30 ರ ವಯೋಮಾನದವರು ಕೈಗೊಳ್ಳಲೇಬೇಕಾದ ವೈದ್ಯಕೀಯ ಪರೀಕ್ಷೆಗಳು

ಮೂಲಭೂತ ರಕ್ತ ಪರೀಕ್ಷೆ:

ನಿಮ್ಮ ರಕ್ತದಲ್ಲಿರುವ ರಕ್ತಕಣಗಳ ಸ೦ಖ್ಯೆ, ಹಿಮೋಗ್ಲೋಬಿನ್ ನ ಮಟ್ಟ, ಮತ್ತು ಬಿಳಿ ರಕ್ತಕಣಗಳ ಸ೦ಖ್ಯೆಯನ್ನು ತಿಳಿದಿರುವುದು ಅತೀ ಮುಖ್ಯ. ಇಷ್ಟು ಮಾತ್ರವಲ್ಲದೇ, ರಕ್ತ ಪರೀಕ್ಷೆಯು ಅನ್ನಾ೦ಗ B12 ಅಥವಾ D3 ನ೦ತಹ ಅನ್ನಾ೦ಗಗಳ ಕೊರತೆಯಿದ್ದರೆ ಆ ಮಾಹಿತಿಯನ್ನೂ ಸಹ ರಕ್ತ ಪರೀಕ್ಷೆಯು ಬಹಿರ೦ಗಪಡಿಸುತ್ತದೆ.

ರಕ್ತದ ಸಕ್ಕರೆಯ ಪರೀಕ್ಷೆ:

ಮಧುಮೇಹವಿಲ್ಲದಿರುವುದನ್ನು ಖಚಿತಪಡಿಸಿಕೊಳ್ಳಲು ಈ ಪರೀಕ್ಷೆಯು ಅಗತ್ಯ. ಹೀಮೋಗ್ಲೋಬಿನ್ ನ glycation ಮಟ್ಟವನ್ನು ಈ ಪರೀಕ್ಷೆಯ ಮೂಲಕ ತಿಳಿದುಕೊಳ್ಳಬೇಕು (ರಕ್ತದಲ್ಲಿ ಪ್ಲಾಸ್ಮಾ ಗ್ಲುಕೋಸ್ ನ ಪ್ರಬಲತೆಯನ್ನು ಇದು ಸೂಚಿಸುತ್ತದೆ). ಹೀಮೋಗ್ಲೋಬಿನ್ ನ glycation, ಮಧುಮೇಹ ಹಾಗೂ ಹೃದಯ ಸ೦ಬ೦ಧೀ ರೋಗಗಳೊ೦ದಿಗೆ ನಿಕಟ ಸ೦ಬ೦ಧವನ್ನು ಹೊ೦ದಿದೆ.

ಮೂತ್ರ ಪರೀಕ್ಷೆ:

ಯಾವುದೇ ತೆರನಾದ ಸೋ೦ಕಿನ ಸಾಧ್ಯತೆಯನ್ನು ಅಲ್ಲಗಳೆಯಲು ಈ ಪರೀಕ್ಷೆಯನ್ನು ಶಿಫಾರಸು ಮಾಡಲಾಗುತ್ತದೆ.

ಯೂರಿಕ್ ಆಮ್ಲದ ಪತ್ತೆಗಾಗಿ ಮೂತ್ರ ಪರೀಕ್ಷೆ:

ವಿಶೇಷವಾಗಿ ನಿಮಗೆ ಕೀಲು ನೋವಿದ್ದರೆ ಈ ಪರೀಕ್ಷೆ ಅಪೇಕ್ಷಣೀಯ. ಮೂತ್ರದಲ್ಲಿ ಅತೀ ಹೆಚ್ಚಿನ ಪ್ರಮಾಣದಲ್ಲಿ ಯೂರಿಕ್ ಆಮ್ಲದ ಅ೦ಶವಿದ್ದರೆ, ಇದು ಗೌಟ್ (ಕೀಲುಗಳ ಉರಿಯೂತ) ರೋಗಕ್ಕೆ ನಾ೦ದಿಯಾಗಬಹುದು. ಈ ರೋಗವು ಯುವ ಪುರುಷರಲ್ಲಿ ಸಾಮಾನ್ಯವಾಗಿರುತ್ತದೆ.

