ದೇಹದಲ್ಲಿ ಕಂಡುಬರುವ ಸಣ್ಣ ಗಂಟುಗಳಿಂದ ಬೇಸತ್ತು ಹೋಗಿರುವಿರಾ?

By Arpitha Rao

Published: Tuesday, May 13, 2014, 12:43 [IST]

ದೇದಲ್ಲಿ ಸಣ್ಣ ಗಂಟುಗಳ ರೀತಿ ಆಗುವುದು ದೊಡ್ಡವರು ಮತ್ತು ಮಕ್ಕಳಲ್ಲೂ ಕೂಡ ಸಾಮಾನ್ಯವಾಗಿಬಿಟ್ಟಿದೆ. ಮಾನವ ದೇಹದ ವೈರಸ್‌ಗಳು ಹಾನಿಕಾರಕವಲ್ಲದಿದ್ದರೂ ಈ ವಾರ್ಟ್ಸ್ ಬೇರೆಡೆಗೆಲ್ಲ ಹರಡುವ ಸಾಧ್ಯತೆ ಹೆಚ್ಚು. ಇವು ಚರ್ಮ,ಬಾಯಿ, ಜನನಾಂಗ, ಗುದನಾಳ ಎಲ್ಲಿ ಬೇಕಾದರೂ ಆಗಬಹುದು. ಚರ್ಮದ ಗಡ್ಡೆಗಳು ಎಂದು ಕರೆಯಲಾಗುವ ಈ ವಾರ್ಟ್ಸ್ ವಿವಿಧ ರೀತಿಯಲ್ಲಿ ಅಂದರೆ ಸಾಮಾನ್ಯ ವಾರ್ಟ್ಸ್, ಕಾಲಿನ ವಾರ್ಟ್ಸ್, ಫ್ಲಾಟ್ ವಾರ್ಟ್ಸ್, ಜನನಾಂಗ ಗಂಟು ಹೀಗೆ ಬೇರೆಬೇರೆ ರೀತಿಯಲ್ಲಿ ಕಾಣಿಸಿಕೊಳ್ಳಬಹುದು.

ಡಯಟಿಂಗ್ ಪ್ರಭಾವ ಬೀರದಿರಲು ಏಳು ಕಾರಣಗಳು

ಈ ಗಂಟುಗಳು ಒರಟಾಗಿ ಚರ್ಮದಿಂದ ಎದ್ದು ಬರುವಂತೆ ಪ್ರಾರಂಭವಾಗುತ್ತವೆ, ಇವುಗಳು ಕೈ,ಭುಜ,ಕಾಲುಗಳು,ಮುಖ ಮತ್ತು ನೆತ್ತಿಯ ಮೇಲೆ ಕೂಡ ಕಾಣಿಸಿಕೊಳ್ಳಬಹುದು.ಪ್ರಾಥಮಿಕವಾಗಿ ವೈರಸ್ ನಿಂದ ಹುಟ್ಟಿಕೊಳ್ಳುವ ಈ ಗಂಟುಗಳು, ಚರ್ಮದ ಮೇಲೆ ಸರಿಯಾಗಿ ಬೆಳೆಯಲು ಸಾಧ್ಯವಾಗದಿದ್ದಾಗ ಕೂಡ ಕಂಡುಬರುತ್ತದೆ. ಈ ರೀತಿ ಸಣ್ಣ ಗಂಟುಗಳು ಕಾಣಿಸಿಕೊಂಡಾಗ ಮನೆ ಮದ್ದಿನ ಮೂಲಕ ಕೂಡ ಗುಣಪಡಿಸಬಹುದು. ಅವುಗಳಲ್ಲಿ ಕೆಲವು ಮನೆಮದ್ದನ್ನು ಇಲ್ಲಿ ನೀಡಿದ್ದೇವೆ ಓದಿ ನೋಡಿ.

ಹೊಟ್ಟೆಯ ಕೊಬ್ಬು ಕರಗಿಸುವ ಅತ್ಯುತ್ತಮ 10 ಉಪಾಯಗಳು

ಅಗಸೆಬೀಜ:

ಸಣ್ಣ ಗಂಟುಗಳನ್ನು ಹೋಗಲಾಡಿಸಲು ಸಹಾಯಕ. ಅಗಸೇಪುಡಿಗೆ ಅಗಸೆ ಎಣ್ಣೆ ಬೆರಸಿ, ಜೇನು ಸೇರಿಸಿ ಗಂಟು ಇರುವ ಜಾಗಕ್ಕೆ ಹಚ್ಚಿ ನಂತರ ಬಟ್ಟೆಯಲ್ಲಿ ಸುತ್ತಿ. ಪ್ರತಿದಿನ ಹೀಗೆ ಹೊಸದಾಗಿ ತಯಾರಿಸಿಕೊಂಡು ಹಚ್ಚಬೇಕು.

