ನಾಲಿಗೆ ಸ್ವಚ್ಛತೆಗೆ ಇಲ್ಲಿದೆ ಸೂಪರ್ ಸಲಹೆಗಳು!

1. ನಾಲಿಗೆ ಉಜ್ಜುವುದು

ಸಾಮಾನ್ಯವಾಗಿ ನಾಲಿಗೆಯನ್ನು ಉಜ್ಜುವುದು ನಾಲಿಗೆ ಶುದ್ಧ ಮಾಡುವುದು ಹೇಗೆ ಎನ್ನುವ ತಂತ್ರಗಳಲ್ಲಿ ಮೊದಲನೆಯದು. ನಿಮ್ಮ ನಾಲಿಗೆಯನ್ನು ಸ್ವಚ್ಛಗೊಳಿಸಲು ಪ್ಲಾಸ್ಟಿಕ್ ಅಥವಾ ಲೋಹದ ಟಂಗ್ ಸ್ಕಾರ್ಪರ್ ನ್ನು ಬಳಸಬಹುದು. ಆದರೆ ನೀವು ತುಂಬಾ ಗಟ್ಟಿಯಾಗಿ ಉಜ್ಜಿದರೆ ರಕ್ತಸ್ರಾವ ಸಂಭವಿಸಬಹುದು ಆದ್ದರಿಂದ ಎಚ್ಚರಿಕೆವಹಿಸಿ.

2. ಮೌತ್ ವಾಶ್

ಊಟದ ನಡುವೆ, ಮೌತ್ ವಾಶ್ ಬಳಸಿದರೆ ಇದು ಕೆಟ್ಟ ಉಸಿರಾಟಕ್ಕೆ ಕಾರಣವಾದ ನಿಮ್ಮ ನಾಲಿಗೆ ಮೇಲೆ ಬ್ಯಾಕ್ಟೀರಿಯಾಗಳ ಬೆಳವಣಿಗೆಯನ್ನು ತಡೆಯಲು ಸಹಾಯ ಮಾಡುತ್ತದೆ. ಇದು ನಾಲಿಗೆಯ ಸ್ವಚ್ಛತೆ ಮತ್ತು ಬಾಯಿಯ ಆರೋಗ್ಯ ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ .

3. ಲವಣಯುಕ್ತ ನೀರು

ಲವಣಯುಕ್ತ ನೀರು ನಿಯಮಿತವಾಗಿ ನಿಮ್ಮ ಬಾಯಿ ತೊಳೆಯುವುದು ಕೂಡ ಮೌತ್ ವಾಶ್ ರೀತಿಯಲ್ಲಿ ವರ್ತಿಸುತ್ತದೆ. ಇದು ನಿಮ್ಮ ನಾಲಿಗೆ ಮೇಲೆ ನಿರ್ಮಾಣವಾಗುವ ಸೂಕ್ಷ್ಮಾಣು ಜೀವಿಗಳನ್ನು ತಡೆಯಲು ಸಹಾಯ ಮಾಡುತ್ತದೆ ಮತ್ತು ಬ್ಯಾಕ್ಟೀರಿಯಾ ಮತ್ತು ಆಹಾರ ಅವಶೇಷಗಳಿಂದ ಬಾಯಲ್ಲಿ ಉಂಟಾಗುವ ಕೆಟ್ಟ ಉಸಿರಾಟವನ್ನು ನಿವಾರಿಸುತ್ತದೆ.

4. ಮುಲಾಮುಗಳು

ನಿಮಗೆ ಜ್ವರ ಬಂದಿದ್ದರೆ ನೀವು ನಿಮ್ಮ ನಾಲಿಗೆ ಮೇಲೆ ಬಿಳಿ ಲೇಪನವನ್ನು ಕಾಣಬಹುದು. ಕೆಲವು ಸಂದರ್ಭಗಳಲ್ಲಿ ದು ಶಿಲೀಂಧ್ರ ಸೋಂಕುಗಳನ್ನು ಉಂಟುಮಾಡಬಹುದು. ಹಾಗಿದ್ದಲ್ಲಿ, ನೀವು ನಿಮ್ಮ ನಾಲಿಗೆಯ ಆರೋಗ್ಯವನ್ನು ಕಾಯ್ದುಕೊಳ್ಳಲು ನಿಮ್ಮ ವೈದ್ಯರು ಸಲಹೆ ಮೇರೆಗೆ ಕೆಲವು ಮುಲಾಮುಗಳನ್ನು ಬಳಸಬೇಕಾಗುತ್ತದೆ.

