ಗೊರಕೆಯ ಅಪಾಯಗಳು ನಿಮಗೆ ತಿಳಿದಿದೆಯೇ?

ಸ್ಟ್ರೋಕ್:

ಸ್ಟ್ರೋಕ್ ಅಥವಾ ಪಾರ್ಶ್ವವಾಯುವಿನ ತೊಂದರೆಯು ಗೊರಕೆಯಿಂದ ಉಂಟಾಗುತ್ತದೆ. ನೀವು ದೀರ್ಘ ಗೊರಕೆಯನ್ನು ಹೊಡೆದಂತೆ ಇದರ ಅಪಾಯ ಹೆಚ್ಚು ಎಂಬುದು ಸಂಶೋಧನೆಗಳಿಂದ ತಿಳಿದುಬಂದಿದೆ. ರಕ್ತದೊತ್ತಡವನ್ನು ಹೆಚ್ಚಿಸುವ ಅಪಾಯವನ್ನೂ ಗೊರಕೆ ತಂದೊಡ್ಡುತ್ತದೆ. ನಿದ್ರಾಹೀನತೆಗೆ ಗೊರಕೆಗೆ ಮುಖ್ಯ ಕಾರಣವಾದ್ದರಿಂದ ನಿದ್ರೆಯ ಕೊರತೆ ನಿಮ್ಮನ್ನು ಕಾಡದಂತೆ ಎಚ್ಚರವಹಿಸಿ.

ಹೃದಯ ಕಾಯಿಲೆ:

ಗೊರಕೆಯಿಂದ ಹೃದಯ ಸಂಬಂಧಿ ಕಾಯಿಲೆಗಳು ಹೆಚ್ಚು ಉಂಟಾಗುತ್ತವೆ. ಅಧಿಕ ರಕ್ತದೊತ್ತಡಕ್ಕೆ ಕಾರಣವಾಗುವ ನಿದ್ರಾಹೀನತೆ ಅದರಿಂದ ಉಂಟಾಗುವ ಅಪಾಯವನ್ನೂ ನಿರಾಯಾಸವಾಗಿ ನಿಮಗೆ ತಲುಪಿಸುತ್ತದೆ.

ಸ್ತಂಭನ:

ದೀರ್ಘ ಸಮಯದ ಗೊರಕೆ ಮತ್ತು ನಿದ್ರಾಹೀನತೆಯ ಕೊರತೆಯನ್ನು ಅನುಭವಿಸುವವರಿಗೆ ಸ್ತಂಭನ ಬೇಗನೇ ಉಂಟಾಗುತ್ತದೆ. ಹೃದಯದ ವಾಹಕ ವ್ಯವಸ್ಥೆಗೆ ಅಪಾಯವನ್ನುಂಟು ಮಾಡುವ ಸ್ತಂಭನಕ್ಕೆ ಸೂಕ್ತ ಚಿಕಿತ್ಸೆಯನ್ನು ತುರ್ತಾಗಿ ತೆಗೆದುಕೊಳ್ಳಲೇಬೇಕು.

ಗಾಯ:

ನಿದ್ರಾಹೀನತೆಯು ನಿಮಗೆ ಹಲವಾರು ಅಪಾಯಗಳನ್ನು ತಂದೊಡ್ಡಬಹುದು. ಮನಸ್ಸಿಗೆ ನೆಮ್ಮದಿ ಇಲ್ಲದಿರುವುದು, ನಿದ್ರೆ ಬಂದಂತಹ ಅನುಭವ ಇವೇ ಮೊದಲಾದ ತೊಂದರೆಗಳು ನಿಮ್ಮನ್ನು ಕಾಡಬಹುದು. ನಿದ್ದೆ ಬರುವ ಸಮಯದಲ್ಲಿ ನೀವು ವೇಗವಾಗಿ ಗಾಡಿ ಚಲಾಯಿಸುವುದರಿಂದ ಅಪಘಾತಗಳು ನಿಮಗೆ ಸಂಭವಿಸಬಹುದು.

ಮಾನಸಿಕ ಆರೋಗ್ಯ ಸಮಸ್ಯೆಗಳು:

ನಿದ್ದೆಯ ಕೊರತಯು ನಿಮ್ಮ ಮಾನಸಿಕ ನೆಮ್ಮದಿ ಭಂಗವಾಗಲು ಕಾರಣವಾಗುತ್ತದೆ. ನೀವು ಹೊಡೆಯುವ ಗೊರಕೆಯು ಇತರರನ್ನು ಬಾಧೆಗೊಳಪಡಿಸಬಹುದು. ಅವರ ಚುಚ್ಚು ನುಡಿಗಳನ್ನು ಒಮ್ಮೊಮ್ಮೆ ನೀವು ಕೇಳಬೇಕಾಗುತ್ತದೆ. ಸಂಬಂಧಗಳು ಒಮ್ಮೊಮ್ಮೆ ಹಾಳಾಗುವ ಪರಿಸ್ಥಿತಿ ಕೂಡ ಎದುರಾಗುತ್ತದೆ.

ತಲೆನೋವು:

ಗೊರಕೆ ಹೊಡೆಯುವುದು ನಿಮಗೆ ಅಭ್ಯಾಸವಾಗಿಬಿಟ್ಟಿದ್ದರೆ ತಲೆನೋವು ಖಂಡಿತ ನಿಮ್ಮನ್ನು ಬಾಧಿಸದೆ ಬಿಡದು. ನಿದ್ರಾಹೀನತೆಯ ಕೊರತೆಯಿಂದ ಉಂಟಾಗುವ ಗೊರಕೆಯು ನಿಮ್ಮ ತಲೆನೋವಿಗೆ ಮುಖ್ಯ ಕಾರಣವಾಗುತ್ತದೆ.

ಅಧಿಕ ತೂಕ:

ಗೊರಕೆ ಹೊಡೆಯುವುದರಿಂದ ಅಧಿಕ ತೂಕ ನಿಮ್ಮದಾಗುತ್ತದೆ ಎಂಬುದು ಸಂಶೋಧನೆ ಹೇಳುತ್ತದೆ. ನಿಮ್ಮ ಗೊರಕೆಯಿಂದ ನಿಮ್ಮ ಮನೆಯವರು ಕಂಗಾಲಾಗಿದ್ದರೆ ಕೂಡಲೇ ವೈದ್ಯರನ್ನು ಸಂಪರ್ಕಿಸಿ ಸೂಕ್ತ ಔಷಧವನ್ನು ಪಡೆದುಕೊಳ್ಳಿ.