ವೈದ್ಯರಿಂದ ದೂರವಿರಲು ಹೂವುಗಳನ್ನು ತಿನ್ನಿ!

ಸೇಬು ಮತ್ತು ಕಿತ್ತಳೆ ಹೂವುಗಳು :-

ಇವುಗಳನ್ನು ನೀವು ಅಡುಗೆಗೆ ಬಳಸಿಲ್ಲದಿದ್ದರೂ,ನೋಡಿರುತ್ತೀರಿ.ಇದನ್ನು ಸ್ವಲ್ಪ ಪ್ರಮಾಣದಲ್ಲಿ ಅಡುಗೆಗೆ ಬಳಸಬಹುದು ಎನ್ನಲಾಗುತ್ತದೆ.

ದಾಲ್ಚಿನ್ನಿ ಹೂವು-

ಇದರ ಎಲೆ ಮತ್ತು ಹೂವು ಎರಡೂ ಕೂಡ ಅಡುಗೆಗೆ ಬಳಕೆಗೆ ಬರುತ್ತದೆ.ದಾಲ್ಚಿನ್ನಿ ಟೀ ಕೂಡ ಜನಪ್ರಿಯ.ಇದು ಗಾಯವನ್ನು ಹೀರುವ,ಕ್ಯಾನ್ಸರ್ ವಿರುದ್ಧ ಹೋರಾಡುವ ಮತ್ತು ಉರಿಯೂತ ತಡೆಯುವ ಶಕ್ತಿ ಹೊಂದಿದೆ ಎನ್ನಲಾಗುತ್ತದೆ.

ದಾಸವಾಳ :-

ಇದನ್ನು ಅಡುಗೆ ಅಲಂಕಾರಕ್ಕೆ ಮತ್ತು ಟೀಯಲ್ಲಿ ಕೂಡ ಬಳಸಲಾಗುತ್ತದೆ.ಇದು ಉತ್ಕರ್ಷಣ ನಿರೋಧಕ ಗುಣವನ್ನು ಹೊಂದಿದೆ.ಜೊತೆಗೆ ರಕ್ತದೊತ್ತಡ ಮತ್ತು ಕೊಲೆಸ್ಟ್ರಾಲ್ ಮಟ್ಟವನ್ನು ಕೂಡ ಇದು ಹಿಡಿತದಲ್ಲಿಡು ತ್ತದೆ ಎನ್ನಲಾಗುತ್ತದೆ.

ಲ್ಯಾವೆಂಡರ್ ಹೂವು :-

ಈ ಪರಿಮಳಯುಕ್ತ ಹೂವನ್ನು ಐಸ್ ಕ್ರೀಂ ಮತ್ತು ಯೋಗರ್ಟ್‌ಗಳಲ್ಲಿ ಬಳಸಲಾಗುತ್ತದೆ.ಜೊತೆಗೆ ಇದು ಕೀವುನಾಶಕ ಮತ್ತು ಹೊಟ್ಟು ನಿವಾರಕವಾಗಿ ಕೆಲಸ ಮಾಡುತ್ತದೆ.

ಸಣ್ಣ ಗುಲಾಬಿ ಎಸಳುಗಳು :-

ಸಣ್ಣ ಗುಲಾಬಿ ಹೂವಿನಂತಿರುವ ಪಿಯಾನಿ ಹೂವು ಕೇವಲ ಮದುವೆಯಲ್ಲಿ ಅಲಂಕಾರಕ್ಕೆ ಮಾತ್ರವಲ್ಲ ಇದನ್ನು ಖಾದ್ಯಗಳಲ್ಲಿ ಬಳಸುವುದರಿಂದ ಖಿನ್ನತೆಯನ್ನು ದೂರಮಾಡುವ ಶಕ್ತಿ ಇದಕ್ಕಿದೆ.

ಮಲ್ಲಿಗೆ ಹೂವು:-

ಸುವಾಸನೆಯುಕ್ತ ಮಲ್ಲಿಗೆಯನ್ನು ಟೀಯಲ್ಲಿ ಬಳಸಲಾಗುತ್ತದೆ,ಜೊತೆಗೆ ಸಲಾಡ್ ಗಳಿಗೂ ಕೂಡ ಇದರ ಉಪಯೋಗ ಮಾಡಲಾಗುತ್ತದೆ.ಇದು ಕ್ಯಾನ್ಸರ್ ಮತ್ತು ವೈರಸ್ ವಿರುದ್ಧ ಹೋರಾಡುವ ಗುಣವನ್ನು ಹೊಂದಿದೆ.