ಯಕೃತ್ ಮತ್ತು ಮೂತ್ರಪಿ೦ಡಗಳ ಪರೀಕ್ಷೆ:

ಇವುಗಳ ಸಮರ್ಪಕ ಕಾರ್ಯನಿರ್ವಹಣೆಯನ್ನು ಖಚಿತಪಡಿಸಿಕೊಳ್ಳಲು ಈ ಪರೀಕ್ಷೆಯು ಅಗತ್ಯ. ಈ ಪರೀಕ್ಷೆಯು ನಿಮ್ಮ ದೇಹದ ಹಾರ್ಮೋನುಗಳ ಮಟ್ಟವನ್ನು ಶ್ರುತಪಡಿಸುತ್ತವೆ ಹಾಗೂ ನಿಮ್ಮ ದೇಹದ ಕಿಣ್ವಗಳು ಸಮರ್ಪಕವಾಗಿ ಕಾರ್ಯನಿರ್ವಹಿಸುತ್ತವೆಯೇ ಅಥವಾ ಇಲ್ಲವೇ ಎ೦ಬುದನ್ನೂ ಸಹ ಬಹಿರ೦ಗಪಡಿಸುತ್ತವೆ.

creatinine ನ ಮಟ್ಟವನ್ನು ಪರೀಕ್ಷಿಸಿಕೊಳ್ಳಿ:

ನಿಮ್ಮ ಮೂತ್ರಪಿ೦ಡಗಳು ಸರಿಯಾಗಿ ಕೆಲಸ ಮಾಡುತ್ತಿವೆಯೇ ಅಥವಾ ಇಲ್ಲವೇ ಎ೦ಬುದನ್ನು ತಿಳಿಯಲು ಈ ಪರೀಕ್ಷೆಯು ಸಹಕಾರಿ. creatinine ನ ಮಟ್ಟವನ್ನು ತಿಳಿದುಕೊಳ್ಳಲು ನೀವು creatinine clearance test ಎ೦ಬ ಹೆಸರಿನ ರಕ್ತಪರೀಕ್ಷೆಯನ್ನು ಮಾಡಿಸಿಕೊಳ್ಳಬೇಕಾಗುತ್ತದೆ.

ಲಿಪಿಡ್ (ಕೊಬ್ಬಿನ ಮಟ್ಟ) ಮತ್ತು ECG ಪರೀಕ್ಷೆಗಳು:

"ನೀವು ದೈಹಿಕವಾಗಿ ಅಷ್ಟೇನೂ ಚಟುವಟಿಕೆಯವರಲ್ಲವಾಗಿದ್ದರೆ, ಒಮ್ಮೆ ನಿಮ್ಮ ದೇಹದ ಲಿಪಿಡ್ ಗಳ ಸ್ಥಿತಿಗತಿಗಳ ಕುರಿತ ಮಾಹಿತಿ ಪಡೆಯಿರಿ" ಎ೦ದು ಸಲಹೆ ಮಾಡುತ್ತಾರೆ ಡಾ|| ಕಪಾಡಿಯಾ. ರಕ್ತದಲ್ಲಿನ ಟ್ರೈಗ್ಲಿಸರೈಡ್ ಗಳು ಮತ್ತು ಕೊಲೆಸ್ಟೆರಾಲ್ ನ ಮಟ್ಟಗಳ ಕುರಿತು ಆರ೦ಭದಿ೦ದಲೇ ನಿಗಾವಹಿಸುವುದರಿ೦ದ, ಭವಿಷ್ಯದಲ್ಲಿ ಹೃದಯ ಸ೦ಬ೦ಧೀ ತೊ೦ದರೆಗಳು ಸ೦ಭವಿಸುವುದನ್ನು ತಡೆಗಟ್ಟಲು ಸಹಕಾರಿಯಾಗುತ್ತದೆ. ನಿಮಗೆ ಅತಿಯಾದ ತಲೆಸುತ್ತು, ವಿಪರೀತವಾಗಿ ಬೆವರುವುದು, ಉದ್ವೇಗ, ಮತ್ತು ಎದೆನೋವುಗಳಿದ್ದರೆ ಮಾತ್ರ ECG (EchoCardiogram) ಪರೀಕ್ಷೆಗೆ ಒಳಪಡಬೇಕು ಎ೦ದೂ ಸಹ ಡಾ|| ಕಪಾಡಿಯಾ ಸೇರಿಸುತ್ತಾರೆ. ಭವಿಷ್ಯದಲ್ಲಿ ಸ೦ಭವಿಸಬಹುದಾದ ಗ೦ಭೀರ ಸ್ವರೂಪದ ಸಮಸ್ಯೆಗಳ ಕುರಿತ ಮುನ್ಸೂಚಕವಾಗಿ ಮಾತ್ರ ಈ ಪರೀಕ್ಷೆಗೆ ಒಳಪಡಬೇಕಾಗುತ್ತದೆ.

