ನೀವು ಮಿತಿಮೀರಿ ತಿನ್ನುವುದಕ್ಕೆ ಕಾರಣ ಏನು ಗೊತ್ತೇ?

ಸ್ನೇಹಿತರೊಂದಿಗೆ ಸೇರಿದಾಗ

ಕೆಲವು ಸಂದರ್ಭಗಳಲ್ಲಿ ನೀವು ನಿಮ್ಮ ಆಹಾರದಮೇಲೆ ನಿಯಂತ್ರಣವಿಟ್ಟುಕೊಂಡಿದ್ದರೂ ಸಹ ಸ್ನೇಹಿತರ ಜೊತೆ ಸೇರಿದಾಗ ನಿಮಗರಿವಿಲ್ಲದೆಯೇ ಕರಿದ ಆಹಾರವನ್ನು ತಿನ್ನಲು ಪ್ರಚೊದನೆಯಾಗುವುದು. ಅಂತಹ ಸಂದರ್ಭದಲ್ಲಿ ನೀವು ನಿಮ್ಮ ಆರೋಗ್ಯದಬಗ್ಗೆ ಮತ್ತು ನಿಮ್ಮ ನಿಯಮಿತ ಆಹಾರಗಳ ಬಗ್ಗೆ ಯೋಚನೆ ಮಾಡಬೇಕು. ಹಾಗೆ ಮಾಡಿದ್ದಲ್ಲಿ ನಿಮ್ಮ ಸ್ನೇಹಿತರಿಗಲ್ಲದಿದ್ದರೂ ನಿಮಗೇ ಒಂದು ಉತ್ತಮ ಭಾವನೆ ಬರುತ್ತದೆ. ನಿಮ್ಮ ಮನಸ್ಸು ಗಟ್ಟಿಗೊಳಿಸಿ ನಿಮ್ಮ ನಿರ್ಧಾರವನ್ನು ಬದಲಿಸಬೇಡಿ. ಕ್ರಮೇಣ ನಿಮ್ಮ ಸ್ನೇಹಿತರೂ ಕೂಡ ನಿಮ್ಮ ನಿರ್ಧಾರಗಳನ್ನು ಒಪ್ಪಿಕೊಂಡು ಪ್ರಾಯಶಃ ನಿಮ್ಮನ್ನೇ ಅನುಸರಿಸಬಹುದು.

ತಿನ್ನಲು ಉಪಯೋಗಿಸುವ ತಟ್ಟೆಗಳು, ಇತ್ಯಾದಿ

ತಿನ್ನಲು ಬಳಸುವ ತಟ್ಟೆಗಳ ಗಾತ್ರ ಅತಿಯಾಗಿದ್ದು ಮತ್ತು ಆಕರ್ಷಣದಿಂದಿದ್ದರೆ ಮಿತಿಮೀರಿ ತಿನ್ನಲು ಒಂದು ಪ್ರಮುಖ ಕಾರಣವಾಗಿರಬಹುದು. ರೆಸ್ಟೊರೆಂಟ್‌ಗಳಲ್ಲಿರುವ ಆಕರ್ಷಕ ಮತ್ತು ಅಲಂಕಾರಿಕ ತಟ್ಟೆಗಳು ನಿಮಗೆ ಅತಿಯಾಗಿ ತಿನ್ನಲು ಪ್ರಚೋದಿಸಬಹುದು. ಆದರೆ ದಿನನಿತ್ಯ ಆಹಾರ ಸೇವನೆಗೆ ಆದರ್ಶವಾಗಿ ಮಧ್ಯಮ ಅಥವ ಇನ್ನೂ ಸ್ವಲ್ಪ ಚಿಕ್ಕದಿದ್ದರೆ ಉತ್ತಮ. ಹೀಗೆ ಹೇಳಿದಂತೆ ಬದಲಾವಣೆ ಮಾಡಿ ಅದರಿಂದ ನಿಮ್ಮ ಆಹಾರ ಸೇವನೆಯ ಮೇಲೆ ಆಗುವ ಪರಿಣಾಮ ನೋಡಿ.

ತಿಂದದ್ದನ್ನು ಜೀರ್ಣಿಸಿಕೊಳ್ಳುವುದು

ಹೆಚ್ಚು ಸಂದರ್ಭಗಳಲ್ಲಿ ನಮಗೆ ಸುಸ್ತಿನ ಲಕ್ಷಣಗಳಿದ್ದಾಗ ಅವನ್ನು ಹಸಿವಿನಿಂದಾಗಿದೆ ಅಂದು ತಪ್ಪಗಿ ಕಾಣುತ್ತದೆ. ನೀವು ಪ್ರತಿ ರಾತ್ರಿ ಸಾಕಷ್ಟು , ಅಂದರೆ ಆರರಿಂದ ಎಂಟು ಗಂಟೆಗಳ ಕಾಲ, ನಿದ್ರೆ ಮಾಡಲು ಖಚಿತಪಡಿಸಿಕೊಳ್ಳಿ. ಹಾಗೆಯೇ ನಿಮಗೆ ಎಷ್ಟುಬಾರಿ ದಣಿದದಂತೆ ಆಗುತ್ತದೆ ಎಂಬ ಮಾಹಿತಿಯನ್ನು ಬರೆದಿಟ್ಟುಕೊಳ್ಳಿ. ಹೀಗೆ ಬರೆದಿಟ್ಟುಕೊಂಡಿದ್ದನ್ನು ವಿಶ್ಲೇಷಣ ಮಾಡಿದಾಗ ನೀವು ಜಂಕ್ ಅಹಾರಗಳ ಬದಲು ಆರೋಗ್ಯಕರ ಆಹಾರಗಳನ್ನು ತಿನ್ನಲು ಅವಕಾಶವಾಗುತ್ತದೆ.

