ಗ್ಯಾಸ್ಟ್ರಿಕ್ ಸಮಸ್ಯೆ ತಡೆಯಲು ಟಿಪ್ಸ್

ಡಯಟ್ ನಲ್ಲಿ ಸ್ವಲ್ಪ ಬದಲಾವಣೆಯಿರಲಿ

ಗ್ಯಾಸ್ಟ್ರಿಕ್ ಸಮಸ್ಯೆ ಇರುವವರು ಎಲೆಕೋಸು, ಈರುಳ್ಳಿ, ಹಾಲು, ಬೀನ್ಸ್, ಕಡಲೆ ಇವುಗಳನ್ನು ತಮ್ಮ ಆಹಾರಕ್ರಮದಲ್ಲಿ ಕಡಿಮೆ ಮಾಡುವುದು ಒಳ್ಳೆಯದು. ಗ್ಯಾಸ್ಟ್ರಿಕ್ ಸಮಸ್ಯೆ ಇಲ್ಲದವರು ಇದನ್ನು ತಿಂದರೆ ಗ್ಯಾಸ್ ಉತ್ಪತ್ತಿಯಾಗುವುದಿಲ್ಲ.

ಯಾವ ಆಹಾರ ತಿಂದರೆ ಗ್ಯಾಸ್ ಉತ್ಪತ್ತಿಯಾಗುತ್ತದೆ ಎಂದು ತಿಳಿಯಿರಿ

ಕೆಲವರಿಗೆ ಬೀನ್ಸ್ ತಿಂದರೆ ಗ್ಯಾಸ್ ಉತ್ಪತ್ತಿಯಾದರೆ ಮತ್ತೆ ಕೆಲವರಿಗೆ ಪಾಸ್ಟ್ ಫುಡ್ಸ್ ತಿಂದರೆ ಆಗುತ್ತದೆ. ಆದ್ದರಿಂದ ಗ್ಯಾಸ್ ಸಮಸ್ಯೆ ಉಂಟಾದಾಗ ಯಾವ ಆಹಾರ ನಿಮ್ಮಲ್ಲಿ ಈ ಸಮಸ್ಯೆ ಉಂಟು ಮಾಡುತ್ತದೆ ಎಂದು ತಿಳಿದುಕೊಂಡರೆ ಗ್ಯಾಸ್ ಸಮಸ್ಯೆ ಉಂಟಾಗದಂತೆ ತಡೆಯಬಹುದು.

ಗ್ಯಾಸ್ ಉತ್ಪತ್ತಿ ಮಾಡುವ ಆಹಾರವನ್ನು ದೂರ ಮಾಡಬೇಕೆಂದಿಲ್ಲ

ಗ್ಯಾಸ್ ಉತ್ಪತ್ತಿ ಮಾಡುವ ಆಹಾರಗಳು ಆರೋಗ್ಯಕರ ಗುಣವನ್ನೂ ಹೊಂದಿರುತ್ತದೆ. ಆದದ್ದರಿಂದ ಅಂತಹ ಪದಾರ್ಥಗಳನ್ನು ಮಿತಿಯಲ್ಲಿ ತಿಂದು, ನಾರಿನಂಶ ಅಧಿಕವಿರುವ ಆಹಾರಗಳನ್ನು ತಿಂದರೆ ಗ್ಯಾಸ್ ಸಮಸ್ಯೆ ಉಂಟಾಗುವುದಿಲ್ಲ.

ತಿನ್ನುವ ಸ್ಟೈಲ್ ನಲ್ಲಿ ಬದಲಾವಣೆ ಮಾಡಿ

ಕೆಲವರಿಗೆ ಬೇಗನೆ ತಿನ್ನುವ ಅಭ್ಯಾಸವಿರುತ್ತದೆ. ಮೆಲ್ಲನೆ ಜಗಿದು ತಿಂದರೆ ಆಹಾರ ಜೀರ್ಣಕ್ರಿಯೆಗೆ ಒಳ್ಳೆಯದು. ಊಟವನ್ನು ಸರಿಯಾದ ಸಮಯಕ್ಕೆ ಮಾಡುವುದು ಕೂಡ ಗ್ಯಾಸ್ ಉತ್ಪತ್ತಿಯನ್ನು ತಡೆಯಲು ಒಂದು ಮಾರ್ಗ.

ಮಿತಿ ಮೀರಿ ತಿನ್ನಬೇಡಿ

ಎಣ್ಣೆ ಪದಾರ್ಥಗಳನ್ನು ತಿನ್ನುವುದು, ಮತಿ ಮೀರಿ ಊಟ ಮಾಡುವುದು ಈ ರೀತಿಯ ಅಭ್ಯಾಸಗಳು ಹೊಟ್ಟೆ ಗ್ಯಾಸ್ ಉತ್ಪತ್ತಿ ಮಾಡಲು ಪ್ರಮುಖ ಕಾರಣಗಳಾಗಿವೆ.

ವ್ಯಾಯಾಮ

ಪ್ರತೀದಿನ ವ್ಯಾಯಾಮ ಮಾಡುವುದರಿಂದ ಹೊಟ್ಟೆಯಲ್ಲಿ ಅಧಿಕ ಗ್ಯಾಸ್ ಉಂಟಾಗುವುದನ್ನು ತಡೆಯಬಹುದು.

ಮಾನಸಿಕ ಒತ್ತಡ ಕಡಿಮೆ ಮಾಡುವುದು ಒಳ್ಳೆಯದು

ನೀವು ಗಮನಿಸಿ ನೋಡಿ, ಮಾನಸಿಕ ಒತ್ತಡ ಹೆಚ್ಚಾದರೆ ಹೊಟ್ಟೆಯಲ್ಲಿ ಗ್ಯಾಸ್ ಸಮಸ್ಯೆ ಉಂಟಾಗುವುದು. ಆದ್ದರಿಂದ ಮಾನಸಿಕ ಒತ್ತಡವನ್ನು ಕಡಿಮೆ ಮಾಡುವುದು ಒಟ್ಟು ಮೊತ್ತ ಆರೋಗ್ಯದ ದೃಷ್ಟಿಯಿಂದ ಒಳ್ಳೆಯದು.

ಬಿಗಿಯಾದ ಉಡುಪು ಧರಿಸಬೇಡಿ

ತುಂಬಾ ಬಿಗಿಯಾದ ಉಡುಪು ಧರಿಸುವುದಕ್ಕಿಂತ ಸ್ವಲ್ಪ ಸಡಿಲವಾದ ಡ್ರೆಸ್ ಧರಿಸಿದರೆ ಹೊಟ್ಟೆಯಲ್ಲಿ ಗ್ಯಾಸ್ ನ ಸಂಚಲನಕ್ಕೆ ಸಹಾಯವಾಗುವುದು.