ಹೊಸವರ್ಷಕ್ಕೆ 24 ಕ್ಯಾರೆಟ್ ರೆಸಲ್ಯೂಷನ್ನುಗಳು

1. ಸಮತೂಕದ ದೇಹ

ದಪ್ಪಗಿದ್ದವರು ದೇಹದ ತೂಕವನ್ನು ಇಳಿಸಿಕೊಳ್ಳಬೇಕು, ತೆಳ್ಳಗಿದ್ದವರು ಸ್ವಲ್ಪ ದೇಹದ ತೂಕವನ್ನು ಹೆಚ್ಚಿಸಿಕೊಳ್ಳಬೇಕು. ಒಟ್ಟಿನಲ್ಲಿ ಸಮತೂಕದ ಮೈಕಟ್ಟು ಹೊಂದುವ ನಿರ್ಧಾರ ಮಾಡಬೇಕು. ಸಮತೂಕದ ಮೈಕಟ್ಟಿನಿಂದ ಒಬೆಸಿಟಿ, ಮಂಡಿ ನೋವು ಮುಂತಾದ ಅನೇಕ ಸಮಸ್ಯೆಗಳನ್ನು ದೂರ ಇಡಬಹುದು.

2. ವ್ಯಾಯಾಮ

ದಿನದಲ್ಲಿ ಅರ್ಧ ಗಂಟೆ ವ್ಯಾಯಮಕ್ಕಾಗಿ ಮೀಸಲಿಡುವೆ ಎಂಬ ಪ್ರತಿಜ್ಞೆ ಮಾಡಿ. ದಿನದಲ್ಲಿ ಅರ್ಧ ಗಮಟೆ ವ್ಯಾಯಾಮ ಮಾಡಿದರೆ ನೀವು ದಿನಾ ಪೂರ್ತಿ ಚಟುವಟಿಕೆಯಿಂದ ಇರುವಿರಿ ಹಾಗೂ ದೇಹದ ಆರೋಗ್ಯ ಕೂಡ ಹೆಚ್ಚಾಗುತ್ತದೆ.

3. ಎಲ್ಲರ ಜೊತೆ ಉತ್ತಮ ಸಂಬಂಧದಿಂದ ಇರಿ

ಕುಟುಂಬದಲ್ಲಿ ಎಲ್ಲರ ಜೊತೆ ಉತ್ತಮವಾಗಿ ವರ್ತಿಸುವುದು, ಆದಷ್ಟೂ ಯಾರಿಗೂ ನೋವು ಮಾಡದಿರುವುದು, ಹಳೆಯ ಸ್ನೇಹಿತರ ಜೊತೆ ಟಚ್ ನಲ್ಲಿರುವುದು, ಸಾಮಾಜಿಕ ಬಂಧವನ್ನು ಸರಿಯಾಗಿ ಇಟ್ಟುಕೊಳ್ಳುವುದು ಮಾಡಿದರೆ ನಿಮ್ಮ ಮನಸ್ಸಿಗೆ ಆನಂದ ಸಿಗುತ್ತದೆ ಹಾಗೂ ನೀವೂ ಬೆಳೆಯುವಿರಿ.

4. ಕೆಟ್ಟ ಚಟಗಳು

ಸ್ನೇಹಿತರ ಜೊತೆ ಸೇರಿ ಮೋಜು ಮಾಡುವಾಗ ಖುಷಿಯಾದರೂ ನಂತರ ಇದರಿಂದ ಉಂಟಾಗುವ ತೊಂದರೆಗಳನ್ನು ನೀವು ಒಬ್ಬರೇ ಅನುಭವಿಸಬೇಕೆಂಬುದನ್ನು ಮರೆಯಬೇಡಿ.

5. ಹಣವನ್ನು ಉಳಿಸಿಕೊಳ್ಳಿ

ಹಣ ಇಲ್ಲದಿದ್ದರೆ ಚಿಂತೆ -ಪ್ರಾರಂಭವಾಗುತ್ತದೆ ಆದ್ದರಿಂದ ಬಂದ ಸಂಬಳನ್ನು ಸಂಪೂರ್ಣವಾಗಿ ಖರ್ಚು ಮಾಡದೆ ಸ್ವಲ್ಪ ಉಳಿಸಲು ನೋಡಿ. ನಾನಂತೂ ಈ ವಿಷಯದ ಬಗ್ಗೆ ತುಂಬಾ ಸೀರಿಯಸ್ ಆಗಿ ನಿರ್ಧಾರ ಕೈಗೊಂಡಿದ್ದೇನೆ.

6. ಒತ್ತಡ

ಮಾನಸಿಕ ಒತ್ತಡ ಎಲ್ಲರಿಗೆ ಬಂದೇ ಬರುತ್ತದೆ. ಇದರಿಂದ ಹೊರಬರಲು ಪ್ರಯತ್ನಿಸಬೇಕು. ಧ್ಯಾನ, ಸಂಗೀತವನ್ನು ಕೇಳುವುದು, ಬುಕ್ ಓದುವುದು ಹೀಗೆ ನಿಮ್ಮ ಮಾನಸಿಕ ಒತ್ತಡವನ್ನು ಕಡಿಮೆ ಮಾಡಿಕೊಳ್ಳಿ.

7. ನಿದ್ದೆ

ಈ ವರ್ಷ ನಿದ್ದೆಗೆ ಮೋಸ ಮಾಡಬೇಡಿ. ದಿನದಲ್ಲಿ 7-8 ಗಂಟೆ ನಿದ್ದೆ ಮಾಡಿ, ಆರೋಗ್ಯವನ್ನು ಹೆಚ್ಚಿಸಿಕೊಳ್ಳಿ.

8. ಪ್ರಯಾಣ

ಕೆಲಸದ ನಡುವೆ ಸ್ವಲ್ಪ ಬ್ರೇಕ್ ತೆಗೆದುಕೊಂಡು ಪ್ರಯಾಣ ಮಾಡುವುದು, ಸಾಹಸಿ ಕ್ರೀಡೆಗಳನ್ನು ಆಡುವುದು ಮಾಡಿ. ಇದರಿಂದ ನಿಮ್ಮ ಚಿಂತೆಗಳನ್ನು ಬದಿಗಿಟ್ಟು ಸಂತೋಷವನ್ನು ಅನುಭವಿಸಬಹುದು. ಒಟ್ಟಿನಲ್ಲಿ ಧನಾತ್ಮಕವಾಗಿ ಯೋಚಿಸಿ, ಕನಸ್ಸು ಕಾಣಿರಿ ಹಾಗೂ ಅದನ್ನು ಸಾಕಾರಗೊಳಿಸಲು ಪ್ರಯತ್ನಿಸಿ.