ಚೆಂಡುಹೂವು:-

ಭಾರತದಲ್ಲಿ ಝೇಂಡಾ ಹೂವು ಎಂದೇ ಪ್ರಖ್ಯಾತಿ ಹೊಂದಿರುವ ಚೆಂಡು ಹೂವನ್ನು ಚೀನಾದವರು ಟೀಯಲ್ಲಿ ಬಳಸುತ್ತಾರೆ.ಗಾಯವನ್ನು ಮಾಗಿಸಲು ಈ ಹೂವು ಸಹಾಯಕ ಎಂದು ಕೂಡ ಹೇಳಲಾಗುತ್ತದೆ.ಈ ಹೂವಿನಲ್ಲಿ ಕಣ್ಣಿಗೆ ಬೇಕಾಗುವ ವಿಟಮಿನ್ ಇದ್ದು ಕಣ್ಣಿನ ತೊಂದರೆಗಳನ್ನು ಹೋಗಲಾಡಿಸಲು ಇದು ಸಹಾಯಕ.

ಪ್ಯಾನ್ಸೀಸ್/ಸ್ತ್ರೀವತ ಹೂವು:-

ಈ ಸುಂದರವಾದ ಹೊಳೆಯುವ ಬಣ್ಣ ಹೊಂದಿರುವ ಹೂವು ಕೇವಲ ಫೋಟೋಗೆ ಮಾತ್ರವಲ್ಲ ಇದರಲ್ಲಿರುವ ಪೊಟ್ಯಾಷಿಯಂ ಮತ್ತು ಮಿನರಲ್ಸ್,ಕಿಡ್ನಿ,ಹೃದಯ,ರಕ್ತದೊತ್ತಡ ಇವುಗಳಿಂದ ದೂರವಿರಿಸುತ್ತದೆ.

ರೋಸ್/ಕೆಂಪು ಗುಲಾಬಿ ಹೂವು:-

ಹೂವುಗಳ ರಾಜ ಎನ್ನಬಹುದಾದ ರೋಸ್ ಹೂವು ಚೀನಾದವರ ಔಷಧಿಯಲ್ಲಿ ಹೆಚ್ಚಿನ ಪ್ರಾಶಸ್ತ್ಯ ಹೊಂದಿದೆ.ಇದು ಉರಿಯೂತದ ವಿರುದ್ಧ ಹೋರಾಡುವ ಗುಣವನ್ನು ಹೊಂದಿದೆ.ಅಧಿಕ ವಿಟಮಿನ್ ಹೊಂದಿರುವುದರಿಂದ ಕ್ಯಾನ್ಸರ್,ಮಧುಮೇಹ,ಹೃದಯ ಕಾಯಿಲೆಗಳನ್ನು ದೂರಮಾಡುತ್ತದೆ ಎನ್ನಲಾಗುತ್ತದೆ.

ಸೇವಂತಿಗೆ :-

ಚೀನಾದಲ್ಲಿ ಸೇವಂತಿಗೆಯನ್ನು ಟೀ ಗೆ ಬಳಸುತ್ತಾರೆ.ಇದರಲ್ಲಿ ಉತ್ಕರ್ಷಣ ನಿರೋಧಕ ಶಕ್ತಿ ಮತ್ತು ಖನಿಶಾಂಶ,ಕ್ಯಾನ್ಸರ್ ವಿರೋಧಿ ಗುಣ,ಉರಿಯೂತ ತಡೆಯುವ ಶಕ್ತಿ ಇದೆ.

ನೆನಪಿನಲ್ಲಿಡಬೇಕಾದ ಅಂಶ :-

ನೀವೇ ಬೆಳೆದ ಕೀಟನಾಶಕಗಳನ್ನು ಬಳಸದ,ಅಡುಗೆಗೆ ಬಳಸುವ ಹೂವುಗಳನ್ನು ಮಾತ್ರ ತಿನ್ನಿ. ಕೇವಲ ಎಸಳುಗಳನ್ನು ಮಾತ್ರ ತಿನ್ನಬೇಕು. ನಿಮಗೆ ಅಲರ್ಜಿ ತೊಂದರೆ ಇದ್ದರೆ ಕೆಲವು ಎಸಳು ತಿಂದು ಸ್ವಲ್ಪ ಹೊತ್ತು ಕಾದುನೋಡಿ. ಯಾವುದೇ ರೀತಿಯ ಸಮಸ್ಯೆ ಕಾಣಿಸಿಕೊಳ್ಳದಿದ್ದಲ್ಲಿ ಬಳಸಿ.