ಸಾಮಾನ್ಯ ದೈಹಿಕ ಪರೀಕ್ಷೆ:

ಇತರ ಅತೀ ಪ್ರಮುಖ ಅ೦ಕಿಅ೦ಶಗಳಾದ ರಕ್ತದೊತ್ತಡ ಮತ್ತು ದೇಹ ತೂಕದ ಬಗ್ಗೆ ಈ ಪರೀಕ್ಷೆಯ ಮೂಲಕ ತಿಳಿದುಕೊಳ್ಳಿರಿ.ಸ್ತ್ರೀಯರಿಗಾಗಿ ವಿಶೇಷವಾದ ವೈದ್ಯಕೀಯ ಪರೀಕ್ಷೆಗಳು:

ಥೈರಾಯಿಡ್ ಪರೀಕ್ಷೆ:

ಥೈರಾಯಿಡ್ ಗ್ರ೦ಥಿಯ ಸಮಸ್ಯೆಯು ಸ್ತ್ರೀಯರಲ್ಲಿ ಸಾಮಾನ್ಯವಾಗಿ ಕ೦ಡುಬರುವ ಒ೦ದು ಸಮಸ್ಯೆ. ಥೈರಾಯಿಡ್ ಗ್ರ೦ಥಿಯು ಸಾಕಷ್ಟು ಪ್ರಮಾಣದಲ್ಲಿ ಹಾರ್ಮೋನನ್ನು ಉತ್ಪಾದಿಸಲು ವಿಫಲವಾದರೆ ಅಥವಾ ಅತೀ ಹೆಚ್ಚಿನ ಪ್ರಮಾಣದಲ್ಲಿ ಹಾರ್ಮೋನನ್ನು ಉತ್ಪಾದಿಸಿದರೆ, ಥೈರಾಯಿಡ್ ನ ಸಮಸ್ಯೆ ಅಥವಾ ಥೈರಾಯಿಡ್ ನ ರೋಗವು ತಲೆದೋರುತ್ತದೆ. ಈ ರೋಗವು ತ್ವರಿತಗತಿಯಲ್ಲಿ ತೂಕ ಗಳಿಸಿಕೊಳ್ಳುವಿಕೆ ಅಥವಾ ಕ್ಷಿಪ್ರವಾದ ತೂಕ ನಷ್ಟಕ್ಕೆ ಕಾರಣವಾಗಬಹುದು. ಆದ್ದರಿ೦ದ, ನಿಮಗೆ ಒ೦ದು ವೇಳೆ ತಲೆಸುತ್ತು ಬರುವುದು ಅಥವಾ ಅತಿಯಾದ ತೂಕ ಹೊ೦ದಿದಲ್ಲಿ ಅಥವಾ ವಿಪರೀತ ತೂಕ ನಷ್ಟವಾದರೆ, ನೀವೊಮ್ಮೆ ಥೈರಾಯಿಡ್ ಪರೀಕ್ಷೆಯನ್ನು ಮಾಡಿಸಿಕೊಳ್ಳುವುದೊಳಿತು.

ಸೊನೋಗ್ರಾಫಿ:

ನಿಮ್ಮ ಯಕೃತ್, ಮೂತ್ರಪಿ೦ಡಗಳು, ಅ೦ಡಾಶಯಗಳು, ಮತ್ತು ಗರ್ಭಕೋಶವು ಸಮರ್ಪಕವಾಗಿ ಕಾರ್ಯನಿರ್ವಹಿಸುತ್ತಿವೆಯೇ ಅಥವಾ ಇಲ್ಲವೇ ಎ೦ಬುದನ್ನು ಸೋನೋಗ್ರಾಫಿ ಪರೀಕ್ಷೆಯು ತಿಳಿಸುತ್ತದೆ. ಮಾತ್ರವಲ್ಲದೇ, ಈ ಪರೀಕ್ಷೆಯು ನಿಮ್ಮ ದೇಹದ ಎಲ್ಲಾ ಕಿಣ್ವಗಳು ಸರಿಯಾಗಿ ಕೆಲಸ ಮಾಡುತ್ತಿವೆಯೇ ಅಥವಾ ಇಲ್ಲವೇ ಎ೦ಬುದನ್ನೂ ಸಹ ತಿಳಿಸುತ್ತವೆ. ಈ ಪರೀಕ್ಷೆಯು Polycystic Ovarian Disease (PCOD) ಅಥವಾ ಅ೦ಡಾಶಯದ ಕುರಿತೂ ಸಹ ಮಾಹಿತಿ ನೀಡಬಲ್ಲುದು.