ್ರಾಯ. ಆದ್ದರಿಂದ ಹಾಸಿಗೆಬಟ್ಟೆಗಳನ್ನು ವಾರಕೊಮ್ಮೆಯಾದರೂ ಬಿಸಿನೀರಿನಲ್ಲಿ ತೊಳೆದು ನೋಡಿ, ಹಾಗೂ ನಿಮಗೆ ಇನ್ನೂ ಅಲರ್ಜಿಯಿದ್ದರೆ ಅಂಗಡಿಯಲ್ಲಿ ಅಲರ್ಜಿಗೆ ದೊರೆಯುವ ಔಷಧಿಯನ್ನು ತೆಗೆದುಕೊಳ್ಳಿ. ನೀವು ಬೇಕಿದ್ದಲ್ಲಿ ವೈದ್ಯರ ಬಳಿಗೆ ಹೋಗಿ ಅಲರ್ಜಿ ಪರೀಕ್ಷೆಯನ್ನು ಮಾಡಿಸಿಕೊಳ್ಳಿ.

ಉಬ್ಬಸ ಕೆಮ್ಮು (ಆಸ್ತಮಾ)

ನಿಮ್ಮ ಕೆಮ್ಮು ಇನ್ನೂ ಉಲ್ಬಣಗೊಂಡಿದ್ದರೆ ನಿಮ್ಮ ಸುತ್ತಲಿರುವ ಪ್ರಚೋದಕಗಳ ಮೇಲೆ ಪರಿಶೀಲಿಸಿ. "ಇದು ನಿಮ್ಮ ಹಾಸಿಗೆ ಧೂಳು ಇರಬಹುದು ಅಥವಾ ನಿಮ್ಮ ಮನೆಯ ಬೆಕ್ಕು ನಿಮ್ಮ ತಲೆ ದಿಂಬಿನಮೇಲೆ ದಿನವೆಲ್ಲಾ ಮಲಿಗಿ ಹೋಗಿರಬಹುದು," ಎಂದು ಡಾಕ್ಟರ್ ಕೂಕ್ ಹೇಳುತ್ತಾರೆ.

ಕೆಲವು ರಕ್ತದ ಒತ್ತಡ ತಡೆಯುವ ಔಷಧಿಗಳು.

ಏಸ್ (ACE) ಪ್ರತಿರೋಧಕಗಳು ನೀವು ಉಪಯೋಗಿಸುತ್ತದ್ದಲ್ಲಿ ಕೆಲವರಿಗೆ ಕೆಮ್ಮಿಗೆ ಕಾರಣವಾಗಿರಬಹುದು. ಹಾಗಿದ್ದಲ್ಲಿ ವೈದ್ಯರ ಸಲಹೆ ಪಡೆದು ನಿಮ್ಮ ರಕ್ತದೊತ್ತಡದ ಔಷಧಿಯನ್ನು ಬದಲಿಸುವ ಪ್ರಯತ್ನ ಮಾಡಬೇಕು. ನಿಮ್ಮ ವೈದ್ಯರ ಸಲಹೆ ಪಡೆಯದೇ ಯಾವ ಔಷಧಿಯನ್ನು ನಿಲ್ಲಿಸುವ ಪ್ರಯತ್ನ ಮಾಡಬೇಡಿ.

ಧೂಮಪಾನ

ಧೂಮಪಾನದಿಂದಲೂ ನಿಮಗೆ ಕೆಮ್ಮು ಬರುವ ಸಾಧ್ಯತೆಯಿದೆ. ಧೂಮಪಾನಮಾಡುವುದನ್ನು ನಿಲ್ಲಿಸಲು ಪ್ರಯತ್ನಮಾಡಿ, ಇಲ್ಲವೇ ನಿಮ್ಮ ವೈದ್ಯರ ಸಹಾಯ ಕೋರಿ. ಹಾಗೆಯೇ ಇತರರ ಧೂಮಪಾನದ ಹೊಗೆಯಿಂದ ದೂರವಿರಿ ಮತ್ತು ಆ ಹೊಗೆಯಿಂದ ತಪ್ಪಿಸಿಕೊಳ್ಳಿ.