ಹೊಟ್ಟೆ ಉಬ್ಬುವಿಕೆಗೆ ಕಾರಣ ತಿಳಿದುಕೊಳ್ಳಿ

ಅಸಿಡಿಟಿ

ಅಸಿಡಿಟಿ ಶುರುವಾದರೆ ಹೊಟ್ಟೆ ಉಬ್ಬುವಿಕೆ ಕಂಡು ಬರುವುದು ಸಾಮಾನ್ಯ. ಅಸಿಡಿಟಿ ಬರಲು ಪ್ರಮುಖ ಕಾರಣವೆಂದರೆ ಸರಿಯಾದ ಸಮಯಕ್ಕೆ ಆಹಾರ ತಿನ್ನದಿರುವುದು, ಖಾರ, ಹುಳಿಯನ್ನು ಹೆಚ್ಚಾಗಿ ತಿನ್ನುವುದು. ಅಸಿಡಿಟಿಯನ್ನು ನಿರ್ಲಕ್ಷ್ಯ ಮಾಡಿದರೆ ಅಲ್ಸರ್ ಉಂಟಾಗಬಹುದು. ಆದ್ದರಿಂದ ಆರೋಗ್ಯಕರ ಆಹಾರವನ್ನು ಸರಿಯಾದ ಸಮಯಕ್ಕೆ ತಿನ್ನುವ ಅಭ್ಯಾಸ ಒಳ್ಳೆಯದು.

ಅಜೀರ್ಣ ಸಮಸ್ಯೆ

ಅಜೀರ್ಣ ಸಮಸ್ಯೆ ಉಂಟಾದರೆ ಹೊಟ್ಟೆನ ಉಬ್ಬುವುದು. ಆಗಾಗ ಮಲ ವಿಸರ್ಜನೆಗೆ ಹೋಗುವುದು, ಊಟ ಮಾಡಿದ ತಕ್ಷಣ ಮಲ ವಿಸರ್ಜನೆಗೆ ಹೋಗ ಬೇಕೆನಿಸುವುದು ಈ ರೀತಿಯ ಸಮಸ್ಯೆಯಿದ್ದರೆ ವೈದ್ಯರನ್ನು ಕಾಣುವುದು ಒಳ್ಳೆಯದು.

ಉದರದ ಕಾಯಿಲೆಗಳು

ಉದರದ ಕಾಯಿಲೆಗಳು ಬಂದರೆ ಮೊದಲು ಕಂಡು ಬರುವ ಲಕ್ಷಣವೆಂದರೆ ಹೊಟ್ಟೆ ಉಬ್ಬುವ ಸಮಸ್ಯೆ. ಗೋಧಿ, ಮತ್ತಿತರ ಧಾನ್ಯಗಳನ್ನು ತಿಂದಾಗ ಹೊಟ್ಟೆ ಉಬ್ಬುವ ಸಮಸ್ಯೆ ಕಂಡು ಬಂದರೆ ಉದರದ ಸಮಸ್ಯೆಯಿಂದ ಇರಬಹುದು.

ಮಲಬದ್ಧತೆ

ನಾರಿನಂಶ ಇರುವ ಆಹಾರವನ್ನು ಕಮ್ಮಿ ತಿನ್ನುವುದರಿಂದ, ನೀರನ್ನು ಮಿತವಾಗಿ ಕುಡಿಯುವುದರಿಂದ ಮಲಬದ್ಧತೆ ಸಮಸ್ಯೆ ಕಾಡುವುದು. ಆಗ ಕೂಡ ಹೊಟ್ಟೆ ಉಬ್ಬಿ ತುಂಬಾ ಹೊತ್ತು ಕೂರಲು ಸಂಕಟವಾಗುತ್ತದೆ. ಮಲದ್ಧತೆ ಸಮಸ್ಯೆ ಕಂಡು ಬಂದರೆ ಸಾಕಷ್ಟು ನೀರು ಕುಡಿಯಿರಿ, ಬಾಳೆ ಹಣ್ಣು, ಕಿತ್ತಳೆ, ಮೂಸಂಬಿ ಹೀಗೆ ನಾರಿನಂಶ ಅಧಿಕವಿರುವ ಆಹಾರಗಳನ್ನು ತಿನ್ನುವುದರಿಂದ ಮಲವಿಸರ್ಜನೆ ಸರಿಯಾಗಿ ಆಗುವಂತೆ ಮಾಡಬಹುದು.

ಹಾರ್ಮೋನ್ ಗಳಲ್ಲಿ ಬದಲಾವಣೆ

ಹಾರ್ಮೋನ್ ಗಳಲ್ಲಿ ಬದಲಾವಣೆ ಉಂಟಾದರೆ ಕೂಡ ಈ ರೀತಿಯ ಸಮಸ್ಯೆ ಕಂಡು ಬರುತ್ತದೆ.