ಬಾಯಿ ಹುಣ್ಣಿಗೆ ಕಾರಣ ಮತ್ತು ಮನೆಮದ್ದು

ಬಾಯಿ ಕಚ್ಚುವುದರಿಂದ

ಕೆಲವೊಮ್ಮೆ ಗೊತ್ತಿಲ್ಲದೆಯೇ ಬಾಯಿಯನ್ನು ಕಚ್ಚುತ್ತೇವೆ. ಹೀಗೆ ಕಚ್ಚಿದಾಗ ಬಾಯಿಯ ಒಳ ಭಾಗದ ತ್ವಚೆಗೆ ಗಾಯವಾಗಿ ಬಾಯಿ ಹುಣ್ಣು ಉಂಟಾಗುವುದು.

ಖಾರದ ಆಹಾರಗಳನ್ನು ತಿನ್ನುವುದರಿಂದ

ಹೆಚ್ಚು ಖಾರವಿರುವ ಆಹಾರಗಳನ್ನು ತಿಂದರೆ ಬಾಯಿ ಹುಣ್ಣು ಉಂಟಾಗುವುದು. ಆಗಾಗ ಬಾಯಿ ಹುಣ್ಣಿನ ಸಮಸ್ಯೆ ಉಂಟಾಗುತ್ತಿದ್ದರೆ ಖಾರ ತಿನ್ನುವುದನ್ನು ಕಮ್ಮಿ ಮಾಡಿ.

ಬ್ರೆಷ್ ತಾಗಿದಾಗ

ಕೆಲವೊಮ್ಮೆ ಹಲ್ಲುಜ್ಜುವಾಗ ಬ್ರೆಷ್ ತಾಗಿ ಬಾಯಿಯ ಒಳ ತ್ವಚೆಗೆ ಗಾಯವಾಗಿ ಬಾಯಿ ಹುಣ್ಣು ಉಂಟಾಗುವುದು.

ಹರ್ಪೆಸ್(herpes)

ಹರ್ಪೆಸ್ ಅನ್ನುವುದು ಒಂದು ವೈರಲ್ ಸೋಂಕು. ಈ ಸೋಂಕು ಆದಾಗ ಕೂಡ ಬಾಯಿ ಹುಣ್ಣು ಉಂಟಾಗುವುದು.

ಬಿಸಿ-ಬಿಸಿಯಾದ ಆಹಾರ

ಹಬೆಯಾಡುತ್ತಿರುವ ಬಿಸಿ-ಬಿಸಿಯಾದ ಆಹಾರವನ್ನು ತಿಂದಾಗ ಕೆಲವರಿಗೆ ಬಾಯಿ ಹುಣ್ಣು ಉಂಟಾಗುವುದು.

ಮೌತ್ ವಾಶ್

ಕೆಲವೊಂದು ಕೆಮಿಕಲ್ ತ್ವಚೆ ಸಮಸ್ಯೆಯನ್ನು ಉಂಟು ಮಾಡುತ್ತದೆ. ಇದರಿಂದರಿಂದ ಬಾಯಿ ಹುಣ್ಣು ಉಂಟಾಗುವುದು. ಉದಾಹರಣೆಗೆ ಮೌತ್ ವಾಶ್ ನಲ್ಲಿ ಕೆಮಿಕಲ್ ತುಂಬಾ ಸ್ಟ್ರಾಂಗ್ ಆಗಿದ್ದರೆ ಬಾಯಿ ಹುಣ್ಣು ಉಂಟಾಗುವುದು.

ಧೂಮಪಾನ

ಧೂಮಪಾನಿಗಳಲ್ಲಿ ಸಾಮಾನ್ಯವಾಗಿ ಕಾಣಿಸುವ ಸಮಸ್ಯೆ ಇದಾಗಿದೆ. ಇದು ಆಗಾಗ ಕಂಡು ಬರುತ್ತಿದ್ದರೆ ಎಚ್ಚರ, ಏಕೆಂದರೆ ಬಾಯಿ ಕ್ಯಾನ್ಸರ್ ನ ಮೊದಲ ಹಂತ ಇದಾಗಿದೆ.

ಉಪ್ಪು ನೀರಿನಲ್ಲಿ ಬಾಯಿ ಮುಕ್ಕಳಿಸುವುದು

ಬಾಯಿ ಹುಣ್ಣು ಬಂದಾಗ ಉಪ್ಪು ನೀರಿನಲ್ಲಿ ಬಾಯಿಯನ್ನು ಮುಕ್ಕಳಿಸಿದರೆ ಸ್ವಲ್ಪ ಉರಿ ಅನಿಸಿದರೂ ಗಾಯ ಬೇಗನೆ ಗುಣಮುಖವಾಗುವುದು.

ಬಸಳೆ ಸೊಪ್ಪು

ತುಂಬಾ ಒಳ್ಳೆಯ ಮನೆ ಮದ್ದು ಇದು. ಬಾಯಿ ಹುಣ್ಣು ಬಂದಾಗ ಬಸಳೆ ಸೊಪ್ಪನ್ನು ಜಗಿದು ಉಗಿಯಿರಿ. ಇದರಿಂದ ಬಾಯಿ ಹುಣ್ಣು ಬೇಗನೆ ಕಡಿಮೆಯಾಗುವುದು.

ಎಳನೀರು

ಎಳನೀರು ಕುಡಿಯುವುದು ಬಾಯಿ ಹುಣ್ಣು ಕಡಿಮೆ ಮಾಡುವಲ್ಲಿ ಸಹಕಾರಿ. ಖಾರ ತಿಂದು ಬಾಯಿ ಹುಣ್ಣಾಗಿದ್ದರೆ ದಿನದಲ್ಲಿ 2 ಎಳನೀರು ಕುಡಿಯಿರಿ. ಬೇಗನೆ ಗುಣಮುಖವಾಗುವಿರಿ.