ಆಹಾರದಲ್ಲಿ ಇರಲಿ ಮೊಳಕೆ ಕಾಳುಗಳ ಸತ್ವ!

Wellness

oi-Staff

By Super

| Updated: Friday, May 10, 2013, 16:38 [IST]

ಮೊಳಕೆ ಬರಿಸಿದ ಕಾಳುಗಳಲ್ಲಿ ಪೌಷ್ಟಿಕಾಂಶ ಅಧಿಕವಿರುತ್ತದೆ ಅನ್ನುವುದು ವೈಜ್ಞಾನಿಕವಾದ ಸತ್ಯವಾಗಿದೆ. ಕಾಳುಗಳನ್ನು ಹಾಗೇ ತಿನ್ನುವ ಬದಲು ಮೊಳಕೆ ಬರಿಸಿ ತಿನ್ನುವುದು ಒಳ್ಳೆಯದು. ಇದರಿಂದ ಹೆಚ್ಚಿನ ಆರೋಗ್ಯಕರ ಲಾಭ ಪಡೆಯಬಹುದು.

ಇಲ್ಲಿ ಮೊಳಕೆ ಬರಿಸಿದ ಕಾಳುಗಳ ಕೆಲವು ಪ್ರಮುಖ ಆರೋಗ್ಯಕರ ಗುಣಗಳ ಬಗ್ಗೆ ಇಲ್ಲಿ ಹೇಳಲಾಗಿದೆ ನೋಡಿ:

ಅಗತ್ಯವಾದ ಪೋಷಕಾಂಶಗಳು ಸಮೃದ್ಧವಾಗಿರುತ್ತದೆ: ಮೊಳಕೆ ಕಾಳುಗಳಲ್ಲಿ ಎ ಜೀವಸತ್ವ, ಸಿ ಜೀವಸತ್ವ, B1 ಜೀವಸತ್ವ, B6 ಜೀವಸತ್ವ ಮತ್ತು ವಿಟಾಮಿನ್ ಕೆ ಅಧಿಕವಾಗಿ ಇರುತ್ತದೆ. ಅಲ್ಲದೇ ಕಬ್ಬಿಣ, ರಂಜಕ (ರಾಸಾಯನಿಕ ಮೂಲವಸ್ತು), ಮ್ಯಾಗ್ನಿಷಿಯಂ, ಪೊಟಾಷ್ಯಿಯಂ, ಮ್ಯಾಂಗನೀಸ್ ಮತ್ತು ಕ್ಯಾಲ್ಸಿಯಂ ಖನಿಜಾಂಶಗಳನ್ನು ಹೇರಳವಾಗಿ ಹೊಂದಿದೆ. ಇವುಗಳ ಜೊತೆಗೆ ಕಾಳುಗಳು ನಾರಿನಂಶ, ಫೋಲೆಟ್ ಮತ್ತು ಒಮೆಗಾ -3 ಕೊಬ್ಬಿನಂಶವನ್ನು ಹೊಂದಿರುತ್ತದೆ.

ಕಿಣ್ವಗಳ (Enzymes) ಅತ್ಯುತ್ತಮ ಮೂಲ: ಮೊಳಕೆ ಬರಿಸಿದ ಕಾಳುಗಳು ಆರೋಗ್ಯಕರ ಮೈಕಟ್ಟನ್ನು ಹೊಂದಲು ಸಹಕಾರಿಯಾಗಿವೆ. ಆದರೆ ಆಹಾರ ಪದಾರ್ಥಗಳನ್ನು ಬೇಯಿಸಿದಾಗ ಕಿಣ್ವಗಳು ನಷ್ಟವಾಗುತ್ತವೆ. ಹಸಿ ಮೊಳಕೆ ಕಾಳುಗಳನ್ನು ಸಲಾಡ್ ಮಾಡಿ ತಿಂದರೆ ಹೆಚ್ಚು ಆರೋಗ್ಯಕರ.

ಪ್ರೊಟೀನ್: ಹೆಚ್ಚಿನ ಜನರು ಮೊಳಕೆಗಳಲ್ಲಿ ಪ್ರೊಟೀನ್ ಅಧಿಕವಾಗಿರುತ್ತದೆ ಎಂಬ ವಾಸ್ತವ ಅಂಶದ ಬಗ್ಗೆ ಅರಿವಿರುವುದಿಲ್ಲ. ಕಾಳುಗಳಲ್ಲಿ ಶೇ 35 ರಷ್ಟು ಹೆಚ್ಚಿನ ಪ್ರೊಟೀನ್ ಅಂಶವಿರುತ್ತದೆ. ನಿಮ್ಮ ಆಹಾರದಲ್ಲಿ ಮೊಳಕೆ ಕಾಳುಗಳನ್ನು ಸೇರಿಸುವುದರಿಂದ ನಿಮ್ಮ ದೇಹಕ್ಕೆ ಅಗತ್ಯವಾದ ಪ್ರೊಟೀನ್ ದೊರೆಯುತ್ತದೆ.

ಜೀರ್ಣಕ್ರಿಯೆ ಸುಲಭ: ನೀವು ಮೊಳಕೆ ವಸ್ತುಗಳನ್ನು ಇಷ್ಟಪಡಬಹುದಾದ ಇನ್ನೊಂದು ಪ್ರಮುಖ ಕಾರಣ. ಸುಲಲಿತವಾದ ಜೀರ್ಣಕ್ರಿಯೆ.

ತೂಕ ಇಳಿಕೆಗೆ ಒಳ್ಳೆಯದು: ಮೊಳಕೆ ಬರಿಸಿದ ಕಾಳುಗಳು ಹೆಚ್ಚಿನ ಪ್ರಮಾಣದ ನಾರಿನಂಶ ಹೊಂದಿದ್ದು ಕಡಿಮೆ ಕ್ಯಾಲೋರಿಯನ್ನು ಹೊಂದಿರುತ್ತವೆ. ಇದರಿಂದ ತೂಕ ಕಡಿಮೆ ಮಾಡಿಕೊಳ್ಳಲು ಅತ್ಯಂತ ಸಹಕಾರಿಯಾಗಿದೆ.

ಮೊಳಕೆ ಕಾಳುಗಳು ಕೇವಲ ಆರೋಗ್ಯಕ್ಕೆ ಒಳ್ಳೆಯದು ಮಾತ್ರವಲ್ಲ, ತಿನ್ನಲೂ ರುಚಿಕರವಾಗಿರುತ್ತದೆ ನೀವು ಸಲಾಡ್, ಸೂಪ್, ಪಾಸ್ತಾ ತಯಾರಿಸುವಾಗ ಮೊಳಕೆ ಬರಿಸಿದ ಬಳಸಿ ಮಾಡಿದರೆ ರುಚಿ ಹೆಚ್ಚು.