5. ಬ್ರಷ್‌ನ ಹಿಂಭಾಗವನ್ನು ಬಳಸಿ

ಹಲವು ಸಂಸ್ಥೆಗಳು ಬ್ರಷ್ ನ ಇನ್ನೊಂದು ಬದಿ ಒರಟಾಗಿರುವ ಹಲವು ಮಾದರಿಗಳ ಬ್ರಷ್ ನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡುತ್ತವೆ. ಇದು ನಾಲಿಗೆ ಸ್ವಚ್ಛಗೊಳಿಸಲು ಮತ್ತು ನಿರ್ವಹಿಸಲು, ಕೆಲವೊಮ್ಮೆ ಟೂತ್ಪೇಸ್ಟ್ ನೊಂದಿಗೆ ಬಳಸಬಹುದು.

6. ಗ್ರೀನ್ ಟೀ

ಗ್ರೀನ್ ಟೀ (ಹಸಿರು ಚಹಾ) ಇದು ಬಾಯಿಯ ಬ್ಯಾಕ್ಟೀರಿಯಾ ತೆಗೆದುಹಾಕುವ ಪೈಕಿ ಅನೇಕ ಆರೋಗ್ಯ ಪ್ರಯೋಜನಗಳನ್ನು ಹೊಂದಿದೆ. ಗ್ರೀನ್ ಟೀ ಕುಡಿಯುವುದರಿಂದ ನಾಲಿಗೆ ಸ್ವಚ್ಛಗೊಳಿಸಲು ಸಹಾಯ ಮಾಡುತ್ತದೆ ಮತ್ತು ನಾಲಿಗೆ ಶುದ್ಧ ಮಾಡುತ್ತದೆ.ನೀರು: ಡೀ ಹೈಡ್ರೇಶನ್ (ನಿರ್ಜಲೀಕರಣ) ಸಹ ನಾಲಿಗೆಯ ಬಣ್ಣಗೆಡಿಸುವಿಕೆ ಮತ್ತು ನಾಲಿಗೆಯ ಒಣಗಿಸಲು ಕಾರಣವಾಗಬಹುದು. ನಾಲಿಗೆ ಶುಷ್ಕವಾಗುವುದು ಖಂಡಿತವಾಗಿಯೂ ಒಳ್ಳೆಯದಲ್ಲ. ಮತ್ತು ನಿಮ್ಮಲ್ಲಿ ಡಿ-ಹೈಡ್ರೇಶನ್ ತಡೆಯಲು ದಿನವೂ ಸಾಕಷ್ಟು ನೀರನ್ನು ಕುಡಿಯಬೇಕು. ಇದು ಕರುಳಿನ ಚಲನೆಗಳಿಗೂ ಸಹಾಯಕ.

7. ಹಾನಿಕಾರಕ ಆಹಾರಗಳು

ನಿಮ್ಮ ನಾಲಿಗೆಯ ಮೇಲೆ ಅಲರ್ಜಿ ಉಂಟು ಮಾಡಬಹುದಾದ ಅನೇಕ ಆಹಾರಗಳು ಇವೆ. ಇವು ವ್ಯಕ್ತಿಯಿಂದ ವ್ಯಕ್ತಿಗೆ ಬದಲಾಗಬಹುದು. ಇಂತಹ ಆಹಾರ ತಪ್ಪಿಸುವುದರಿಂದ ನಾಲಿಗೆ ಸ್ವಚ್ಛತೆಯನ್ನು ಉತ್ತೇಜಿಸಬಹುದು. ಒಂದು ವೇಳೆ ಇಂತಹ ಆಹಾರವನ್ನು ಸೇವಿಸಿದರೂ ನೀವು ಸಂಪೂರ್ಣವಾಗಿ ನಿಮ್ಮ ಬಾಯಿ ಮತ್ತು ನಾಲಿಗೆಯನ್ನು ಸ್ವಚ್ಛಗೊಳಿಸಿದ್ದಿರೇ ಎಂದು ಖಚಿತಪಡಿಸಿಕೊಳ್ಳಿ. ಊಟದ ಮೊದಲು ಮತ್ತು ನಂತರ : ಊಟದ ನಂತರ ನಿಮ್ಮ ಬಾಯಿ ಸ್ವಚ್ಛಗೊಳಿಸಬೇಕು ಎನ್ನುವುದು ಅನೇಕ ಜನರು ಸಲಹೆ. ಆದರೆ ಸಂಶೋಧನೆ ಪ್ರಕಾರ, ಊಟದ ಮೊದಲು ಬಾಯಿಯನ್ನು ಸ್ವಚ್ಛಗೊಳಿಸುವುದರಿಂದ ಹೊಟ್ಟೆಗೆ ಸಾಗುವುದನ್ನು ಅಪಾಯಕಾರಿ ಬ್ಯಾಕ್ಟೀರಿಯಾವನ್ನು ತಡೆಯಬಹುದು.