ನಿಮ್ಮ ಬೇಸಿಗೆಯ ಸ್ವಿಮ್ಮಿಂಗ್‌ಗಾಗಿ 8 ಆರೋಗ್ಯ ಸಲಹೆಗಳು

ಆಹಾರ ಸೇವನೆ:

ನೀವು ನೀರಿಗೆ ಇಳಿಯುವ ಒಂದು ಗಂಟೆಗಿಂತ ಮುಂಚಿತವಾಗಿ ಆಹಾರವನ್ನು ಸೇವಿಸದಿರುವುದು ಪ್ರಥಮವಾಗಿ ನೀವು ಅನುಸರಿಸಬೇಕಾದ ಆರೋಗ್ಯ ಸಲಹೆಯಾಗಿದೆ. ನೀವು ಏಸಿಡ್ ಅಂಶವುಳ್ಳ ಆಹಾರವನ್ನು ಸೇವಿಸಿ ಕೊಳಕ್ಕೆ ಇಳಿದಿರೆಂದರೆ ನಿಮ್ಮ ಹೊಟ್ಟೆಗೆ ಸಂಚಕಾರ ಖಂಡಿತ.

ಶೌಚಾಲಯಕ್ಕೆ ಭೇಟಿ ನೀಡಿ:

ಭೇದಿಯಿಂದ ಬಳಲುತ್ತಿರುವವರು ಕೊಳಕ್ಕೆ ಹೋಗದಿರುವುದು ಒಳ್ಳೆಯದು. ನೀವು ಕೊಳಕ್ಕೆ ಇಳಿಯುವ ಮುನ್ನ ಲೂ (ಶೌಚಾಲಯ) ಗೆ ಭೇಟಿ ನೀಡಿ. ಬೇಸಿಗೆಯಲ್ಲಿ ನಿಮಗೆ ಆಗಾಗ್ಗೆ ಮೂತ್ರವಿಸರ್ಜನೆ ಉಂಟಾಗುತ್ತಿರುತ್ತದೆ ಈ ಸಮಸ್ಯೆಯನ್ನು ಹೋಗಲಾಡಿಸಲು ಇದು ಉತ್ತಮ ವಿಧಾನವಾಗಿದೆ.

ನಿಮಗೆ ಗಾಯವಾಗಿದ್ದರೆ:

ನಿಮ್ಮ ಗಾಯಗಳು ತೆರೆದ ಸ್ಥಿತಿಯಲ್ಲಿದ್ದರೆ ನೀವು ಈಜಲು ಹೋಗದಿರುವುದು ಅತೀ ಉತ್ತಮ. ಗಾಯಗಳು ಒಣಗಿನ ನಂತರವೇ ಕೊಳಕ್ಕೆ ಇಳಿಯಿರಿ. ಕೊಳದಲ್ಲಿರುವ ಕ್ಲೋರೀನ್ ನಿಮ್ಮ ತೆರೆದ ಗಾಯಕ್ಕೆ ಸೋಂಕನ್ನು ಉಂಟುಮಾಡಬಹುದು.

ನಿಮ್ಮ ದೇಹವನ್ನು ಬೆಚ್ಚಗೆ ಮಾಡಿ;

ಈ ಬೇಸಿಗೆಯಲ್ಲಿ ನೀವು ಅನುಸರಿಸಲೇಬೇಕಾದ ಒಂದು ಆರೋಗ್ಯ ಸಲಹೆಯೆಂದರೆ ನಿಮ್ಮ ದೇಹವನ್ನು ಬೆಚ್ಚಗಾಗಿಸಲು ವ್ಯಾಯಾಮ ಮಾಡುವುದಾಗಿದೆ. ದೀರ್ಘ ಸಮಯದವರೆಗೆ ಈಜಲು ಇದು ನಿಮಗೆ ಶಕ್ತಿಯನ್ನು ನೀಡುತ್ತದೆ. 10-15 ನಿಮಿಷದ ವ್ಯಾಯಾಮ ಅತ್ಯಗತ್ಯ.

ಏನನ್ನಾದರೂ ಕುಡಿಯಿರಿ:

ಹೌದು, ನೀವು ಈಜುಕೊಳದಲ್ಲಿದ್ದಾಗಲೂ ಆಗಾಗ್ಗೆ ನೀರು ಕುಡಿಯುವುದು ಅತೀ ಸೂಕ್ತ. ಬೇಸಿಗೆಯಲ್ಲಿ ನೀವು ಈಜುವಾಗ ನಿಮ್ಮ ಶರೀರ ಡೀಹೈಡ್ರೇಟ್ ಆಗುತ್ತದೆ ಆದ್ದರಿಂದ ಸ್ವಿಮ್ಮಿಂಗ್ ನಡುವೆ ಆಗಾಗ್ಗೆ ನೀರು ಕುಡಿಯಿರಿ.

ದೇಹವನ್ನು ವಿಸ್ತಾರಗೊಳಿಸಿ:

10 ನಿಮಿಷಕ್ಕಾಗಿ ನಿಮ್ಮ ದೇಹವನ್ನು ವಿಸ್ತಾರಗೊಳಿಸುವುದು ಉತ್ತಮ ವಿಧಾನವಾಗಿದೆ. ದೇಹದಲ್ಲೆ ಸೆಡೆತ ಉಂಟಾಗುವುದನ್ನು ಇದು ತಪ್ಪಿಸುತ್ತದೆ ಹಾಗೂ ನಿಮ್ಮ ಶಕ್ತಿಯನ್ನು ಇದು ಹೆಚ್ಚಿಸುತ್ತದೆ.

ಕೊಳಕ್ಕೆ ಇಳಿಯುವಾಗ:

ನಿಮ್ಮ ದೇಹದ ತಾಪಮಾನ ಕೊಳದ ನೀರಿನ ತಾಪಮಾನಕ್ಕೆ ಅನುಗುಣವಾಗಿ ಇರಬೇಕು. ಕೊಳಕ್ಕೆ ನಿಧಾನವಾಗಿ ನಡೆಯಿರಿ ಇದರಿಂದ ನಿಮ್ಮ ದೇಹ ತಾಪಮಾನವನ್ನು ಬಳಸಿಕೊಳ್ಳುತ್ತದೆ. ದೇಹವು ಉಷ್ಣತೆಯನ್ನು ಅರಿತುಕೊಳ್ಳುವ ಮುನ್ನವೇ ನೀವು ನೀರಿಗೆ ಹಾರಿದಾಗ ನಿಮಗೆ ನರ್ವಸ್ ಶಾಕ್ ಉಂಟಾಗಬಹುದು.

ದೇಹದ ಸೆಳೆತಗಳು:

ದೇಹದ ಸೆಳೆತಗಳನ್ನು ನಿವಾರಿಸಲು, ವ್ಯಾಯಾಮ ಮಾಡಿ ಮತ್ತು ನಿಮ್ಮ ದೇಹವನ್ನು ಬೆಚ್ಚಗಿರಿಸಿ. ಈ ಬೇಸಿಗೆಯಲ್ಲಿ ನೀವು ಅನುಸರಿಸಬೇಕಾದ ಒಂದು ಸಲಹೆಯೆಂದರೆ ಬೆಚ್ಚಗಿನ ಈಜುಕೊಳದಲ್ಲಿ ನೀವು ಈಜುವುದಾಗಿದೆ. ಇದರಿಂದ ದೇಹದ ಸೆಳೆತ ನಿಮ್ಮಲ್ಲಿ ಕಡಿಮೆ ಉಂಟಾಗುತ್ತದೆ.