ಅತಿ ಬೇಗ ಬೇಗ ತಿನ್ನುವುದು

ನೀವು ಆಹಾರವನ್ನು ಗಬಗಬನೆ ತಿಂದು ಹತ್ತು ನಿಮಿಷಗಳೊಳಗೆ ಮುಗಿಸುತ್ತೀರಾ? ನೀವು ಯಾವ ಊಟವನ್ನು ಇಪ್ಪತ್ತು ನಿಮಿಷಗಳೊಳಗೆ ತಿಂದು ಮುಗಿಸಿದರೆ ಅದು ಮಿತಿಮೀರಿ ಊಟಮಾಡುವ ಅಪಾಯಕ್ಕೆ ಒಳಗಾಗುತ್ತೀರಿ. ನಿಧಾನವಾಗಿ ಪ್ರತಿ ತುತ್ತಿನ ರುಚಿಯನ್ನು ಸವಿದು ಚೆನ್ನಾಗಿ ಅಗಿಯಿರಿ ಮತ್ತು ಪ್ರತಿ ಬಾರಿ ತಿಂದಾಗಲೂ ಫೋರ್ಕ್ ಮತ್ತು ಸ್ಪೂನ್ ಅವುಗಳನ್ನು ಕೆಳಗಿಟ್ಟು ಆಹಾರದ ಪ್ರತಿ ತುತ್ತಿನ ಸವಿಯನ್ನು ಅನುಭವಿಸಿ.

ತೀರಾ ಬೇಸರಿಕೆಯಾಗುವುದು

ಎಷ್ಟುಬಾರಿ ನಿಮಗೆ ಬೇಸರವಾದಾಗ ಟಿವಿ ಮುಂದೆ ಕುಳಿತು ಹುರುಕು-ಮುರುಕು ತಿಂಡಿಗಳನ್ನು ತಿನ್ನಲು ಆಸೆಪಟ್ಟಿದ್ದೀರಾ? ಆಫೀಸ್ ಕೆಲಸದಮಧ್ಯದಲ್ಲೂ ಸಹ ಈ ರೀತಿ ಅನುಭವವಾಗಿ ಏನಾದರೂ ತಿನ್ನಲು ಹವಣಿಸಿದ್ದೀರಿ? ತಜ್ಞರ ಅಭಿಪ್ರಾಯದ ಪ್ರಕಾರ ಲಕ್ಷಾಂತರ ಜನರು ಸಾಮಾನ್ಯವಾಗಿ ಇಂತಹ ಸಮಯದಲ್ಲಿ ಅಥವಾ ಏನೂ ಬೇರೆ ಆಸಕ್ತಿದಾಯಕ ಕೆಲಸವಿಲ್ಲದ್ದಾಗ ಏನನ್ನಾದರೂ ತಿನ್ನಲು ಹವಣಿಸುತ್ತಾರೆ. ನೀವು, ಮನೆಯಲ್ಲಾಗಲಿ ಅಥವ ಅಫೀಸ್‌ನಲ್ಲಿಯಾಗಲಿ, ಇಂತಹ ಸಮಯ ಬಂದಾಗ ಅದನ್ನು ಗುರುತಿಸಿಕೊಳ್ಳಿ. ನಿಮ್ಮ ಕೆಲಸದಲ್ಲಿ ನಿರತವಾಗಿ ತೊಡಗಿಸಿಕೊಂಡು ಮಿತಿಮೀರಿ ತಿನ್ನಲು ಅವಕಾಶಮಾಡಿಕೊಳ್ಳಬೇಡಿ.

ನಿರ್ಜಲೀಕರಣ

ನೀವು ಸರಿಯಾಗಿ ದ್ರವಗಳು, ಅಂದರೆ ನೀರು ಇತ್ಯಾದಿ, ಅವುಗಳನ್ನು ತೆಗೆದುಕೊಳ್ಳದ್ದಿದ್ದಲ್ಲಿ ಅತಿಯಾಗಿ ತಿನ್ನಬೇಕೆನಿಸುತ್ತದೆ. ದಿನವಿಡೀ ಆಗಾಗ್ಗೆ ನೀರು ಕುಡಿಯುವುದನ್ನು ಖಚಿತಪಡಿಸಿಕೊಳ್ಳಿ. ಊಟಕ್ಕೆ ಮುಂಚೆ, ಬೆಳಗ್ಗೆ ಎದ್ದ ತಕ್ಷಣ ಮತ್ತು ಮಲಗುವ ಮುನ್ನ ಒಂದು ಲೋಟ ನೀರನ್ನು ಕುಡಿಯುವ ಅಭ್ಯಾಸಮಾಡಿಕೊಳ್ಳಿ.