ಬೆಳ್ಳುಳ್ಳಿ:

ಇದಕ್ಕೆ ಇನ್ನೊಂದು ಪರಿಣಾಮಕಾರಿ ಮದ್ದೆಂದರೆ ಬೆಳ್ಳುಳ್ಳಿ, ಬೆಳ್ಳುಳ್ಳಿಯನ್ನು ಗಂಟು ಇರುವ ಜಾಗಕ್ಕೆ ಹಚ್ಚಿ, ಮತ್ತು ಬಟ್ಟೆಯಿಂದ ಸುತ್ತಿ.

ಪೈನಾಪಲ್:

ಪೈನಾಪಲ್ ಹಣ್ಣನ್ನು ಕತ್ತರಿಸಿದ ತಕ್ಷಣ ಗಂಟು ಇರುವ ಜಾಗಕ್ಕೆ ಹಚ್ಚಿ.ದಿನಕ್ಕೆ ಸಾಕಷ್ಟು ಬಾರಿ ಹಚ್ಚಿ ಇದರಿಂದ ಗಂಟು ಬೇಗ ಗುಣವಾಗುತ್ತದೆ.

ಅಂಜೂರ

ಅಂಜೂರದ ಬೇರನ್ನು ಹಚ್ಚಿ.ಇದರಿಂದ ಸಣ್ಣ ಗಂಟು(ವಾರ್ಟ್ಸ್)ಹೋಗಲಾಡಿಸಬಹುದು.

ಈರುಳ್ಳಿ:

ಒಂದು ರಾತ್ರಿಪೂರ್ತಿ ವಿನೆಗರ್ ನಲ್ಲಿ ಈರುಳ್ಳಿಯನ್ನು ನೆನೆಸಿಡಿ.ಬೆಳಗ್ಗೆ ನೆನೆಸಿಟ್ಟ ಈರುಳ್ಳಿ ಹೋಳನ್ನು ಗಂಟಿನ ಮೇಲಿಟ್ಟು ಬಟ್ಟೆ ಸುತ್ತಿ.

ಕರ್ಪೂರದ ತೈಲ:

ಕರ್ಪೂರದ ತೈಲವನ್ನು ದಿನದಲ್ಲಿ ಸಾಕಷ್ಟು ಬಾರಿ ಸವರುವುದರಿಂದ ಗಂಟು ಹೋಗುತ್ತವೆ.

ಕ್ಯಾಸ್ಟರ್ ಎಣ್ಣೆ:

ದಿನದಲ್ಲಿ ಎರಡು ಬಾರಿ ಕ್ಯಾಸ್ಟರ್ ಎಣ್ಣೆಯನ್ನು ಹಚ್ಚುವುದರಿಂದ ಚರ್ಮ ಮೃದುವಾಗುತ್ತದೆ ಮತ್ತು ಗಂಟು ಕರಗುತ್ತದೆ.

ಸೀಮೆಸುಣ್ಣ ಅಥವಾ ಆಲೂಗಡ್ಡೆ:

ಸೀಮೆಸುಣ್ಣ ಅಥವಾ ಆಲೂಗಡ್ಡೆಯಿಂದ ಉಜ್ಜುವುದರಿಂದ ಗಂಟು ಹೋಗಲಾಡಿಸಬಹುದು.

ಚಹಾ ಸೊಪ್ಪಿನ ಎಣ್ಣೆ:

ಚಹಾ ಸೊಪ್ಪಿನ ಎಣ್ಣೆಯನ್ನು ಪ್ರತಿದಿನ ವಾರ್ಟ್ಸ್ ಇರುವ ಜಾಗಕ್ಕೆ ಹಚ್ಚಿದರೆ,ಬೇಗ ಕಡಿಮೆಯಾಗುತ್ತದೆ.

ಬಿಸಿನೀರು:

ಪ್ರತಿದಿನ ಸಣ್ಣ ಗಂಟಾಗಿರುವ ಜಾಗವನ್ನು ಬಿಸಿನೀರಿನಲ್ಲಿ 15 ರಿಂದ 20 ನಿಮಿಷ ಅದ್ದಿಡಿ, ನಂತರ ವಿನೆಗರ್ ಅನ್ನು ಹತ್ತಿಯಲ್ಲಿ ನೆನೆಸಿ ಈ ಜಾಗಕ್ಕೆ ಸವರಿ, ಒಣಗಲು ಬಿಡಿ. ನಂತರ ನೀರಿನಲ್ಲಿ ತೊಳೆದು ಒರೆಸಿಕೊಳ್ಳಿ.